Здравје
Најголем број нови случаи на заболени од ХИВ во историјата на Европа
Канцеларијата на Светската здравствена организација (СЗО) надлежна за европскиот регион регистрирала над 142.000 ХИВ дијагностицирани лица во 2014-та, што претставува најголем број на нови заразени лица за една година досега, од почетокот на нивното евидентирање во ’80-тите.
Според најновите податоци на Европскиот центар за превенција и контрола на болести (ЕЦПКБ) и регионалната канцеларија на СЗО за Европа, ХИВ епидемијата има најголем размер во источниот дел на регионот, каде бројот на нови дијагностицирани инфекции е зголемен повеќе од два пати, само во последната декада.
Главна причина за пораст на бројките во источна Европа е пренесувањето по хетеросексуален пат, но голем удел има и инфицирањето преку дроги кои се инјектираат. Во земјите од ЕУ и Европската економска област (ЕЕО) пак, примарен начин за пренесување е сексуалниот однос меѓу мажи. Двајца од тројца нови инфицирани со ХИВ се родум од Европа, додека странците, меѓу кои и мигрантите претставуваат само една третина од нив.
„Оваа година, и покрај сите напори во борбата против ХИВ, во европскиот регион се регистрирани над 142.000 нови инфекции, што е најголем број на нови заболени воопшто некогаш. Ова претставува сериозен проблем“, вели д-р Сузана Јакаб, директор на регионалната канцеларија на СЗО за Европа. „Ги повикуваме европските држави да преземат сериозна акција и да ја спречат ХИВ епидемијата еднаш засекогаш, користејќи ги сите информации за превенција и контрола на вирусот, вклучувајќи ги и новите упатства за лекување“.
„Стапката на нови дијагностицирани е зголемена повеќе од два пати во некои земји на ЕУ и ЕЕО, а во други е намалена за 25 проценти од 2004 година наваму. Сепак, глобалната епидемија со ХИВ и понатаму постои и состојбата е главно непроменета“, објаснува в.д. директорот на ЕЦПКБ, Андреа Амон. „Ова значи дека преземените акции за борба со ХИВ во ЕУ и ЕЕО не се доволно ефективни за да резултираат со значително намалување на бројот на инфицирани во последната декада“.
Исклучувањето од општеството доведува до поголем ризик од ХИВ инфекција меѓу бегалците и мигрантите
Бројот на мигранти инфицирани со вирусот ХИВ во Европа бележи нагло опаѓање последниве десет години, а информациите укажуваат дека голем дел од нив се инфицираат по нивното пристигнување таму.
„Бегалците и мигрантите и понатаму се приоритет при превенцијата и лекувањето на инфицираните со вирусот ХИВ. Конфликтите и катастрофите не треба да го попречат пристапот до услугите кои им се потребни на лицата кои се засегнати од вирусот ХИВ. Кога бегалците и мигрантите се жртви на општествено исклучување во земјите на прием, тие се изложени на поголем ризик од инфекција со вирусот ХИВ, што може да доведе до ризично однесување со коешто се зголемува опасноста од инфицирање. Овој ризик дополнително се зголемува со неадекватен пристап до услугите кои им се потребни на инфицираните со ХИВ и стравот дека ќе се бидат стигматизирани“, нагласи д-р Јакаб. „СЗО ги повикува сите земји во Европа да им овозможат услуги за превенција, тестирање и лекување од оваа инфекција на сите бегалци и мигранти, независно од нивниот легален статус. Ова е и најсигурниот начин да се заштити домашното население од инфекција со ХИВ“.
Сексот меѓу мажи е главниот начин на инфекција во ЕУ и ЕЕО
И покрај конкретните програми за превенција во многуте европски земји, сексот помеѓу мажи е примарниот начин за пренесување на вирусот во ЕУ и ЕЕО.
„Бројот на ХИВ дијагностицираните случаи меѓу мажите кои што имаат секс со мажи се зголемува алармантно, од 30 проценти во 2005-та, до 42 отсто во 2014 година. Ова покачување е забележливо скоро секаде, освен шест земји од ЕУ и ЕЕО“, нагласува в.д. директорот на ЕЦПКБ Андреа Амон. „Европа мора да ги зголеми своите напори за да допре до оваа група. Тоа вклучува разгледување на нови стратегии како што е пред-експозициска профилакса од ХИВ и пристап до лекување и нега за државјаните ЕУ кои престојуваат во други земји на Унијата“. Во новите препораки, ЕЦПКБ открива седум клучни услуги кои се докажале како ефективни во редуцирањето и превенцијата на инфекцијата со ХИВ меѓу мажите кои имаат секс со мажи.
