Забава
Јапонец плати грозје над 14.000 долари
Грозд во Јапонија е продаден за 14.600 американски долари, во земјата во којашто овошјето честопати постигнува несфатливо високи цени, и носи општествен статус.
Сопственик на супермаркет во западна Јапонија си заминал од наддавање со 30 зрна грозје, од кои секое чини по 480 долари, пренесуваат медиумите во петокот.
„Ќе го изложиме во нашата продавница пред на купувачите да им го понудиме да го пробаат “, изјави Такамару Кониши.
Во 2013 година грозд од истата сорта „Ruby Roman” беше продаден за 4.000 долари.
Оваа сорта суперслатко грозје надвор од сезоната расте во префектурата Ишикава.
Вкрстувањето на оваа сорта започнува во средината на 1990-те години во јапонската префектура Ишикава и веќе во 2007 година создавачите ја регистрирале новата сорта наречена „Ruby Roman”.
Таа се разликува од вообичаените сорти грозје по несекојдневната рубинова боја на месестиот дел од плодот и големината на зрното коешто во дијаметар има околу три сантиметра. Тежината на секое зрно е околу 20 грама.
Првиот грозд од сортата „Ruby Roman” е продаден во 2008 година, цената на еден грозд тогаш изнесувал илјада американски долари, а во јули 2011 година еден грозд достигнал цена од 6.400 долари.
Јапонците се подготвени да плаќаат неверојатни суми за овошје, коешто понекогаш им се подарува на луѓето со висок статус во заедницата, на пример на шефовите на работа и затоа се продаваат на аукции.
Така само едно јаболко чини три долара а дињите достигнуваат цени на скапите вина, а за дваесетина цреши, коишто Јапонците ги купуваат како подарок, треба да се плати и до 70 евра.
Минатата година диња беше продадена за 12.000 долари. Во 2008 година, две мускатни дињи беа продадени за 2,5 милиони јени, што според денешниот курс би изнесувало повеќе од 17.750 евра.
Два плода манго во 2014 година на аукција во јужниот дел од Јапонија беа продадени за 300 илјади јени или 2.125 евра, што претставува рекорд дури и за Јапонија каде што цените на овошјето се вртоглави. Двата плода манго наречени „Taiyo no tamago” (сончево јајце) ги купил во регионот Мијазаки на островот Кјушу во југозападна Јапонија ги купил голем трговски синџир кој со авион ги префрли и ќе ги изложи во своја продавница.
За да влезе во категоријата манго со висок квалитет, секој плод мора да тежи најмалку 350 грама и да содржи висок процент на шеќер, според одредбите на округот Мијазаки.
Вo 2013 година исто така на аукција, лубеница од познатата сорта „Денсуке” којашто се одгледува во градот Тома на јапонскиот остров Хокаидо, беше продадена на наддавање за 300 илјади јапонски јени или околу три илјади американски долари, соопшти локалната земјоделска асоцијација на својата официјална интернет страница. Просечната тежина на лубениците од оваа сорта се движи меѓу пет и седум килограми.
Лубениците „Денсуке” се одликуваат по својата неповторлива црна кора и светло црвена и шеќерно слатка внатрешност. Овие лубеници се продаваат во специјални црни кутии кои ја потенцираат нивната природна боја. Тие се јавуваат во градот Тома во средината на 1980-те со цел да се компензираат загубите од намалувањето на реколтите од ориз. Затоа, според здружението, нивното име се состои од хиероглифите „оризово поле” и „помош”.
На аукциите годишно се нудеат околу 60 илјади лубеници „Денсуке”. Нивната почетна цена вообичаено изнесува пет илјади јени или 50 долари за парче.
Рекордната цена за овој вид лубеници беше постигната во 2009 година и изнесуваше 650 илјади јени или повеќе од 6.500 американски долари./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ѕвездите од серијата „Емили во Париз“ повеќе не се заедно: „Згодните момци не се мој тип“
Ѕвездите на „Емили во Париз“, Ешли Парк и Пол Форман, наводно, ја завршија својата врска, која ја започнаа за време на снимањето на популарната серија на Нетфликс.
Иако двојката сè уште не дала официјална изјава, гласините се чини дека се вистинити.
Ешли и Пол се запознаа на снимањето на „Емили во Париз“ и за прв пат беа видени заедно во 2023 година, иако ја потврдија својата врска дури следната година, на посебен начин.
Потоа Ешли откри на социјалните мрежи дека преживеала септичен шок, а меѓу другото, му се заблагодари на Пол, кој цело време бил покрај неа.
