Естрада
И MC Wasp на Хајнекен Грин Бич Фестивал
Австралискиот драм енд бејс и хип хоп продуцент – MC Wasp, се приклучува на шоуто на Кирил Џајковски и ТК Вондер на 6. Хајнекен Грин Бич Фестивал. Џајковски, ТК Вондер и MC Wasp ќе настапат на 1-ви август, вториот ден од најголемиот денс настан годинава.
Со емсито кој ни доаѓа директно од Мелбурн, се комплетира составот на Џајковски за крунисување на грандиозниот викенд на плажа Парк. Главната ѕвезда на најексплозивната журка ова лето е Фед Ле Гранд, чиј диџеј сет ќе го чуеме на 31-ви јули, петок, на плажата Парк во Охрид. Фед Ле Гранд доаѓа во Охрид во рамките на неговата голема светска турнеја, во која ги посетува најзначајните денс дестинации на планетата, како Амстердам, Лас Вегас, Сан Диего, Лондон, Ибица, Миконос… Со приватниот авион на Фед Ле Гранд ќе пристигне и екипа од врвни продуценти, задолжени за звукот и визуелното искуство. За да им овозможиме спектакуларно доживување на оние кои ќе се журкаат на плажа Парк во Охрид на 31.07 и 01.08, Пасворд Продакшн и Октопуси Ентертејмент обезбедија екстра засилено озвучување по највисоките стандарди на фестивалите од светскиот електро крем.Холандскиот продуцент и диџеј, славата ја стекна со планетарниот хит “Put your hands up 4 Detroit”, трака која што се качи на врвот на сите големи денс топ листи. Потоа следуваше галопирачки развој на кариерата на феноменалниот Фед Ле Гранд, чиј квалитет го забележаа и искористија Мадона, Блек Ајд Пис, Колдплеј и многу други. Не случајно, продолжението на она што ќе биде запаметено како најдобрата журка во 2015 е предводено од Кирил Џајковски, ТК Вондер и MC Wasp, состав чиј перформанс со години ја воодушевува публиката на најголемите европски фестивали. Џајковски и ТК Вондер прв пат настапуваат на Хајнекен Грин Бич Фестивал, а токму тие беа виновниците за распродадената втора ноќ на историскиот Д Фестивал во Дојран.На првиот ден – 31.07, го имаме фантастичниот Фед Ле Гранд со локална подршка од Никифор, Лефанк, Ајсберг и Диџеј Боби.Следниот ден, на 1-ви август, на Хајнекен Грин Бич Фестивал ќе се случи втората епизода од настанот број еден летово. Покрај провереното и омилено шоу на Кирил Џајковски, ТК Вондер и MC Wasp, резервирано за незаборавна кулминација на фестивалот, на плажа Парк на 1-ви август ќе има целодневна програма за која ќе бидат задолжени најквалитетните домашни денс и електро диџеи.Билетите за најголемата журка со дводневна полна програма се продаваат по цена од 400 денари и 700 денари за ВИП. Оваа супер понуда трае до 29-ти јули. Картите на 30-ти и 31-ви јули ќе чинат 500 денари, т.е. 800 за ВИП, додека на врата ќе можат да се набават за 600 денари и 1.000 за ВИП.Истата влезница важи за двата дена и посетителите треба да го чуваат билетот од првата ноќ, со кој имаат бесплатен влез и на вториот фестивалски ден. Карти само за вториот ден, 1-ви август, се продаваат по цена од 250 денари и 500 денари за ВИП.Сите влезници се достапни онлајн на МКТикетс.мк и во следните продажни места:Продажните салони на ONE во: Скопје (Ramstore, ТЦ Бисер, ГТЦ, ВЕРО Центар, Skopje City Mall) Куманово, Тетово,Гостивар, Битола, Охрид, Струга, Неготино, Кавадарци, Прилеп, Штип, Велес, Кочани, Струмица, Гевгелија./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Естрада
Џеси Џ. сподели емотивни фотографии од болничката соба, одмара и чека резултати
Британската пејачка Џеси Џ. сподели фотографии и видеа од болницата преку својот Инстаграм профил, кои се направени во текот на последните 48 часа од нејзиното лекување.
