Здравје
Идентификувани хемиски маркери за дебелина
Научниците идентифицирале хемиски маркери во урината коишто се поврзани со телесната маса и нудат индиции зашто дебелите луѓе се понаклонети на развој за заболување како што се мозочен удар, карцином, дијабетес или срцеви болести, се наведува во студијата објавена во магазинот Science Translational Medicine.
Овие резултати би можеле на истражувачите, исто така, да им помогнат при идентификување коешто го имаат таканаречените „метаболички потпис“ за дебелина но немаат вишок килограми, велат научниците сугерирајќи дека би можело да се пронајдат начините на тие лица да им се спречи развојот на прекумерната тежина и другите заболувања од пореметениот метаболизам.
Според податоците на Светската здравствена организација (СЗО – WHO), во 2014 годна 13 отсто од возрасната популација во светот биле дебели. Според податоците за 2013 година, околу 42 милиони деца помлади од пет години веќе го имале овој проблем.
Урината содржи разни хемикалии, метаболити, коишто настануваат како резултат на биохемиските процеси во организмот. Благодарејќи на технологиите коишто можат да ги анализираат метаболичките содржини на примерок на мочката научниците може да добијат многу податоци за генетската градба и за животните навики на едно лице.
За споменатото истражување научниците од Кралскиот колеџ во Лондон анализирале примероци на урината на повеќе од 2.000 доброволци во САД и во Велика Британија. Тие откриле 29 различни метаболички продукти чиишто нивоа се поврзани со телесниот индекс на некое лице. Некои од тие метаболити се производ од бактериите кои живеат во цревата, велат научниците нагласувајќи ја нивната потенцијално важна улога во развојот на потенцијално важна улога во развојот на прекумерната тежина.
„Нашите резултати укажуваат на тоа дека примерок од метаболичките маркери во урината се поврзани со прекумерната телесна тежина. Би можеле да ги идентификуваме луѓето кои немаат прекумерна тежина, а имаат такви примероци во својата урина. Кај тие луѓе постои опасност од развој на прекумерна тежина и метамолички заболувања“, вели Пол Елиот од лондонскиот Кралски оддел за епидемиологија и биостатистика, кој исто така учествувал во истражувањето. Според него тоа бил можело да биде од полза при персонализираниот и превентивен пристап на лекувањето./крај/мф/сн
Извор: The Telеgraph
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Здравје
Безброј луѓе одат во Индија по „чудесниот лек“ за астма
Безброј луѓе, кои боледуваат од астма, одат во индискиот град Хајдерабад бидејќи наводно мала жива риба полнета со одредени растенија е чудотворен лек за астма, пишува АП.
Агенцијата вели дека секое лето, на ден кој се смета за астролошки поволен, луѓето што страдаат од астма и други респираторни заболувања патуваат во Хајдерабад за да проголтаат мали живи риби полнети со разни чудотворни билки направени од семејството Батини.
Според легендата, во 1845 година еден светец скитник му ја претставил тајната формула на чудотворната билка на еден човек што живеел во градот Хајдерабад, Веран Гуд, и му рекол да им ја даде формулата бесплатно на пациентите со астма.
Оттогаш, потомците на Гуд, познати како семејството Батини, ги зачувале традицијата и хербалната формула.
Секоја риба чини 40 рупии или 50-ина центи.
Кога се купува, живата риба се става во пластична кеса наполнета со вода и се носи кај семејството Батини, кое става мешавина од растенија во устата на рибата.
Забава
Кората од портокал може да има изненадувачки здравствени придобивки за срцето
Горчливата кора од портокал е тука за да го заштити плодот, а може да го заштити и нашето тело, само ако престанеме да ја фрламе.
Откриено е дека кората од портокал содржи биоактивно соединение, наречено ферулоилпутресцин (ФП), кое може да има корист за здравјето на срцето кога се јаде.
Ова откритие ги заинтересирало научниците од Универзитетот во Флорида и американското Министерство за земјоделство.
