Здравје
Истражување на Дурекс: Што мажите мислат за сексот со кондом
Да се има безбеден секс е витално за здравјето, меѓутоа често се мисли дека мажите нема да уживаат толку во сексот доколку користат кондом – но дали навистина е така?
Дурекс сака да ги урне митовите во врска со тоа како мажите се чувствуваат кога девојката инсистира тие да носат кондом. Затоа, компанијата спроведе истражување меѓу голем број млади луѓе во Велика Британија, со цел да го дознае процентот на млади кои практикуваат безбеден секс, како и причините поради кои имаат небезбеден секс и нивната свесност за последиците кои може да дојдат со тоа.
Истражувањето открива дека основниот пристап на повеќе од третина од мажите е да се обидат да го избегнат користењето на кондом, меѓутоа еден нов краток документарен филм во рамките на проектот покажува дека повеќето сметаат дека околу носењето на кондом не се преговара – 79% од младите мажи велат дека дополнително ги пали кога девојката инсистира на кондом.
Дурекс сака да ја искористи оваа порака да го сврти “кондом моментот” од ситуација која моментално предизвикува загриженост, кон нешто што е добро за двете страни.
Безбедниот секс не е приоритет за “културата на недопирливите”
Истражувањето на Дурекс исто така покажало дека безбедниот секс не е приоритет за адолесцентите, со оглед на тоа дека тие веруваат дека непријатни работи нема да им се случат.
Подлабокото истражување откри шокантен недостаток на знаење за Сексуално Преносливите Инфекции (СПИ), непланирана бременост и сексуалните ставови на спротивниот пол. Младите луѓе знаат дека треба да користат кондом секогаш, меѓутоа во клучниот момент, нивниот личен правилник често се занемарува. Изгледа дека на повеќето од младите лица им недостасува загриженост за последиците од небезбеден секс, или пак не се доволно самоуверени да инсистираат на употреба на кондом – така што се согласуваат на преземање ризици, иако знаат дека не треба да го сторат тоа.
Широко раширениот став дека “тоа нема да ми се случи на мене” и недостаток на знаење за ризиците од СПИ и непланирана бременост, само ја распламнуваат таканаречената “култура на недостижност”, односно верување дека постоечките ризици нема да стигнат до нас.
Фактите се јасни: 40% од сексуално активните лица во Британија на возраст од 16 до 24 години признале дека имале секс со повеќе од една особа, каде не користеле кондом, додека пак 61% се согласиле дека не размислуваат често за кондоми, се додека навистина не им треба тоа. Покрај заедништвото во преземање ризици, само 14% од испитаниците кажале дека Сексуално Преносливите Инфекции (не вклучувајќи ги ХИВ и СИДА) е нивната главна загриженост. Помалку од четвртина изјавиле дека нивната најголема загриженост од незаштитениот секс е дека може да им се случи непланирана бременост. Статистиките и погледите на испитаниците ја покажуваат скалата на моменталните бариери кон безбедниот секс. Речиси половина (48%) од нив сметаат дека ХИВ и СИДА не се нешто кое ќе им се случи на нив или на нивните пријатели.
Самоувереноста е клучна
Дурекс верува дека истражувањето и филмот открија некои нови начини во однос на тоа како да се соочиме со овие предизвици и да започнеме да ги менуваме ставовите во врска со безбедниот секс. Брендот лансира сеопфатна онлајн платформа: http://whenitsonitson.durex.co.uk/when-its-on-its-on/ , која им обезбедува на младите луѓе практични и искрени совети за сексот и врските. Платформата ќе содржи практични совети, прилози и видеа на теми поврзани со довербата, безбедниот секс, СПИ и непланирана бременост.
“Природно, безбедниот секс треба да биде одговорност и на двајцата партнери, меѓутоа за време на истражувањето откривме дека многу често девојките го имаат крајниот збор. Сепак, голем дел од нив исто така ни кажаа дека иако знаеле дека треба да инсистираат на кондом секој пат, реалноста е често различна кога ќе дојде моментот и кондом не се користи поради најразлични причини. Една заедничка причина која ја изнесоа голем дел од нив беше дека се загрижени дека ако инсистираат на кондом, ќе го “убијат” расположението кај нивниот партнер и тој повеќе нема да биде расположен за секс. Овој страв од одбивање или од спласнување на расположението се главните бариери за многу млади жени, меѓутоа во повеќето случаеви откривме дека сепак, мнозинството и покрај се, инсистираат на носење кондом.”, изјави Марк Пирсон, Регионален Бренд Директор за Дурекс во Велика Британија.
