Забава
Забрзано се опремуваат подземните засолништа на светската елита
Деновиве во јавноста и во медиумите повторно се актуелни приказните за подземните засолништа на светската елита која се крие зад најмоќните финансиски институции.
Подземните засолништа предвидени за случај на големи природни катастрофи, како и нуклеарни напади и слично, не се некаква тајна, но подземните засолништа што забрзано се опремуваат, и во кои некои од тие моќници веќе, наводно се преместуваат, и даваат на целата приказна поинаква димензија.
„масло на огнот“ на оваа тема додаде и познатиот теоретичар на заговори Џим Марс во интервјуто дадено пред две години, а од тогаш на таа тема често говори на своите предавања и во пишуваните текстови. Тој изнесува некои нови тврдења и детали поврзани за подземните бункери на светските моќници.
Марс наведува дека има информација за тоа дека „елитата“, во прв ред онаа банкарската, забрзано ги опремува своите подземни резиденции и со тоа го отвори прашањето што ја преокупира светската јавност: Што се подготвува нешто толку големо што ги натерало моќниците да побрзаат со опремувањето на своите подземни засолништа?
Следното прашање што се наметнува само по себе гласи: Што тие знаат, а за што јавноста нема никакви сознанија? Дали се заканува некаква природна катастрофа или нешто поинакво, но доволно „големо“ за да ги загрози животите на луѓето?
Тие прашања сè уште се без одговор. И додека јавноста тапка без одговор, теоретичарите на заговори изнесуваат нови информации. Дозата на резерва со која тие информации се прифаќаат е задолжителна, но некои факти се вознемирувачки.
Поранешниот службеник на Агенцијата за национална безбедност на САД неодамна во јавноста изнесе информации за тоа дека челните луѓе на оваа агенција се селат во „подземната безбедносна зона“, која всушност е комплекс составен од неколку помали населби што содржи доволно резерви на вода и храна за неколку години. Подземниот комплекс, според неговите зборови, опремен е со оружје и алтернативни средства за комуникација.
Поранешниот службеник наведе и тоа дека „масакрот“ од големи размери ќе биде резултат на маневрите што ќе ги преземе администрацијата на Обама.
Тој додава и дека пензионираните челници на Американската сојузна агенција за управување со итни случаи исто така се преместуваат во резиденцијата, сместена во делот на Ролинг Хилс, во Северна Каролина, која е опремена со резерви на воздух, вода, храна и оружје.
Џим Марс во повеќе наврати јавно дискутираше за оваа тематика, но клучните прашања останаа на ниво на претпоставки. Неговите публикации на тема околу теориите на заговор со години веќе се бестселери, а токму неговата книга за заговорот околу атентатот на Џ.Ф. Кенеди послужи како извор за филмот на Оливер Стоун, ’Џ.Ф.К.’
Марс во своите публицистички дела, освен со ’владејачката класа’ и ’моќниците од сенка’, се занимава и со вонземјани, телепатија, тајни друштва и нападот на кулите Близначки на 11 септември. /крај/ин/ст
Се вчитува прикажувачот на видео…
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Шест клучни совети што да преземете ако изгорите на сонце
Колку и да сме внимателни, можно е да изгориме на сонце за време на престој на отворено, бидејќи многумина често забораваат да нанесат крема за сончање или прескокнуваат одредени делови од телото.
Затоа, доколку добиете изгореници од сонце, важно е да знаете како правилно да постапите во таа ситуација.
Основачот и директор на „Dr Medispa“, Мунир Сомџи, наведува дека, доколку дојдете до ваква состојба, најверојатно не сте ги следеле советите на дерматолозите. Во таа насока, тој споделува шест совети што мора да ги почитувате:
1. Користете ладна памучна крпа
Ставајте ладни памучни ткаенини или крпи врз изгорените делови од кожата за да ја смирите. Треба да биде чиста памучна крпа со пријатна, ладна температура, за да се намали површинската температура на кожата. Доктор Сомџи истакнува дека оваа метода помага кожата да се смири.
2. Избегнувајте активни состојки
Сомџи објаснува зошто не треба да се нанесуваат активни состојки на кожата по сериозни изгореници од сонце.
„Многу луѓе сакаат да користат производи со алое вера, дури и свежа алое вера, но тоа може да ја зголеми веројатноста за инфекција“, вели тој. Наместо тоа, препорачува производи базирани на церамиди кои содржат емолиенси, бидејќи помагаат кожата да омекне и да се смири.
Изберете состојки како глицерин, кои помагаат во хидратација и зајакнување на кожната бариера. Креми и лосиони со церамиди се одлични бидејќи создаваат заштитен слој што го спречува губењето на влага и видливи оштетувања.
3. Земете антихистаминици
Изгорениците од сонце често предизвикуваат оток, па земањето антихистаминици може да помогне да се смири воспалението и отокот на кожата.
