Забава
Брачна двојка од Тенеси пријави дека е добитник на рекордниот џекпот
Брачна двојка од американската сојузна држава Тенеси, по проверката, објави во петокот на телевизијата во Њујорк дека купила една од трите добитнички лоза на американската лотарија Powerball, со што им припаѓа третина од рекордниот џекпот во вкупен износ од приближно 1,6 милијарди долари.
Сопружниците Џон и Лиза Робинсон живеат во Манфорд, гратче во Тенеси, каде што е продаден еден од трите тикети кои ја освоија главната награда од 1,58 милијарди долари. По уште една проверка, ќе добијат 538,8 милиони долари, пред данокот, во рати следните 29 години или 337 милиони долари, доколку се решат наградата да ја подигнат наеднаш.
Џон работи во сферата на информатичката технологија, а Лиза кај дерматолог, а и покрај астрономската добивка на лотаријата, тврдат дека уште извесно време сакаат да продолжат да работат и дека не сакаат да се преселат, пренесе телевизиската мрежа NBC, откако во канцеларијата на лотаријата во градот Нешвил ја потврдиле веродостојноста на тикетот.
Џон го купил ливчето за лотаријата Powrball во средата навечер во продавница недалеку од нивниот дом, неколку часа пред извлекувањето, на совет од сопругата. „Се враќав од работа, ме повика и ми кажа ’ќе навратиш ли да купиш тикет?“, рече покажувајќи го лозот. „Навистина немав намера, но помислив – добро, ќе купам“.
Купил четири лозови, по еден за себе и за сопругата, како и за ќерката и синот коишто живеат недалеку од нив. „Се вратив дома, не се чувствува добро, ѝ ги дадов ливчињата и реков дека ќе легнам“.
Кога Лиза ги слушнала бројките на телевизија, ги запишала, трипати ги проверила и го разбудила врескајќи и трчајќи по куќата. Тој уште четири пати ги проверувал бројките. Тврди дека ги проверувал и следното утро, кога било објавено дека добитен тикет е продаден токму во нивниот град со пет илјади жители, североисточно од Мемфис. „Се престрашив, бидејќи не знаев што да правам“, рече Џон.
Робинсонови во меѓувремено ангажирале адвокат, а планираат да ангажираат и финансиски советник, како што им препорачува лотаријата на добитниците. „А сега ќе се грижам, бидејќи сите знаат“, рече. Адвокатот му советувал да одат на телевизија, бидејќи јавноста сака да знае кои се добитниците, и како би можеле да ја задржат контролата над приказната. Сé уште не решиле што ќе сторат со парите.
Сопственикот на продавницата „Naifeh’s“ во којашто е купен лозот, добил од лотаријата 25.000 долари, бидејќи го продал ливчето со добивката. Другите два добитни лоза се купени во сојузните држави Флорида и Калифорнија. Досега не е познато кои се другите двајца добитници, а можат да се јават анонимно или јавно, во зависност од државата затоа што некои сојузни прописи го задолжуваат добитникот да се идентификува во јавноста, во рок од шест месеци.
Рекордниот во историјата на лотаријата Powerball џекпот беше извлечен во средата. Според условите на играта на среќа, добитник е оној кој ќе ги погоди бројките на петте бели и на едното дополнително црвено, коешто е и наречено Powerball. Шансите за добивка изнесуваат 1 наспроти 292 милиони. Според правилата, победникот може да ја добива сумата целосно на 29 годишни рати, или да ја подигне веднаш. Во тој случај сумата речиси е двојно помала, несметајќи ги даноците кои се разликуваат од држава до држава.
Лотаријата Powerball се приредува во 44 сојузни држава, федералниот округ Колумбија, на американските Девствени острови и во Порторико. Цената на лозот изнесува 2 долара, а вкупниот приход од нивната продажба достигнува неколку милијарди долари.
