Производите Intel® Xeon® processor E5-2600 преминаа нов праг на суперпроцесирањето со прифаќањето на нови технологии и опремувањето на 44 системи, меѓу кои и 3 суперкомпјутери од петта класа на 39-тото издание на листата топ500 која беше објавена во среда.

Суперкопмпјутерот SuperMUC на Суперкомпјутерскиот центар Лајбниц,о Германија, кој се најде на четвртото место на листата, работи со брзина од 2.9 петафлопи, што го прави најмоќен во Европа, а истовремено претставува најголемата инсталација која се базира на новите процесори Intel Xeon E5.

На Меѓународната конференција за суперпроцесирање (ISC), корпорацијата Intel објави дека that Intel® Xeon® PhiTM е новото име на брендот за сите идни производи кои ќе содржат архитектури со повеќејадрени интегрирани процесори (Intel MIC architecture). Првата генерација Intel Xeon Phi производи (копроцесори наречени Knights Corner) ќе бидат дополнување на постоечките производи со процесори Intel Xeon E5-2600/4600 и ќе овозможат нови перформанси за симултано работење со големи обеми на работа. Додека првата генерација е насочена кон програмирање со висок перформанс (HPC), идните генерации на Intel Xeon Phi производи ќе се однесуваат и на датацентри и работни станици.

„Производите со Intel Xeon Е5 процесори прикажува експоненцијални придобивки во процесирањето со висок перформанс и ни претставува особено задоволство што има такво значајно влијание врз индустријата што се докажува со присуството на овие производи во 44 од топ500 суперкомпјутери“, изјави Раџ Хазра, потпретседател на Intelи генерален менаџер на групацијата за Техничко процесирање кај датацентри и поврзани системи (Technical Computing at Data Center and Connected Systems).

„Со додавањето на производите Intel Xeon Phi во нашата линија на производи, научниците, инженерите и воопшто сите ИТ професионалци ќе искусат револуционерни нивоа на работење за ефикасно да се справат со најразличните предизвици од климатските промени до управување со ризици. Ова е следниот чекор во посветеноста на Интел да постигне ексаразмери на процесирање до 2018 година и да создаде единствена категорија во технологијата која овозможува неспоредливо ниво на работење за високопаралелните апликации во денешно време“, појасни Хазра

Инаку првиот Intel® Xeon® PhiTM копроцесор се очекува оваа година. Притоа Intel објави нови технички детали за првиот комерцијален производ од линијата Intel Xeon Phi, копроцесорот наречен Knights Corner. Покрај неверојатниот перформанс за високопаралелни апликации, Intel Xeon Phi копроцесорот е лесен за употреба и ги содржи придобивките на веќе познатите модели за програмиеање, техники и развојни алатки достапни со архитектурите на Интел. Со поголема употреба на паралелниот CPU код, компаниите за софтвер и ИТ одделите не мораат повторно да ги обучуваат развивачите за лиценцирани програмски модели поврзани со акцелератори.

Покрај компатибилноста со x86 моделите за програмирање Intel Xeon Phi копроцесорот ќе биде достапен за апликации како оптимизиран за процесирање со висок перформанс, високо паралелен одделен процесор кој содржи свој оперативен систем базиран на Линукс, независно од основниот оперативен систем. Оваа карактеристика овозможува поголема флексибилност при имплементирањето на кластер решенија кои не се достапни со алтернативните технологии кои се базираат на графички процесирачки единици (GPU).

Направен со иновативните 22 нанометарски 3Д трипортни транзистори на Intel, Intel Xeon Phi копроцесорот, достапен во PCIe фактор, содржи повеќе од 50 јадра и минимум 8GB GDDR5 меморија. Исто така, содржи 512b широка SIMD поддршка која го подобрува работењето овозможувајќи поглем број дата елементи да се процесираат со една инструкција. Минатата година компанијата Intel презентираше во живо како копроцесорот Knights Corner испорачува повеќе од 1 TeraFLOPs (1 трилион floating операции во секунда) со двојно поголема прецизност во работењето, како што се мери со DGEMM.

На Меѓународната конференција за суперпроцесирање 2012 година Intel го прикажа истото ефективно работење од повеќе од 1 TeraFLOPs по јазол но мерено според индустрискиот репер за стандарди Linpack (Rmax)1. За споредба, во 1997 година беа потребни повеќе од 9000 Intel® Pentium® процесори во суперкомпјутерот ASCII RED* за да се сруши бариерата од 1 TeraFLOP.

Иако првите произведени пратки се планирани за испорака во втората половина на 2012 година, компанијата најави дека првиот развоен кластер со Intel Xeon Phi копроцесор е веќе подготвен и се наоѓа на 149-тото место на листата топ500 и има изведба 118 TFLOPs.

Копроцесорот Intel Xeon Phi има силна индустриска поддршка од 44 производители вклучувајќи ги Bull, Cray, Dell, HP, IBM, Inspur и NEC кои се посветени да го вклучат во своите системски планови.

„Ни претставува задоволство да најавиме дека новата генерација супер компјутери наречена ‘Cascade’ ќе биде достапна со Intel Xeon Phi копроцесори што им овозможува на корисниците на Cray да ги поместуваат границите на истражувањето и откритијата,“ изјави Пег Вилијамс, постар потпретседател на Cray за системи со процесирање со висок перформанс.

„Нашиот Cascade систем ќе содржи едни од најнапредните и најиновативни HPC технологии кои некогаш се нашле во Cray суперкомпјутер. Комбинирањето на овие карактеристики со водечките процесори Intel Xeon и новиот Intel Xeon Phi копроцесор ќе резултира со несовладлив систем за процесирање со висок перформанс (HPC) за центри низ целиот свет“, рече Вилијамс

Поради ефектирањето во 2013 година, првата класа Petascale суперкомпјутер кој ќе содржи процесор Intel Xeon E5 family и Intel Xeon Phi копроцесор ќе биде Stampede. Компанијата очекува постојан раст во бројот на машини од класата Petascale во наредната година што ќе ја искористи предноста за можноста за програмирање и ефективноста во работењето на Intel Xeon Phi копроцесорите. /крај/со/мф