Имено, 37-годишната ѕвезда неодамна објави дека ѝ е дијагностициран рак на дојка, а набргу потоа го одржа својот последен настап пред лекувањето.
Сега таа одлучи да се отвори за тоа како поминала операцијата и да сподели некои од ранливите моменти. На некои фотографии и видеа, Џеси Џ. може да се види како плаче во болнички кревет додека нејзиниот сопруг Чанан ја поддржува. Таа, исто така, сподели фотографии и видеа со својот син Скај Сафир.
„Оваа објава содржи некои од искрените падови и максимуми од последните 48 часа. Секогаш ќе ги покажувам добрите и тешките делови од секое патување низ кое минувам“, изјави таа на почетокот.
View this post on Instagram
Потоа им се заблагодари на својот лекар и на сите медицински сестри кои се грижеа за неа, како и на сите што ја посетија.
„Благодарна сум на мојот лекар/хирург и на сите медицински сестри кои се грижеа за мене и на моето семејство и пријатели кои дојдоа да ме посетат. Сега сум дома, ќе се одморам и ќе ги чекам резултатите“, продолжи таа.
На крајот, таа уште еднаш рече дека ги прегрнува сите оние кои моментално минуваат низ тешки ситуации.
Џеси неодамна настапи на Summertime Ball, каде што им кажа на 80.000 луѓе дека тоа ќе биде нејзиниот последен настап пред операцијата.
„Денес, овој настап е и мојот последен пред да одам да го победам ракот на дојка. Толку е посебен за мене, немате поим. Се чувствувам толку посебно што сум од Велика Британија, да бидам искрена и што можам да кажам како се чувствувам. Многу сум благодарна за овој живот, за вас, за мојата кариера, за мојот син, мојот партнер, моите родители, семејството, бендот и екипата. Имаме толку среќа, имаме толку многу за што да живееме, толку многу радост, толку многу, толку многу да направиме“, рече таа.
Естрада
Познатиот пејач откри дека има рак во четврта фаза: „Не се плашам, Бог е голем“
Пејачот и тапанар на 3 Doors Down, Бред Арнолд, откри дека му бил дијагностициран рак во четврта фаза.
Поради својата болест, бендот мораше да ја откаже турнејата, а Бред објави на социјалните мрежи.
„Здраво на сите, јас сум Бред од 3 Doors Down. Се надевам дека имате одличен ден. Имам не толку добри вести за вас денес“, започна тој, пред да открие дека му бил дијагностициран карцином на бубрежни клетки, еден вид рак на бубрезите. Неговата болест била откриена пред неколку недели, кога му се слошило и отишол во болница.
Тогаш лекарите откриле дека ракот веќе преминал во четврта фаза и се проширил на белите дробови.
„Значи, бев болен пред неколку недели, потоа отидов во болница на преглед и всушност ми дијагностицираа чистоклеточен бубрежен клеточен карцином кој метастазирал во моите бели дробови. Тоа е стадиум четврти, што не е многу добро“, рече тој.
И покрај тешката болест, познатиот музичар изјави дека воопшто не се плаши од својата дијагноза.
„Но, знаете што? Му служиме на моќниот Бог, а тој може да победи се. Затоа не се плашам. Навистина, навистина не се плашам од тоа“, додаде тој.
Тој исто така рече дека бендот мора да ја откаже претстојната турнеја што требаше да започне на 15 мај во Дејтона Бич.
„Ќе не принуди да ја откажеме турнејата ова лето. Жал ни е поради тоа”, рече тој, додавајќи дека можеби е време да ја слушнеме нивната песна “It’s Not My Time”, која ја спомна и во описот на објавата.
„Ви благодарам за сите досегашни спомени. Сега верувам дека „Не е моето време“ е навистина мојата песна. Ова ќе биде борба, па ни требаат нашите молитвени воини! Ви благодариме што сте најдобри обожаватели на светот. Ве сакаме сите!“ напиша тој.
Естрада
Се појави нова фотографија од Лиам Пејн направена неколку минути пред неговaта смрт
Два дена откако беше погребан британскиот музичар Лиам Пејн, „Дејли Мејл“ објави фотографија – последна од животот на пејачот, направена само неколку минути пред неговиот фатален пад од третиот кат на хотелот во Буенос Аирес.