Претходниот рекорден џекпот во историјата на САД изнесуваше 656 милини долари и беше извлечен во рамките на другата популарна американска лотарија Mega Millions. Тогаш, исто така, добитни беа три лоза чии сопственици ја поделија сумата. Досегашниот рекорден џекпот на Powеrball во износ од 590,5 милиони долари се падна во 2013 година, а среќник беше жител на Флорида./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Меган Трејнор (32) објасни зошто нејзиното трето дете е родено од сурогат мајка
Пејачката Меган Трејнор и нејзиниот сопруг Дарил Сабара го пречекаа своето трето дете, ќерка родена преку сурогат мајка. 32-годишната музичарка објави на Инстаграм дека нивната ќерка, Мајки Мун, е родена на 18 јануари и ѝ се заблагодари на „неверојатната супержена“.
„Засекогаш сме благодарни на сите лекари, медицински сестри и тимови кои го овозможија овој сон“, напиша Трејнор во објавата. Таа рече дека имале „безброј разговори со лекари“ и дека сурогат мајчинството е „најбезбедниот начин“ да продолжат да го прошируваат своето семејство.
„Толку сме среќни и вљубени во ова драгоцено девојче. Рајли и Бери беа толку возбудени што дури и го избраа нејзиното средно име“, додаде пејачката. „Сега ќе уживаме со семејството, ве сакаме сите.“
Објавата вклучуваше серија фотографии од новороденчето.
Иако објавата доби многу честитки, таа се соочи и со неочекувани критики. Едно лице на X напиша: „Овие фотографии од кожа на кожа се толку лажни. Ако не сте го носеле бебето, тоа не е вашето бебе. Жал ми е, но не можете да ме убедите во спротивното.“
Други ја критикуваа практиката на сурогат мајчинство меѓу богатите. „Едноставно има нешто толку зафркнато во тоа како богатите луѓе (бидејќи всушност е достапно само за нив) можат да ги изнајмуваат телата на луѓе од средната и пониската класа“, напиша еден од корнисниците на X.
Многумина застанаа во одбрана на пејачката и нејзиното семејство. „Каква одвратна работа да се каже. Бебињата имаат корист од контакт кожа на кожа без разлика кој ги родил. Фокусирајте се помалку на тоа да бидете толку омразени кон другите“, одговори еден корисник.
фото/депозитфотос
Забава
(Видео) Никол Шерцингер супер секси во бикини на Малдивите
Од почетокот на новата година, пејачката Никол Шерцингер ги воодушевува милионите обожаватели од Малдивите, кои не ја кријат својата среќа поради нејзините провокативни објави на социјалните мрежи, врз основа на кои лесно може да се заклучи дека оваа жена никогаш нема да остари.
Една од најубавите жени на светот нè убеди во оваа заслужена титула по којзнае кој пат, и се чини дека секоја година станува сè поубава и позатегната.
На фотографиите, таа го покажа речиси секој дел од своето зачудувачко, извајано тело, поради што секогаш е „погодена“ од комплименти, а сонцето, морето и песокот се нејзина природна средина уште од раѓањето на Хаваи.
Никол ги почасти своите обожаватели со бројни слики и видеа кои ги тераат да воздивнуваат во различни бикини за кои веќе знаеме дека се создадени за неа.
Нејзиниот партнер исто така привлекува не помалку внимание, бидејќи и самиот беше во бело и не можете да ги пропуштите неговите дефинирани стомачни мускули…
Забава
Четири златни правила за обоена коса – ако сакате да биде убава и здрава
Многу луѓе прават грешки уште од самиот почеток кога станува збор за миење и стилизирање на обоена коса, но добрата вест е дека овие грешки лесно може да се исправат.
Ако имате обоена коса, тогаш знаете дека е потребна посебна грижа за бојата да остане трајна, сјајна и свежа што е можно подолго. По боењето, стеблото на влакното е почувствително бидејќи пигментот е вештачки внесен во нејзината структура, па затоа правилната рутина е клучна за зачувување на бојата. Еве на што треба да внимавате!