Во експериментите, кога глувците биле хранети со хранлив екстракт од кора од портокал, богат со ФП, шест недели по ред, истражувачите забележале намалување на биомаркерите во крвта поврзани со воспаление и кардиоваскуларни болести.
ФП е метаболит првично пронајден во листовите и сокот од грејпфрут. Иако се појавува и во некои портокали, се чини дека не е присутен во лимон и мандарини.
Соединението привлече голем интерес во последниве години поради својот антиоксидативен и антиинфламаторен потенцијал, но сè уште има многу експерти кои не знаат многу за тоа, пренесува „Сајнс алерт“.
„Ова е ново откритие што го нагласува претходно непризнаениот здравствен потенцијал на ферулоилпутрецинот во намалувањето на ризикот од кардиоваскуларни болести“, вели научникот за храна Ју Ванг од Универзитетот во Флорида.
Портокалите се едно од најпопуларните овошја во светот, се консумира главно за нивниот сок, а горчливата кора обично се фрла.
Секоја година 32 милиони тони кора од портокал оди во отпад, иако се јаде и може да биде добра за нас.
Во споредба со сочниот дел, кората од портокал содржи импресивна концентрација на витамини, антиоксиданси и лимонен – хемикалија која може да има антивоспалителни и антиканцерогени својства. Откривањето кои биоактивни соединенија се најважни за човековото здравје и зошто ќе биде клучно ако научниците сакаат да создадат најздрав можен екстракт.
Работата на Ванг и нејзините колеги овозможи грант од 500.000 американски долари од владин оддел за истражување дали екстрактот од кора од портокал може да го подобри здравјето на нашите црева и срцето.
Кора од портокал не е најлесната храна за внесување во оброкот, но ако научниците можат да дизајнираат производ од кората, таа би можела да стане популарна храна за подобрување на здравјето.
Неколку компании веќе брзаат да го направат токму тоа. А неодамна, истражувачите открија дека со само малку труд, кората од банана може да се претвори во вкусна, хранлива закуска полна со антиоксиданси и витамини. Истото важи и за кората од манго.
Здравје
Лошиот сон може да го зголеми ризикот од срцеви заболувања
Знаеме дека добриот сон е неопходен за добро здравје, особено за здравјето на срцето. Истражувањата покажаа дека лошиот сон може да го зголеми ризикот од срцеви заболувања. Но, дали знаевте дека положбата во која спиеме исто така игра улога за здравјето на срцето?
„Спиењето на левата страна може да предизвика суптилни промени во положбата на срцето. На некои луѓе им е дури и непријатно да спијат на левата страна, особено ако имаат срцева слабост или неодамна им бил вграден пејсмејкер“, вели кардиологот Леонард Ганц за Prevention.
Позицијата на спиење може да влијае и на одредени симптоми.
„Палпитацијата и абнормалните отчукувања на срцето може да бидат позабележителни кај некои луѓе штпо лежат или спијат на левата страна. Сепак, не е јасно дали лежењето на левата страна ги зголемува шансите за развој на аритмија и дали тоа влијае на прогресијата на болеста“, додаде д-р Ганц, цитиран од хрватски „Индекс“.
Затоа кардиологот ги советува оние што чувствуваат некакви промени во работата на срцето при лежење на левата страна да изберат поинаква положба.
Оние што страдаат од рефлукс на киселина или гастроезофагеален рефлукс, од друга страна, може да имаат корист од спиењето на левата страна, според лекарите.
Во овој момент нема доволно истражувања за да се докаже која положба на спиење е најдобра за здравјето на вашето срце ако веќе немате срцеви заболувања. Најважно е добро да се одморите.
Она што е познато е дека лежењето на грб може да го влоши пулмоналниот едем кај луѓето со конгестивна срцева слабост. Некои луѓе со срцева слабост велат дека им е потешко да дишат кога лежат или спијат на левата страна.