Здравје
Канабисот помага каде што конвенционалната медицина нема потполни решенија
Конечно, се случи она што многу години наназад требаше да се случи во Македонија. Се демистифицира едно од биолошки највредните растенија во природата, кое беше неправедно законски забрането заради негово третирање единствено како средство за уживање и рекреација. Граѓаните го добија канабисот за легална употреба во медицински цели, откако беше отстранета дилема дека канабисот има позитивен здравствен бенефит кај многу состојби за кои конвенционалната медицина нема целосно решение.
Тоа резултираше по многуте напори на Владата, поддржана од компаниите кои се занимаваат со производство на лекови и додатоци во исхраната, како и граѓанските здруженија кои ја поддржуваат легализацијата на канабисот кои беа едни од промоторите на донесување на законот за легализација на канабисот во медицински цели. Јавните дебати организирани од страна на Агенцијата за лекови на Република Македонија, Фармацевтскиот факултет во Скопје и други релевантни структури покажаа дека македонските граѓани се силно заинтересирани за овој проект.
Дебатите беа интерактивни, во нив учествуваа врвни доктори од различни специјалности, гости од странство кои се бават со оваа проблематика, фармацевти и други претставници од фелата здравствени работници, како и голем број граѓани кои бараа помош во лекување на разни болести од кои страдаат самите или член од нивната фамилија. Заеднички застанаа на страната ДА, за легализација на канабисот во медицински цели во Република Македонија.
Никој не остана рамнодушен по овие дебати, дискусиите се водеа во правец на можноста канабисот да биде спас од болестите од кои многумина страдаат, од кои многумина веќе се лекуваат со конвенционална пропишана терапија базирана на докази, но која на многумина не ги дава или недоволно ги дава посакуваните ефекти.
Добар дел од граѓанството веќе имаа позитивни искуства со третманите со канабис, но набавен нелегално со многу непознаници во однос на составот, квалитетот, начинот на производство, здравствената исправност, изборот на потребната доза, должината на лекувањето и слично. Не треба да се пренебрегне фактот дека секој од нас може да дојде во состојба да е потенцијален корисник на канабис. Досега болните во Македонија по ова прашање мораа да се борат на два фронта, со законот кој пропишува тешки санкции во однос на нелегално користење на различни производи на канабис и со болеста и нејзината често смртоносна закана.
Ова е многу значаен момент за нашата компанија Реплек Фарм ДООЕЛ, како и севкупно за граѓаните на Македонија бидејќи го направивме првиот крупен чекор. На пазарот се пуштени два производа кои содржат екстракт од канабис, во форма на 5 отсто КАНОИЛ масло кое содржи 500 mg CBD (cannabidiol)/ во пакување од 10 ml и 7 отсто КАНОИЛ масло кое содржи 700 mg CBD (cannabidiol)/ во пакување од 10 ml.
На овој чекор му претходеа повеќегодишни истражувања на ниво на компанијата, следење на релевантна стручна литература и научни сознанија, како и искуства на земјите во светот каде конопот е веќе подолго во легална употреба во медицински цели.
Позитивните ефекти од маслата кои се нудат на македонскиот пазар
КАНОИЛ 5-процентно и 7-процентно CBD маслата се маслени екстракти од растението канабис или коноп. Маслениот екстракт e со докажано отсуство на пестициди и хербициди во производот. Екстракцијата се изведува на ниска температура без употреба на органски растворувачи, што обезбедува највисок квалитет на маслениот екстракт.
КАНОИЛ 5% и 7% CBD маслата од коноп содржи канабиноиди, примарно CBD (Cannabidiol), CBN (Cannabinol), CBG (Cannabigerol) и нивните карбоксилни соединенија.
Канабиноидите се врзуваат за CB1 и CB2 рецепторите на ендоканабиноидниот систем и предизвикуваат имуномодулаторен ефект, односно го подобрува имунолошкиот систем.
КАНОИЛ 5% и 7% CBD маслата од коноп содржи и терпени, омега масни киселини (омега-3, омега-6, омега-9), флавоноиди, фитостероли, аминокиселини, гликозиди, витамини (А, B1, B2, B6, C, D, Е, F), пигменти, алкани, азотни соединенија кои се важни во изградба на клетките, метаболните процеси, одржување на функцијата на многу системи и целосно подобрување на општата здравствена состојба.
