Контакт

Здравје

Дури во 36-тата година луѓето почнуваат да се грижат за здравјето

Објавено пред

Во тинејџерските години, во дваесеттите и во најголемиот дел од триесеттите, повеќето луѓе не се грижат премногу за нивното здравје. Дури во 36-тата година, работите се менуваат, тврдат научниците.

dobivaj vesti na viber

Дури на таа возраст луѓето стануваат свесни за здравјето и почнуваат да применуваат поздрави животни навики.

 

Смртни случаи во семејството, предупредувања од лекарите или фотографии од прослави на кои не изгледааат баш најдобро, се главна мотивација на луѓето за животен пресврт, покажа истражувањето на болницата Спајер во Бристол (Spire Bristol Hospital).

 

Студијата, што опфатила 2.000 луѓе, открила дека 56 проценти од нив ги игнорирале сите предупредувања врзани за нездравиот начин на живот и живееле „како да нема утре“.

 

Меѓутоа, просечната личност доживеала пресврт во 36-тата година кога го намалила консумирањето на алкохол и почнала поздраво да се храни.

 

Род Андерсон, директор на болницата, вели:

 

„Ова истражување покажува дека во средината на триесеттите години од животот, здравјето станува поголем приоритет. Ако ги земете работите во свои раце, може да живеете многу поквалитетно. Едноставни промени во навиките може да доведат до значително подобра здравствена состојба“.

 

Меѓутоа, студијата покажала дека шест од 10 луѓе сметаат дека животот е краток и со тоа го оправдуваат нездравиот начин на живот.

 

Само четири од 10 лица сметаат дека долгорочните навики за здрав живот се поважни од „живеење во моментот“.

 

Една од 10 личности рекла дека воопшто не вежба, додека три од 10 секојдневните обврски ги сметаат за доволна физичка активност.

 

Сепак, дури и оние кои ќе почнат да се трудат повеќе од средината на триесеттите, подоцна може да им се вратат на старите навики.крај/мф/сд



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

(Видео) Најнапорниот тренинг кој трае само 5 минути и го активира целото тело

Објавено пред

Пет минути – можеме да се справиме со тоа, нели? Па… овој тренинг ќе ве натера да ги преиспитате вашите граници!

dobivaj vesti na viber

За само 5 минути, осум интензивни вежби ја тестираат вашата сила, кондиција и издржливост. Крај на изговорите како „Немам време“ – ова е брутална, но супер ефикасна рутина.

Како функционира?
Секоја вежба трае 30 секунди.

Ако имате сила, повторете го целиот сет.

Скоро и да нема одмор – максимум 5 секунди помеѓу вежбите.

Целта: да се зголеми срцевиот ритам, да се активира метаболизмот и да се ослободи енергија.

Вежби:
Thrusters – Фокус на стомачните мускули, издишувајте додека ги кревате теговите. Цел: 15 повторувања.

Box jumps – За поголем предизвик, ставете ги рацете зад главата. Скокни до кутијата + контрола на дишењето = полн погодок.

Push ups – Држете го јадрото стегнато и правете ја вежбата полека, со стабилен ритам.

Mountain climbers – Кога напорот се зголемува, клучно е да се фокусирате на правилното дишење.

Row со тегови – Ги активира грбот, рамената и рацете – сè што сакаме во една вежба.

Веслачка машина – Цел: 80–100 метри за 30 секунди. Брзина и фокус!

Squat jumps – Слично на box jumps, фокус на дишењето и силно јадро. Ако сакате полесна варијација, класичните чучњеви се тука.

Ball slams – Искористете ја целата ваша сила, ослободете се од секојдневниот стрес и напнатост – чиста терапија во движење.

Пет минути, осум вежби, нула изговори. Ако сакате интензивен тренинг што го ангажира целото ваше тело, ова е рутината за вас. За оние кои сакаат да се потат, ова е вистински предизвик – но ќе се чувствувате моќно, полни со енергија и подготвени за сè што носи денот!

фото: принтскрин

Прикажи повеќе...

