Здравје
Митови и вистини за ласерско отстранување на влакна
Факт е дека ласерското отстранување на влакна станува сé подостапно на секого. Во денешното динамично живеење кога луѓето бараат начин да заштедат време, се повќе жени и мажи се одлучуваат за ласерско отстранување на влакна како би ги спречиле маките кои ги предизвикува бричењето, како и различните болни начини на депилација.
Според Американското здружение на естетски пластични хирурзи, ласерското отстранување на влакна се наоѓа на трето место помеѓу петте најдобри нехируршки естетски третмани, веднаш по ботоксот и дермалните филери. Токму затоа, во последно време се повеќе поединци се одлучуваат за ласерско отстранување на несаканите влакна, затоа се наметнува потреба да се расчисти што е вистина, а што мит во поглед на ласерското отстранување на влакната. Ако напишете „ласерско отстранување на влакна“ на гугл пребарувачот, сигурно ќе се појават стотина линкови кои нудат одговор за предностите и маните на овој третман. Некогаш е тешко да се одвои кои се вистини, а што се митови во однос на ласерската епилација. Еве неколку митови за ласерската епилација кои ќе ги расветлиме.
Мит 1: Трајно отстранување на влакна може да се постигне со еден третманВистина: Невозможно е само со еден третман трајно да ги отстраните влакната, без оглед кој и да го ветува тоа. И покрај тоа што ласерското отстранувањер на влакна е извонредна технологија, потребни се повеќе третмани за долготрајни резултати. Специјалистите во ординација „д-р Анчевски“ детално ќе го проценат растот на Вашите влакна и ќе Ви препорачаат колку третмани се потребни.
Мит 2: Ласерското отстранување на влакна може да го засили растот на влакнаВистина: По некоја случајност овој мит да е вистина би имале лек за ќелавост. Не е можно ласерот да го засилува растот на влакната.
Мит 3: Ласерското отстранување на влакна делува еднакво на сите врсти влакнаВистина: Ефикасноста на третманот зависи од бојата и дебелината на влакната, како и од длабочината на нивните корени. Потребно е повеќе третмани кај црвените и светлите влакна, во споредба со црните влакна. Резултатот од третманот исто така зависи од евентуалните ендокринолошки проблеми, како и од генотипот на пациентот. За да се постигне максимален ефект, битно е да направите план за третмани со специјалист во зависност со вашиот тип на кожа и коса.
Мит 4: Ласерско отстранување на влакната е многу болноВистина: Многу години се изминати од откривањето и примената на првите ласери. Денеска ласерите значајно се побезболни отколку што беа порано. Да напоменеме и тоа дека болката не е еднаква на сите делови на телото. На некои делови од телото ќе биде скоро безболна, а сигурно е дека ласерот е многу поудобен од восокот. Диодниот ласер кој го користиме во ординација „д-р Анчевски“, стана синоним за сигурна епилација. Дури и кога се користи максимална енергија, третманите и понатаму гарантираат минимален ризик, како и нежен и безболен третман на клиентите, а резултатите се извонредни.
Мит 5: Ласерите за време на третманот можат да ги оштетат внатрешните органиВистина: Повеќето луѓе погрешно мислат дека енергијата може да допре до најдлабоките делови на кожата и да наштети на другите органи. Вистината е дека ласерскиот зрак навлегува само четвртина од мм. во длабочина. Енергијата која ја создава ласерот се распределува околу влакнениот фоликул уништувајќи го коренот на влакното.
Мит 6: Постои мислење дека ласерската епилација е многу скапаВистина: Иако се работи за револуционарна технологија, трајното отстранување на влакна не е скапо и недостапно како што било некогаш. Ако споредите колку пари трошите за отстранување на влакната со восок ќе увидите дека ласерското отстранување е поисплативо, скоро секоја современа жена и маж можат да си дозволат трајно отстранување на несакани влакна.
Сега кога ги откривте вистините за ласерското отстранување на влакна, можете без страв да се подвргнете на третмани. Специјалистите во ординација „д-р Анчевски“ ќе направат професионална проценка на типот на кожата и влакната и врз основа на тоа ќе биде одредена јачината на зракот и бројот на третмани. За успешен резултат битно е кој ве третира и со каков ласер ве третира./крај/мф/би
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најдобрата напивка за слабеење: едноставна и идеална за лето
Освен што ги топи вишокот масни наслаги во телото, го смирува стомакот и ја намалува надуеноста, па затоа нема причина да не го консумирате секојдневно.
