Здравје
Фентанил, аналгетикот одговорен за смртта на Принс, сé поголема закана за САД
Фентанилот, извонредно силен аналгетик којшто, како што објавија власите придонел за смртта на музичката легенда Принс пред шест седмици, е одговорен за сé поголемиот број смртни случаи од предозирање во САД.
Според податоците објавени на интернет страницата на американскиот Центар за контрола на болестите (CDC), најсилниот познат наркотик и опиодниот аналгетик е 50 пати посилен од хероинот, а стотина пати од морфиумот.
Производството на фентанил, пореди сé позачестените предозирања, е под строга контрола на американската Управа за храна и лекови (FDA), но и покрај тоа во САД се произведува и во илегални лаборатории. Станува збор за многу силен лек којшто пациентите го земаат откако нивниот организам ќе стане отпорен на делувањето на другите лекови од истото семејство.
Од CDC истакнуваат дека илегалното производство на фентанил е сé поголем проблем во САД, бидејќи лекот лесно се набавува на црниот пазар поради што смртноста од предозирање со синтетски опиоиди во 2014 година во САД се зголемила за 80 отсто. На пример, во сојузната држава Охајо, бројот лица предозирани со фентанил во 2014 година пораснал од 92 на 514 луѓе.
Проблемот е подигнат на сојузно ниво. Американскиот претседател Барак Обама на почетокот од годинава од Конгресот побара издвојување на 1,1 милијарда долари со кои во следните две години би се финансирала заменската терапија на зависниците од хероин и лицата кои земаат силни аналгетици на рецепт.
Американската полициско-разузнавачака Агенција за сузбивање на дрогите DEA, минатата 2015 година издаде предупредување на државно ниво за опасноста од земање фентанил во коешто стои дека и најмало количество од лекот може да биде смртоносно.
Овој опиоиден аналгетик најчесто се користи кај тешко заболени лица во терминална фаза од болеста. Поради опиодните својства на лекот, пациентите коишто го земаат мора да бидат под лекарски надзор, бидејќи може да доведе до брадикардија или забавено дишење.
Опасноста од предозирање со фентанил во САД последните неколку години, како што објави DEA, доаѓа во бранови. Во периодот меѓу 2005 и 2007-ма евидентирани се илјада починати од последици на предозирање со фентанил, повеќето во Чикаго, Детроит и во Филаделфија. Трагата довела до лабораторија во Мексико која потоа е затворена.
Месец и половина по смртта на Принс, наодите од обдукцијата ги потврдија сомневањата според кои виновни за неговата смрт се опиоди, попрецизно фентанилот. Засега нема информации за тоа дали аналгетикот го добивал на рецепт или го набавил на некој друг начин./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најдобрата напивка за слабеење: едноставна и идеална за лето
Освен што ги топи вишокот масни наслаги во телото, го смирува стомакот и ја намалува надуеноста, па затоа нема причина да не го консумирате секојдневно.
Ако традиционално сте одлучиле да почнете да се храните поздраво и да вежбате повеќе околу два месеци пред летната сезона, или ако сте одлучиле да ослабете среде лето, можеби овој одличен пијалок, за кој експертите тврдат дека е најефикасен во топењето на вишокот масти во телото, ќе ви помогне во тоа.
Потребни состојки:
– 1 литар вода
– 1/2 грејпфрут
– 1 мандарина
– 1 краставица
– 4 до 6 големи листови нане
– мраз
Подготовка:
– Излупете ги и исечете ги грејпфрутот, мандарината и краставицата на парчиња.
– Додадете ги сите состојки во бокал со вода и оставете го во фрижидер.
– Оставете преку ноќ.
– Промешајте го пијалокот наутро и пијте го во текот на денот.
Сите овие состојки имаат свои интересни придобивки: од стабилизирање на нивото на шеќер во крвта, забрзување на согорувањето на калории, намалување на надуеноста до зголемување на чувството на ситост и смирување на желудникот.
Забава
Трик за хидратација на кожата што ги излудува жените: ќе се каете што не сте почнале порано
Заборавете на негата на кожата во десет чекори и сложените рутини кои одземаат повеќе време од вашето утринско кафе.