Пречка за искоренување на СИДАта: задоцнето дијагностицирање
Скоро половина од ХИВ инфекциите во европскиот регион се дијагностицирани доцна; ова го зголемува ризикот од влошена здравствена состојба, смрт и пренос на ХИВ. Големиот број на случаи со СИДА во источниот дел на регионот ја потврдува улогата на задоцнетата ХИВ дијагностика, одложениот почеток на антиретровирална терапија (АРТ) и намалената достапност на лекувањето.
Бројот на случаи со СИДА во ЕУ и ЕЕА константно се намалува. Сепак, две третини од дијагностицираните случаи пријавени во 2014-та настанале за време на или кратко по дијагностицирањето на ХИВ, што покажува дека имунолошкиот систем на овие луѓе веќе почнал да слабее. Касното дијагностицирање е поприсутно меѓу мигрантите, но само половина од земјите од ЕУ и ЕЕО нудат бесплатно лекување за мигрантите кои немаат документи.
Нови глобални упатства за унапредување на превенцијата и лекувањето на ХИВ
Во 2015 година СЗО излезе со нови глобални упатства за превенција и лекување на ХИВ, според кои за сите луѓе кои живеат со ХИВ треба да се воведе антиретровирална терапија, без разлика на бројот на нивните ЦД4 клетки. Сега постојат цврсти докази дека има двојна корист од раниот третман, и за здравјето на личностите кои се лекуваат и за спречување на понатамошното пренесување на ХИВ инфекцијата.
Сепак, раното тестирање, подршката од обучени непрофесионалнални лица и потенцијалот за самостојно тестирање за ХИВ треба да се зголеми за инфицираните лица да ја користат и оваа нова можност. Ова ќе овозможи рано дијагностицирање и старт на лекувањето, што ќе резултира со подобар резултат од третманот и намалено заболување и смртност. /крај/мф/ап
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најдобрата напивка за слабеење: едноставна и идеална за лето
Освен што ги топи вишокот масни наслаги во телото, го смирува стомакот и ја намалува надуеноста, па затоа нема причина да не го консумирате секојдневно.
Ако традиционално сте одлучиле да почнете да се храните поздраво и да вежбате повеќе околу два месеци пред летната сезона, или ако сте одлучиле да ослабете среде лето, можеби овој одличен пијалок, за кој експертите тврдат дека е најефикасен во топењето на вишокот масти во телото, ќе ви помогне во тоа.
Потребни состојки:
– 1 литар вода
– 1/2 грејпфрут
– 1 мандарина
– 1 краставица
– 4 до 6 големи листови нане
– мраз
Подготовка:
– Излупете ги и исечете ги грејпфрутот, мандарината и краставицата на парчиња.
– Додадете ги сите состојки во бокал со вода и оставете го во фрижидер.
– Оставете преку ноќ.
– Промешајте го пијалокот наутро и пијте го во текот на денот.
Сите овие состојки имаат свои интересни придобивки: од стабилизирање на нивото на шеќер во крвта, забрзување на согорувањето на калории, намалување на надуеноста до зголемување на чувството на ситост и смирување на желудникот.
Забава
Трик за хидратација на кожата што ги излудува жените: ќе се каете што не сте почнале порано
Заборавете на негата на кожата во десет чекори и сложените рутини кои одземаат повеќе време од вашето утринско кафе.
Нова опсесија за нега на кожата се нарекува „skin flooding“, техника која вклучува нанесување на хидратантни креми во слоеви додека кожата е сè уште влажна, за да се максимизира секоја капка влага и активни состојки.
Концептот е всушност многу едноставен, но многу ефикасен!
Наместо да чекаме лицето да се исуши по миењето, веднаш почнуваме да го хидрираме додека е сè уште влажно, прво со лесен тоник или термална вода, потоа преминуваме на серум со хијалурон или глицерол, и го запечатуваме сè со побогат хидратантен крем што спречува испарување на влагата.