Ако традиционално сте одлучиле да почнете да се храните поздраво и да вежбате повеќе околу два месеци пред летната сезона, или ако сте одлучиле да ослабете среде лето, можеби овој одличен пијалок, за кој експертите тврдат дека е најефикасен во топењето на вишокот масти во телото, ќе ви помогне во тоа.
Потребни состојки:
– 1 литар вода
– 1/2 грејпфрут
– 1 мандарина
– 1 краставица
– 4 до 6 големи листови нане
– мраз
Подготовка:
– Излупете ги и исечете ги грејпфрутот, мандарината и краставицата на парчиња.
– Додадете ги сите состојки во бокал со вода и оставете го во фрижидер.
– Оставете преку ноќ.
– Промешајте го пијалокот наутро и пијте го во текот на денот.
Сите овие состојки имаат свои интересни придобивки: од стабилизирање на нивото на шеќер во крвта, забрзување на согорувањето на калории, намалување на надуеноста до зголемување на чувството на ситост и смирување на желудникот.
Забава
Трик за хидратација на кожата што ги излудува жените: ќе се каете што не сте почнале порано
Заборавете на негата на кожата во десет чекори и сложените рутини кои одземаат повеќе време од вашето утринско кафе.
Нова опсесија за нега на кожата се нарекува „skin flooding“, техника која вклучува нанесување на хидратантни креми во слоеви додека кожата е сè уште влажна, за да се максимизира секоја капка влага и активни состојки.
Концептот е всушност многу едноставен, но многу ефикасен!
Наместо да чекаме лицето да се исуши по миењето, веднаш почнуваме да го хидрираме додека е сè уште влажно, прво со лесен тоник или термална вода, потоа преминуваме на серум со хијалурон или глицерол, и го запечатуваме сè со побогат хидратантен крем што спречува испарување на влагата.
Доколку вашата кожа е екстремно сува или дехидрирана, можете да ја завршите вашата рутина со дополнителен слој масло или балсам за да се осигурате дека она што сте го нанеле претходно ќе остане длабоко во вашата кожа.
Поентата е дека сите производи се нанесуваат еден по друг без чекање, додека кожата е сè уште еластична и отворена за апсорпција, исто како кога растението подобро апсорбира вода од влажна почва.
Овој ефект на „плакнење“ на кожата не само што обезбедува моментално чувство на мекост и свежина, туку на долг рок помага во зајакнување на бариерата на кожата, го враќа сјајот и го прави тенот да изгледа пополн, поздрав и поеластичен. Овој метод е особено корисен во периоди кога кожата изгледа безживотно, затегнато или иритирано – на пример по изложување на сонце, ветер или централно греење.
Најдобриот дел е што ова не бара скапи производи или многу време, туку само промена на пристапот, т.е. користење на производите што веќе ги имаме во нашата рутина малку попаметно. Иако доаѓа од сферата на „Тик-ток“, овој тренд има и своја дерматолошка логика бидејќи се базира на задржување на влагата во кожата, што е основа на здрава, избалансирана и сјајна кожа.
Ако сакате тен кој изгледа одморен, сјаен и свеж без шминка или филтри, овој начин на хидратација лесно може да стане ваш нов омилен ритуал за убавина.
Забава
Осум едноставни трика за исхрана, кои го имитираат ефектот на „оземпик“
Малите промени во вашата исхрана може да ги активираат хормоните за контрола на апетитот и губење на тежината, без да трошите пари на лекови.
Ако не можете или не сакате да набавите „оземпик“ или слични лекови за слабеење, но сакате да ослабите, еден доктор споделува осум едноставни совети, кои може да ги имитираат ефектите на лековите GLP-1, и тоа сосема природно и бесплатно.