Повеќе информации за кампањата и платформата можете да пронајдете на веб страницата на платформата, или на следното видео:
https://www.youtube.com/watch?v=lM4N81hA36Q
Ситуацијата во Македонија
Во периодот 2013/2014 година, Дурекс спроведе истражувања во Македонија во однос на тоа колку од средношколците и студентите користат кондоми и колкаво е нивното познавање во поглед на заштитата од СПИ и непланирана бременост. Ситуацијата во средните училишта беше алармантна, со само 62% од средношколците кои изјавиле дека користат кондом и со 2/3 од нив кои ги чуваат кондомите на несоодветни места, со што може да се предизвика нивно оштетување.
Кај студентите пак ситуацијата е релативно подобра, со 94% од нив кои потврдиле дека користат кондоми, меѓутоа не при секој сексуален однос и не со сите партнери. Загрижувачко кај оваа група на млади лица беше ставот на речиси половината од испитаниците кои сметаа дека купувањето на кондоми секогаш треба да биде обврска на мажот, што претставува алармантна бројка на лица кои веруваат во одреден стереотип кој во никој случај не е точен.
“Податоците кои произлегоа од истражувањето покажаа алармантна бројка на млади луѓе кои имаат делумни, или пак дури и елементарни непознавања за безбедниот секс, контрацепцијата и заштитата од сексуално преносливите инфекции. Дел од нив произлегуваат од фактот дека младите луѓе во врска со сексот најчесто се советуваат едни со други, или пак бараат информации на интернет, каде има најразлични одговори и совети, од кои голем дел не се точни. Многу ретко решаваат да се консултираат со стручни лица на оваа тематика, така што нашата мисија е преку директен контакт, како и преку медиумите да придонесеме кон правилна едукација за сексот меѓу младите во Македонија”, изјави Ренната, еден од македонските Дурекс амбасадори.
Поради овие податоци, Дурекс Македонија започна кампања за едукација на младите лица преку своите Дурекс Амбасадори, со цел овозможување на повеќе информации и знаење на младите луѓе во врска со контрацепцијата, употребата на кондоми, како и ефективната заштита од Сексуално Преносливи Инфекции.
“Почетокот на кампањата за едукација на Дурекс беше релативно тешка – младите луѓе не прифаќаа со доза на резервираност, или пак сметаа дека се работи за некоја шега. Безбедниот секс и кондомите се сеуште релативно табу-тема во дел од нашето општество, меѓутоа како што зачестуваа активностите, така се зголемуваше интересот кај младите и нивната подготвеност да соработуваат со нас и секако, да научат нешто повеќе, што навистина ме радува”, изјави Виктор Апостоловски, кој е Дурекс амбасадор за Македонија веќе втора година по ред.
Дурекс Македонија најавија уште голем број на активности во наредниот период кои ќе бидат насочени токму кон едукација на младите лица за заштита од Сексуално Преносливите Инфекции. /крај/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Неверојатно ефикасни – тренинзи што согоруваат до 1.000 калории
Тренингот е секогаш корисен. Точно, но само делумно бидејќи разните тренинзи согоруваат калории на разни начини.
Сè би било едноставно доколку бројот на потрошени калории за време на тренингот би бил секогаш ист, но тоа не е така. Бројот на калории што ги согорувате за време на вежбањето зависи од повеќе фактори, меѓу кои најважни се времетраењето и интензитетот на вашето вежбање.
Ако си поставите одредено темпо, колку подолго тренирате, толку повеќе калории ќе согорите. Исто така, ако си поставите одредено време, колку поинтензивни се вежбите, толку повеќе калории согорувате. А сепак математиката не завршува тука.
Некои тренинзи согоруваат само 150-200 калории, други може да согорат до 800 калории за еден час, а за да изгубите килограм за две недели, треба да согорите најмалку 500 калории. Дали сега е појасно колку е важен изборот на тренинг?
1. Најефикасните тренинзи за слабеење: вежби што согоруваат до 1.000 калории
Интервален тренинг со висок интензитет или HIIT: до 1.000 калории
Овие активности согоруваат многу: до 1.000 калории на час. Ова е тренинг со многу висок интензитет и не е за секого. Тоа е комбинација од џогирање, кардио и тренинзи за сила и не може, а да нема ефект.
