Забава
Петнаесет сосема неромантично знаци дека сте ја нашле вашата сродна душа
![](https://makfax.com.mk/wp-content/uploads/2016/11/neromantika.jpg)
Некои од овие работи можеби ќе ве насмеат и навистина се неромантични, но верувајте се вистинските знаци дека сте со сродната душа. Ако не верувате, обидете се да замислите дека ги правите со некој друг…
Обожувате заедно да ги правите суперздодевните обврски како што се купување, плаќање сметки и слично.
Повеќе се забавувате кога дома пред телевизорот заедно јадете нарачана храна отколку да одите во ресторан со 5 ѕвездички.
Една од омилените работи ви е тоа што еден пред друг можете да јадете што ќе поскате, без грижа дали ќе изгледате добро.
Некако уште повеќе се вљубувате во него кога го видовте како спие со подотворена уста.
И не ви пречи да ви го гледа лицето додека спиете.
Вие, секако, си се допаѓате еден на друг кога ќе се дотерате, но омилени верзии ви се кога сте во вашите омилени стари маички и фармерки.
Успева да ве натера да излезете кога ви е потребно тоа.
Не ви е потребно јавно покажување на нежноста. Повеќе се забавувате со насмевка ја раскажувате анегдотата што само вие двајца ја знаете.
Ве поттикнува и охрабрува, но и одбива да ви попушта
Можете отворено да зборувате за своите телесни функции и да се смеете за тоа.
Имате свој лексикон на зборови: вистински или измислени зборови и фрази што имаат посебно значење за вас двајца.
Некои од прекарите со кои се нарекувате меѓусебно немаат врска со класичните “мила“ или “сонце“ . Наместо тоа се нарекувате “лудак“ “вештерка“… и вие всушност го сакате тоа.
Кога вашиот партнер ќе се разболи ништо не ви е тешко бидејќи самата сте концетрирана на грижата за него.
Можете јавно да си кажете еден на друг кога сте си здодевни или напорни и не се лутите, иако се е базирано на вистина.
Можете да седите и да молчите и да не се чувствате чудно./крај/мф/на
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Забава
Илјадници гости и стотици шатори стигнаа на „Д Фестивал“ во Дојран – најавена богата музичка програма на првиот фестивалски ден
![](https://makfax.com.mk/wp-content/uploads/2024/06/д-фестивал.jpg)
Денеска е првиот фестивалски ден од четиринаесетото издание на Д Фестивал.
Вчера во 17 часот на пладне беше отворен фестивалскиот камп за сите посетители чијшто број достигна до повеќе од неколку илјади со наредени повеќе од стотици шатори.
„Програмата и активности се веќе во тек, извежбавме утринска јога, Таи Чи Чуан, играме друштвени игри со ,,Гоблин‘‘, Д Базарот, беребрницата, Tattoo студиото и сите други Д Другари се веќе во акција! 72 часовната забава може да започне!“, велат организаторите на настанот.
Вечерва главната бина TOGETHER X ја отвораат најдобрата хрватска хип – хоп атракција – Elemental, потоа за прв пат на Д Фестивал ни доаѓа големата пејачка од Мали – Fatoumata Diawara, фаворитете на ланската Евровизија – Joker Out, а за крај техно ѕвездите Deborah De Luca i Sama’ Abdulhadi. Младиот македонски колектив – OVC Kolektiv со целовечерна журка на Lake Awake бината.
Забава
Фестивалот Златни денови Кратово 2024 почнува следниот петок
![](https://makfax.com.mk/wp-content/uploads/2024/06/thumbnail_IZVEDUVACI.2-06.jpg)
Од следниот петок (05.07.2024) почнува фестивалот Златни денови во Кратово.
Во духот на добрата забава и традицијата, „Златни денови Кратово 2024“ одново ќе ја докаже посветеноста и лојалноста кон публиката, благодарение на одличната музичка програма.
