Контакт

Забава

Дрогата, алкохолот, насилството или друга жена можни причини за разводот на Џоли и Пит

Објавено пред

Точните причини за разводот на една од најпознатите холивудски двојки, Анџелина Џоли и Бред Пит официјално сѐ уште не се познати, иако по објавувањето на веста за разводот се појавија бројни шпекулации зошто Џоли решила да поднесе барање за развод.

Досега за разводот официјална изјава даде само Бред Пит, додека Анџелина Џоли се уште се нема огласено. Нејзината одлука ја објави нејзиниот адвокат Роберт Офер кој изјави дека одлуката е донесена поради здравјето на семејството. „Таа нема да коментира и бара овојпат да се почитува приватноста на семејството“, изјави адвокатот, а Џоли во барањето како причина ги навела „непомирливите разлики“.Бред Пит изјави дека е многу тажен поради барањето на Џоли. „Тоа многу ме растажи, но она што сега е најважно е доброто на нашите деца. Ги молам медиумите да ги остават на мир во овој тежок период“, изјави Пит.Сите други информации објавени во медиумите за причините за разводот се на ниво на шпекулации, без официјална потврда. Според одредени медиуми актерката побарала развод бидејќи и дошло „преку глава“ од однесувањето на Пит, консумацијата на марихуана и алкохол во комбинација со бесот. Извор близок на актерот тврди дека актерот е бесен бидејќи со тоа што го направила Анџелина ги ставила нивните деца во центарот на вниманието. Лут бил бидејќи измислувала приказни за него дека е потенцијален ризик за децата и наводно рекол дека Џоли ја отворила вратата на пеколот за нивното семејство со овој чин. Ги направила мета на папараци кои во голем број се наоѓаат пред нивната куќа.Други извори, пак, тврдат дека причината за разводот е тоа што Џоли најмила приватен детектив и дознала дека Пит ја изневерува со фанцуската актерка, Мерион Котиар, со која го снимаше филмот “Allied”.Како што пишуваат медиумите, Анџелина била толку љубоморна на Котиар, што воопшто не разговарала со нејзе кога одела на сетовите на филмот. „Анџелина ја игнорираше потполно Мерион на сетот, а кога таа се обиде да и се обрати, Џоли ја заврте главата на другата страна“, изјавил извор кој тврди дека немало ништо меѓу Пит и француската актерка. Таа е во врска со друг актер и по дознавањето на гласините дека двојката се развела заради нејзе, била потполно скршена. Извори блиски на двојката тврдат дека Анџелина и Бред не можеле да бидат веќе знаедно бидејќи нивните животи отишле во различни правци. Џоли сакала да биде хуманитарка, а Пит продолжил со холивудскиот начин на живот. Некои медиуми пишуваат дури и дека причина за нивниот развод е различниот начин на воспитување на децата. Пит бил строг родител и сакал неговите деца да почитуваат одредени правила, додека Џоли ниогаш не повишувала тон на нивните шест деца. Таткото на Анџелина Џоли изјавил дека нешто се случува со неговата ќерка . „Многу сум тажен. Нешто сериозно се случило со Анџелина, штом се одлучила на ваков чекор. Не знам за што се работи, загрижен сум за нејзе и децата. Се надевам дека наскоро ќе ги видам“, изјавил седумдесет и седумгодишниот актер Џон Војт.Со овој развод, поранешната жена на Бред Пит, Џенифер Анистон, по 12 години конечно дочека да рече „Тоа ти е карма“. Токму додека Бред Пит беше во брак со нејзе, ја започна врската со Анџелина Џоли, но сепак нејзините пријатели тврдат дека таа не ликува на разводот, туку жали за тоа што им се случило.Адвокатите претпоставуваат дека двојката има потпишано предбрачен договор, а прашањето сега е како ќе го делат богатството.Од моментот кога почнале да се забавуваат од 2004 година, двојката има заработено повеќе од пола милијарди долари пред оданочувањето, пишува Форбс.Адвокатот Џослин Дејвис вели дека Џоли би можела да се настрви на продукциската куќа на Пит „План Б“, чиј сопственик стана Бред Пит по разводот со актерката Џенифер Анистон во 2001 година, а заедничкиот бизнис со производство на вино на францускиот имот „Chateau Miraval“, вреден 40 милиони долари нема да се дели. Што се однесува на старателството над децата, над кое инсистира Анџелина, пресудата најверојатно ќе биде во нејзина полза, со алиментација. Личното богатство на Бред Пит се проценува на 240 милиони долари, додека богатството на Анџелина Џоли на 80 милиони долари помалку. /крај/ффс



