Забава
Руските Пуговка, Бусинка и Фрол контра американскиот Фил
Иако мрмотот Фил на традиционалното шоу во Панксатони прогнозираше уште шест седмици зима, неговите руски „колеги“ предвидуваат порано пристигнување на пролетта, жешка и година со многу сонце.
Народниот метеоролог, ежицата Пуговка која живее во зоолошката градина во Екатеринбург, предвиден деновиве порано настапување на пролетта. Неа и’ биле понудени две чинии со омиленото јадење – парчиња варено месо помешано со сирење и морков, а таа јадеше од онаа којашто го означување поскорото доаѓање на пролетта.
Како што објаснуваат во зоолошката градина, ежицата од пред три години ја избрале бидејќи уште во антички Рим 2-ри февруари се одбележувал како Ден на ежот, Слично како и кај мрмотот Фил, народната метеорологија старите Римјани ја темелеле на однесувањето ан ежот разбуден од зимскиот сон и по та дали тој ја гледа или не својата сенка. Пуговка, како и другите видови ушести ежови, е многу активна и подвижна и не сака да се склупчува, појаснува за агенцијата ТАСС, службеник од зоолошката градина.
Додава дека Пуговка минатата година претскажала студена но сончева пролет. Сепак, предвидувањето се остварило делумно, пролета на Урал, каде што се наоѓа Екатеринбург, задоцни, сонце имаше малку, со чести врнежи од снег и дожд, забележува агенцијата. „Нејзините прогнози се покажуваат како точни повеќе од 70 отсто“, додал соговорникот.
Меѓутоа, ежицата Пуговка не е единствениот метеоролог од животинскиот свет во Русија. Тукa се уште и мечката Бусинка од зоолошката градина во Челабинск која важи веќе за „искусен“ метеоролог. И таа предвидува топла и сончева година. Според традицијата, пред неа ставаат сива и црвена чинија коишто симболизираат студена и топла година, со нејзиното омилено јадење – млеко со ореви. Доколку мечката го избере црвениот сад, како годинава, се очекува топла и сончева година, а изборот на сивиот навестува студено време. Нејзиното предвидување се смета за точно со 90 отсто.
Порано пристигнување на пролетта предвиде и мрмотот Фрол од зоолошката градина во Санкт Петербург, а тоа се разбра откако ги прифати повиците да излезе од живеалиштето и „разговараше“ со децата собрани на Денот на мрмотот. Управата вели дека, сепак, не станува збор за обичен, односно воздржан и срамежлив мрмот, туку за навикнат на дружење со посетителите, но важно е забавата да трае.
Предвидувањата на временските прилики со помош на однесувањето на животните е вкоренето и кај припадниците на малубројните етнички групи на северот од Русија, Канти и Манси, кај кои предвесник на пролетта е враната, и според овие предвидувања во тие краишта пролетта ќе дојде во април./крај/мф/сн
Извор: ТАСС
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.