Моментот снимен на безбедносните камери отвори нови прашања: дали ова е доказ дека трагедијата можела да се избегне и дали акцијата на тројцата мажи, кои го носат на фотографијата, е причината поради која Британецот се обидел да се спушти на терасата за да го избегне обезбедувањето.
Како што „Дејли Мејл“ ја толкува фотографијата, очигледно тројца вработени во хотелот го подигнале пејачот бидејќи, според очевидци, имал грчеви додека лежел на подот од фоајето. Потоа го однеле во неговата соба во лифтот.
World Exclusive: Shocking last picture of Liam Payne alive that raises a troubling question – could he have been saved? FRED KELLY’S bombshell investigation reveals what really happened https://t.co/vvPqLaxpXO pic.twitter.com/C6SvDNnToS
— Daily Mail Online (@MailOnline) November 22, 2024
Се поставува прашањето зошто го преместиле ако бил во толку лоша состојба и зошто веднаш не повикале брза помош.
Временскиот печат на фотографијата покажува 16:54:48 часот, а на кобниот 16 октомври, нешто по 17 часот, Пејн паднал од висина од 13 метри од балконот на својата соба. Тој починал на лице место.
Во 17:11 часот пристигнала Брзата помош и констатирала смрт. Обдукцијата покажала дека пејачот се здобил со повеќе повреди кои предизвикале внатрешно и надворешно крварење.
World Exclusive: Shocking last pictures of Liam Payne alive raise a troubling question – could he have been saved? https://t.co/2jQBf4J5m2 pic.twitter.com/t1PUYI1m91
— Daily Mail Online (@MailOnline) November 22, 2024
Токсиколошкиот извештај откри траги од алкохол, кокаин и антидепресиви.
Сега се сомнева дека поранешниот член на попларната група „Уан дајрекшн“ (One Direction) паднал од балкон во обид да го напушти хотелот незабележано – трик што често го користел во тинејџерските денови во групата и кој го повторувал на Флорида еден месец пред оваа несреќа за да го избегне обезбедувањето,
Според камерите, тој ден во 15:53 часот, пејачот влегува во хотелот со својот пријател Роџер Норес. Носи црна капа и мала чанта. Тој разговара со фановите во ходникот, а потоа оди во својата соба со Норес.
Неколку минути подоцна, двајцата се враќаат во лобито. Пејачот има лаптоп, но ги остава капата и чантата во собата. Норес се збогува со Лиам и го напушта хотелот. Пејачот изгледа добро расположен. Во 16:26 седи во фоајето и го користи својот лаптоп. Две минути подоцна оди во собата и се враќа. И тоа го повторува. Секогаш кога ќе се врати, неговото однесување е се’ понеобично.
Сведоците велат дека во еден момент тој извикал: „За*би ова, другар“, а потоа го фрлил лаптопот на подот.
Потоа има видео со трите лица кои го носат. На фотографијата јасно се гледа дека Лиам додека го враќаат назад во собата, нема ниту црна капа, ниту чанта.
Хотелот повикал брза помош неколку минути откако пејачот бил однесен во неговата соба.
Меѓутоа, кога итната помош го пронашла неговото тело, тој со себе имал капа и чанта.
Димитриевски: Македонија мора да се обедини доколку сака да се зачува и да опстане
Претседтелот на Движењето ЗНАМ – За Наша Македонија, Максим Димитриевски на денешната прес-конференција рече дека вчерашниот ден, на прв поглед,...
Успеавме да спречиме ЕП да се користи за домашна политичка пропаганда на Мицкоски, вели бугарскиот шеф на дипломатијата
„Успеавме да спречиме Европскиот парламент да се користи за домашна политичка пропаганда на Мицкоски. Северномакедонскиот премиер очигледно не е возбуден...
СДС се сити на пожарите, постојано се подметнуваат, а тие шират политички хаос и прават политички маркетинг, велат од ВМРО-ДПМНЕ
Според партијата на власт, во СДС ништо не се менува и СДС продолжува со истата политичката матрица секогаш кога има...