Нова опсесија за нега на кожата се нарекува „skin flooding“, техника која вклучува нанесување на хидратантни креми во слоеви додека кожата е сè уште влажна, за да се максимизира секоја капка влага и активни состојки.
Концептот е всушност многу едноставен, но многу ефикасен!
Наместо да чекаме лицето да се исуши по миењето, веднаш почнуваме да го хидрираме додека е сè уште влажно, прво со лесен тоник или термална вода, потоа преминуваме на серум со хијалурон или глицерол, и го запечатуваме сè со побогат хидратантен крем што спречува испарување на влагата.
Доколку вашата кожа е екстремно сува или дехидрирана, можете да ја завршите вашата рутина со дополнителен слој масло или балсам за да се осигурате дека она што сте го нанеле претходно ќе остане длабоко во вашата кожа.
Поентата е дека сите производи се нанесуваат еден по друг без чекање, додека кожата е сè уште еластична и отворена за апсорпција, исто како кога растението подобро апсорбира вода од влажна почва.
Овој ефект на „плакнење“ на кожата не само што обезбедува моментално чувство на мекост и свежина, туку на долг рок помага во зајакнување на бариерата на кожата, го враќа сјајот и го прави тенот да изгледа пополн, поздрав и поеластичен. Овој метод е особено корисен во периоди кога кожата изгледа безживотно, затегнато или иритирано – на пример по изложување на сонце, ветер или централно греење.
Најдобриот дел е што ова не бара скапи производи или многу време, туку само промена на пристапот, т.е. користење на производите што веќе ги имаме во нашата рутина малку попаметно. Иако доаѓа од сферата на „Тик-ток“, овој тренд има и своја дерматолошка логика бидејќи се базира на задржување на влагата во кожата, што е основа на здрава, избалансирана и сјајна кожа.
Ако сакате тен кој изгледа одморен, сјаен и свеж без шминка или филтри, овој начин на хидратација лесно може да стане ваш нов омилен ритуал за убавина.
Забава
Осум едноставни трика за исхрана, кои го имитираат ефектот на „оземпик“
Малите промени во вашата исхрана може да ги активираат хормоните за контрола на апетитот и губење на тежината, без да трошите пари на лекови.
Ако не можете или не сакате да набавите „оземпик“ или слични лекови за слабеење, но сакате да ослабите, еден доктор споделува осум едноставни совети, кои може да ги имитираат ефектите на лековите GLP-1, и тоа сосема природно и бесплатно.
Д-р Марија Скурбутакос, предавач на Одделот за семејна и општа медицина на Универзитетот во Торонто и доктор по нутриционизам, неодамна напиша статија за The Conversation, во која објаснува како одредени навики во исхраната може да го стимулираат природното лачење на хормонот GLP-1 (кој го регулира шеќерот во крвта и чувството на ситост), а со тоа да го поттикнат губењето на тежината.
Иако природниот начин трае подолго за да се видат резултати, докторката истакнува дека ваквите промени може да го намалат ризикот од срцеви заболувања за дури 10 % повеќе од лековите како „оземпик“. Покрај тоа, ваквите навики може да помогнат во одржувањето здрава телесна тежина на долг рок.
Еве осум начини како можете да го забрзате губењето на тежината – денес:
1. Јадете заситен појадок
Студија од 2009 година покажа дека телото реагира на храна побргу наутро отколку попладне. Појадокот стимулира побрзо лачење на хормонот GLP-1, што ве прави да се чувствувате сити.
Затоа – никогаш не прескокнувајте го појадокот!
2. Ручекот нека биде помал, а вечерата најмала
Распределбата на калориите во текот на денот игра голема улога. Студија од 2013 година покажа дека жените што јаделе 700 калории за појадок, 500 за ручек и 200 за вечера изгубиле повеќе тежина и имале помал обем на половината од оние што вечерата ја правеле свој најголем оброк.
3. Додајте влакна во секој оброк
Влакната се број еден природен засилувач на хормонот GLP-1. Дури и без ограничување на калориите, исхраната богата со растителни влакна може да ви помогне да ослабите.
Храна богата со растителни влакна:
Зеленчук: брокула, моркови, спанаќ, артичоки, слатки компири (со кора);
Овошје: малини, круши и јаболка (со кора), банани, портокали, авокадо;
Цели зрна: овесна каша, киноа, кафеав ориз, јачмен, леб од цело зрно;
Мешунки: леќа, црн грав, наут, зелен грав;
Јаткасти плодови и семки: чиа, лен, бадеми, ф’стаци, сончоглед;
Препорачано дневно внесување растителни влакна: 25 g за жени, 34 g за мажи.