Интересно е и тоа што таа влегла во врска со Пол откако раскинала со еден актер, по што мислела дека никогаш повеќе нема да сака врска со колега.
„Првото нешто што Пол ми го кажа беше дека никогаш не бил во врска со глумица. Мислев дека се шегува“, изјави Ешли Парк за „Космополитен“, додавајќи дека згодните момци како него „не биле нејзин тип на маж“.
„Не знам зошто, но некако секогаш прво мислам дека овие мажи не се за мене и дека не можат да бидат за мене“, беше искрена актерката.
За време на нивната врска, тие често објавуваа заеднички фотографии на социјалните мрежи и имаа голем број обожаватели.
фото: принтскрин
Забава
(Фото) Актерката во центарот на вниманието поради нејзиното лице, изгледа сосема различно од претходно: „Која е оваа личност?“
Холивудската актерка Ема Стоун предизвика бура од коментари на социјалните мрежи кога се појави на Неделата на модата во Париз.
Таа присуствуваше на модната ревија на Луј Витон и не беше во центарот на вниманието поради нејзиното модно издание. За таа пригода, таа избра елегантен бел памучен фустан без прерамки и додаде џемпер, но нешто друго беше во фокусот…
Нејзиното лице привлече внимание, па дури и ја засени ревијата, сè затоа што беше непрепознатлива.
„Каде е Ема Стоун?“, „Ова не е Ема Стоун“, „Што ѝ се случи“, „Нејзиното лице е сосема поинакво“, „Која е оваа личност“, „Сигурно направила нешто со лицето“, беа некои од коментарите.
И навистина, Ема е сосема поинаква. Иако изгледаше многу убаво, неверојатно е каква промена и се случила. Успеа да ги збуни сите свои обожаватели.
Актерката сè уште не се изјаснила за ова, па затоа сè уште не е познато дали претрпела некаква корекција или постигнала сè со добра шминка.
фото: принтскрин
Забава
Тие имаат посебна моќ врз луѓето: најголемите манипулатори во хороскопот
Манипулацијата често се прикажува како негативна особина, но во суштина е уметност на влијание врз другите.
Некои луѓе ја користат за да ги постигнат своите цели, додека други развиваат способност да читаат емоции и да пронајдат слаби точки кај своите соговорници.
Според ѕвездите, постојат хороскопски знаци кои имаат изразен дар за убедување и контрола на ситуацијата, понекогаш на суптилен начин што е тешко за другите да го забележат. Нивната комбинација од интуиција, интелигенција и снаодливост ги прави особено вешти во односите со луѓето.
Шкорпија
Шкорпиите се познати по нивната длабока емоционална интелигенција и способност да ги препознаваат скриените мотиви на другите. Тие лесно наоѓаат слабости и ги користат за да ја насочат ситуацијата во своја корист. Нивната страсна природа често им дава дополнителна моќ над луѓето околу нив.
Тие секогаш внимателно набљудуваат и анализираат, а кога ќе одлучат да дејствуваат, го прават тоа промислено и со цел да ја одржат контролата. Затоа често се сметаат за мајстори на манипулација.
Близнаци
Близнаците се исклучително комуникативни и знаат како да се прилагодат на секоја ситуација, што ги прави многу убедливи. Нивната способност за брзо размислување им овозможува лесно да пронајдат зборови што оставаат силен впечаток. Тие често користат хумор, шарм и интелигенција за да ги обликуваат мислењата на другите.
Иако нивните намери можеби не се секогаш лоши, тие лесно можат да ги заведат луѓето и да ги убедат во она што го сакаат.
Риби
Рибите имаат силна интуиција и емоционална чувствителност, што им овозможува длабоко да ги разберат другите луѓе. Кога сакаат, можат да ја искористат оваа способност за да ги свртат околностите во своја корист.
Нивната тенденција да драматизираат и да предизвикаат симпатија честопати гарантира дека ќе го добијат она што го сакаат. Рибите се вешти во создавање впечаток на жртва, што е моќно оружје во манипулацијата. Иако однадвор може да изгледаат благи и повлечени, зад ова лежи голема способност да влијаат на одлуките на другите луѓе.
фото: принтскрин
До 15 октомври сите дефекти на мрежата за централно греење ќе бидат остранети, објави Владата
По серија на ладни и топли проби на топлификацискиот систем настанаа нови пукнатини на два секундарни водови, по што одредени...
Обвинителниот акт за пожарот во Кочани – одобрен во целост
Советот за оцена на обвинителен акт при Основниот кривичен суд Скопје во целост го одобри обвинението поврзано со пожарот во...