КАНОИЛ 5% и 7% CBD маслата од коноп не содржат THC (9-delta tetrahydocannabinol) и THCA (9-delta tetrahydocannabinolic acid) или ги содржат во незначителни количества под 0,2%.
КАНОИЛ 5% и 7% CBD маслата од коноп може да помогнат на организмот при состојби со малигни заболувања, мултиплекс склероза, ХИВ и епилептични синдроми во детска возраст.
КАНОИЛ 5 % и 7% CBD маслата од коноп не претставуваат замена за стандардната пропишана терапија, а посебно не се замена за стандардната терапија при наведените заболувања.
Позитивни ефекти при употреба на КАНОИЛ 5% и 7% CBD маслата од коноп се манифестираат и при: Состојби на стрес, анксиозност, нервоза, депресија, мускулни спазми; Се користат против гадење и повраќање, посебно за време на хемо или зрачна терапија кај малигните заболувања, помагаат во одржување на балансот на цревната флора; Ублажуваат состојби на болка од различно потекло, зарaди нивното против воспалително дејство
Може да се употребуваат и при превенција од кардиоваскуларни болести – помагаат при регулирање на крвниот притисок, ја подобруваат работата на срцето, делуваат кардиопротективно, може да помогнат во регулирање на покачени концентрации на липиди и холестерол во крвта, може да помогнат во регулирање на покачена концентрација на гликоза во крвта.
Првиот чекор на пуштање на овие два производа на Реплек Фарм ДООЕЛ на пазарот во Република Македонија значи само почеток. Од компанијата уверуваат дека ќе продолжат интензивно кон развивање на нови производи кои во својот состав содржат канабис; нови фармацевтски формулации и јачини за секој кому ваков третман може да му биде од корист доколку веќе боледува или да се делува превентивно, ја одржува на психофизичката добросостојба на организмот. Нема дилема дека канабисот има позитивен здравствен бенефит кај многу состојби за кои конвенционалната медицина нема целосно решение.
Што треба да се разликува кај производите од канабис
За да ја разбереме разликата меѓу производите на канабис мора да се имаат предвид некои основни податоци. Канабисот е едногодишно растение, а најраспространети вариетети од родот Cannabis се: Cannabis Sativa, Indica и Ruderalis. Канабисот како растение има над 400 фитокомпоненти од кои минимум 60 се канабиноиди, како и терпени, флавоноиди, фитостероли, омега масни киселини (омега-3, омега-6, омега-9) во најдобар здравствен сооднос, аминокиселини, азотни соединенија, гликозиди, витамини (А, B1, B2, B6, C, D, Е, F), пигменти, алкани, азотни соединенија и други компоненти, кои се распоредени во различни делови од растението. Тоа прави да сите делови од растението се употребуваат во различни цели. Во однос на содржината на канабиноидите како основни активни супстанци на растението, цветовите и тоа женските цветови содржат повисок процент на delta-9-tetrahydrocannabinol, познат како THC, кој поседува психотропни својства и е одговорен за досегашниот третман на растението како средство за уживање. Лисјата ги содржат главно канабиноидите CBD (cannabidiol), CBN (cannabinol), CBG (Cannabigerol) и нивните карбоксилни соединенија, кои не поседуваат психотропни својства, но и THC во помал процент отколку цветовите. Семето на растението не го содржи психотропниот канабиноид THC или го содржи во концентрација под 10 ppm, што значи дека не поседува никакви психотропни својства. Ладно цеденото масло од семето е биолошки исклучително вредно, бидејќи не содржи канабиноиди или ги содржи во незначителна концентрација, но содржи богатство од сите биолошки вредни есенцијални состојки кои веќе ги наброивме. Стеблото од растението се користи во градежништво, текстилна и други индустрии.
