Здравје
Научниците направија голем чекор во пресадувањето глава ВИДЕО
Меѓународниот тим биолози под раководство на италијанскиот неврохирург Серџо Канаверо направи голем чекор во обидот да пресадат глава на човек на тело на донор, успешно поврзувајќи го ‘рбетниот мозок кај стаорци и проверувајќи ги дел од техниките кај мајмуни, се вели во серијата написи кои се прифатени за објавување во стручните списанија Surgery и CNS Neuroscience & Therapeutics.
Кон крајот од февруари 2015 година италијанскиот хирург Серџо Канаверо од универзитетот во Торино, кој тврди дека е способен успешно да пресади глава од човек на друго здраво тело, го најави претставувањето на амбициозниот проект HEAVEN/AHBR, во чии рамки планира трансплантација на глава од доброволец на тело на донор, поврзувајќи го ‘рбетниот мозок со централниот мозок со помош на специјална постапка, којашто ја нарекува „протокол Gemini“ (близнаци).
На повикот на Канаверо се одѕва сега 31-годишниот руски инженер Валериј Спиридинов, кој страда од ретко генетско заболување, синдромот Ваердинг-Хафман, поради кое е во инвалидска количка и е првиот човек во светот кој доброволно се пријави да учествува во зафатот за пресадување глава. Поради болеста на мускулатурата неговата состојба постојано се влошува.
Мислењата на неврохирурзите во светот се поделени, некои не ја исклучуваат во принцип таквата можност, но не се уверени во успехот на операцијата, додека другите сметаат дека пресадувањето на глава е авантура, којашто неминовно нема да успее.
Сега Канаверо и неговите колеги во споменатите студии пишуваат дека успеале успешно да ја реализираат клучната фаза од операцијата, односно спојувањето на мозочното стебло и ‘рбетниот мозок, кај стаорци. За реализација на тоа научниците користеле ултратенок нанонож од јаглерод, органска материја полиетилен гликол, која овозможува нервните влакна да се држат „заедно“ едни со други, како и специјален начин на стимулација на ‘рбетниот мозок на местото од засекот неопходно за поврзување меѓу невроните.
Според научниците, околу еден месец по оштетувањето на “рбетот и сраснувањето според методот на Канаверо, нервните влакна во ‘рбетот сраснуваат, и животните одново ја добиле мобилноста на нивните екстремитети. Целата оваа операција била изведена во Кина, каде што за ваквите експерименти нема никакви ограничувања.
Лани Канаваро во интервјуто за Комсомолскаја Правда рече дека операцијата има политичко значење. Според него, земјата во којашто ќе биде извршена првата трансплантација на глава од еден човек на друго тело, несомнено ќе влезе во светската историја.
Покрај тоа, научниците успешно ја потврдиле методата за зачувување на функциите на мозокот во рамките на експериментите за целосна трансплантација на мозок кај мајмуни. Во овој случај подвижноста на екстремитетите не била вратена, но животните преживеале и нивниот мозок не бил трајно оштетен при пресадувањето на ново тело.
Извршувањето на ваквите експерименти, како што објаснуваат научниците, во голема мера било можно благодарејќи на препаратот „перфторан“, кој бил развиен во Институт за биолошка физика на Академијата на науките на поранешниот Советски сојуз како вештата замена за крвта. Оваа супстанција ги хранело клетките на мозокот по неговото одделување од телото.
Покрај овие опити, научниците, исто така, претставуваат и редица „превентивни“ мерки, како, на пример, како може да се справат со болката којашто се јавува при трансплантацијата и за којашто, како што истакнува Канаверо, неговите критичари дури и не се сомневаат, а презентираат и бројни прашања од филозофски и етички аспект, кои произлегуваат од сличните операции.
Кон крајот на април 20125 година, Канаверо претставувајќи го својот план во Русија, рече дека за извршување на ваквиот оперативен зафат главата на пациентот треба да биде оладена до 10 до 15 Целзиусови степени, бидејќи ќе се врши операција на длабоките области на мозокот. Рече во интервјуто за Правда дека тимот хирурзи ќе има еден час за да ја ‘приклучи’ главата на другото тело. За поврзувањето на крвните садови се потребни само неколку минути. Главата на Валериј ќе биде одвоена од телото и пренесена на ново за само неколку секунди, а снабдувањето на мозокот со крв ќе започне по петнаесетина минути, ги појасни Канаверо техничките детали од оваа чудовишна операција. Како резултат од овој зафат, според неврохирургот, би требало да има целосно обновување на подвижноста на телото на пациентот.