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Меси се закити со уште една „Златна топка“, сопругата Антонела го привлече вниманието

Објавено пред

Аргентинецот Лионел Меси на доделувањето на „Златната топка“ дојде во придружба на семејството, кое ретко може да се види во јавноста.

Неговата сопруга Антонела се појави во златен фустан, кој ја откри тетоважата круна на десната рака. Со нив беа трите сина, кои ја воодушевија публиката, облечени во исти сакоа како нивниот славен татко.

Фотографии на семејството од синоќешната церемонија во Париз бргу ги преплавија социјалните мрежи. „Тие се облечени така што на сите им е јасно кој ќе ја освои ‘Златната топка’“, твитнаа фановите.

„Кралот Меси и кралицата Антонела“, напишаа други споделувајќи фотографија од синоќешната церемонија.

Повеќето коментари беа за поубавата половина на Меси, која се чини дека беше ѕвезда на вечерта.

„Видете ја Антонела! Таа не е облечена како некој што ќе биде втор… таа дојде за да победи“.

Антонела и Меси се запознале кога тој имал само пет години и наводно се забавувале во средно училиште. Се шпекулира дека на девет години Лео сакал таа да му стане сопруга и често ѝ пишувал љубовни писма.

Антонела студирала стоматологија, но прекинала за да се запише на студии за комуникација. На крајот се откажала од тоа и станала модел. Ретко се појавува во јавност и постојано одбива интервјуа. Таа не е активна на „Фејсбук“ и на „Твитер“, а на „Инстаграм“ повремено објавува фотографии со сопругот и синовите.

Првиот син Тијаго го добија во 2012 година, а Матео се роди три години подоцна. Во 2018 година го добија и третиот син Чиро. Се венчаа во 2017 година во родното Росарио, Аргентина, далеку од очите на јавноста.

Лионел Меси синоќа седми пат беше прогласен за најдобар фудбалер на светот.

Прикажи повеќе...

Забава

Ридли Скот возврати на критиките на семејството Гучи

Објавено пред

Со еден од најелегантните ансамбли на модерното време – Лејди Гага, Џаред Лето, Адам Драјвер, Ал Пачино, Џереми Ајронс, Салма Хајек и Џек Хјустон – оваа драматизација на убиството на Маврицио Гучи секако ги поларизира публиката и критичарите и наиде на остра осуда од семејството Гучи.

Патриција Гучи, една од вторите братучетки на Маврицио, тврдеше дека филмот House of Gucci не е верен – иако режисерот Ридли Скот соработувал со познатата модна куќа додека го снимал филмот.

„Се обидов да искажам што е можно поголема почит кон фактите,“ рече тој во интервју за „Тотал филм“.

„Приказната на смешен начин е, всушност, сатира. И затоа сатирата е отмен начин да се каже дека е комедија. И мислам дека има доста комични елементи. Секако во првите два чина“, додаде тој.

Минатата недела во програмата „Тудеј“ на Би-би-си радио 4“ режисерот разговараше за новиот филм во кој Лејди Гага ја глуми жената осудена за организирање на убиството на својот поранешен сопруг и поранешен шеф на модната куќа „Гучи“.