Доколку вашата кожа е екстремно сува или дехидрирана, можете да ја завршите вашата рутина со дополнителен слој масло или балсам за да се осигурате дека она што сте го нанеле претходно ќе остане длабоко во вашата кожа.
Поентата е дека сите производи се нанесуваат еден по друг без чекање, додека кожата е сè уште еластична и отворена за апсорпција, исто како кога растението подобро апсорбира вода од влажна почва.
Овој ефект на „плакнење“ на кожата не само што обезбедува моментално чувство на мекост и свежина, туку на долг рок помага во зајакнување на бариерата на кожата, го враќа сјајот и го прави тенот да изгледа пополн, поздрав и поеластичен. Овој метод е особено корисен во периоди кога кожата изгледа безживотно, затегнато или иритирано – на пример по изложување на сонце, ветер или централно греење.
Најдобриот дел е што ова не бара скапи производи или многу време, туку само промена на пристапот, т.е. користење на производите што веќе ги имаме во нашата рутина малку попаметно. Иако доаѓа од сферата на „Тик-ток“, овој тренд има и своја дерматолошка логика бидејќи се базира на задржување на влагата во кожата, што е основа на здрава, избалансирана и сјајна кожа.
Ако сакате тен кој изгледа одморен, сјаен и свеж без шминка или филтри, овој начин на хидратација лесно може да стане ваш нов омилен ритуал за убавина.
Забава
Осум едноставни трика за исхрана, кои го имитираат ефектот на „оземпик“
Малите промени во вашата исхрана може да ги активираат хормоните за контрола на апетитот и губење на тежината, без да трошите пари на лекови.
Ако не можете или не сакате да набавите „оземпик“ или слични лекови за слабеење, но сакате да ослабите, еден доктор споделува осум едноставни совети, кои може да ги имитираат ефектите на лековите GLP-1, и тоа сосема природно и бесплатно.
Д-р Марија Скурбутакос, предавач на Одделот за семејна и општа медицина на Универзитетот во Торонто и доктор по нутриционизам, неодамна напиша статија за The Conversation, во која објаснува како одредени навики во исхраната може да го стимулираат природното лачење на хормонот GLP-1 (кој го регулира шеќерот во крвта и чувството на ситост), а со тоа да го поттикнат губењето на тежината.
Иако природниот начин трае подолго за да се видат резултати, докторката истакнува дека ваквите промени може да го намалат ризикот од срцеви заболувања за дури 10 % повеќе од лековите како „оземпик“. Покрај тоа, ваквите навики може да помогнат во одржувањето здрава телесна тежина на долг рок.
Еве осум начини како можете да го забрзате губењето на тежината – денес:
1. Јадете заситен појадок
Студија од 2009 година покажа дека телото реагира на храна побргу наутро отколку попладне. Појадокот стимулира побрзо лачење на хормонот GLP-1, што ве прави да се чувствувате сити.
Затоа – никогаш не прескокнувајте го појадокот!
2. Ручекот нека биде помал, а вечерата најмала
Распределбата на калориите во текот на денот игра голема улога. Студија од 2013 година покажа дека жените што јаделе 700 калории за појадок, 500 за ручек и 200 за вечера изгубиле повеќе тежина и имале помал обем на половината од оние што вечерата ја правеле свој најголем оброк.
3. Додајте влакна во секој оброк
Влакната се број еден природен засилувач на хормонот GLP-1. Дури и без ограничување на калориите, исхраната богата со растителни влакна може да ви помогне да ослабите.
Храна богата со растителни влакна:
Зеленчук: брокула, моркови, спанаќ, артичоки, слатки компири (со кора);
Овошје: малини, круши и јаболка (со кора), банани, портокали, авокадо;
Цели зрна: овесна каша, киноа, кафеав ориз, јачмен, леб од цело зрно;
Мешунки: леќа, црн грав, наут, зелен грав;
Јаткасти плодови и семки: чиа, лен, бадеми, ф’стаци, сончоглед;
Препорачано дневно внесување растителни влакна: 25 g за жени, 34 g за мажи.
4. Додајте незаситени масти
Покрај растителните влакна, важни се и мононезаситените масти (т.н. MUFA). Тие помагаат во регулирањето на холестеролот, намалувањето на воспалението и зголемувањето на лачењето на хормонот GLP-1.