Да имате обоена и здрава коса не е невозможно. Само треба да обрнете внимание на соодветна грижа што ќе ги задоволи потребите на одреден тип коса. Покрај тоа, постојат мали трикови кои не се поврзани со производите во рутината, туку со начинот на кој се грижите за неа.
Од миење до сушење и стилизирање на косата, многу луѓе прават грешки уште од самиот почеток, но добрата вест е дека овие грешки лесно може да се исправат. Со правилно одржување, бојата на косата може да остане трајна, сјајна и негувана многу подолго, а еве како.
Трикови за одржување на обоена коса: 4 најдобри совети
Доколку сакате премногу често да го одложувате одењето на фризер, подолу се дадени неколку златни правила кои, доколку се следат, ќе ви помогнат да ја одржите бојата и сјајот на косата.
Миење на косата со млака вода
Топлата вода ја отвора кутикулата, што го олеснува излегувањето на пигментот од косата, предизвикувајќи косата побрзо да ја изгуби бојата и сјајот. Од друга страна, млаката или ладната вода ја затвора кутикулата, што значи дека бојата останува „заклучена“ во косата, што изгледа посјајно и помазно. Дополнителен трик е да ја исплакнете косата со ладна вода околу 30 секунди на крајот од миењето на косата, што помага во одржувањето на бојата и сјајот.
Користете шампон без сулфати
Сулфатите се хемикалии без кои вашата коса сигурно може да живее, бидејќи не само што можат да предизвикаат бројни иритации, туку се и многу лоши за обоената коса. Шампоните што содржат сулфати ќе ја отстранат бојата од вашата коса многу побрзо од оние без неа. Ако вашиот шампон без сулфати не се пени толку добро како што сте навикнати, не грижете се, сулфатот е тој што ја создава пената, но вашата коса сепак ќе биде исто толку чиста и без него.
Не ја мијте косата премногу често
Пречестото миење на косата може да ја лиши вашата коса од нејзините природни масла, што може да предизвика сувост и прекумерно кршење. Миењето на косата еднаш или двапати неделно е идеално за одржување на бојата и здравјето на вашата коса.
Избегнувајте топли алатки
Стилизирањето на косата со топли алатки може дополнително да ја оштети обоената коса. Обидете се да избегнувате алатки како фен за коса, пегли за рамно перење и виткање коса колку што е можно повеќе, бидејќи тие исто така ќе ја направат вашата коса побрзо да бледнее. Сепак, ако не можете целосно да се откажете од нив, сведете ја нивната употреба на минимум и не заборавајте на производите за заштита од топлина.
(Видео) Филипче: Илјада токсични наслови – докази за организиран линч врз мене и СДСМ
Претседателот на Социјалдемократски сојуз на Македонија, Венко Филипче, денеска на прес-конференција истакна дека против него и СДСМ се води координирана...
Од денес извод на родени, починати, венчани или потврда за слободна брачна состојба се вадат со неколку клика
За извод од матична книга на родени, починати, венчани или потврда за слободна брачна состојба граѓаните од денес не мораат...
Групација за производство на цигари: Предложениот закон за заштита од пушење сериозно ќе загрози значајни сегменти од индустријата, бизнис секторот и економијата
Групацијата за производство на цигари, која е дел од Здружението на производители на тутун и производи од тутун во рамките...
Ова се земјите што дојдоа да го формираат Одборот за мир на Трамп
Претседателот на САД, Доналд Трамп, го претстави својот Одбор за мир. На церемонијата присуствуваа помалку од 20 земји, а меѓу...
РКЕ најави паметни броила – граѓаните од телефон ќе може да ја следат потрошувачката на струја
Задолжително тестирање на критичната инфраструктура, воведување на сет на меѓународни безбедносни правила, секоја енергетска компанија да подготвува одделен буџет во...