Табата: до 900 калории
Табатата е погодна за оние што сакаат активни тренинзи. Ова е одлична техника за интервални тренинзи за зголемување на издржливоста и целокупниот тонус. Теоретски, програмата е дизајнирана да комбинира 20 секунди интензивно согорување проследено со 10 секунди одмор, што ви овозможува да согорите до 900 калории на час.
2. Најефикасни тренинзи за слабеење: од 500 до 800 калории на час
CrossFit: околу 800 калории за 1 час
Тоа е многу интензивна активност, па не е изненадување што ќе согорите огромна количина калории додека трчате, кревате тегови и скокате со јаже. Ова е ефикасен тренинг за слабеење, градење сила, агилност и флексибилност.
Бокс: од 500 до 800 калории на час
Овој популарен спорт не само што ќе ви даде затегнати раце, туку и ќе ви овозможи да согорите од 500 до 800 калории на час. Дополнително, боксот може да помогне да се подобрат рамнотежата и издржливоста, па дури и држењето на телото. Освен тоа, вие ќе бидете последната личност со која некој сака да се бори.
Body By Simone: околу 600 калории
Кардио-рутината на фитнес-гуруто Симон дела Ру ѝ донесе следбеници, дури и меѓу познатите личности. Основата на овој час е танц-кардио со висок интензитет во комбинација со вежби за сила и тонирање.
3. Најефикасни тренинзи за слабеење: од 350 до 500 калории на час
Пливање: околу 450 калории
Постојат разни стилови на пливање што го менуваат вкупниот број потрошени калории. Но во просек пливањето ви овозможува да согорите од 180 до 300 калории за половина час. Доколку планирате интензивно да вежбате, вашата потрошувачка се зголемува на околу 450 калории.
Зумба: од 400 до 600 калории
Ако танцувате со сета сила, можете да согорите од 400 до 600 калории за време на овој латиноамерикански танц. Веројатно, ќе се забавувате толку многу што нема ни да забележите. Зумбата влијае на неколку мускулни групи одеднаш за целокупно тонирање на телото.
Бикрам јога: 350 калории за 90 минути
Не е ни чудо што се нарекува и жешка јога. Можете да согорите околу 350 калории во сесија од 90 минути.
Качување по скали: околу 300 калории за 30 минути
Не мора ни да одите во сала за вежбање за активно да согорувате калории. Заборавете на лифтот, најдете ги скалите. Качувањето е одличен тренинг за долниот дел од телото, кој вклучува и кардиоваскуларна работа. Качувањето по скали со умерен интензитет согорува од 180 до 300 калории на секои 30 минути. Забрзувањето на темпото може да го зголеми овој број.
Забава
Главната грешка што ја прават жените во 40-тите: диетите и ригорозните тренинзи го забрзуваат процесот на стареење
Веројатно сте свесни за многуте придобивки од вежбањето и постојано ви кажуваат „повеќе да се движите“ низ различни платформи. Значи, тоа значи дека секој тренинг што го правите е добар, нели? Па, да, но, всушност, зависи. Таа формула е малку поизнијансирана, особено за жените над 40 години.
Истражувањата покажуваат дека не сите вежби се еднакви. Всушност, одредени видови на вежбање всушност може да предизвикаат хормонална нерамнотежа, зголемување на телесната тежина, воспаление и губење на мускулите – рецепт за забрзано стареење.
Почнувајќи од перименопаузата (обично на почетокот до средината на 40-тите), нашите хормони остро флуктуираат, а потоа опаѓаат. Кога се намалуваат анаболните хормони потребни за градење мускули, естрогенот, тестостеронот и хормонот за раст – го губиме мускулното ткиво. Помалку мускули значи помалку сила, енергија и побавен метаболизам, што го олеснува складирањето на маснотиите, особено маснотиите на стомакот.
Посебно е важно градењето мускули по 40 години. Мускулите се метаболички активно ткиво, што значи дека согорува повеќе калории – дури и во мирување. Мускулите ги одржуваат нашите коски силни. Тоа е исто така она што ни дава тон и дефиниција. Нашите активности за зачувување на мускулната маса директно влијаат на тоа колку добро старееме.
Многу жени се обидуваат да се спротивстават на ова со јадење помалку и повеќе вежбање (особено кардио). Овој пристап всушност може да ги влоши работите. Прекумерното вежбање и следењето на рестриктивна диета е рецепт за катастрофа.
Што можеме да направиме?
