Hitech
LG најави нов ’LG G3 Beat’ паметниот телефон

Компанијата „LG Electronics“ најави официјално лансирање на новиот модел на смарт телефон, LG G3 Beat, помала варијанта на популарниот G3 уред.
Овој модел нуди подеднакво квалитетно корисничко искуство како и неговиот претходник, а го задржа и софистицираниот металик Floating Arc дизајн и брзиот Laser Auto fokus. Разликата е во покомпактното пакување кое се одликува со екран со дијагонала од 12,7 сантиметри, пласирајќи се со тоа за класа над останатите телефони со средна големина. LG G3 Beat е креиран за растечкиот пазар на смарт телефони со мала и средна големина, како и за потребите на се поголем број корисници, кои сакаат помал уред, но доволно моќен да ги движи најпопуларните апликации. Моделот LG G3 Beat ги задржа најдобрите карактеристики и функции на G3 моделот, не правејќи компромис кога е квалитетот во прашање.Жив доказ дека и помалото може да даде повеќе, LG G3 Beat е опремен со HD IPS екран од 12,7 сантиметри што е најголем екран во сегментот на телефони со средна големина. LG G3 Beat поседува неверојатно тенка рамка и силна батерија со јачина од 2.540 mAh, додека неговиот изглед се карактеризира со Floating Arc дизајнот, премиерно претставен на LG G3 моделот.„Производителите на смарт телефони не можат да го занемарат растечкиот пазар на корисници кои сакаат најдобро компромисно решение кога се во прашање изгледот, карактеристиките, перформансите и цените на уредите“, рече Парк Јонг -Сеок, претседател на компанијата „LG Mobile Communications“.„LG G3 Beat е олицетворение на нашата посветеност на пазарот на телефони со средна големина, кој бара напредна технологија, силен бренд, иновација и атрактивна цена“, додаде ПаркМеѓу најважните карактеристики на LG G3 Beat смарт телефонот се Laser Auto fokus, што овозможува фокусирање на најважните моменти побрзо отколку кога и да е досега, мерејќи го растојанието меѓу субјектите и камерата со помош на ласерски зрак. Функцијата Touch & Shoot им олеснува на корисниците да ја фокусираат сликата и да фотографираат со едноставен допир на било кој дел од екранот, редуцирајќи ја на тој начин операцијата од два чекори на само еден. Gesture Shot опцијата овозможува со едноставно притискање на раката во тупаница пред екранот, автоматски да се започне одбројување од три секунди до фотографирањето, додека Smart Keyboard е тастатура која учи од вас, со цел да го редуцира бројот на грешки при пишување дури до 75 отсто. Функција QuickMemo+ им овозможува на корисниците брзо да бележат, цртаат и бидат креативно инспирирани.Уредот LG G3 Beat прво ќе биде достапен на пазарот на Јужна Кореја, и тоа од петок 18-ти јули, од каде ќе се дистрибуираат низ Европа, каде што ќе се продаваат под името LG G3 S. Цената и достапноста ќе бидат дополнително објавени./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech
„Чат ГПТ“ ќе може да се користи за генерирање еротска содржина

„Опен АИ“ објави планови за ублажување на ограничувањата на својот четбот „Чат ГПТ“, вклучително и дозволување еротска содржина за потврдени возрасни корисници, во согласност со она што компанијата го нарекува „третирај ги возрасните корисници како возрасни“.
Планот на „Опен АИ“ вклучува објавување ажурирана верзија на „Чат ГПТ“, што ќе им овозможи на корисниците да ја приспособат личноста на нивниот ВИ (вештачка интелигенција) асистент – вклучувајќи опции за поприродни, „човечки“ одговори, поинтензивна употреба на емотикони или попријателско однесување. Најзначајната промена се очекува во декември кога „Опен АИ“ планира да воведе посеопфатен систем за верификација на возраста, што би дозволил еротска содржина само за корисници што потврдиле дека се полнолетни. Компанијата не објави веднаш детали за методите за верификација на возраста или дополнителни заштитни мерки за таква содржина.
Во септември „Опен АИ“ лансира специјална верзија на „Чат ГПТ“ за корисници под 18 години, која автоматски пренасочува кон содржина соодветна за возраста и блокира експлицитен и сексуален материјал.
Компанијата исто така објави развој на технологија што ја проценува возраста на корисникот врз основа на тоа како комуницира со „Чат ГПТ“.
Во објава на „Икс“, извршниот директор на „Опен АИ“, Сем Алтман, рече дека построгите заштитни мерки воведени поради проблеми со менталното здравје го направиле четботот „помалку корисен и забавен за многу корисници што немаат проблеми со менталното здравје“.
Построгите безбедносни контроли беа воведени откако Адам Реин, тинејџер од Калифорнија, изврши самоубиство оваа година; Неговите родители поднесоа тужба во август, тврдејќи дека „Чат ГПТ“ му дал конкретни совети за тоа како да го направи ова. Само два месеци подоцна, Алтман изјави дека компанијата успеала во ублажување на сериозни проблеми со менталното здравје.
Федералната трговска комисија на САД (FTC) исто така почна истрага за неколку технолошки компании, вклучувајќи ја и „Опен АИ“, за тоа како четботовите со вештачка интелигенција може негативно да влијаат врз децата и тинејџерите.
Hitech
Сточар на Солунска глава најде телефон изгубен пред четири години, а планинари го најдоа сопственикот

