Hitech
Иновација и инвенција на Intel® Architecture Fuel
Компанијата Intel во вторникот ја претстави четвртата генерација Интел Кор процесори кои служат како основа за новиот бран уреди „2 во 1“ кои ги комбинираат неверојатниот перформанс на компјутерот со подвижноста на таблетите во еден уред и во духот на ултрабук визијата.
Новите Интел Кор процесори се карактеризираат со најголема заштеда на енергија во историјата на компанијата и овозможуваат до девет часа траење на батеријата и неверојатен перформанс, како и двојно подобри графички можности за разлика од претходната генерација.
Intel првпат ја прикажа новата генерација 22-нанометарски четиријадрени Интел Атом системи на чип за таблети заедно до претстојното 4G LTE мултимодално решение. Прикажан, исто така, беше првиот референтен дизајн за платформа базирана на новата генерација 22-нанометарски Интел Атом систем на чип за смарт телефони.
Со обраќањето на манифестацијата „Компјутекс Тајпеј 2013“ (Computex Taipei 2013), којашто се одржува во тајванската престолнина Тајпеј, извршниот директор на Intel, Том Килрој рече дека компанијата има повеќе од 50 различни од ткн „два-во-еден“ дизајни со најразлични цени, меѓу кои и „премиум ултрабук“ два-во-еден уреди со Интел Кор процесори, исто и други дизајни со процесори кои се базираат на 22- нанометарската Силвермонт микроархитектура.
„Денеска ја остваруваме визијата од пред две години да го иновираме лаптопот со претставување на нашата четвртата генерација Интел Кор процесори кои се дизајнирани од почеток за ултрабук уредите и служат како основа за новата ера на процесирање ‘два-во-еден’“, рече Килрој.
„Создавањето на овие нови процесори кои овозможуваат неверојатен перформанс на компјутерите и мобилноста на таблетите во еден уред претставува најголема, од корен промена на нашата палета производи. Новите процесори ќе се најдат во најзабавните ‘два-во-еден’ дизајни досега“, додаде челникот на Intel.
Килрој, исто така, ја истакна и ултра-мобилноста, која се однесува на новата генерација 22-наномоетарски четири-јадрен Интел Атом систем на чип („Bay Trail-T“) за таблет којшто ќе се појави оваа сезона, како и претстојното мултимодално 4G LTE решение и неговиот 22 нанометарски Атом систем на чип за смарт-телефони („Merrifield“).
„Со новите Интел Кор процесори кои ги претставивме денеска, нашата нова генерација Атом системи на чип за таблети и други 22-нанометарски производи кои набргу ќе се појават на пазарот, напредокот кој го постигнуваат архитектурите на Интел само го забрзува чекорот на иновациите и овозможува нови искуства со процесорите кои ќе се најдат на најдобрите мобилни уреди кои оваа година ќе се појават на пазарот“, појасни Килрој.
Четвртата генерација Интел Кор процесори, пред сé, е дизајнирана и наменета за ултрабук уреди и се заснова на хашвел 22-нанометарска микроархитектура овозможува до 50 отсто продолжено активно траење на батеријата за разлика од претходната генерација. Ова е најголемото зголемување на векот на батеријата од една генерација во друга во историјата на компанијата, што во бројки значи девет часа издржливост на батеријата при активно користење на ултрабук уредите базирани на новите процесори.
Најновите Кор процесори на Интел се првите системи на чип за компјутери со неверојатен перформанс, кои можат да се најдат на најразлични иновативни уреди, како на пример ултрабук, преносливите два-во-еден 1 дизајни. Системите базирани на четиријадрената верзија на новите Кор процесори се достапни веднаш, додека дополнителни верзии се очекуваат во наредните месеци.
Оваа генерација процесори содржи и вградена графика која овозможува двојно подобар перформанс за разлика од претходната генерација. Може да се најде на одредени верзии од новите Интел Кор процесори, и Intel® IrisTM graphics ги оживуваат ултрабук и други мобилни компјутери со вградени неверојатни визуелни искуства.
Ултрабук уредите со четвртата генерација процесори го овозможуваат перформансот кој се очекува од Интел во комбинација со мобилноста и брзиот одговор на таблетите, што ги прави најразновидни од сите други „два-во-еден“ уреди. Со функции на допир и тастатура, системот се прилагодува на корисникот, но нуди и целосна компатибилност со апликациите. Луѓето може да се наведнат напред да работат или да си легнат и да се олабават користејќи само еден уред.