4. Додајте незаситени масти
Покрај растителните влакна, важни се и мононезаситените масти (т.н. MUFA). Тие помагаат во регулирањето на холестеролот, намалувањето на воспалението и зголемувањето на лачењето на хормонот GLP-1.
Одлични извори вклучуваат: маслиново масло, авокадо, бадеми, лешници, семки од тиква, маслинки, путер од кикиритки.
Се препорачува 15-20 % од вашите дневни калории да доаѓаат од MUFA-масти.
5. Ужина со ф’стаци
Ф’стаците се богати со растителни влакна и здрави масти. Студија од 2014 година покажа дека тие природно го зголемуваат нивото на хормонот GLP-1. Покрај тоа, тие може да помогнат во заштитата на вашиот вид од сина светлина како што стареете.
6. Јадете по следниот редослед: првин протеини, потоа зеленчук, па јаглехидрати
Студиите покажуваат дека јадењето протеини пред јаглехидрати ги зголемува нивоата на GLP-1. Значи, следниот пат кога ќе јадете – првин месо, потоа зеленчук, па тестенини или леб.
7. Изберете цврста храна наместо кашеста или течна
Дури и самото џвакање храна стимулира подобар хормонален одговор. Студија од 2024 година откри дека GLP-1 се зголемува кога јадеме цврст зеленчук за разлика од пире.
Значи – помалку смути, повеќе салати.
8. Јадете бавно
Бавното јадење му овозможува на телото да препознае ситост и да го координира лачењето на хормонот GLP-1. Кога јадеме премногу бргу, честопати јадеме повеќе отколку што ни треба бидејќи чувството на ситост доаѓа доцна.
Продолжете го времетраењето на оброците и ќе се чувствувате сити со помалку храна.
Со воведување на овие осум навики во вашата дневна исхрана можете природно да активирате хормони што го поддржуваат губењето на тежината – без лекови, без стрес и без трошоци, пишува Best Life.
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
Честитка од претседателката Сиљановска-Давкова по повод 2 Август, Илинден – Денот на Републиката
Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...
Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници
Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...
Браќа од Струшко нападнале семејство во возило во кое имало и деца, ја удирале жената со боксови и клоци
Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...
Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија
Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...
Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски
Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...
Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу
Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...
Маркетите да не прават трикови оти ограничувањата може да бидат годишни, не неделни или месечни, порача Мицкоски
Можни се годишни место неделни или месечни ограничувања на маржите за да се заузда растот на цените во маркетите. Премиерот...
Со ретровизорот ја удрил во главата и починала: обвинение за возач што имал слепило, а управувал товарно возило
Основното јавно обвинителство Кавадарци поднесе Обвинителен акт против едно лице за тешки дела против безбедноста на луѓето и имотот во...
Случајот со претседателката на антикорупциската комисија најматен настан за јули, според „Транспаренси“
„Транспаренси интернешнл – Македонија“ го објави редовниот месечен извештај „Бистро – матно“ за јули 2025 година, во кој се евидентирани...
Трамп ја објави листата на нови царини
Претседателот на САД, Доналд Трамп, потпиша извршна наредба со која се воведуваат повисоки царини за десетици земји во целиот свет...
Македонија со царина од 15 отсто
Американскиот претседател Доналд Трамп рано утрово по македонско време објави нови царински стапки. Македонија, доби стапка од 15 отсто, идентична...
Денес, втора седница на Советот за безбедност
Претседателката Гордана Сиљановска-Давкова ја свика втората седница на Советот за безбедност што ќе се одржи денес, 1 август, со почеток...
Во моментот нема активни пожари, надлежните апелираат да се внимава за Илинденските празници
Според податоците на Центарот за управување со кризи (ЦУК), заклучно со 18:00 часот , нема ниту еден активен пожар. Шест...
Автомобил се судри со автобус кај Тетово – тројца загинати, едно дете е повредено
Три лица го загубија животот, а едно дете е повредено во тешка сообраќајна несреќа што попладнево се случи на автопатот...