Присуството на CBD, CBN, CBG, THC и останатите канабиноди во минорни количества заедно со терпените и флавоноидите е особено значајно поради нивното синергистичко делување и со останатите биолошки вредни компоненти во канабисот, што го прават маслото од канабис исклучително корисно во превенција и лекување на многу болести и состојби на човечкиот организам. Маслото најчесто се стандардизира и декларира во однос на содржината на CBD, CBN како не психотропни канабиноиди поради нивната повисока концентрација во однос на останатите непсихотропни канабиноиди. Секако дека особен акцент се дава и на присуството на THC како психотропен канабиноид, односно овие три канабиноиди се избрани како маркери за квалитетот и јачината на екстрактот, што никако не значи дека се тоа единствените активни состојки на маслото од канабис. Иако THC е канабиноидот кој е одговорен за психотрпните својства на производите од канабис, сепак неговото присуство е многу значајно во лекување на многу сериозни болести како HIV, cancer (рак), sclerosa multiplex и епилепсија.
Новата законска легислатива прави јасно дефинирање на производите од коноп кои може да се земаат без лекарски рецепт а тоа се производите кои содржат под 0,2 отсто од психотропната компонента THC (delta-9-tetrahydrocannabinol), додека содржината на останатите непсихотропни канабиноиди (CBD, CBN, CBG и други) не е законски ограничена. Производите кои содржат повеќе од 0.2% од психотропната компонента THC (delta-9-tetrahydrocannabinol) или повеќе од 2 mg THC во дневна доза се категоризирани како гранични производи и ќе се издаваат исклучиво со лекарски рецепт, во строго пропишани концентрации и волумен на дневно ниво како и месечна потреба, според состојбата на секој пациент поединечно соодветно ставот на докторот кој ја препишува терапијата.
Со тоа, производите од канабис стануваат достапни за граѓаните на Република Македонија во превентивни и куративни цели, но не во било каков облик туку како производи со јасно деклариран квалитативен и кванитативен состав, произведени под високи стандарди за производство и контролирани соодветно јасно дефинирани параметри на квалитет од сите аспекти, физичко-хемиски и микробиолошки.
Во Реплек продолжуваат интензивно да работат започнатиот проект да заживее и да се прошири како на ниво на фармацевтски формулации, така и на ниво на медицински индикации за кои може да даде позитивни ефекти.
Канабисот делува, тоа е несомнено, а популацијата и стручњаците се повеќе стануваат свесни за примерите од секојдневието кои тоа го потврдуваат. Тенденција на легализацијата на канабисот во медицински цели е и фактот дека многумина од болните веќе го користат канабисот набавен нелегално, со сомнителен квалитет, кој може сериозно да им наштети. Несомнено дека треба да се стави крај на ваквата нелегална продажба, односно легално набавените производи од канабис треба да ја запрат дивата продажба со што граѓанинот ќе се заштити добивајќи висококвалитетен контролиран производ соодветен на неговата здравствена состојба./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најдобрата храна за блескава кожа – природниот сјај доаѓа однатре
Кога размислуваме за нега на кожата, честопати ни паѓаат на ум серумите и кремите, но она што го внесуваме во нашето тело игра подеднакво, ако не има и поважна улога во постигнувањето здрав, сјаен изглед.
Кожата е нашиот најголем орган и делува како заштитна бариера од надворешни влијанија, УВ зрачење и дехидрација, а нејзиното здравје директно зависи од хранливите материи што ѝ ги обезбедуваме. Урамнотежената исхрана богата со интегрални храни може да ја зајакне оваа бариера, да ја одржи кожата хидрирана и да спречи сувост, додека исхраната сиромашна со хранливи материи и богата со шеќер и преработена храна може да доведе до воспаление, акни и досаден тен. Старата поговорка е вистина: „ти си она што го јадеш“, а инвестирањето во квалитетна исхрана е основа на долгорочна убавина и виталност.
Клучот за сјајна кожа лежи во специфични хранливи материи кои синергистички работат за да го промовираат нејзиното здравје и обновување. Антиоксидансите, молекули кои се борат против слободните радикали одговорни за оштетување на клетките и предвремено стареење, се апсолутен приоритет. Ги наоѓаме во шарени бобинки како боровинки и калинки, цитрусни овошја како портокали и киви, и темно зелен зеленчук како спанаќ и кељ.