„Вреди“ до ДУИ: Доста со лаги, Албанците не се бројки за манипулација, ниту нули за игнорирање
Секојдневно, ДУИ шири ниски и бесрамни лаги против владењето на „Вреди“, обидувајќи се да ја измами јавноста со празни тврдења...
Активни девет пожари во државата: сè уште гори во Чучер-Сандево, Визбегово, Дојран, Македонски Брод
Центарот за управување со кризи информира дека во моментов се активни девет пожари, меѓу нив и пожарот на депонијата во...
Вимблдонска приказна што треба да ја прочитаат Сиљановска и Мицкоски: Чилеанец со македонско потекло, кој се гордее со тоа
Од специјалниот известувач од Вимблдон По скандалите со доделувањето на македонски пасоши на белосветски криминалци и нарко-босови, вистински потег на...
Рубио денес ќе се сретне со Лавров
Американскиот државен секретар Марко Рубио ќе се сретне со рускиот министер за надворешни работи Сергеј Лавров на маргините на состанокот...
(Видео) Експлозии одекнуваат во Киев, во тек е масовен руски напад, има жртви
Русија изврши масовен воздушен напад врз Украина втора ноќ по ред, а Киев беше најтешко погоден, каде што експлозиите одекнуваа...
Сообраќајот од клучката Орман до клучката Мирковци е пуштен за редовен сообраќај
Сообраќајот на потегот од Клучка Орман до Клучка Мирковци е пуштен за редовен сообраќај, исто така и на потегот Скопје-ГП...
(Фотогалерија) Армијата вклучена во гаснењето на пожарите
Армијата согласно одлуката на претседателката Гордана Сиљановска-Давкова за учество на дел од припадниците на Армијата во гаснењето на пожарите и...
Тошковски: Пожарите можеби се дел од поинакво сценарио, истрагите за подметнувања се во тек
Министерот за внатрешни работи, Панче Тошковски, изјави дека денеска бил тежок ден со вкупно 20 пожари ставени под контрола, а...
Ангажирани 60 војници за пожарот кај Ѓорче Петров, грчките канадери упатени кај Дојран
По барање на Центарот за управување со кризи, грчки канадери веќе дејствуваат на пожарот кај селото Николиќ, во близина на...
Најдено починато лице во близина на пожар во Кривопаланечко
Едно лице е најдено починато во близина на пожар во сeлото Лозаново, Кривопаланечко, соопшти МВР. Во присуство на јавен обвинител...
Општина Крива Паланка до граѓаните: Излезете и помогнете, состојбата со пожарите е сериозна
Крива Паланка попладнево е зафатена од голем пожар. Од општината информираат дека огнот претставува сериозна закана за домовите, шумите и...
(Видео) Мицкоски за извештајот во ЕП: Ова е уште една неправда врз Македонија – не се работи за Бугарите во Уставот, туку за идентитетот и јазикот
Ова е уште една неправда врз Македонија – не се работи за Бугарите во Уставот, туку за идентитетот и јазикот,...
(Видео) Целосно прекинат сообраќајот кон ГП Блаце поради пожар
Министерството за внатрешни работи ја известува јавноста дека поради повторно разгорување на пожарот во близина на Блаце, целосно е прекинат...
(Видео) Пожарот кај Лозаново закана за домовите, градоначалникот на Крива Паланка бара итна интервенција
Во директна опасност од огнената стихија се наоѓаат населеното месо Лозаново и домовите на жителите, соопшти градоначалникот на Крива Паланка,...
На територијата на Македонија активни 10 пожари
Според последните податоци од Центарот за управување со кризи, до 13 часот на територијата на целата држава имало 14 активни...
Повредено лице во пожарот во Шуто Оризари, пукотниците се од плински уреди на хаварисани возила, кои горат во отпад за железо
Едно лице утрово е повредено при гаснењето на пожарот во Шуто Оризари, од кој се креваат облаци густ црн чад....
(Видео) Полицискиот хеликоптер утринава фрли 30 тони вода врз пожарот во Дојран
Во утринската акција за гаснење на пожарот во Дојран беше активиран хеликоптерот „агуста бел 212“, со кој во повеќе налети...
