Hitech
Solar Impulse 2 успешно ја прелета 11-та делницa од патот околу светот
![](https://makfax.com.mk/wp-content/uploads/2016/10/635977767391647234-GTY-523707324.jpg)
Авионот Solar Impulse 2, кој лета на сончева енергија, слета во петокот во американската сојузна држава Оклахома, прелетувајќи ја 11-та етапа од својот историски лет околу светот кој го започна во март минатата година кога полета од Абу Даби.
Solar Impulse 2 слетал во Тулса 18 часа о полетувањето од Феникс во државата Аризона.
Авионот со погон на сончева енергија тргна на историскиот лет околу светот на 8-ми март од Абу Даби. Овој авион лета со помош на соларната енергија од 17.000 соларни плочи прицврстени на крилата со должина од 72 метри, речиси идентично како на „Airbus A380“ и во 12 етапи вкупно ќе прелета 35.000 километри,
Просечната брзина на летот е меѓу 50 и 100 километри на час, просечната височина 8.500 метри, а целата мисија ќе трае околу пет месеци, од кои 25 ден во летања, па според процените авионот во Абу Даби би требало да се врати кон крајот на јули или почетокот на август.
Проектот за промоција на технологијата која се потпира врз ткн чиста енергија на Швајцарците Бернар Пикар и Андре Боршберг, соосновачи и пилоти на авионот „Solar Impulse 2“, се надеваат дека ќе го завршат патот онаму и каде што ја претставија својата стратегија на летот – во Абу Даби.
Оклахома беше единаесеттата по ред успешно мината делница од патот. Пикар на Twitter го нарече 1.609 километри долгото патување „волшебен лет“.
Досега се минати етапите преку Индија, Мајанмар, Кина и Јапонија. Авионот веќе го постави рекордот за најдолг лет на сончева енергија кога без слетување прелета речиси 8.300 километри од Јапонија до Хаваи.
Благодарејќи на овој авион прекриен со соларни панели и опремен со четири електрични мотори, кој може без прекин да лета неколку дена и ноќи, Пикар и Бошберг ќе бидат првите коишто ќе ги прелетаат океаните и континентите исклучиво со помош на сончевата светлина и ќе го остварат својот сон започнат пред дванаесет години./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Hitech
Ќе можеме да го контролираме iPhone користејќи глас
![](https://makfax.com.mk/wp-content/uploads/2024/06/Screenshot-2024-06-16-084256.jpg)
Претстојниот iOS 18 ќе донесе многу подобрувања кои вклучуваат вештачка интелигенција, а едно од нив е тоа што ќе овозможи контрола на поединечни апликации преку глас.
Во тоа ќе ви помогне Siri, гласовниот асистент кој им е добро познат на сите корисници на Apple, а кој ќе биде подобрен во новата верзија на оперативниот систем.
Според извештајот на Bloomberg, Siri ќе ви овозможи да контролирате многу работи на вашиот iPhone со вашиот глас.
„Ова вклучува отворање поединечни документи, преместување белешки во други папки, испраќање или бришење е-пошта, отворање написи во Apple News или дури и сумирање на статии“, пишува овој весник.
Според тоа, Siri би можел да биде уште покорисен во секојдневниот живот, особено кога сте зафатени со рекреација или возење.
Во почетокот Siri веројатно ќе поддржува само една гласовна команда, но се планира Apple да ги прошири можностите на овој асистент за извршување на повеќе команди истовремено.
Со оглед на тоа дека обработката со вештачка интелигенција директно од уредот бара доста моќна технологија, овие можности веројатно ќе бидат ограничени на iPhone 15 Pro или поновите модели.
Hitech
WhatsApp добива уште една промена
![](https://makfax.com.mk/wp-content/uploads/2021/10/mobilni-telefon-fejsbuk-facebook-aplikacije-skajp-instagram-mesindzer-vacap.jpg)
Многу труд се вложи за подобрување на WhatsApp статусите во изминатите неколку месеци.
Во последниот обид да се подобри оваа функција, апликацијата сега го подобрува начинот на рангирање на статусите.
Според WABetaInfo, ажурирањата на статусот наскоро ќе биде подредена врз основа на популарноста и важноста на контактите.
Поточно, поголема е веројатноста да видите нови Статуси од луѓе со кои разговарате често и неодамна, оние кои се онлајн и Статуси што ќе истечат.