Судскиот совет го разреши судијата Енвер Беџети, кој е на црната листа на САД
Судскиот совет го разреши судијата од Апелацискиот суд Скопје, Енвер Беџети, од функцијата. Инаку, тој во декември минатата година, заедно...
Вработени во Општина Гази Баба организирале создавање и палење депонии, објави Арсовска
Општината Гази Баба и нејзиното јавно претпријатие се затекнати во незаконски активности кои директно ја загрозуваат животната средина и здравјето...
(Во живо) Последниот брод сè уште плови кон Газа, Израел објави забрана за влез
Последниот брод во меѓународната флотила за помош за Газа го продолжи своето патување рано утрово, според организаторите, откако околу 40...
Трамп: Ако продолжи блокадата на владата, ќе има отпуштања
Американскиот претседател Доналд Трамп вчера изјави дека федералните работници би можеле да бидат отпуштени, а проектите би можеле да бидат...
Прекинат воздушниот сообраќај на аеродромот во Минхен, забележани се дронови
Воздушниот сообраќај беше прекинат преку ноќ на аеродромот во Минхен поради прелет на дрон, чие потекло се истражува, изјави портпарол...
(Видео) Орбан: Посилни сме од Русија; Туск: Ми се допаѓа кога ги користи моите аргументи
Унгарскиот премиер Виктор Орбан повтори дека Европската Унија не треба да се плаши од Русија бидејќи е посилна од неа...
(Видео) Пронајдени и санкционирани лицата што дивееја со возило по „Партизанска“
Во врска со објавената снимка на социјалните мрежи на 30.09.2025 година на булеварот „Партизански Одреди“ во Скопје на која гледа...
(Видео) Филипче од Аеродром: Владата на ВМРО-ДПМНЕ ја води државата во економски колапс
Со катастрофални економски политики, Владата на ВМРО-ДПМНЕ ја води државата во целосен економски колапс, истакна Претседателот на СДСМ, д-р Венко...
Мицкоски: Димче и Левица обработуваат за новиот стопан Али, затоа имаат кандидати во Струга и Тетово, а не и во Велес и Штип
На денешниот народен митинг во Виница претседателот на ВМРО-ДПМНЕ, Христијан Мицкоски посочи дека на отворена сцена се гледа една непринципиелна...
(Видео) Путин: Невозможно е да се користат ракети Томахавк без директно учество на американската војска, а тоа би ги ескалирало односите меѓу Русија и САД
Путин коментираше за можноста САД да испорачаат крстосувачки ракети со долг дострел „Томахавк“ на Украина. „Ова оружје нема да ја...
Камион излета од магистралниот пат Деве Баир – Крива Паланка, сообраќајот во прекин
Од 17:10 часот магистралниот пат Деве Баир – Крива Паланка кај место викано Самоков е во прекин за сите возила...
Извештајот, по сомневањата за непотребни операции на срце, ќе биде јавно достапен, но откога и нашите и странските експерти ќе го завршат
Странските експерти сѐ уште не се вклучени во анализата дали во 13 пријавени случаи имало непотребно направени операции на срце по...
Членка на Судскиот совет користела патни трошоци иако немала право: МВР поднесе кривична пријава
На 15.09.2025 Единицата за корупција при Секторот за криминалистички истраги во Одделот за сузбивање на организиран и сериозен криминал и...
Лекари од кај нас ќе одат на краток престој за обуки и во Италија и во Австрија, за Словенија веќе се дефинира соработката
Лекари од кај нас ќе одат на обуки и во Италија и во Австрија покрај Словенија за каде што веќе...
(Видео) Костовски и оваа изборна кампања ветува поликлиника во Бутел: За два месеца, ќе почне да се гради, за 18 месеци ќе да биде завршена
За два месеца, ќе биде поставен камен-темелник за нова поликлиника во Бутел, а ќе биде изградена за 18 месеци, најавија...
(Видео) Редиците пред шалтерите треба да бидат минато, целта ни е да станеме центар на дигитални иновации во регионот, најави Мицкоски
Живееме во време кога дигиталните решенија не се прашање на избор, туку на опстанок и на напредок. Западен Балкан не...
МВР го објави регистарот на напади врз новинари
Министерството за внатрешни работи на својата веб-страница постави линк до регистарот на напади врз новинари, кој води до страницата на...
Трамп бара универзитетите да го ограничат запишувањето странски студенти ако сакаат федерални пари
Администрацијата на претседателот Доналд Трамп побара од американските универзитети да потпишат договор што ги содржи условите за добивање преференцијален пристап...