Забава

Направете три домашни маски за коса за да ја обновите: вратете ги мекоста и сјајот

Објавено пред

Пробајте три едноставни домашни маски направени од авокадо, алое вера и банана кои го враќаат сјајот, цврстината и мекоста на косата исушена од сонцето и морето.

dobivaj vesti na viber

Сонцето, солта од морето и хлорот од базенот можат многу брзо да ја исушат косата, правејќи ја кршлива и без сјај. Особено во текот на летото, косата ја губи влажноста, а природните заштитни масла се мијат, правејќи ја косата груба на допир и потешка за стилизирање.

За да ја вратите еластичноста, мекоста и здравиот изглед, важно е повремено да ја негувате косата со третмани за длабинско регенерирање. Природните маски се одличен избор бидејќи не содржат груби хемикалии, туку содржат хранливи материи кои продираат во влакното.

Еве три едноставни рецепти што можете да ги направите дома, со состојки што веројатно веќе ги имате. Ако сакате да ѝ дадете дополнителна заштита, погледнете ги овие совети.

1. Хранлива маска од авокадо

Состојки:

1 зрело авокадо
1 лажичка маслиново масло
1 лажичка мед
1 јајце

Постапка:

Изгмечете го авокадото, потоа додадете го маслиновото масло, медот и јајцето. Мешајте додека не добиете мазна смеса. Нанесете ја маската рамномерно на косата од коренот до врвовите.

Оставете да делува околу 20 минути, а потоа исплакнете со топла вода.

Зошто е добро?

Авокадото е богато со витамини Е и Б, кои ја негуваат вашата коса и ја враќаат нејзината еластичност. Маслиновото масло длабински ја хидрира, додека медот ја задржува влагата. Јајцата се природен извор на протеини, неопходни за зајакнување и обновување на оштетената коса.

2. Маска од алое вера

Оваа маска ја прави вашата коса мазна, хидрирана и го поттикнува растот на косата.

Состојки:

1 лист од алое вера
1 лажичка бадемово масло

Постапка:

Исечете еден лист од алое вера по должина, извадете го гелот и ситно исечкајте. Додадете бадемово масло и добро измешајте. Нанесете ја смесата на косата и завиткајте ја главата во пластична фолија или капа за туширање. Оставете да делува околу 20 минути, а потоа исплакнете со топла вода.

Зошто е добра?

Алое верата длабински го хидрира скалпот, ја намалува иритацијата и првутот, а благодарение на своите ензими и витамини, го поттикнува побрзиот раст на косата. Бадемовото масло е богато со витамин Е, што ја прави косата помека и посјајна.

3. Маска од банана

Состојки:

1 голема зрела банана
1 лажичка мед

Постапка:

Изгмечете една банана и измешајте ја со мед додека не добиете мазна смеса слична на пире. Нанесете ја маската на косата и оставете ја да делува 20 минути, а потоа исплакнете со топла вода.

Зошто е добра?

Бананата содржи природни шеќери, калиум и витамини кои ја омекнуваат косата и спречуваат кршење. Медот помага да се задржи влагата во косата, така што косата останува хидрирана и свиленкаста.

фото: принтскрин

Прикажи повеќе...

Забава

Ако сакате да ослабите, ова е најдобриот додаток на вашиот пијалак

Објавено пред

Експертите нагласуваат дека клучот не е само што пиете, туку и како го подготвувате пијалокот ако сакате да ослабете.

dobivaj vesti na viber

Смутијата можат да бидат здрав појадок или ужина, но гладот често се враќа брзо. Според нутриционистите, една од најдобрите состојки што можете да ја додадете во смути за да ви помогне да ослабете е семето од чиа. Тоа е практично без вкус, лесно за додавање во блендер и е полно со здрави масти, влакна и протеини кои ви помагаат да се чувствувате сити подолго време.

Влакна што ве одржуваат сити подолго време
Две лажици семки од чиа содржат огромни 10 грама диететски влакна, што е реткост во толку мала порција. „Влакната го забавуваат варењето и ви помагаат да се чувствувате сити подолго време, што може да го намали грицкањето и вкупниот внес на калории“, вели нутриционистката Елиза Витакер.