Првата фестивалска вечер е во петок (05.07.2024) и градот ќе заживее во ритамот на најубавата македонска музика, благодарение на сите реномирани музички уметници кои ќе настапат. Честа за остварање на фестивалот ја имаат Кратовски тамбураши, а забавата ќе продолжи со Трио Тајфа, Распеани кичевчани, мераклиите од Мерак меана, односно Блага Петреска, Влатко Миладиноски, Дамјан Стојаноски, Благоја Грујовски, Кате Брезева Соната, Златко Миладиноски, Елена и Лазар Наумови. Веднаш потоа публиката ќе има можност да се забавува на настапот на Brass Brothers и Диџеј.
Во текот на фестивалот, домаќин ќе биде Лила Филиповска.
Во сабота (06.07.2024) први настапуваат Б.А.Д, локален рок бенд, а атмосферата дополнително ќе ја загреат Ana & The Girls. Ѕвезда на вечерта ќе биде една од најголемите балкански ѕвезди Данијела Мартиновиќ, која ќе обезбеди одлична забава и ќе приреди незаборавно фестивалско искуство за целата публика. ЗЛАТНИ ДЕНОВИ КРАТОВО 2024 ќе заврши со Диџеј Жак и со настапот на еден од најактуелните и најпопуларни музички артисти Пајак.
Здравје
Овошје кое треба да го јадете почесто доколку сакате да ослабете
![](https://makfax.com.mk/wp-content/uploads/2018/09/how-to-make-a-banana-blueberry-smoothie-to-fix-the-most-ignored-deficiencies.jpg)
Да се открие која храна да се јаде и која да се избегнува кога станува збор за слабеење понекогаш може да биде многу предизвикувачки поради разновидноста на достапните информации. Доколку размислувате за слабеење и не сте сигурни кое овошје треба да почнете да го јадете почесто, група диететичари ги издвоила четирите најдобри опции кои можете да ги вклучите во вашата исхрана.
Банани
Диететичарот Кејли Џорџ објаснува дека содржината на шеќер зависи од зрелоста на бананата, а незрелите зелени банани содржат најмалку шеќер. „Зелените банани се познати и по нивната висока содржина на отпорен скроб, што е одлично за здравјето на цревата и целокупното губење на тежината“, истакнува тој. Иако содржат шеќер, бананите содржат и влакна кои можат значително да влијаат и да помогнат во слабеењето.
Манго
Мангото е сочно тропско овошје кое содржи приближно три грама влакна и само 99 калории по чаша. Бидејќи калорискиот дефицит е важен за губење на тежината, може да биде корисно да се замени висококалоричната храна со нискокалорична, но вкусна храна.
Со јадење манго, можете да го задоволите вашиот внес за слатко, а сепак да се грижите за калориите, а истовремено да бидете сигурни дека внесувате влакна во вашето тело, што е исклучително важно за здравјето на дигестивниот систем.
Ананас
Друго овошје кое треба почесто да го јадете доколку сакате да ослабете е ананасот. Ова овошје содржи ензим наречен бромелаин, за кој се покажа дека има позитивен ефект врз отпорноста на инсулин и одржување на рамнотежата на шеќерот во крвта.
Постигнувањето на избалансиран шеќер во крвта му помага на телото да ги користи и согорува мастите, промовирајќи поефикасно управување со тежината. Исто така, ананасот е нискокалорично овошје и добар извор на влакна. Ако го исечете и префрлите во шолја, ќе внесете само 83 калории и ќе внесете два грама влакна во телото, пренесува Eating Well.
Јаболка
Јадењето едно јаболко дневно не само што го оддалечува лекарот, туку може да помогне и во контролата на тежината.Јаболките се познати по тоа што се нискокалорични и богати со вода и растителни влакна, што помага да останете сити подолго време.
Покрај содржината на влакна и релативно малку калории по јаболко, ова овошје е богато со антиоксиданси кои помагаат во борбата против воспаленија и болести. Како што известува Eating Well, антиоксидансите во јаболката помагаат во борбата против оксидативниот стрес, кој ги оштетува клетките и е поврзан со состојби како што се кардиоваскуларни болести, дијабетес и дебелина.