Забава
Откриена тајната на фотографијата најдена на местото на трагедијата од 11-ти септември

Во октомври 2001 година, до американската професорка Елизабет Стрингер Кифи дошла свадбена фотографија пронајдена на местото на коешто се урнаа „кулите близначки“ на Светскиот трговски центар во Њујорк кога во нив за забија да патнички авиона киднапирани од припадници на глобалната терористичка мрежа Ал Каеда, а по 13 години потрага, со помош на социјалните мрежи, конечно, минатата седмица ја разрешила мистеријата.
Откако неколку месеци по најстрашната трагедија на територијата на САД пријател ѝ ја дал фотографијата од нечија свадба на Елизабет Кифи, таа ја предала на соработничка на универзитетот Масачусетс со надеж дека ќе успее да открие кои се личностите од фотографијата и нивните судбини, пишува The Independent. Од 2001 година наваму Кифи секоја година ја објавуваше фотографијата пронајдена на местото на терористичките напади во кои загинаа околу три илјади луѓе, но до неодамна не наиде на никаква трага. Годинава интернет корисниците во САД и американските медиуми организираа кампања за да ги помогнат настојувањата на Кифи. Нејзиниот твит со свадбената фотографија беше препостиран повеќе од 81 илјада пати. Мистериозната свадбена фотографија, исто така, беше објавена и во многу списанија и дневни весници. Огромно било изненадувањето кога на професорката ѝ се јавил маж кој тврдел дека ги познава луѓето од фотографијата и дека дури бил на нивната свадба.Њујорчанецот Фред Махе, кој се поврзал со Кифи, раскажал дека тој ја ставил фотографијата на ѕидот од неговата канцеларија на 77-от кат од една од кулите на Светскиот трговски центар. Махе ѝ ги дал контактите на Кифи на семејството снимено на фотографијата. Се покажало дека сите шест лица од снимката се живи и здрави, за што професорката напиша на својот профил на Twitter. Не е наведено дали самиот Махе бил во Светскиот трговски центар во времето на терористичкиот напад./крај/мф/сн
Извор: The Independent
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
„Меѓу ѕвездите“: македонскиот бенд „CODE 369“ со нов албум

Македонскиот бенд „CODE 369“ од Битола, познат по својата силна музичка посебност, која комбинира фанк, џез, рок и поп, го објави својот втор студиски албум за Croatia Records – „Među zvijezdama“ („Меѓу ѕвездите“).
По успешното деби „Stages of Love“, овој нов албум го потврдува нивниот статус на еден од најсвежите алтернативни рок состави во регионот.
Автор на музиката за сите песни на албумот е Даниел Митревски, кој е и продуцент на албумот, додека текстовите се на пејачката Ирена Димовска, освен за песната „Конкретно“, кој го напиша Мила Влаисављевиќ. Албумот е снимен во студиото „Atelier“, а мастерингот е на Славко Ристески, работен во студиото Про Саунд. Визуелниот идентитет на албумот го дизајнираше Лана Ловриќ, чие уметничко решение ја следи атмосферата и пораката на албумот – патување низ емоциите и соништата.
„Албумот „Меѓу ѕвездите“ носи звук кој балансира помеѓу алтернативното изразување и комерцијалната прифатливост, притоа задржувајќи ја карактеристичната слобода, енергија и длабочина што обожавателите на бендот веќе ги препознаваат и ценат. Посебен фокус е ставен на синглот „Конкретно“, кој веќе наиде на одлични реакции кај публиката и критиката.
„CODE 369“ неодамна настапија на Деновите на Croatia Records во Македонија, каде во живо претставија неколку нови песни. Албумот досега беше достапен дигитално, а сега го има и како це-де издание, кое може да се купи и онлајн“.
Забава
(Видео) „Толку е сладок“: Бред Пит со нов имиџ

Бред Пит веќе некое време работи на промоцијата на филмот Формула 1.
Неодамна даде интервју за списанието „GQ“, каде што зборуваше за деталите од овој филм, но за прв пат проговори и за својата нова партнерка, Инес де Рамон.
he's so cute 🥹 #bradpitt pic.twitter.com/Jwzn47ACML
— vi 🐞 (Hayes') (@itshighart) June 10, 2025
Тој продолжи со понатамошната промоција во Мексико и ги воодушеви сите присутни со промената на својот имиџ.
Холивудскиот лик прошета по црвениот тепих во модерно одело во боја на лаванда, а на стајлингот додаде златен прстен и очила за сонце.
Покрај тоа, промената на фризурата беше забележлива, односно, Бред Пит покажа кратка фризура и седа брада.
Корисниците на социјалните мрежи масовно го коментираат новиот изглед на Бред Пит.
„Толку е сладок“, „Изгледа совршено“, се само некои од коментарите.
Забава
Заменете го кафето со мача – ги намалува стресот и анксиозноста

Сè попопуларен пијалок во светот, но и кај нас, е мачата, во различни варијации, која се прави од правот на истоименото растение.
Мачата се прави од горните три слоја млади листови од растението Camellia sinensis, а според експертите, консумирањето мача води до намалување на стресот и анксиозноста.
Овој смирувачки ефект на мачата најмногу се припишува на две супстанции – L-теанин и епигалокатехин галат (EGCG).
L-теанинот е аминокиселина присутна во зелениот чај која има смирувачки ефект, а бидејќи мачата е концентрирана форма на зелен чај, се верува дека L-теанинот во него има уште посилен ефект поради поголемата количина.
„Докажано е дека промовира релаксација без поспаност, со зголемување на активноста на алфа мозочните бранови и модулирање на невротрансмитерите како што се GABA, допамин и серотонин“, објаснува д-р Ли А. Фрејм.
Мачата, исто така, содржи EGCG, растително соединение кое може да помогне во намалувањето на воспалението и оксидативниот стрес, што може да биде поврзано со анксиозност.
Мачата, исто така, содржи помалку кофеин од кафето или еспресото. Кофеинот брзо се апсорбира од телото, го стимулира нервниот систем и може да ги зголеми нивоата на адреналин и кортизол, хормони поврзани со стрес.
Она што ја прави мачата посебна е присуството на L-теанин, кој ги намалува ефектите на хормоните на стрес и му помага на телото да остане смирено и фокусирано, без ненадејни напливи на енергија и нервоза.
Постојаното пиење мача може да биде корисно во намалувањето на стресот, а дури и повремена чаша од овој пијалок може да има позитивен ефект, пишува Verywell Health.
Мачата е одлична и во разни јадења како што се десерти, но EGCG и L-теанинот можат да бидат уништени од високите температури што се користат при продолжено готвење, поради што најдобро е да се консумира како пијалок.