Тие се особено богати со растворливи влакна, кои апсорбираат вода и се шират во желудникот, создавајќи чувство на ситост. Нутриционистката Ешли Хоук додава дека ова помага да се намали прејадувањето и безгрижното допирање на храна. Студиите покажаа дека редовната консумација на семки од чиа може да го намали обемот на половината и нивото на Ц-реактивен протеин, маркер на хронично воспаление во телото.

Извор на здрави омега-3 масти
Семето од чиа е одличен растителен извор на омега-3 масни киселини. Една лажица содржи околу 1,3 грама, што е речиси целата дневна потреба за жените и поголемиот дел за мажите. „Омега-3 мастите го забавуваат варењето, го продолжуваат чувството на ситост и можат да го забрзаат метаболизмот“, објаснува Витакер.

Некои истражувања покажуваат дека омега-3 масните киселини можат да ја зголемат вашата базална метаболичка стапка, што значи дека вашето тело согорува повеќе калории дури и кога сте во мирување.

Протеини од растителна основа за стабилна енергија
Две лажици семе од чиа обезбедуваат речиси пет грама протеини. Комбинацијата од влакна, протеини и здрави масти го одржува нивото на шеќер во крвта стабилно, спречувајќи скокови на енергија и напади на глад. „Стабилниот шеќер во крвта е клучен за контролирање на апетитот во текот на денот“, забележува Ховк.

Нискокалорични, богати со хранливи материи
Покрај тоа што се богати со хранливи материи, семето од чиа е исто така нискокалорично – околу 140 калории на две лажици. Тие содржат протеини, омега-3 масти, витамини и минерали, а воедно се достапни и долготрајни. „Една кесичка трае долго време, а поради нивната мала порција, лесно се вклопуваат во вашата исхрана“, додава нутриционистот Рајан Гајгер.

Како да ги додадете во вашето смути?
Семето од чиа е неверојатно лесно за употреба. Препорачливо е да започнете со една до две лажици дневно и постепено да ја зголемувате количината како што вашето тело се навикнува на поголемиот внес на влакна. За покремаста текстура, можете да ги потопите околу десет минути пред блендирање, или за погусто смути, додадете ги непосредно пред тоа и оставете ги да се згуснат. Тие се достапни и во мелена форма за оние кои претпочитаат целосно мазни пијалоци.

фото: принтскрин

Прикажи повеќе...

Најново

Топ1 минута

МВР со детали за опожарениот автомобил на Галетановски: зафатени биле уште две возила

Денеска во СВР Скопје е пријавено дека на улицата „Иван Козаров“ во Скопје опожарено било патничко возило „бмв“ со скопски...

Македонија23 минути

СДСМ го осудува криминалниот чин и палењето на возилото на Галетановски: МВР веднаш да го расчисти случајот

СДСМ најостро го осудува криминалниот чин и палењето на возилото на претседателот на Градската организација, Ѓорѓи Галетановски. „Со доаѓањето на...

Топ45 минути

Го запалил глисерот на својот брат, пожарот се проширил на зграда и на возило: уапсен охриѓанец

Ноќеска во 03:00 часот, полициски службеници од СВР Охрид, од слобода го лишија 52-годишниот З.С. од Охрид. Тој се сомничи...

Македонија1 час

„Дали Обвинителството штити од кривична одговорност функционери на СДС и ДУИ и во фиока го чува предметот Рекет 2“, прашува ВМРО-ДПМНЕ

„Во јавноста излезе нов скандал за криминалното владеење на СДС и ДУИ, а судско обвинителскиот систем го крие и заташкува....

Македонија2 часа

Два активни пожари во државата, два се под контрола, а 29 се изгаснати

Во текот на изминатото деноноќие, на територијата на Република Северна Македонија се регистрирани вкупно 33 пожари на отворен простор, од...