Одлични извори вклучуваат: маслиново масло, авокадо, бадеми, лешници, семки од тиква, маслинки, путер од кикиритки.
Се препорачува 15-20 % од вашите дневни калории да доаѓаат од MUFA-масти.
5. Ужина со ф’стаци
Ф’стаците се богати со растителни влакна и здрави масти. Студија од 2014 година покажа дека тие природно го зголемуваат нивото на хормонот GLP-1. Покрај тоа, тие може да помогнат во заштитата на вашиот вид од сина светлина како што стареете.
6. Јадете по следниот редослед: првин протеини, потоа зеленчук, па јаглехидрати
Студиите покажуваат дека јадењето протеини пред јаглехидрати ги зголемува нивоата на GLP-1. Значи, следниот пат кога ќе јадете – првин месо, потоа зеленчук, па тестенини или леб.
7. Изберете цврста храна наместо кашеста или течна
Дури и самото џвакање храна стимулира подобар хормонален одговор. Студија од 2024 година откри дека GLP-1 се зголемува кога јадеме цврст зеленчук за разлика од пире.
Значи – помалку смути, повеќе салати.
8. Јадете бавно
Бавното јадење му овозможува на телото да препознае ситост и да го координира лачењето на хормонот GLP-1. Кога јадеме премногу бргу, честопати јадеме повеќе отколку што ни треба бидејќи чувството на ситост доаѓа доцна.
Продолжете го времетраењето на оброците и ќе се чувствувате сити со помалку храна.
Со воведување на овие осум навики во вашата дневна исхрана можете природно да активирате хормони што го поддржуваат губењето на тежината – без лекови, без стрес и без трошоци, пишува Best Life.
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Мицкоски со остра осуда за скандирањата на ксенофобични пораки и национализам на натпреварот Македонија-Романија во Куманово
Премиерот, Христијан Мицкоски денес одговарајќи на новинарско прашање остро го осуди скандирањето на натпреварот Македонија-Романија во Куманово од страна на...
Објавен огласот за финансиска поддршка за сметките за струја за ранливи потрошувачи
Министерството за енергетика, рударство и минерални суровини го објави јавниот оглас за финансиска поддршка за потрошена електрична енергија за ранливи...
Обид за убиство во Струга – со нож го избол во стомакот, рацете и во вратот
Основното јавно обвинителство Струга отвори истрага против две лица, од кои едното е осомничено за обид за убиство и насилство,...
Силен скок на цената на нафтата на светските пазари
По две недели пад, цените на нафтата нагло пораснаа на светските пазари, за повеќе од шест проценти, поддржани од постигнувањето...
Активни четири пожари во Македонија
До 07:00 часот утрово регистрирани се 23 пожари во Македонија, од кои четири се активни, два се под контрола, а...
Трамп се закани: Путин има рок до петок
Американскиот претседател Доналд Трамп изјави дека неговиот специјален претставник Стив Виткоф би можел да отпатува во Русија, можеби в среда...
Русија и Кина одржуваат воени вежби во морето крај Јапонија
Русија и морнариците на Кина одржуваат заеднички артилериски и противподморнички вежби во Јапонското Море како дел од планираните воени маневри,...
Доаѓа невреме – силен ветер, пороен дожд и град ќе ја погодат Македонија
Управата за хидрометеоролошки работи информира дека под влијание на влажна и нестабилна воздушна маса, во понеделник и вторник на повеќе...
(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција
Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...
(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?
Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...
„Среќни се ако јадат сув леб“ – трогателно сведоштво за брат и сестра во Газа кои гладуваат со недели
Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...
Техеран се соочува со историска водна криза: „нултиот ден“ сè поблиску
Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...
(Видео) МААЕ: Експлозии и чад во близина на нуклеарната централа Запорожје
Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и...
(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република
Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...
(Видео) Мицкоски: Илинден е симбол на жртвата која генерации пред нас ја дале за слободна Македонија
Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...
(Видео) Филипче од Крушево: Илинден е нашиот темел – заедно да ја продолжиме борбата за Македонија
Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...
Kостадиновски: Нашето современо илинденско наследство е вистинската посветеност на владеењето на правото и правната држава
Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...
ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината
ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...
Гаши: Овој ден е симбол на историската борба за слободно, еднакво и демократско општество
Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...
