Hitech
Авион на електричен погон го прелета Ламанш
Авион на електричен погон првпат во петокот го прелета каналот Ламанш на кусиот лет од Англија во Франција.
Авионот кој го произведе концернот „Airbus“ наречен „Е-Fan“, полетал од Лид во југоисточна Англија и слетал на аеродромот Кале-Данкерк во североисточна Франција по 41-минутен лет, речиси 106 години откако францускиот пионер на светското воздухопловство Луј Блерио првпат со моторен авион го прелета каналот Ламанш меѓу двете земји.
Со леталото „E-Fan“ управувал францускиот пилот Диде Естеин, „Да се направи ваков авион и да се пилотира со него е како да се остваруваат детските сништа“, изјавил за AFP по атерирањето, но ги отфрлил споредбите со Блерио.
„Овој авион ќе ни овозможи решавање на проблемите со буката при вежбањето и ќе ни овозможи на направиме чекор напред во контролирањето на емисијата на гасовите што го предизвикуваат ефектот на стаклената градина. Тоа се проблеми со загадувањето на околината поврзани со воздухопловството“, изјави генералниот секретар на француската Генерална управа за цивилно воздухопловство (DGCA), Патрик Гандил.
Авионот „Е-Fan“ првпат на јавноста ѝ беше претставен во јуни 2013 година на познатата воздухопловна изложба во Париз. Станува збор за прототип двосед на електричен погон, чиишто мотори со финансиска поддршка на француската влада ги развила компанијата „Voltair“, една од фирмите од групацијата „Аirbus“.
Леталото коешто од април 2014 година изврши повеќе од сто летови, е тешко 600 килограми, долго 6,7 метри со распон на крилата од 9,5 метри. Двата мотора со можност од 60 коловати ја црпат енергијата од литиум-јонската батерија којашто овозможува крстаречка брзина од 160 километри на час и најголема брзина од 220 километри на час.
Траењето на летот е ограничено на 45 минути, а авионот е особено за тренирање на пилотите, за влечење воздушни едрилици и вежбање пилото за акробација во летот, се наведува во соопштението на „Airbus“ кои има намера „Е-Fan“ ќе го пушти на пазарот кон крајот на 2017 година. Верзијата „Е-Fan 4.0“, со четири седишта, е планирана за 2019 година.
Моделот на двоседот ќе биде склопуван во По, во јужна Франција, во нова фабрика којашто ќе биде отворена во 2016 година. Во овој проект „Airbus“ ќе вложи 20 милиони, а инаку вкупно ќе чини 50 милиони евра.
Производителот очекува дека на пазарот во почетокот ќе бидат пласирани до 10 авиони годишни, а кога продажбата ќе се развие има намера да произведува 40 и 80 летала годишно. Во текот на следните 20 години светскиот пазар на тренажни летала ќе има потреба од околу 21.000 школски авиони на коишто ќе вежбаат околу 650.00 професионални пилоти./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
Ќе можеме да го контролираме iPhone користејќи глас
Претстојниот iOS 18 ќе донесе многу подобрувања кои вклучуваат вештачка интелигенција, а едно од нив е тоа што ќе овозможи контрола на поединечни апликации преку глас.
Во тоа ќе ви помогне Siri, гласовниот асистент кој им е добро познат на сите корисници на Apple, а кој ќе биде подобрен во новата верзија на оперативниот систем.
Според извештајот на Bloomberg, Siri ќе ви овозможи да контролирате многу работи на вашиот iPhone со вашиот глас.
„Ова вклучува отворање поединечни документи, преместување белешки во други папки, испраќање или бришење е-пошта, отворање написи во Apple News или дури и сумирање на статии“, пишува овој весник.
Според тоа, Siri би можел да биде уште покорисен во секојдневниот живот, особено кога сте зафатени со рекреација или возење.
Во почетокот Siri веројатно ќе поддржува само една гласовна команда, но се планира Apple да ги прошири можностите на овој асистент за извршување на повеќе команди истовремено.
Со оглед на тоа дека обработката со вештачка интелигенција директно од уредот бара доста моќна технологија, овие можности веројатно ќе бидат ограничени на iPhone 15 Pro или поновите модели.
Hitech
WhatsApp добива уште една промена
Многу труд се вложи за подобрување на WhatsApp статусите во изминатите неколку месеци.
Во последниот обид да се подобри оваа функција, апликацијата сега го подобрува начинот на рангирање на статусите.