Братучетка на убиениот Маврицио посочи дека филмот го краде идентитетот на едно семејство за да оствари профит за да го зголеми приходот на холивудскиот систем.

Одговарајќи на нејзините коментари, легендарниот режисер рече: „Јас не се занимавам со тоа. Мора да запомните дека еден Гучи беше убиен, а друг отиде во затвор поради затајување данок, така што не можете да ми зборувате за остварување профит. Штом го направивте тоа, станувате дел од јавниот домен“.

А што се однесува на забелешките дека физичкиот изглед на Ал Пачино нема ништо заедничко со Алдо Гучи, режисерот одговори: „Искрено, како би можеле подобро да бидат претставени од Ал Пачино? Извинете! Веројатно ги имате најдобрите актери на светот, треба да имате толку среќа“.

Прикажи повеќе...

Забава

Член на семејството Гучи го критикува кастингот на „Куќата Гучи“

Објавено пред

Внуката на Алдо Гучи го критикува изборот на актери за крими-драмата „Куќата Гучи“, односно, како што рече, ужасниот кастинг на филмот на Ридли Скот бидејќи актерите воопшто не личат на нејзините роднини.

Патриција Гучи, втора братучетка на покојниот Маврицио, тврди дека е навредена од начинот на кој нејзиното семејство е претставено во филмот и остро го критикува „дебелиот и грд“ приказ на нејзиниот дедо Алдо од страна на актерот Ал Пачино.

Медиумите пренесоа нејзина поранешна изјава откако наследниците на модната династија навестија дека ќе преземат правно дејство поради искривување на вистината за нивните предци.

Патриција во едно интервју за „Асошиетед прес“ изјави дека е вџашена од тоа како е претставен Алдо, кого во филмот го глуми Ал Пачино.

„Мојот дедо беше многу убав човек, како и сите Гучи, и многу висок, со сини очи и многу елегантен. Него го глуми Ал Пачино, кој не е многу висок, а на сите фотографии е дебел, низок, со зулуфи, навистина грд. Срамота бидејќи тој воопшто не личи на него“.

Филмот, во кој главните улоги ги толкуваат Лејди Гага и Адам Драјвер, е заснован на вистинита сторија – убиството на Маврицио и судењето на неговата поранешна сопруга – опишано во книгата „Гучи: Сензационална приказна за убиство, лудило, гламур и алчност“. Патриција Реџани, ликот што го толкува Лејди Гага, е во центарот на експлозивната приказна. Таа издржа 16 години затвор поради организирање на убиството.

Но, братучетката на Маврицио е загрижена дека филмот оди подалеку од вистинската крими-приказна која ги полнеше насловните страници и дека влегува во нивниот приватен живот.

„Навистина сме разочарани. Зборувам во име на семејството“, рече таа.

„Го крадат идентитетот на едно семејство за да заработат, за да го зголемат приходот на холивудскиот систем… Нашето семејство има идентитет, приватност. Можеме да зборуваме за сѐ. Но, постои граница што не може да се помине“.

Прикажи повеќе...

Најново

Македонија9 часа

Парична награда за матичните лекари ако имаат 70% вакцинирани пациенти

Во насока на стимулација на интересот за вакцинација за заштита од Ковид-19 и за спречување на ширењето на пандемијата, Владата...

Македонија10 часа

Пријава за напад во МНТ – блокирани улици во центарот на Скопје

Министерството за внатрешни работи не кажува дали има дојава за бомба во Македонскиот народен театар, но потврдуваат дека полицајци се...

Регион11 час

Убиство во Сплит: Вработена во продавница убиена со нож, напаѓачот уапсен

Маж нападнал жена со нож додека таа била на своето работно место во продавница во Сплит. Жената починала во болница,...

Свет11 час

Тедрос: Мерките не се неопходни, неправедно се казнуваат африканските земји

Шефот на СЗО, Тедрос Аданом Гебрејесус, изрази загриженост дека некои земји воведуваат општи ограничувања против ширењето на варијантата на коронавирус...