Д-р Марија Скурбутакос, предавач на Одделот за семејна и општа медицина на Универзитетот во Торонто и доктор по нутриционизам, неодамна напиша статија за The Conversation, во која објаснува како одредени навики во исхраната може да го стимулираат природното лачење на хормонот GLP-1 (кој го регулира шеќерот во крвта и чувството на ситост), а со тоа да го поттикнат губењето на тежината.
Иако природниот начин трае подолго за да се видат резултати, докторката истакнува дека ваквите промени може да го намалат ризикот од срцеви заболувања за дури 10 % повеќе од лековите како „оземпик“. Покрај тоа, ваквите навики може да помогнат во одржувањето здрава телесна тежина на долг рок.
Еве осум начини како можете да го забрзате губењето на тежината – денес:
1. Јадете заситен појадок
Студија од 2009 година покажа дека телото реагира на храна побргу наутро отколку попладне. Појадокот стимулира побрзо лачење на хормонот GLP-1, што ве прави да се чувствувате сити.
Затоа – никогаш не прескокнувајте го појадокот!
2. Ручекот нека биде помал, а вечерата најмала
Распределбата на калориите во текот на денот игра голема улога. Студија од 2013 година покажа дека жените што јаделе 700 калории за појадок, 500 за ручек и 200 за вечера изгубиле повеќе тежина и имале помал обем на половината од оние што вечерата ја правеле свој најголем оброк.
3. Додајте влакна во секој оброк
Влакната се број еден природен засилувач на хормонот GLP-1. Дури и без ограничување на калориите, исхраната богата со растителни влакна може да ви помогне да ослабите.
Храна богата со растителни влакна:
Зеленчук: брокула, моркови, спанаќ, артичоки, слатки компири (со кора);
Овошје: малини, круши и јаболка (со кора), банани, портокали, авокадо;
Цели зрна: овесна каша, киноа, кафеав ориз, јачмен, леб од цело зрно;
Мешунки: леќа, црн грав, наут, зелен грав;
Јаткасти плодови и семки: чиа, лен, бадеми, ф’стаци, сончоглед;
Препорачано дневно внесување растителни влакна: 25 g за жени, 34 g за мажи.
4. Додајте незаситени масти
Покрај растителните влакна, важни се и мононезаситените масти (т.н. MUFA). Тие помагаат во регулирањето на холестеролот, намалувањето на воспалението и зголемувањето на лачењето на хормонот GLP-1.
Одлични извори вклучуваат: маслиново масло, авокадо, бадеми, лешници, семки од тиква, маслинки, путер од кикиритки.
Се препорачува 15-20 % од вашите дневни калории да доаѓаат од MUFA-масти.
5. Ужина со ф’стаци
Ф’стаците се богати со растителни влакна и здрави масти. Студија од 2014 година покажа дека тие природно го зголемуваат нивото на хормонот GLP-1. Покрај тоа, тие може да помогнат во заштитата на вашиот вид од сина светлина како што стареете.
6. Јадете по следниот редослед: првин протеини, потоа зеленчук, па јаглехидрати
Студиите покажуваат дека јадењето протеини пред јаглехидрати ги зголемува нивоата на GLP-1. Значи, следниот пат кога ќе јадете – првин месо, потоа зеленчук, па тестенини или леб.
7. Изберете цврста храна наместо кашеста или течна
Дури и самото џвакање храна стимулира подобар хормонален одговор. Студија од 2024 година откри дека GLP-1 се зголемува кога јадеме цврст зеленчук за разлика од пире.
Значи – помалку смути, повеќе салати.
8. Јадете бавно
Бавното јадење му овозможува на телото да препознае ситост и да го координира лачењето на хормонот GLP-1. Кога јадеме премногу бргу, честопати јадеме повеќе отколку што ни треба бидејќи чувството на ситост доаѓа доцна.
Продолжете го времетраењето на оброците и ќе се чувствувате сити со помалку храна.
Со воведување на овие осум навики во вашата дневна исхрана можете природно да активирате хормони што го поддржуваат губењето на тежината – без лекови, без стрес и без трошоци, пишува Best Life.
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
Хелсиншкиот комитет го осудува националистичкото скандирање на фудбалскиот натпревар меѓу „Шкендија“ и „Карабах“
Хелсиншкиот комитет за човекови права изразува сериозна загриженост и го осудува националистичкото и политизирано скандирање за време на фудбалскиот натпревар...