Многу жени мислат дека кардио е светиот грал за губење на тежината – но не е. Неодамнешните студии покажуваат дека долгите сесии на кардио тренинг за издржливост (60-75+ минути) го зголемуваат нивото на кортизол. Зголемениот кортизол го префрла телото од режим на согорување маснотии во режим на складирање маснотии. Исто така е катаболичен (ги разградува слабите мускули) и го зголемува воспалението. Сето ова придонесува за забрзано стареење.
Значи, ако сте се забавувале на лента за трчање – разберете дека кардиото е одлично за здравјето на срцето и дефинитивно треба да биде дел од вашата фитнес рутина, но честите долги тренинзи за издржливост може да предизвикаат хормонална нерамнотежа, воспаление и губење на мускулите.
Обидете се да додадете само неколку кратки HIIT (интервални тренинзи со висок интензитет) неделно, максимум 45 минути неделно (20-25 минути двапати неделно или 15 минути три пати). Целта е да се постигне недостаток на здив, проследено со целосно закрепнување помеѓу интервали. Пократко, попаметно, поефикасно.
На жените над 40 години им треба повеќе време за опоравување. Значи, ако се форсирате 5-6 дена во неделата, всушност ги разградувате мускулите побрзо отколку што можат да се обноват.
Ако сте исцрпени и страдате од несоница, сè уште се чувствувате болно за време на следниот тренинг, имате зголемен апетит и намалена сила – претерувате со тренингот.
Закажете ги вашите сесии за тренирање на сила со разлика од 72 часа. Задолжително земете 1-2 дена одмор секоја недела – бидете активни, но без формално вежбање.
Доволно сон (или квалитетен сон) е чест предизвик за средовечните жени.
Шеесет проценти од жените во пери/менопауза пријавуваат проблеми со спиењето. Кога сте лишени од сон, нивото на кортизол се зголемува, а хормоните за глад и ситост се исфрлаат од рамнотежа. Кога имаме помалку енергија по лошиот сон, имаме тенденција да се движиме помалку во текот на денот и да посегнуваме по брза храна за „удобност“ (обично јаглехидрати и шеќер).
Обидете се да го подобрите вашиот сон со креирање на ноќна рутина која ќе ви помогне да се смирите и да се подготвите за спиење. Ограничете ја изложеноста на синиот екран најмалку еден час пред спиење, одржувајте ја вашата спална соба ладна и темна, читајте, практикувајте лесно истегнување или јога или опуштете се со некој билен чај или топла бања.
Стресот – од животот, работата, семејството, дури и исхраната и вежбањето – го зголемува нивото на кортизол. Кога кортизолот е хронично покачен, дури и најдобрите обиди за вежбање и диета нема да ве доведат до вашите цели. Управувањето со нивото на стрес (и квалитетен сон) треба да го направите приоритет.
Ако се чувствувате како да сте под голем стрес, интензивниот тренинг не е вистинскиот начин да го регулирате. Бидете доволно флексибилни за да го прилагодите распоредот за вежбање врз основа на повратните информации на вашето тело. Одете на брзо одење, правете лесни вежби за истегнување, јога или вежби за подвижност. Вашето тело и вашите хормони ќе ви се заблагодарат.
Забава
Тренингот на Иванка Трамп: првата ќерка се занимава со спорт што жените го избегнуваат, но најдобро го затегнува телото
Најстарата ќерка на американскиот претседател Доналд Трамп, Иванка Трамп, во неделата на интернет сподели фотографија од сала за вежбање покажувајќи ги својот затегнат стомак и посветеноста на здрав начин на живеење.
„Држете се до новогодишните одлуки, не е лесно – само 23 % од луѓето успеваат да ги задржат во текот на првата недела“ (ги скршив многупати!)“, признала таа во описот на објавата.
„Но, секој ден е нова можност да се посветиме на целите и да останеме доследни. Се чувствувам посилно и помотивирано како што почнува февруари – да продолжиме! Силно тело, силен ум!“
Sticking to New Year’s resolutions isn’t easy—only 23% of people make it past the first week. [I’ve fallen into that category many, many times!]
But every day is a new opportunity to show up and stay committed.
Feeling stronger and more motivated as February begins—let’s keep… pic.twitter.com/QNRT1yzeb1
— Ivanka Trump (@IvankaTrump) February 2, 2025
Таа на сликата изгледаше природно, без шминка, со врзана коса во опавче, а позираше насмеана за време на паузата помеѓу кревањето тегови од 30 килограми.