Деспотовски: Доста ни е од лагите на сегашното раководство на СДСМ, барам јавно извинување
Јован Деспотовски побара јавно озвинување од СДСМ за упатените навреди кон него и вели дека единствен одговорен за незадоволство помеѓу...
„Кога Венко на нареден прес ќе ја менува Богданка, добро е да одговори зошто би го рушеле преку Шилегов“, прашува ВМРО-ДПМНЕ
„Околу внатрешните проблеми на СДС, кланот Дубаи, Венко и Заев, ВМРО-ДПМНЕ нема да се меша. Но, бидејќи СДС и Венко...
Руте: Не разговарав со Трамп дали Гренланд ќе остане под Данска
Генералниот секретар на НАТО, Марк Руте, доцна синоќа изјави дека на состанокот со Доналд Трамп не било разговарано дали Гренланд...
(Видео) Републиканците бараат да им се суди на Бил и Хилари Клинтон за нивната поврзаност со Епштајн
Републиканскиот комитет на Претставничкиот дом на САД препорача поранешниот претседател Бил Клинтон и поранешната државна секретарка Хилари Клинтон да се...
Вучиќ: Отсега па натаму, историјата ќе се пишува поинаку
Претседателот на Србија, Александар Вучиќ вчера, на маргините на Светскиот економски форум во Давос, Швајцарија, изјави дека е сигурно дека...
Откриено е што може да добие Трамп на Гренланд
Американскиот претседател Доналд Трамп вчера објави дека постигнал рамковен договор со НАТО „во врска со Гренланд“, а според „Њујорк тајмс“,...
(Видео) Путин пресмета колку ќе чини Гренланд
Рускиот претседател Владимир Путин се обиде да ја дистанцира Москва од дебатата за Гренланд. „Што ќе се случи со Гренланд...
Снег со слаб интензитет провејува во Струмица, Крушево и Ѓавато кој не се задржува на коловозот
АМСМ информира дека сите државни патишта се проодни и безбедни за сообраќај. Сообраќајот се одвива непречено, но поради врнежите од...
(Видео) Ѓорѓиевски: Додека градот спие, ние сме будни, грижата за граѓаните не познава пауза
Заедно со дежурната зимска служба на Град Скопје, во текот на целата ноќ сме на терен, на улиците и булеварите...
Трамп објави договор со НАТО за Гренланд и ги одложи царините за Европа
Претседателот на САД, Доналд Трамп, објави дека по состанокот со генералниот секретар на НАТО, Марк Руте, е формирана рамка за...
Мицкоски на средба со сопственикот на компанијата „Фор-ај-џи“, ќе се инвестираат 100 милиони евра во развој на третиот мобилен оператор во Македонија
Премиерот, Христијан Мицкоски, во рамки на форумот во Даовс се сретна со сопственикот на компанијата „Фор-ај-џи (4iG)“, која ќе инвестира...
(Видео) Филипче: Нема да го поддржиме законот за „Безбеден град“
Ние сме конструктивна опозиција, но не сме контролирана опозиција, посочи претседателот на СДСМ, Венко Филипче, во одговор на новинарско прашање,...
Минчев најави реформа во администрацијата: Нема доживотни функции, нема недопирливи
Министерството за јавна администрација денес ја започна јавната дискусија по нацрт-верзијата на Законот за високи раководители во органите на државната...
(Видео) Ѓорѓиевски: Скопје чисто и проодно, фрлени се 300 тони сол
Градоначалникот на Град Скопје, Орце Ѓорѓиевски, објави видео од чисти улици и кажа дека се фрлени 300 тони сол. „Скопје,...
Со новиот закон ќе биде забрането пушењето цигари пред игротеки и на места каде што се чека во редица за билети
Со новиот предлог-закон за заштита од пушењето е предвидено регулирање на пушењето на отворени јавни простори каде има присуство или...