Меѓу нив се издвојуваат витамините Ц и Е. Витаминот Ц, кој се наоѓа во брокулата, пиперките и јагодите, е неопходен за синтеза на колаген, протеин кој ѝ дава на кожата цврстина и еластичност, додека витаминот Е, кој се наоѓа во бадемите, семките од сончоглед и авокадото, ѝ обезбедува на кожата влажност, ги намалува брчките и го поттикнува заздравувањето.
Подеднакво важни се и здравите масти, особено омега-3 масните киселини, кои дејствуваат како природен хидратант за кожата одвнатре, одржувајќи ја мека и еластична и смирувајќи воспалителни состојби како дерматитис и псоријаза. Најдобри извори на овие есенцијални масти се масните риби како див лосос, скуша и сардини, како и јаткасти плодови како ореви и лен, чиа и семе од коноп.
Заедно со мастите, не смееме да ги заборавиме протеините, основните градежни блокови на нашата кожа, коса и нокти. Косата е речиси целосно составена од протеинот кератин, па затоа соодветниот внес на храна како што се јајца, риба, мешунки и посно месо е клучен за нејзината сила и раст.
Минералите и, се разбира, водата обезбедуваат сеопфатна нега одвнатре. Цинкот, кој е изобилен во остригите, говедското месо, овесот и семките од тиква, делува како антиоксиданс и регулатор на воспаление, а неговиот недостаток често се поврзува со акни и други проблеми со кожата. Железото, присутно во црвеното месо, јајцата и спанаќот, помага во транспортот на кислород до фоликулите на косата, промовирајќи здрав раст.
Сепак, основата на сè е хидратацијата. Без доволно течности, кожата станува сува и безживотна. Покрај пиењето вода, можете да ја зголемите хидратацијата со консумирање храна со висока содржина на вода, како што се лубеница, краставици, портокали и лиснат зеленчук, кои сочинуваат околу 20 проценти од вкупниот внес на течности.
Вклучувањето на овие „паметни“ намирници во вашата дневна исхрана е полесно отколку што изгледа. Започнете го денот со смути „убавина“ што ќе ја нахрани вашата кожа одвнатре; во блендер, измешајте кефир богат со пробиотици, манго како извор на витамин Ц, половина авокадо за здрави масти и доза колаген во прав за дополнителна поддршка на структурата на кожата.
За ручек, подгответе хранлива салата од бебешки спанаќ, парчиња авокадо, киви и семки од калинка, зачинета со дресинг од маслиново масло и сок од лимон, како што препорачуваат експертите од порталот „Everyday Health“. Овој оброк е полн со антиоксиданси, витамин Е и здрави масти кои даваат еластичност на кожата.
За вечера, пробајте едноставен, но хранлив оброк како филе од див лосос печен на хартија за печење со парчиња лимон и свежи билки. Овој метод на готвење ја зачувува сочноста на рибата и сите нејзини вредни омега-3 масни киселини. Сервирајте варени слатки компири како прилог, одличен извор на бета-каротен, кој телото го претвора во витамин А, неопходен за обновување на клетките.
Дури и десертот може да биде сојузник на убавината – мусот од авокадо и темно чоколадо со висока содржина на какао ќе ја задоволи вашата желба за благо, а воедно ќе му обезбеди на вашето тело здрави масти и антиоксиданси. Со воведување на такви мали, но целни промени, исхраната станува најмоќната алатка за постигнување природен сјај и виталност, што е потврдено од бројни рецепти.
фото: принтскрин
Забава
Како да се вратите во форма по породувањето: три совети за слабеење
Враќањето во форма по породувањето често е предизвик за многу мајки. Затоа е важно да му дадете на вашето тело доволно време да се опорави пред да почнете да барате вежби и промени во исхраната.
Многу жени би сакале да се вратат на првобитната фигура и тежина, но прво треба да се фокусираат на усвојување здрави навики во исхраната.
Редовните оброци, особено појадокот, се клучни за одржување на енергијата и правилното функционирање на телото, особено кога станува збор за грижа за новороденче.
Се препорачува да јадете пет мали оброци дневно, богати со овошје, зеленчук, житарки и протеини, но со умерена количина храна бидејќи потребите на телото се промениле.