Нејзините следбеници не го криеја задоволството што таа остана доследна на својот режим на вежбање по јануари. „Одличен начин да ја почнете годината! Продолжи!“, ѝ напиша еден обожавател, а друг додаде: „Дисциплината и постојаноста секогаш се исплатат!“
Во средината на јануари Иванка се појави на поткастот Skinny Confidential и зборуваше за својот режим на вежбање. Покрај сурфањето, таа откри дека се занимава и со џиу-џицу, спорт кој во семејството го вовела нејзината 13-годишна ќерка Арабела.
„Тоа е одлично за сите. „Движењата се толку прецизни што изгледаат како подвижна медитација – како тридимензионален шах“, објасни гордата мајка на три деца.
Бидејќи никогаш не сакала класични сали за вежбање, Иванка откри дека повеќе ја привлекуваат спортот и функционалните тренинзи. Нејзиниот тренер Сенди Брокман во октомври 2024 година за „Дејли мејл“ ги откри петте основни вежби клучни за програмата на Иванка.
View this post on Instagram
Посебен предизвик и инспирација Иванка најде во џиу-џицу, кое почна да го тренира благодарение на ќерка си Арабела. Оваа борачка вештина, која таа ја опишува како движечка медитација и тридимензионален шах, стана суштински дел од нејзината рутина помагајќи ѝ да развие сила, флексибилност и ментална острина.
Покрај тоа, Иванка се посвети и на тренинзите на сила, кои сега се столбот на нејзиниот фитнес-режим. Наместо на кардио и пилатес, таа се фокусира на основни и ефективни движења.
Овие вежби, според нејзиниот тренер Сенди Брокман, ѝ овозможуваат да ги зајакне мускулите и да ја одржи функционалната сила на телото.
Покрај борачките вештини и тренинзите на сила, Иванка ужива во спортови како сурфање и спортови со рекет, кои ѝ помагаат да остане активна на забавен и динамичен начин.
View this post on Instagram
Иванка внимателно ги избира своите оброци и се потпира на диета богата со протеини за да ги поддржи растот и издржливоста на мускулите.
Дополнително, Иванка го почнува денот со утрински прошетки и пливање во океанот, што ѝ помага да остане енергизирана и во склад со телото и умот.
Она што ја издвојува Иванка не е само нејзиниот фитнес-режим, туку и нејзината посветеност на континуитетот. Нејзината филозофија се заснова на идејата дека секој ден дава нова можност да се биде подобар, а клучот за успехот се дисциплината и доследноста.
View this post on Instagram
Без разлика дали крева тегови, вежба џиу-џицу или го гледа изгрејсонцето додека сурфа, Иванка Трамп покажува како балансираниот пристап кон тренинзите и исхраната може да доведе до долгорочни резултати и здрав начин на живеење.
Трамп: Kонфликтот во Украина може да заврши во следните неколку недели
Конфликтот во Украина може да заврши во следните неколку недели, изјави американскиот претседател Доналд Трамп за новинарите на прес-конференција со...
Со лажни финансиски совети, измамници ги празнат кртичките на граѓаните – полицијата вели, вакви измами има сѐ повеќе
Забележан е зголемен број на пријави од граѓани за измама сторена преку социјалните мрежи и телефонски повици од лица кои...
Мицкоски ја повика ДУИ да достави докази за наводната корупција: Апсолутно имам доверба во работењето на господинот Меџити
Премиерот Христијан Мицкоски вели дека има исклучително блиска и непосредна соработка со министерот за животна средина, Изет Меџити, кого ДУИ...
Македонија е коспонзор на резолуцијата на САД за Украина
Македонија е една од земјите што се коспонзор на предлог-резолуцијата на САД за Украина, а истовремено Европската Унија, предводена од...
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги...
Ако маркетите ги објавуваат цените на сите производи на интернет, купувачите ќе бидат заштитени oд скриени трошоци, рече Стојаноски
Mаркетите да ги објвуваат сите цени на веб-страниците со цел подобра информираност на потрошувачот и олеснување на споредливоста на цените,...
Ја удирал по главата и телото со боксови и тупаници, па ја силувал: предложен притвор за 37-годишен скопјанец
Поради основано сомнение за сторено кривично дело – Полов напад и силување од член 186 став 3 во врска со...
Зеленски објави видео за годишнината од војната: „Три години апсолутно херојство“
Украинскиот претседател Володимир Зеленски ја одбележа третата годишнина од руската инвазија на Украина со објавување видео во кое се прикажани...
(Видео) Погодена рафинерија во Русија; Гувернерот: Остатоците од дрон го предизвикаа пожарот
Остатоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на...
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат до грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
