Естрада
Џони Деп се разведе од Амбер Херд, ќе ѝ плати седум милион долари

Бурното разведување меѓу холивудската ѕвезда Џони Деп и актерката Амбер Херд заврши во петокот со договор според кој Деп на својата поранешна сопруга ќе ѝ исплати седум милиони американски долари.
Со тоа заврши уште еден медиумски извонредно следен развод во Холивуд на две познати ѕвезди, по обвинувањата на Херд за Деп за наводно семејно насилство и неговите противобвинувања за финансиско уценување.
Херд побара развод во мај минатата година, по 15 месеци брак, и веднаш потоа доби привремена судска заштита од Деп. Во барањето за развод го обвини Деп за насилство во врската, кое кулминирало во мај, кога познатиот атер наводно фрлил мобилен телефон во лицето и скршил неколку предмети во нејзиниот стан.
Адвокатот на Депк ги отфрли обвинувањата тврдејќи дека Херд се обидува преку лажни обвинувања финансиски да профитира.
Во рамките на спогодбата за разводот, Херд се откажала од барањето за постојана судска заштита до Деп и ја повлече тужбата која ја подигна против неговиот пријател, комичарот Даг Стенхоуп бидејќи објави напис во кој ја обвини за уцени и манипулации во текот на бракоразводната парница.
Документите за разводот кои ги имал на увид таблоид порталот TMZ покажуваат дека Деп ќе ја задржи сопственоста над бројните недвижнини, вклучително и оние во Лос Анџелес и во Париз, како и својот приватен остров на Бахами. Исто така, во негова сопственост ќе остане и збирката од повеќе од 40 возила, во која има олдтајмери и колекција мотоцикли.
Херд, пак, ќе го здржи своите две кучиња Пистол и Бу, кои се најдоа во центарот на скандалот во 2015 година кога актерката се обиде да ги прошверцува во Австралија без законска процедура за престој во карантин.
Херд најави дека седумте милиони долари, коишто ќе ги добие од Деп ќе ги подели на Американското здружение за човекови права и на Детската болница во Лос Анџелес.
Засега Деп ѝ исплатил само 200.000 долари, а остатокот ќе го добие во текот на година, и тоа од парите коишто актерот ќе ги заработи на следниот филм, новото продолжение на „Пиратите од Карибите“, како и од продажба на дел од својата сопственост.
Пирс О’Донел, адвокатот на Амбер Херд, го поздрави договорот за разводот како „голем ден“ за својата клиентка. Додаде дека разводот е „сето што Амбер го сакаше, а сега тоа го оствари“./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Естрада
Домот на Бред Пит завиен во црно: Актерот скршен поради смртта на мајка му

Бред Пит доживеа голема загуба – неговата мајка почина денес на 84-годишна возраст.
Како што пренесуваат странските медиуми, веста дека актерот ја загубил мајка си стана позната преку емотивна објава на еден член од семејството на Инстаграм.
Џејн Ета Пит била столб на семејството. Таа била таа што ги држела сите на купче и организирала голема семејна прослава пред пет години. По професија била семеен советник и најчесто се држела подалеку од рефлекторите, но повремено се појавувала на црвениот тепих заедно со својот син Бред и сопругот Вилијам.
Незиниот мирен живот и посветеност на семејството останале нејзин заштитен знак. Тие што ја познавале велат дека била срдачна, верна и секогаш подготвена да помогне.
Естрада
Тимберлејк откри дека боледува од лајмска болест: „Животот со ова е немилосрдeн“