Македонија13 часа

Уште 43 Авганистанци си заминаа од Македонија

Нова група од 43 авганистански граѓани замина од Македонија откако за нив беше подготвена потребната документација за влез во трета...

Македонија14 часа

460 нови случаи на Кoвид-19 и вкупно 12 починати

Министерството за здравство информира дека во последните 24 часа направени се 2.424 тестирања, а регистрирани се 460 нови случаи на...

Топ14 часа

Родители од Скопје го принудувале детето да дава сексуални услуги

По претходно донесена наредба за истрага од страна на Јавното обвинителство за гонење организиран криминал и корупција, на 29 ноември...

Македонија15 часа

Бугарската министерка Комитова: Патот „Струма“ има недостатоци, но тие не се причина за пожарот во автобусот

Заштитната ограда во која удри автобусот е според стандардите што важеле во 2002 година кога се реконструирал патот, а денеска...

Европа17 часа

ЕМА: Вакцини против омикрон може да се одобрат за три месеци

Европскиот медицински регулатор денеска објави дека може да одобри вакцини приспособени за заштита од омикрон-варијантата на коронавирусот за три до...

Европа17 часа

(Видео) Австрискиот државен врв затекнат на журка, без маски, најавени кривични пријави

Партијата на слободата на Австрија (ФПО) поднесе жалба против австрискиот канцелар, како и други политичари, за забава по учеството во...

Регион17 часа

Грција со казни за невакцинираните, 100 евра ќе платат повозрасните што не примиле ниту една доза

Грција денеска соопшти дека со 100 евра ќе ги казни лицата на возраст од 60 години, како и постарите што...

Европа18 часа

Блинкен: Потребно е поголемо присуство на ЕУ и САД на Балканот

Австрискиот министер за надворешни работи, Мајкл Линхарт, и министерот за надворешни работи на САД, Антони Блинкен, сметаат дека е потребно...

Македонија1 ден

Повреден возач кога македонски камион се превртел на автопат во Хрватска

Камион со платформа за превоз на други возила се превртел на 130-тиот километар од јужната страна на автопатот А3 Брегана...

Македонија1 ден

Сопственикот на „Беса транс“: Си велам зошто не бев и јас во автобусот

Сопственикот на туристичката агенција „Беса транс“, Беким Хаџиу, првпат по стравотната несреќа на автопатот „Струма“ во Бугарија, во интервју за...

Македонија1 ден

Заев – Гаши: Постигната начелна согласност за можна соработка, во тек се консултации за кадровски решенија

Претседателот на Владата на Република Северна Македонија, Зоран Заев, и претседателот на политичката партија Алтернатива, Африм Гаши, имаа работна средба...

Македонија2 дена

22 починати и 118 нови случаи на Ковид-19

Министерството за здравство информира, согласно податоците од Институтот за јавно здравје,дека во последните 24 часа: Направени се 1.245 тестирања, а...

Македонија2 дена

Филипче: Нема потреба од рестрикции поради новиот сој

Минитестерот за здравство, Венко Филипче, смета дека нема потреба од рестрикции поради појавата на новиот сој омикрон. Вели дека епидемиолошката...

Македонија2 дена

Гаши: Не е одговорно да бараме од СДСМ кој ќе биде мандатар

За нас е битно да се договориме кој е концептот, а не да ги принудуваме политичките партии на решенија, вели...

Европа2 дена

Владимир Гушчин: Постојните вакцини штитат и од сојот омикрон

Постоечките вакцини против коронавирус ќе обезбедат заштита од потешки форми на Ковид-19, како што е и новиот сој омикрон, изјави...

Македонија2 дена

Бурим Сејдини реизбран за претседател на Управен суд

На денешната седница Судскиот совет го избра судијата Бурим Сејдини за претседател на Управен суд. Во соопштението за седницата се...

Досие