Кога ќе почувствувате дека можете да го движите вашето тело, се препорачуваат лесни вежби – како што се вежби за зајакнување на карличните мускули или одење со вашето бебе во количка.
Одењето е одличен начин постепено да се вратите на физичката активност, а исто така дава можност за дружење со други мајки.
Треба да започнете да правите понапорни вежби по 6 недели, а ако породувањето било комплицирано, задолжително консултирајте се со вашиот матичен лекар.
Не брзајте со губење на тежината. Вашиот прв преглед кај вашиот гинеколог, обично шест до осум недели по породувањето, е идеално време да разговарате за следните чекори.
Поставете реални и долгорочни цели – на пример, постепено губење на вишокот килограми до првиот роденден на вашето дете.
Важно е да му дадете на вашето тело доволно време да се опорави и да се фокусира на вашето здравје, а не само на бројката на вагата.
Соодветната исхрана, умерената физичка активност и трпението ќе ви помогнат постепено да се вратите во форма, а воедно да го зачувате вашето ментално и физичко здравје.
фото: принтскрин
Забава
Додека спиете, еден трик ја подмладува вашата кожа: заборавете на безброј чекори во вашата рутина за убавина
Негата на кожата на лицето е исклучително важна, а ако сте еден од оние луѓе кои мразат да нанесуваат повеќе производи секој ден, постои еден трик што може да ви помогне.
Се будите со сива, уморна или дехидрирана кожа дури и откако сте спиеле како бебе? Во ред, време е да научите за единствениот трик за убавина што навистина прави разлика без да додадете уште пет серуми во вашата рутина.
Затоа што ако има магичен момент кога вашата кожа се регенерира и се полни, тоа е додека спиете. И не, не зборуваме за цела рутина од десет чекори – само еден чекор што менува сè:
Overnight маска (или како што сакаме да ја наречеме – филтер за лице, но во форма на нега на кожа).
Овие маски се буквално „ноќните работници“ на вашата кожа – тие делуваат додека спиете, токму во моментот кога вашата кожа се обновува. Тие се со густа текстура, полни со активни состојки и делуваат како заштитен слој што ја заклучува целата влага и хранливи материи од серумите што сте ги нанеле претходно.
Резултатот? Разбудете се со лице кое изгледа како штотуку да сте имале спа третман. Свеж тен, еластична и сјајна кожа — дури и ако сте спиеле само пет часа (или сте гледале ТВ емисии до 3 часот наутро, ние не судиме).
Како да се користи:
– Исчистете го лицето како и обично (чиста кожа = подобра апсорпција)
– Нанесете серум со хијалуронска киселина или ниацинамид
– Наместо ноќен крем, нанесете тенок слој од sleeping маската на целото лице и врат
– И тоа е тоа — без плакнење, само спијте додека магијата делува
Што да барате во состојките:
Хијалуронска киселина за хидратација, пептиди за еластичност, витамин Ц за сјај и церамиди за заштитна бариера. Користете го неколку пати неделно за да ја забележите разликата.
Најдобриот дел? Ова е најлесното подобрување на убавината што можете да го додадете во вашата рутина вечерва.
фото: принтскрин
(Видео) Зохран Мамдани е избран за градоначалник на Њујорк
Демократот Зохран Мамдани, кој се опиша себеси како „најлошиот кошмар на Трамп“, е избран за нов градоначалник на Њујорк. Мамдани...
(Видео) Ужасни детали од трагедијата во Тузла: Пожарот го зафати катот со лицата со попреченост, се задушија
Десет лица загинаа во трагичен пожар што избувна во дом за стари лица во Тузла. Пожарот се прошири на седмиот...
(Видео) Трагедија во Тузла: 10 луѓе загинаа во дом за стари лица
Најмалку десет лица загинаа во катастрофален пожар што избувна вчера вечер во дом за стари лица во Тузла. Најмалку пет...
Несреќата кај Плетвар во која загинаа две лица се случила при претекнување, соопшти Обвинителството
Во врска со тешката сообраќајна несреќа што попладнево се случи на патот Прилеп – Росоман, во близина на Плетвар, дежурен...