Македонија2 часа

„И СДС и Димовски признаваат дека во период на изборни циклуси бил следен и прислушкуван Мицкоски“, велат од ВМРО-ДПМНЕ

„Скандалот со прислушкувањето на АНБ и АР на претседателот на ВМРО-ДПМНЕ, новинари, бизнисмени добива се поголеми размери. И СДС и...

Регион4 часа

(Видео) Силен земјотрес ја погоди Грција

Земјотрес со јачина од 5,3 степени го погоди грчкиот остров Евија во текот на ноќта и беше силно почувствуван во...

Свет4 часа

Посетата на САД ќе стане поскапа за странските патници од 30 септември

Патниците кои планираат да ги посетат Соединетите Американски Држави наскоро ќе се соочат со повисоки трошоци бидејќи повисоките такси за...

Свет5 часа

Голема победа за Трамп: Врховниот суд пресуди дека може да продолжи со рациите во Лос Анџелес

Врховниот суд на САД пресуди дека федералните рации за имиграција во Лос Анџелес можат да продолжат, укинувајќи ја претходната забрана...

Европа5 часа

Медведев обвини земја членка на ЕУ дека „подготвува напад врз Русија“

Заменик-претседателот на Рускиот совет за безбедност, Дмитриј Медведев, тврди дека денешна Финска, со поддршка на НАТО, води „конфронтациска политика на...

Свет11 часа

(Видео) Расте бројот на жртви во судирот на воз и автобус во Мексико: десетици повредени

Најмалку десет лица загинаа, а 61 се повредени откако товарен воз удри во двокатен автобус северозападно од Мексико Сити, соопштија...

Свет12 часа

Израел: Моќен ураган ќе ја погоди Газа, а покривите на терористичките облакодери ќе се тресат

Израел им порача на жителите на Газа веднаш да го напуштат градот откако предупреди дека ќе ги интензивира воздушните напади...

Европа16 часа

(Видео) Падна француската влада

Францускиот премиер Франсоа Бајру го изгуби гласањето за доверба што самиот го побара за својата влада. Француското национално собрание гласаше...

Македонија16 часа

(Видео) Полицискиот хеликоптер денеска фрли повеќе од 30 тони вода врз дел од пожарите

Денеска полицискиот хеликоптер Бел 412 беше ангажиран во два наврати за гасење пожар во реон на село Русиново и во...

Свет17 часа

Шпанскиот премиер: Едно е да ја браниш својата земја, а друго е да бомбардираш болници и да ги изгладнуваш децата

Шпанскиот премиер Педро Санчез денес објави девет мерки против Израел, вклучувајќи ембарго за оружје, со цел „запирање на геноцидот“ што...

Македонија18 часа

Се судрија четири возила и четири мотоцикли, петмина повредени: прекинат сообраќајот на патот Мавровска крстосница-Гостивар

Денеска во ОВР Гостивар во 15:56 часот пријавена е сообраќајна несреќа на магистралниот пат од Мавровска крстосница кон Гостивар, во...

Топ21 час

Едно и полгодишно дете од Радовиш пренесено во Клиничката болница Штип, според таткото испило таблета

Вчера во 18:22 часот во Полициската станица Радовиш од Итната медицинска помош Радовиш е пријавено дека кај нив бил донесено...

Македонија22 часа

Мицкоски за прислушуваните материјали: Ме следеле мене, но и моите деца, речиси исти луѓе блиски до некоја мината власт, оперираат со системот

Претседателот на Владата на Република Северна Македонија Христијан Мицкоски во своето обраќање по повод 8 Септември – Денот на независноста...

Македонија22 часа

Шест активни пожари во државата, еден е под контрола

Денеска, до 12:00 часот, на територијата на Македонија регистрирани се вкупно девет пожари на отворен простор, од кои активни се...

Македонија23 часа

Ахмети: Никаква опасност, на ниту еден Македонец, а уште помалку на нашата држава, не и се заканува од еднаквоста со Албанците

„Годишнината од прогласувањето на независноста на Северна Македонија е секогаш повод да рефлектираме за тоа како беше, како е и...