Директорот Килрој го прикажа и напредокот во доближувањето на човечките сетила до уредите базирани на Интел технологија преку овозможување работа на допир, глас и препознавање на ликови. Со таканареченото перцептивно процесирање овие технологии ја користат моќта на Интел за процесирање и со тоа интеракцијата со уредите ја прават поприродна и интуитивна.
Тој ја прикажа тридимензионална интеракција со гест и глас со тоа што им даде „очи“ на новите ултрабук „два-во-еден“ уреди со помош на Creative Senz3D* перифералната камера, и нагласи дека камерата ќе биде достапна во наредниот квартал. За во иднина изјави дека Интел работи на интегрирано решение да вгради 3-Д камера во наредните уреди базирани на Интел во втората половина на 2014 година.
Новата силвермонт микроархитектура и овозможува на компанијата за ја забрза и значително да ја зајакне понудата за таблети и смарт-телефони.
За таблетите кои ќе се појават до крајот на 2013 година, новата генерација 22-нанометарски четиријадрени системи на чип ќе овозможат супериорна графика и двојно подобар CPU перформанс. Ќе овозможат и тенки дизајни со осум или повеќе часови активно траење батерија и со седмици без работа, како и поддршка за Android и Windows 8.1.Првпат во Тајпеј беше претставено мултимодалното решение 4G LTE заедно со новата генерација 22-нанометарски четиријадрени Атом системи на чип за таблети. Intel® XMM 7160 е еден од најмалите и решение со најмала потрошувчка од сите LTE решенија кое ќе поддржи глобален LTE роаминг во една единица.
Голем број телефони со Интел технологија се испорачуваат во повеќе од триесет земји, поради што од Intel најавија дека следува, првпат, референтен дизајн за платформа базирана на Merrifield, системите на чип за смарт-телефони коишто ќе овозможат подобар перформанс и подолготрајна батерија. Платформата го содржи сензорот за персонализирани услуги, како и можностите за заштита на податоците, уредот и приватноста./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
(Фото/видео) Пет најчудни работи од CES 2025: лажица додава сол во храната, јакна ги полни телефоните
CES 2025 беше место каде беа претставени многу корисни нови гаџети и технологии, но оваа листа се фокусира на најчудните (а можеби и најинтересните).
1. LG AeroCatTower прочистувач на воздух
Прв на листата е AeroCatTower од компанијата LG. Во суштина, тоа е прочистувач на воздух кој служи како кула за мачки – има загреан простор што вашите мачки ќе го сакаат, и филтер за влакна од домашни миленици.
Ова е паметен производ со кој можете да се поврзете преку апликацијата LG ThinQ, за да можете да видите колку тежи вашата мачка (има и вага), како и колку долго спие.
2. Анкер јакна со соларни панели
CES 2025 потврди дека се приближуваме до естетиката што припаѓа во универзумот CyberPunk 2077, а Анкер го презема водството. Само со гледање на јакната, знаете дека ќе биде во мода за 20 години, можеби и порано.
This is the Anker Solix Jacket. The world’s first wearable solar panel.#CES2025 pic.twitter.com/ttEiTvZYb3
— Mukul Sharma (@stufflistings) January 10, 2025
Јакната со соларни панели е опремена со соларни ќелии од перовскит и LED светлосни ленти. Можете дури и да го полните телефонот со неа користејќи USB-C кабел.
3. Lenovo лаптоп кој се продолжува
Некои брендови претставија уреди кои вклучуваат идна технологија, а одличен пример за тоа е Lenovo ThinkBook Plus Gen 6 Rollable.
@verge This is the new rollable laptop, the Lenovo ThinkBook Plus Gen 6 Rollable. It's been a prototype for a while, but it's about ready to be rolled out in early 2025. #lenovo #laptop #ces #tech #techtok ♬ original sound – The Verge
Концептот го продолжува екранот нагоре и не се преклопува како повеќето лаптопи. Благодарение на дополнителната големина на екранот, ThinkBook Plus Gen 6 Rollable се проширува од 14 на 16,7 инчи.
4. Roborock Saros Z70, рачна правосмукалка
Roborock прави револуција во просторот на роботската правосмукалка со новиот Saros Z70. Што го издвојува од другите? Па, има рака со која можете да ги соберете паднатите предмети.