4. Избегнувајте пилинг и лупење
Ако се обидувате да ги отстраните изгорениците со пилинг, тоа нема да помогне – напротив, може да ја иритира веќе оштетената кожа и да доведе до лузни или инфекции. Не ја допирајте ниту лупете кожата, бидејќи тоа само ќе ја влоши состојбата.
5. Држете се подалеку од сонце
Откако ќе добиете изгореници, важно е да му дадете време на телото да се опорави. Доктор Сомџи нагласува дека треба да го избегнувате сонцето во тој период.
„Дозволете ѝ на кожата да се опорави. Ѝ треба време за повторно да се врати во нормална состојба“, вели тој.
6. Користете крема со SPF
Во иднина, обидете се да се заштитите подобро. Националната здравствена служба (NHS) препорачува употреба на крема за сончање со заштитен фактор од најмалку SPF 30.
За најдобри резултати, кремата се нанесува на секои два часа, особено поради сушењето што го предизвикува сонцето. Изберете формула што е отпорна на вода ако се потите или влегувате во вода.
Забава
(Фото) Се вратија од минатото и повторно станаа хит: панталони што мора да ги имате летово
Пред повеќе од една година се зборуваше за неочекуваното враќање на панталоните „капри“, тренд што изненади многумина, но се покажа дека е далеку од краткотраен тренд на враќање.
Летово, јасно е дека овие панталони не се само носталгија, туку вистински класик кој си го зазеде своето место во модерната гардероба.
Панталоните „капри“, кои се еден вид почит кон елеганцијата и удобноста, не престануваат да ги освојуваат модните писти и улиците низ целиот свет. Во последните недели светот на модата е полн со примери, меѓу кои се Хејли Бибер и Кендал Џенер, кои вешто ги вклопија во своите летни изгледи.
Да се потсетиме, минатата година ги сретнавме како едно од најважните парчиња на сезоната, а потоа врвни брендови како Jacquemus и Ferragamo ги релансираа на модната сцена.
Но сега, гледајќи ја денешната мода и уличен стил, јасно е дека капри панталоните станаа задолжително парче кое комбинира ретро шарм со модерен израз. Всушност, тие повеќе не се само парче носталгија кон модата, туку секојдневен избор за жените кои бараат стил, но и удобност во потоплите месеци.
Хејли Бибер неодамна беше видена како носи капри панталони со точки, во комбинација со едноставен црн топ и црни апостолки, што совршено илустрираше како овој стил може да биде и забавен и софистициран во исто време.
Нејзиниот стил не беше премногу „револуционерен“, но едноставноста и смелиот дезен донесоа освежителен пресврт и докажаа дека капри панталоните лесно можат да станат централна точка на секоја облека.
Од друга страна, Кендал Џенер избра класични, црни капри панталони кои ги искомбинираше со тенка бела кошула со копчиња и елегантни сандали, докажувајќи дека овој крој може да се носи и во поформални пригоди.
Иако често ги поврзуваме капри панталоните со лежерен и летен изглед, нивниот потенцијал е далеку поголем. Денес, ги гледаме во различни материјали и кроеви – од лелеави ленени модели до структурирани памучни или дури и кожни верзии, што ги прави многу прилагодливи и погодни за различни пригоди.
Капри панталоните совршено се комбинираат со сандали со ниска или висока потпетица, салонки, балетанки, па дури и бели патики, што ги прави идеален избор за градски прошетки или дружење на терасите на вашите омилени летни кафулиња.
Забава
Тажна приказна за два знака: се сакаат, но никогаш не се разбираатж
Два хороскопски знаци кои магнетски се привлекуваат еден кон друг, но ретко остануваат заедно – еве зошто.
На прв поглед, Ракот и Водолијата немаат ништо заедничко. Едниот хороскопски знак живее во минатото, другиот во иднината. Едниот бара сигурност, другиот слобода. И сепак, нешто постојано ги привлекува еден кон друг. Тоа е една од оние комбинации што се случуваат често, но ретко траат.
Рак, чувар на емоциите и домот
Ракот е знак управуван од Месечината. Чувствителен, грижлив, често носталгичен. Луѓето родени под овој знак длабоко го чувствуваат светот околу нив и инстинктивно сакаат да го заштитат она што го сакаат. Пријателствата и врските им значат многу, но тие исто така очекуваат возвратено внимание, посветеност и емоционална достапност.
Водолија, вечниот визионер
Водолија е знак кој не признава правила. Со знакот владеат Уран и Сатурн, комбинација од експлозивна оригиналност и студена дистанца. Ги сака луѓето, идеите, слободата. Но, кога станува збор за емоции, Водолијата често ја одржува својата дистанца. Не затоа што не чувствува, туку затоа што не знае секогаш што да прави со тие емоции.
Каде се заглавува?
Ракот бара присуство, нежност, јасни емоции. Водолијата пред сè сака независност, пријателство и не го сака чувството на врзување. Ракот се повлекува кога се чувствува запоставен. Водолијата бега кога се чувствува притисната. И така се создава маѓепсан круг на тишина, повлекување и студенило.
Можат ли сепак да успеат?