Tелефон изгубен пред повеќе од четири години во реонот на Солунска Глава, бил најден пред еден месец од сточарот Јетмир од селото Горно Јаболчиште, раскажува на социјалните мрежи Игор Смилев, еко-активист од организацијата „Грин Пауер“ и советник во Општина Велес.
Смилев вели дека Јетмир, како чесен човек, го пријавил телефонот како изгубен, а неверојатно – по 4 години во планина, уредот успеал да се наполни и да работи делумно. Телефонот содржи сочувани СМС пораки и успеал да испрати неколку слики до планинари.
После еден месец објави на неколку Фејсбук групи, сопственикот на телефонот бил пронајден – Гоце Глигуровски од Битола, поранешен домар во сега веќе непостоечкиот Планинарски дом „Папрадиште“. Телефонот Гоце го добивал на користење од Емил Смилев.
„Фрапантно е што ‘Хуавеј’ телефонот преживеа 4 години во планина и сè уште е функционален“, додава Смилев.
Hitech
„Опен ВИ“ го претстави „Чат ГПТ 5“, дава поточни одговори за медицината, науката, финансиите

Компанијата „Опен АИ“ денес официјално го претстави својот долгонајавуван модел на вештачка интелигенција „ГПТ-5“, кој сега е достапен бесплатно за сите корисници.
Според компанијата, тоа е нивниот најпаметен, најбрз и најкорисен модел досега, кој дава поточни и порелевантни одговори во области како што се математика, наука, финансии, право и медицина.
„ГПТ-5 е првпат навистина да се чувствувате како да разговарате со експерт за која било тема“, рече извршниот директор на „ОпенАИ“, Сем Алтман, на денешната прес-конференција. Тој го спореди овој пробив со моментот кога „Епл“ ги претстави дисплеите со висока густина, чии поединечни пиксели повеќе не можеа да се видат со голо око.
Алтман тврди дека „ГПТ5“ е „најдобриот модел во светот за кодирање“ и пишување, но исто така и за здравствена заштита и долг список на други области.
За разлика од претходните верзии, „ГПТ5“ е претставен како „модел на расудување“, што значи дека користи итеративен пристап кон решавање проблеми – размислување низ повеќе чекори пред да понуди конечен одговор.
Компанијата е толку убедена во супериорноста на новата верзија што го најавува крајот на претходните: „Со доаѓањето на моделот ГПТ-5, ги откажуваме сите наши стари модели“, рече истражувачката Тина Ким за време на презентацијата.
Меѓу проблемите што ГПТ-5 наводно подобро ги решава се долгогодишните проблеми како што се „халуцинации“ – кога моделот измислува непостоечки информации – но и безбедносните ранливости, кои беа особено изразени во неодамнешните истраги како онаа на списанието „Вирд“.
Новиот модел, исто така, воведува можност за избор помеѓу четири предефинирани „личности“: циник, робот, слушател и гик, со цел дополнително прилагодување на стилот на комуникација на корисникот.
Сепак, и покрај помпезните тврдења, Алтман признава дека тие се уште се далеку од крајната цел – вештачка општа интелигенција (АГИ), термин што означува ниво на кое способностите на ВИ би ги надминале човечките.
„Искрено, го мразам терминот АГИ бидејќи секој го користи во различна смисла, но [ГПТ-5] е значаен чекор напред кон модели кои се навистина способни“, рече Алтман.
„Сè уште ни недостасува нешто клучно“.
Исто така, не е јасно дали ГПТ-5 ќе го реши проблемот познат како „Чат ГПТ психоза“, каде што некои корисници пријавиле чувство на губење на контакт со реалноста по долгите сесии за разговор со моделот. Засега, „Опен АИ“ најавува само воведување на „нежни потсетници за паузи“ за време на продолжена употреба.
Како и претходните генерации, ГПТ-5 се потпира на инфраструктура која бара огромни инвестиции и троши огромни количини енергија, што предизвика сè поголеми критики за неговото влијание врз животната средина. И покрај ова, „Опен АИ“ исто така објави два нови јазични модели со „отворена тежина“ претходно оваа недела – gpt-oss-120b и gpt-oss-20b – кои сега сигурно ќе паднат во втор план поради доаѓањето на ГПТ-5.
Компанијата, која започна како непрофитна организација, денес е една од највредните на пазарот. Во среда се појави информација дека „Опен АИ“ е во преговори за продажба на акции во секундарна понуда што би можела да ја процени на дури 500 милијарди долари.