На пример, може да собере работи како влечки што му се на патот, а раката му помага на роботот да се качува по скали, иако оваа функција ќе биде достапна подоцна во текот на годината.
5. Специјална електрична лажица Kirin
Еден од најиновативните кујнски производи оваа година е несомнено електричната лажица за сол Kirin – ја прави вашата храна посолена, но без додавање сол.
With this spoon, there’s no need to ask for more salt. @iJustine stopped by Kirin’s booth to check out their Electric Salt Spoon, a culinary tool that uses electric currents to enhance the taste of salt. pic.twitter.com/d7Viy6ixse
— CES (@CES) January 6, 2025
Kirin има нова технологија која користи мали електрични импулси за да го измами вашето сетило за вкус да мислат дека нешто е солено кога не е. Има дури и четири поставки за нивоа на „соленост“.
Hitech
„Тик-ток“ добива копче „дислајк“: што се случува со видеата кога ќе кликнете
Уште од објавувањето во 2016 година, TikTok постојано иновира и носи нови функции во својата видео апликација за кратки форми.
Сега апликацијата почна да добива уште една функција, која им овозможува на корисниците интеракција со видео клипови, а многумина беа шокирани од овој потег.
excuse me?!!! why they added a dislike button under saved button on tiktok?!!! i end up disliking a video instead of adding it to my favourites pic.twitter.com/pxRCrg08Fv
— al🥨 (@bemyplavelist) December 31, 2024
Кон крајот на декември, корисниците почнаа да забележуваат ново копче на десната страна на видеото. Сместено директно под копчето „favorite“, сега има опција „dislike“ со слика со палецот надолу.
Копчето е дизајнирано да помогне во прилагодувањето на For You Page, така што алгоритмот забележува кога не сакате да видите некое видео кое сте го „дислајкувале“ или слично на тоа, без оглед на видот на содржината. Копчето dislike не е достапно за секого, но оние кои можат да го видат се прилично шокирани од новиот додаток.
Omg you can dislike videos on TikTok now like why would they even add that 😭 pic.twitter.com/JHVE83QUFZ
— samantha•| Finn Wittrock Follows!~🍩✨ (@Wittrock_Peters) January 1, 2025
„Сега можете да дислајкувате видео на TikTok – зошто воопшто би додале нешто такво?“, праша корисник.
Друг корисник го истакнал постоењето на копчето објаснувајќи како случајно не му се допаднало видео наместо да го додаде во неговите омилени – сосема спротивно од она што го замислил.
Функцијата „не ми се допаѓа“ доаѓа само неколку недели пред „ТикТок“ потенцијално да биде забранет во Соединетите држави на 19 јануари.
Hitech
TechRadar објави листа на мобилни телефони со најдобри камери во 2024 година
TechRadar ги избра мобилните телефони со најдобри камери за 2024 година.
Како што забележуваат, различни телефони ќе бидат идеални за различни корисници. Дали сакате едноставен уред кој е разноврсен во сите ситуации или главно снимате видеа за TikTok? Можеби готвите и фотографирате првенствено храна? Најдобрата камера зависи од типовите на фотографии што сакате да ги правите, а според TechRadar, iPhone 16 Pro, Samsung Galaxy S24 Ultra и Google Pixel 9 Pro ги имаат најдобрите камери, но секој се истакнува во различни области.
Ако ја сакате најдобрата камера за секоја пригода, TechRadar ги препорачува iPhone 16 Pro или iPhone 16 Pro Max. Но, ако главно фотографирате храна, Galaxy S24 Ultra дава подобри резултати во правењето јадења за да изгледаат вкусно со минимален напор. На листата додадоа уште неколку интересни конкуренти.
Најдобро за фотографи: iPhone 16 Pro
iPhone прави фотографии кои изгледаат природно, со остри детали од работ до раб, природен ефект и заматување. Видеата што ги снима достигнуваат студиски квалитет, сега со неверојатно забавено движење во 4K резолуција. Дополнително, Camera Control конечно созреа во корисна алатка за фотографирање.
На секое ниво на зумирање, фотографиите изгледаа автентично и природно, како вистински фотографии, а не компјутерски обработени слики или видеа со замрзнати рамки. Овој iPhone совршено ги доловува секојдневните моменти, што го прави најдобар телефон со камера за оние кои сакаат фотографија.