Ова ажурирање носи и други суптилни промени. Како прво, временските ознаки на ажурирањата на статусот најверојатно ќе исчезнат, а важните контакти може да се разликуваат помеѓу уредите бидејќи овие податоци за приоритизација се зачувани на уредот, а не на серверите на WhatsApp.
Генерално, оваа промена не треба да влијае на корисниците кои ги гледаат сите Статуси одеднаш, додека треба да го поедностави искуството за оние кои разговараат само со неколку луѓе истовремено.
Ажурирањето моментално е достапно за бета-тестерите, а не е познато кога ќе биде објавено на глобално ниво.
Hitech
Вештачката интелигенција на „Гугл“ дава луди одговори, овие се најсмешните
![](https://makfax.com.mk/wp-content/uploads/2024/06/google-odgovori2.jpg)
„Гугл“ ги советува корисниците да пушат за време на бременоста, да готват со лепак и да јадат камења.
Имено, некогаш најдоверливата алатка за пребарување неодамна претрпе значителна промена ставајќи го AI Overview, односно одговорите базирани на вештачка интелигенција, над другите резултати од пребарувањето за многу прашања.
Иако ова не е добро за издавачите кои заработуваат од луѓето што кликнуваат на нивните интернет-страници, тоа е уште полоша вест за корисниците бидејќи им се сервираат целосно лажни информации.
Ова се некои од најсмешните одговори што вештачката интелигенција на „Гугл“ ги дава на прашањата на корисниците.
„Можете да го оставите кучето во жешко возило“.
“Is it ok to leave a dog in a hot car?” pic.twitter.com/0aBLZWYHx8
— Jeremiah Johnson 🌐 (@JeremiahDJohns) May 26, 2024
„1919 беше пред 20 години“.
She looks so old for 20 pic.twitter.com/m9dN1Gp94h
— Jeremiah Johnson 🌐 (@JeremiahDJohns) May 26, 2024
„Лекарите препорачуваат да пушите 2-3 цигари дневно за време на бременоста“.
“smoking while pregnant” pic.twitter.com/egFgmupYvW
— Jeremiah Johnson 🌐 (@JeremiahDJohns) May 26, 2024
„Додадете лепак на пицата за да се залепи сирењето“.
As long as it’s non-toxic pic.twitter.com/VIv6ozVwQN
— Jeremiah Johnson 🌐 (@JeremiahDJohns) May 26, 2024
„САД имаа тројца претседатели муслимани. Првиот е Барак Обама“.
Google’s been reading Trump forums pic.twitter.com/dolrGm2gjC
— Jeremiah Johnson 🌐 (@JeremiahDJohns) May 26, 2024
„Прекарот на кошаркарот Крис Пол е Детска Порнографија“.
— Jeremiah Johnson 🌐 (@JeremiahDJohns) May 26, 2024
Откога ваквите примери се проширија на социјалните медиуми, “Ен-би-си њуз“ спроведе свој експеримент и откри дека вештачката интелигенција на „Гугл“ навистина обезбедува лажни информации како одговор на едноставни прашања.
„Примерите што ги видовме, генерално, се многу необични прашања и не го претставуваат искуството на повеќето луѓе со користење на пребарувањето. Големиот број одговори на вештачката интелигенција обезбедуваат висококвалитетни информации со линкови за да копаат подлабоко во мрежата“, рече портпаролот на „Гугл“ во изјава.
„Спроведовме опширно тестирање пред да го лансираме ова ново искуство за да се осигуриме дека одговорите на вештачката интелигенција ги исполнуваат нашите стандарди за висок квалитет. Онаму каде што нашите политики беа прекршени, презедовме акција и ги користиме овие изолирани примери додека продолжуваме да ги усовршуваме нашите системи“, додаде тој.
“train eight days a week” pic.twitter.com/xlDkOQEKo8
— Jeremiah Johnson 🌐 (@JeremiahDJohns) May 26, 2024
Тешко е да се процени колку често се сервираат лажни одговори на корисниците. Одговорите постојано се менуваат и тешко е да се каже што е реално, а што лажно на социјалните мрежи. Некои корисници на „Гугл“ создадоа решенија за целосно да ја избегнат новата функција AI Overview.