Според WABetaInfo, ажурирањата на статусот наскоро ќе биде подредена врз основа на популарноста и важноста на контактите.
Поточно, поголема е веројатноста да видите нови Статуси од луѓе со кои разговарате често и неодамна, оние кои се онлајн и Статуси што ќе истечат.
Ова ажурирање носи и други суптилни промени. Како прво, временските ознаки на ажурирањата на статусот најверојатно ќе исчезнат, а важните контакти може да се разликуваат помеѓу уредите бидејќи овие податоци за приоритизација се зачувани на уредот, а не на серверите на WhatsApp.
Генерално, оваа промена не треба да влијае на корисниците кои ги гледаат сите Статуси одеднаш, додека треба да го поедностави искуството за оние кои разговараат само со неколку луѓе истовремено.
Ажурирањето моментално е достапно за бета-тестерите, а не е познато кога ќе биде објавено на глобално ниво.
Hitech
Вештачката интелигенција на „Гугл“ дава луди одговори, овие се најсмешните
„Гугл“ ги советува корисниците да пушат за време на бременоста, да готват со лепак и да јадат камења.
Имено, некогаш најдоверливата алатка за пребарување неодамна претрпе значителна промена ставајќи го AI Overview, односно одговорите базирани на вештачка интелигенција, над другите резултати од пребарувањето за многу прашања.
Иако ова не е добро за издавачите кои заработуваат од луѓето што кликнуваат на нивните интернет-страници, тоа е уште полоша вест за корисниците бидејќи им се сервираат целосно лажни информации.
Ова се некои од најсмешните одговори што вештачката интелигенција на „Гугл“ ги дава на прашањата на корисниците.
„Можете да го оставите кучето во жешко возило“.
“Is it ok to leave a dog in a hot car?” pic.twitter.com/0aBLZWYHx8
— Jeremiah Johnson 🌐 (@JeremiahDJohns) May 26, 2024
„1919 беше пред 20 години“.
She looks so old for 20 pic.twitter.com/m9dN1Gp94h
— Jeremiah Johnson 🌐 (@JeremiahDJohns) May 26, 2024
„Лекарите препорачуваат да пушите 2-3 цигари дневно за време на бременоста“.
“smoking while pregnant” pic.twitter.com/egFgmupYvW
— Jeremiah Johnson 🌐 (@JeremiahDJohns) May 26, 2024
„Додадете лепак на пицата за да се залепи сирењето“.
As long as it’s non-toxic pic.twitter.com/VIv6ozVwQN
— Jeremiah Johnson 🌐 (@JeremiahDJohns) May 26, 2024
„САД имаа тројца претседатели муслимани. Првиот е Барак Обама“.
Google’s been reading Trump forums pic.twitter.com/dolrGm2gjC
— Jeremiah Johnson 🌐 (@JeremiahDJohns) May 26, 2024
„Прекарот на кошаркарот Крис Пол е Детска Порнографија“.
— Jeremiah Johnson 🌐 (@JeremiahDJohns) May 26, 2024
Откога ваквите примери се проширија на социјалните медиуми, “Ен-би-си њуз“ спроведе свој експеримент и откри дека вештачката интелигенција на „Гугл“ навистина обезбедува лажни информации како одговор на едноставни прашања.
„Примерите што ги видовме, генерално, се многу необични прашања и не го претставуваат искуството на повеќето луѓе со користење на пребарувањето. Големиот број одговори на вештачката интелигенција обезбедуваат висококвалитетни информации со линкови за да копаат подлабоко во мрежата“, рече портпаролот на „Гугл“ во изјава.
„Спроведовме опширно тестирање пред да го лансираме ова ново искуство за да се осигуриме дека одговорите на вештачката интелигенција ги исполнуваат нашите стандарди за висок квалитет. Онаму каде што нашите политики беа прекршени, презедовме акција и ги користиме овие изолирани примери додека продолжуваме да ги усовршуваме нашите системи“, додаде тој.
“train eight days a week” pic.twitter.com/xlDkOQEKo8
— Jeremiah Johnson 🌐 (@JeremiahDJohns) May 26, 2024
Тешко е да се процени колку често се сервираат лажни одговори на корисниците. Одговорите постојано се менуваат и тешко е да се каже што е реално, а што лажно на социјалните мрежи. Некои корисници на „Гугл“ создадоа решенија за целосно да ја избегнат новата функција AI Overview.