Да, но само ако двајцата се спремни да излезат од своите зони на удобност. Ракот мора да научи дека љубовта не мора секогаш да биде онаква каква што ја замислувале. А Водолијата дека емоционалната блискост не мора да значи губење на слободата. Кога ќе го сторат тоа, нивната врска, без разлика дали е пријателство или љубов, може да биде една од најнеобичните и најинспиративните.
Од денеска до вторник топлотен бран во Македонија, се активираат препораките за заштита на населението
Министерството за здравство ја информира јавноста дека согласно прогнозите од УХМР и врз основа на акцискиот план за превенирање на...
Уапсен 42-годишник од Радовишко, силувал 77-годишна жена
На втори јули, во 17 часот полициски службеници од СВР Струмица- ОВР Радовиш го лишиле од слобода 42-годишниот А.С. од...
39-годишен Македонец е загинатиот во несреќата во Србија
Во сообраќајна несреќа што се случи рано утрово на автопатот Нови Сад – Суботица загина македонски државјанин, додека друг се...
Се преврте возило со македонски регистарски таблички, загина сопатникот: тешка сообраќајна незгода во Србија
Едно лице загина, а едно е тешко повредено во сообраќајна несреќа што се случи утрово. Како што објави српски „Блиц“,...
Најголем интересот за студии по медицина и социјална заштита, порасна бројот на запишани студенти за една година
Во академската 2024/2025 година се запишале 53.535 студенти, што претставува зголемување за 2,3 проценти во однос на претходната година. Според...
(Видео) Студенти уапсени на ливада пред Факултетот за драмски уметности во Белград
Белград, Нови Сад и Ниш денес ќе бидат целосно блокирани, најавија студентите на големите собири синоќа. Žandarmerija u Cvijićevoj. pic.twitter.com/IEpLk4p9d8...
(Видео) Трамп: Не постигнав никаков напредок во разговорот со Путин
Американскиот претседател Доналд Трамп вчера им изјави на новинарите дека не постигнал никаков напредок во врска со завршувањето на војната...
(Видео) Брутален руски напад врз Киев по разговорите Путин – Трамп
Руските сили започнаа повеќечасовен ракетен и беспилотен напад врз украинскиот главен град Киев во текот на ноќта, насочен кон станбени...
(Видео) Студентите: Тотална блокада на Србија наутро; Вучиќ: Ве молам, вразумете се
Белград, Нови Сад и Ниш денес ќе бидат целосно блокирани. Студентите го најавија ова на големите собири синоќа. Тие најавија...
Приближно половина час се чека на Богородица и на Табановце
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Сончево и многу топло, температурата денеска до 40 степени
Времето денеска ќе биде претежно сончево и многу топло со слаб до умерен ветер од јужен правец. Минималната температура ќе...
Уапсен мотоциклистот кој усмрти пешак на кејот во Скопје
Полицијата го уапси мотоциклистот кој завчера усмрти пешак на кејот во Скопје, на пешачка патека во близина на Паркот на...
(Видео) Платата на пилотите во ДЗС покачена за 100 отсто како дополнителен мотив, кажа Ангелов
Платата на десетте вработени во Одделението за специјализирани воздухоплови во ДЗС им е покачена за 100% и им е даден...
(Видео) Јакимовски: Унапредувањето на судијката Димовска е награда за мојата затворска казна
Начинот на кој е избрана судијката Даниела Димовска за вд претседател на Основниот кривичен суд Скопје ми дава за право...
Можно е Костадинов да се кандидира за градоначалник на Струмица како независен кандидат
Актуелниот градоначалник на Струмица, Костадин Костадинов, ја отвори можноста да се кандидира како независен кандидат за нов мандат, oткако СДСМ...
Ковачев: За темите за идентитетот и за јазикот нема место во извештајот, се отвора Пандорината кутија
Трите најголеми политички групи во Европскиот парламент го поддржаа предлогот да се отстранат термините „македонски идентитет“ и „македонски јазик“ од...
Бришењето на македонскиот јазик и на идентитетот од извештајот е еднакво лошо за нас како да стоеше модерен, вели Мицкоски
По објавите на бугарските медиуми дека трите најголеми политички сили во Европскиот парламент (ЕП) се согласиле од извештајот за напредокот...
Вршеле обљуба врз малолетнички и снимале со мобилен: уапсени 18-годишник и малолетник од Тетово
Вчера во 15.30 и во 22.55 часот полициски службеници од СВР Тетово и ПО Камењане во с.Горно Седларце и во...
Затаила над 50 милиони денари, ниту пријавувала ниту плаќала данок: кривична за сопственичка од Кавадарци
Управата за финансиска полиција до Основното јавно обвинителство Кавадарци поднесе кривична пријава против С.Т во својство на сопственик, управител и...
(Фото) Масовна евакуација на туристи поради пожар на Крит
Голем пожар во Грција продолжува да беснее во источниот дел од островот Крит, откако избувна вчера попладне во тешко пристапна...