Двajца загинаа во сообраќајка кај Плетвар, петмина повредени
Денеска околу 17 часот на патниот правец Прилеп-Росоман, во близина на селото Радобил, се случила тешка сообраќајна несреќа помеѓу две...
Очув и мајка осомничени за обљуба на малолетно девојче
Основното јавно обвинителство Скопје донесе Наредба за спроведување истражна постапка против двајца сопружници за обљуба со злоупотреба на положбат. Осомничениот...
Обвинителството бара одземање на пасошите и дозволата за возачот кој го прегази Јорго Ќука во Скопје
Обвинителството достави до судот предлог за определување мерки на претпазливост за 37-годишниот возач кој на 3 ноември со автомобил удри...
Беким Сали ќе го наследи Изет Меџити како прв вицепремиер
Портпаролот на коалицијата ВРЕДИ, Дритон Сулејмани, денеска потврди дека Беким Сали ќе биде новиот прв вицепремиер, на местото на Изет...
Македонија треба да ги спроведе уставните измени, порача Кос
Презентирајќи ги извештаите за земјите кандидатки за членство во ЕУ, пред Комитетот за надворешни работи на Европскиот парламент, еврокомесарката за...
Мицкоски од Брисел: Ги повторивме нашите единствени позиции за Македонија
Премиерот Христијан Мицкоски соопшти дека во Брисел имал пријателска средба со претседателот на Европскиот совет, Антонио Кошта. „Првата средба ја...
Систем на пробен период за земјите што во иднина ќе станат членки на ЕУ; ЕК во страв од тројански коњ на Русија во рамките на Унијата
Европската комисија разгледува воведување систем на пробен период за земјите што во иднина ќе станат членки на Европската Унија, изјави...
Воведена нова процедура на Клиниката за кардиологија, пациентите со сложени срцеви аритмии повеќе нема да бидат упатувани во странство
Министерот за здравство Азир Алиу денеска ја посети Универзитетската клиника за кардиологија по повод извршената прва аблација за коморна тахикардија...
Ако ДУИ беше опозиција пред десет години, и тогаш ќе го имавме овој изборен резултат, тие немаа можност за злоупотреби, вели Алиу
Граѓаните во нашата земја десет години сакаа промена на политичкиот амбиент и ако ДУИ пред десет години беше опозиција, ќе...
Го тепал со метална шипка, со рацете и со нозете речиси половина час, па го оставил да искрвави на скалите: eден осомничен за убиство во дојранско Сретеново
Основното јавно обвинителство Гевгелија донесе Наредба за спроведување истражна постапка против едно лице за кое постои основано сомнение дека сторило...
Андоновски: Е-трговијата веќе не е алтернативен, туку доминантен економски модел
Владата на Република Македонија ја потврдува својата посветеност кон унапредување на електронската трговија како двигател на економијата, преку спроведување на...
(Фото) Гаши се сретна со досегашните претседатели на Собранието: Организирањето вакви средби за размена на искуства и мислења ќе бидат од големо значење
Претседателот на Собранието на Република Северна Македонија, Африм Гаши, организира средба на која беа поканети досегашните претседатели на Собранието. Средбата...
(Фото) Пронајдена дрога во возило во Тетовско, двајца уапсени
Вчера во 21:00 часот на регионален пат Тетово – Скопје, на влез за село Желино, тетовско, полициски службеници од Полициската...
Герасимовски: Во следните денови поставуваме мерачи за бучава на 30 локации
Градоначалникот на Општина Центар Горан Герасимовски, на средбата со раководителите на сектори дискутираа за проектите што е предвидено да се...
(Видео) Масовни напади со дронови во Русија: една од најголемите рафинерии во пламен
Ноќеска, украински беспилотни летала нападнаа голем број индустриски и енергетски објекти длабоко на руска територија предизвикувајќи пожари во рафинерии и...
(Видео) Украинец преживеал некои од најжестоките битки во војната: убиен на церемонијата на доделување медали
Елитниот украински пилот на беспилотни летала Володимир Свјатненко, познат по неговиот повикувачки знак „Знахар“, кој преживеал некои од најжестоките битки,...