Девет години од катастрофалните поплави во Гази Баба, во кои загинаа 22 лица
Денеска се навршуваат девет години од катастрофалните поплави во Стајковци и околните села и Сингелиќ во кои загинаа 22 лица....
Над 360 лица ќе ја искористат мерката на Владата за пожарникари
Точно 364 лица, од кои 34 во Скопје, ќе ја искористат мерката на Владата предводена од ВМРО-ДПМНЕ, на која ќе...
ОН предупреди на катастрофални последици ако Израел ги прошири своите воени операции во Газа
Висок функционер на Обединетите нации предупреди дека може да има „катастрофални последици“ ако Израел ги прошири своите воени операции во...
Хирошима: 80 години од првата атомска бомба во светот, која уби над 100.000 луѓе
Јапонскиот град Хирошима одбележува 80 години од американскиот нуклеарен напад што го уништи градот и одзеде десетици илјади животи. Хирошима...
Трамп именува наследник
Претседателот на Соединетите Американски Држави, Доналд Трамп, денес посочи дека потпретседателот Џ. Д. Венс би можел да биде неговиот најверојатен...
Српскиот министер, кој доживеа мозочен удар во емисија, е свесен, но сè уште во критична состојба
Министерот за јавни инвестиции на Србија, Дарко Глишиќ, се разбуди по операцијата поради мозочен удар и е свесен, но има...
Извршил обљуба врз деветгодишно девојче: уапсен скопјанец
Вчера полициски службеници од СВР Скопје го лишиле од слобода Л.О.(32) од скопско село. Полицијата постапила по претходна пријава дека...
Семејството го барало неколку дена, во куќа во Кавадарци пронајден починат маж покриен со земја
Полицијата пронајде починат 42-годишен маж во Кавадарци, постојат сомненија за убиство. Дежурен јавен обвинител од Основното јавно обвинителство Кавадарци изврши...
Скопјанец преку веб-страница продавал билети за непостоен концерт
Полицијата поднесе кривична пријава за скопјанец кој преку веб-страница продавал билети за непостоен концерт. Денеска, Секторот за компјутерски криминал поднесе...
Клиниката за детски болести доби нов дигитален мобилен рендген-апарат, донација од Јапонија
На Клиниката за детски болести денеска беше промовиран дигитален мобилен рендген-апарат, обезбеден со поддршка од Амбасадата на Јапонија. „Станува збор за...
Разоткриена мрежа на шверцери – купувале цигари на фришоп во Грција и ги пренесувале со цистерна со нафта
Царинска управа преку Секторот за контрола и истраги, откри и спречи криминална шема поврзана со шверц на цигари. Против пет...
Гром го предизвикал пожарот во велешката фабрика, велат од „Мирана“
Удар од гром е причината за пожарот што синоќа избувна во дел од производствениот погон на „Биокосмос“ во Велес, информираат...
(Видео) Еден качен на хауба, друг вози без дозвола – поднесени пријави за скопјаните што дивееја на улиците
Министерството за внатрешни работи поднесе пријави против двајца млади скопјани, откако на социјалните мрежи се појави видео од опасна и...
Полициска интервенција во Струга: Над 500 лица и 120 луксузни возила на собир по полноќ, запленети автомобили
Доцна синоќа, нешто по полноќ, струшката полиција интервенирала на паркинг во градот по пријава за гласна бучава и вознемирување на...
Сѐ повеќе луѓе остануваат без работа поради вештачката интелигенција – најголем удар врз младите
„Мајкрософт“ годинава отпушти повеќе од 15.000 луѓе, од кои 9.000 само во јули, што е речиси 7 отсто од вкупната...
(Видео) Охридско лето со концерт на Ана Дурловски го прослави 65. роденден
Со концерт на реномираната македонска сопранистка, првенката на Националната опера и балет, Ана Дурловски која настапи со пијано придружба на...
Променливо облачно и нестабилно со локален пороен дожд и грмежи, наместа во форма на невреме
Променливо облачно и нестабилно со локален пороен дожд и грмежи. Наместа процесите ќе бидат поинтензивни во форма на невреме со...