Најдобар за инфлуенсери: Samsung Galaxy S24 Ultra
За фотографии што изобилуваат со снимки во боја и храна што изгледаат фантастично, потребен ви е Galaxy S24 Ultra. Овој уред е исклучително разновиден, особено ако сакате фотографии што се издвојуваат од толпата. Иако се шпекулира дека Galaxy S25 Ultra ќе пристигне на почетокот на 2025 година, Galaxy S24 Ultra ќе остане одличен телефон во годините што доаѓаат.
Телефоните на Samsung постојано ги испорачуваат најдобрите фотографии од храна. Ако сакате да ги споделите вашите кулинарски креации, Galaxy S24 Ultra можеби е подобар избор од iPhone токму поради таа причина. Уште повеќе, Ultra е единствениот телефон што дозволува фотографии од Месечината да се споредат со професионалните камери. Резултатите се толку импресивни што вашите пријатели со iPhone може да се сомневаат во реалноста на тие фотографии.
Најдобро уредување со вештачка интелигенција: Google Pixel 9 Pro
Pixel 9 Pro и Pro XL прават фантастични фотографии, но вистинската магија се случува кога ги користите алатките за уредување на Google во апликацијата Google Photos, како опцијата Reimagine за додавање нови елементи и Magic Editor.
Откако ќе ги фотографирате, одете на Google Photos на Pixel 9 Pro за неверојатни алатки за уредување. Вештачката интелигенција е клучот што ви овозможува повторно да креирате позадини со целосно нови елементи. Или можете само да ги изострите заматените слики, ако ви е здодевно.
Најдобар за тинејџери: iPhone 15
На тинејџерите им треба добра камера; тие моменти не можат да се повторат. iPhone 15 нуди одлични фотографии, сите функции што ги користат нивните пријатели и долговечност што гарантира дека ќе трае пет години, овозможувајќи им да го купат следниот телефон дури потоа.
Можеби уште поважно од фотографиите за тинејџерите, iPhone снима фантастични видеа, без разлика дали ги користите главните камери или селфи камерата. Ги добивате сите најдобри функции за споделување на iOS, за да можете веднаш да споделувате слики со пријателите. Покрај тоа, iPhone 15 е вистински ѕвер, па може да се справи со секоја видео игра.
Најдобар по ниска цена: Google Pixel 8a
Pixel 8a прави фотографии кои изгледаат речиси професионално (ако не погледнете премногу внимателно), а чини значително помалку од конкуренцијата. Плус, ги добивате сите одлични функции за вештачка интелигенција на Google за да им помогнат на вашите фотографии да блеснат. На овој телефон често се нудат големи попусти.
Главниот сензор од 64 MP користи технологија за поврзување на пиксели за да создаде слики од 16 MP со живописни бои и одлично осветлување, особено во споредба со Pixel 8 Pro. Може да забележите губење на детали кога зумирате, но за споделување онлајн или брзо испраќање фотографии, Pixel 8a е победник.
Најдобар за селфи: OnePlus 12
OnePlus 12 има уникатен изглед на своите фотографии благодарение на Hasselblad обработката. Овој телефон ги прави најдраматичните портрети и селфи од кој било паметен телефон, додавајќи кул и уметнички допир на вашите фотографии. OnePlus 13 е веќе достапен во Кина, но сè уште не знаеме што точно ќе донесе телефонот.
OnePlus 12 навистина се истакнува во фотографирањето портрети и пејзажи. Неговите фотографии имаат богатство и баланс на бои што нема да ги најдете на iPhone или Pixel. Додека Apple и Google се стремат кон совршена прецизност, OnePlus 12 фотографира како класичен фиксен објектив, овозможувајќи ви да фотографирате со уметнички допир што е повеќе од само фотографија.
Семејствата на заложниците се задоволни од договорот за прекин на огнот, но стравуваат од можноста да не биде целосно имплементиран
Семејствата на израелските заложници со радост и олеснување ја дочекаа веста за договорот помеѓу Израел и Хамас со кој ќе...
Договорот за прекин на огнот меѓу Израел и Хамас ќе стапи во сила во недела, објави катарскиот премиер
Катарскиот премиер Шеик Мохамед бин Абдулрахман Ал Тани одржа прес-конференција во Доха на која потврди дека е постигнат договор за...