Џастин Тимберлејк ја сподели со јавноста веста за својата здравствена состојба, откривајќи дека му била дијагностицирана лајмска болест. По две години поминати на светска турнеја, тој одлучил отворено да зборува за проблемите со кои се соочува.
Иако е познат по тоа што ја чува својата приватност, Тимберлејк почувствувал потреба да им открие на обожавателите „малку за тоа што се случува“ со него.
„Како што многумина од вас знаат, јас сум прилично приватна личност. Но додека размислувам за турнејата, сакам да ви кажам малку за тоа што ми се случува“, напиша тој на Инстаграм.
„Меѓу другото, се борев со одредени здравствени проблеми и ми беше дијагностицирана лајмска болест – не го велам ова за да предизвикам сожалување, туку за да осветлам низ што поминував зад сцената. Ако некогаш сте се соочиле со оваа болест или познавате некој што има, тогаш знаете: животот со неа може да биде безмилосно исцрпувачки – и психички и физички.“
Тој додаде: „Кога првпат ја добив дијагнозата, бев навистина шокиран. Но барем добив објаснување зошто на сцена чувствував силна нервна болка или само огромен замор и слабост.“
Пејачот се нашол пред тешка одлука – да ја прекине турнејата или да продолжи и покрај сè. „Одлучив дека радоста што ми ја носи настапот далеку ја надминува привремената болка и стрес што го чувствуваше моето тело. Многу ми е мило што продолжив“, изјави тој.
Тимберлејк рече дека долго време се двоумел дали да зборува јавно за своите здравствени проблеми, но сега „се обидува да биде потранспарентен за борбите, за тие да не бидат погрешно сфатени“.
„Го споделувам сето ова со надеж дека сите ќе најдеме начин да бидеме поврзани едни со други“, порача тој. „Сакам и јас да придонесам и да им помогнам на оние што исто така се борат со оваа болест.“
Тимберлејк не е единствена славна личност што се бори со оваа болест – манекенката Бела Хадид исто така јавно говореше за своето искуство. Според клиниката Мајо, лајмската болест ја предизвикува бактеријата борелија, а луѓето најчесто се заразуваат преку каснување од заразен крлеж.
Болеста е најзастапена во североисточните, средноатлантските и горните делови на Средниот Запад во САД, но се пријавени и многу случаи во Европа и некои делови на Канада. Ризикот од зараза е најголем во тревни, грмушести и шумски предели, поради што се препорачува претпазливост при престој во природа.
Естрада
Џеси Џ. сподели емотивни фотографии од болничката соба, одмара и чека резултати

Британската пејачка Џеси Џ. сподели фотографии и видеа од болницата преку својот Инстаграм профил, кои се направени во текот на последните 48 часа од нејзиното лекување.
Имено, 37-годишната ѕвезда неодамна објави дека ѝ е дијагностициран рак на дојка, а набргу потоа го одржа својот последен настап пред лекувањето.
Сега таа одлучи да се отвори за тоа како поминала операцијата и да сподели некои од ранливите моменти. На некои фотографии и видеа, Џеси Џ. може да се види како плаче во болнички кревет додека нејзиниот сопруг Чанан ја поддржува. Таа, исто така, сподели фотографии и видеа со својот син Скај Сафир.
„Оваа објава содржи некои од искрените падови и максимуми од последните 48 часа. Секогаш ќе ги покажувам добрите и тешките делови од секое патување низ кое минувам“, изјави таа на почетокот.
View this post on Instagram
Потоа им се заблагодари на својот лекар и на сите медицински сестри кои се грижеа за неа, како и на сите што ја посетија.
„Благодарна сум на мојот лекар/хирург и на сите медицински сестри кои се грижеа за мене и на моето семејство и пријатели кои дојдоа да ме посетат. Сега сум дома, ќе се одморам и ќе ги чекам резултатите“, продолжи таа.
На крајот, таа уште еднаш рече дека ги прегрнува сите оние кои моментално минуваат низ тешки ситуации.
Џеси неодамна настапи на Summertime Ball, каде што им кажа на 80.000 луѓе дека тоа ќе биде нејзиниот последен настап пред операцијата.
„Денес, овој настап е и мојот последен пред да одам да го победам ракот на дојка. Толку е посебен за мене, немате поим. Се чувствувам толку посебно што сум од Велика Британија, да бидам искрена и што можам да кажам како се чувствувам. Многу сум благодарна за овој живот, за вас, за мојата кариера, за мојот син, мојот партнер, моите родители, семејството, бендот и екипата. Имаме толку среќа, имаме толку многу за што да живееме, толку многу радост, толку многу, толку многу да направиме“, рече таа.