(Видео) Договорот се слави на улиците во Тел Авив и Газа, Нетанјаху објави дека делот за заложниците треба да се финализира
Кабинетот на израелскиот премиер, Бенјамин Нетанјаху, објави дека сè уште има клаузули во договорот за прекин на огнот за заложниците...
Хамас и Израел постигнаа договор за прекин на огнот
Претставник на Хамас и уште еден висок функционер изјавиле за „Скај њуз“ дека е постигнат договор за прекин на огнот...
Американскиот претседател во заминување: Беше животна привилегија да и’ служам на оваа нација повеќе од 50 години
Американскиот претседател Џо Бајден им се заблагодари на Американците за нивната „љубов и поддршка“ за време на неговиот мандат, во...
Ги повикуваме на разговор доколку вистински се грижат за платите на вработените, во спротивно УПОЗ е синдикална организација што обработува за нечии партиски интереси, велат од Владата
Протестите не се најдобриот начин на комуникација, Владата е отворена за постигнување договор со сите синдикални организации преку дијалог, велат...
Во некои министерства има притисоци вработените да не излегуваат на протест за поголема плата, Деановски ќе ги каже до крајот на неделата
Државната администрација од неколку министерства и денес излезе на получасовен протест со барање за 30 отсто поголема плата и потпишување...
Исчезнатата Лидија од скопско Јурумлери пронајдена мртва
Идентификувано е телото кое пред неколку дена беше пронајдено во реката Вардар. Се работи за Лидија Трајковска, жената од Јурумлери...
Новогодишната кошница беше успешна, оцени Министерството за економија
Денеска завршува акцијата „Новогодишна кошница“ која што беше креирана на предлог на бизнисот со поддршка на Министерството за економија и...
(Фото) Уапсен 30-годишен скопјанец: при претрес пронајдена дрога, пиштол, пари
Вчера во 19.30 часот во Скопје, на подрачјето на Центар, полициски службеници од Единицата за недозволена трговија при СВР Скопје...
Почина Александар Јовиќ
Утрово тажна вест ја потресе македонската јавност. На 51-годишна возраст почина македонски репрезентативец Александар Јовиќ. Александар Јовиќ е роден во...
ДУИ: Од првиот ден на мандатот Андоновска јасно ја покажува својата намера да го намали присуството на Албанците во ИЈЗ
Демократската унија за интеграција остро реагира на постапките на директорката на Институтот за јавно здравје, Марија Андоновска, која, како што...
Над половина метар снег на Попова Шапка и Маврово
Утрово најстудено било на Попова Шапка каде што се измерени -10 степени, -7 било во Маврови Анови и Крушево, -6...
(Видео) Градоначалничката на Лос Анџелес била на коктел во Гана кога избувнал пожарот во Палисадес
Како што ескалираше пожарот во Лос Анџелес на 7 јануари, градоначалничката Карен Бас се фотографираше на коктел-забава во амбасадата во...
Уапсен отповиканиот јужнокорејски претседател
Јужнокорејските власти денеска го уапсија отповиканиот претседател Јун Сук-Јол под обвинение за бунт, при што Јун рече дека се согласил...
Забрани за тешки товарни возила на неколку патни правци
Сообраќајот на државните патишта се одвива во зимски услови по влажни коловози со остатоци од кашест снег на коловозот по...
Советник на Путин: Мирот е можен само ако Русија добие пет украински региони
Близок советник на рускиот претседател Владимир Путин изјави дека и Украина и Молдавија би можеле да престанат да постојат како...
Огромен ракетен напад врз Украина, експлозии во милионскиот град
Во тек е масовен руски напад со крстосувачки ракети и беспилотни летала врз Украина. Прогласена е закана од воздушен напад...
Гаши за Даути: До денес не сум добил официјално известување за оставка од ниеден претседател на комисија
Како претседател на Собранието мојата главна одговорност е да ги почитувам и спроведувам Деловникот и неговите процедури, вели претседателот на...
(Видео) Пуштен во употреба патот Градско – Дреново, доцни оти една година биле повлечени и вработените и механизацијата на „Страбаг“
Со врнежи снег утрово свечено во употреба беше пуштен експресниот пат Градско-Дреново, долг 15,5 киломтери. За свеченоста, исто како и...