Ланскиот јуни Канаверо во потрага по финансиери имаше двоиполчасовна презентација на оваа тема на конференцијата на Американската академија на невролошките и ортопедските хирурзи, како гостин на отворањето на настан во Анаполис, во државата Мериленд.
Според авторите на споменатите две студии, првите експерименти врз човечки тела веќе започнале во Кина, а наскоро спектарот на истражувањата ќе биде значително проширен. Првата трансплантација, како што велат научниците, според планот ќе биде изведена во декември 2017 година.
Докторот Серџо Канаверо, директор на Напредната група за невромодулација од италијански Торино, процени дека, кога го најави првпат овој проект кон крајот на 2013 година, таквата операција би можела да биде возможна за две години, односно во 2016 година./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Најдобрата напивка за слабеење: едноставна и идеална за лето
Освен што ги топи вишокот масни наслаги во телото, го смирува стомакот и ја намалува надуеноста, па затоа нема причина да не го консумирате секојдневно.
Ако традиционално сте одлучиле да почнете да се храните поздраво и да вежбате повеќе околу два месеци пред летната сезона, или ако сте одлучиле да ослабете среде лето, можеби овој одличен пијалок, за кој експертите тврдат дека е најефикасен во топењето на вишокот масти во телото, ќе ви помогне во тоа.
Потребни состојки:
– 1 литар вода
– 1/2 грејпфрут
– 1 мандарина
– 1 краставица
– 4 до 6 големи листови нане
– мраз
Подготовка:
– Излупете ги и исечете ги грејпфрутот, мандарината и краставицата на парчиња.
– Додадете ги сите состојки во бокал со вода и оставете го во фрижидер.
– Оставете преку ноќ.
– Промешајте го пијалокот наутро и пијте го во текот на денот.
Сите овие состојки имаат свои интересни придобивки: од стабилизирање на нивото на шеќер во крвта, забрзување на согорувањето на калории, намалување на надуеноста до зголемување на чувството на ситост и смирување на желудникот.
Забава
Трик за хидратација на кожата што ги излудува жените: ќе се каете што не сте почнале порано
Заборавете на негата на кожата во десет чекори и сложените рутини кои одземаат повеќе време од вашето утринско кафе.
Нова опсесија за нега на кожата се нарекува „skin flooding“, техника која вклучува нанесување на хидратантни креми во слоеви додека кожата е сè уште влажна, за да се максимизира секоја капка влага и активни состојки.
Концептот е всушност многу едноставен, но многу ефикасен!
Наместо да чекаме лицето да се исуши по миењето, веднаш почнуваме да го хидрираме додека е сè уште влажно, прво со лесен тоник или термална вода, потоа преминуваме на серум со хијалурон или глицерол, и го запечатуваме сè со побогат хидратантен крем што спречува испарување на влагата.
Доколку вашата кожа е екстремно сува или дехидрирана, можете да ја завршите вашата рутина со дополнителен слој масло или балсам за да се осигурате дека она што сте го нанеле претходно ќе остане длабоко во вашата кожа.
Поентата е дека сите производи се нанесуваат еден по друг без чекање, додека кожата е сè уште еластична и отворена за апсорпција, исто како кога растението подобро апсорбира вода од влажна почва.
Овој ефект на „плакнење“ на кожата не само што обезбедува моментално чувство на мекост и свежина, туку на долг рок помага во зајакнување на бариерата на кожата, го враќа сјајот и го прави тенот да изгледа пополн, поздрав и поеластичен. Овој метод е особено корисен во периоди кога кожата изгледа безживотно, затегнато или иритирано – на пример по изложување на сонце, ветер или централно греење.
Најдобриот дел е што ова не бара скапи производи или многу време, туку само промена на пристапот, т.е. користење на производите што веќе ги имаме во нашата рутина малку попаметно. Иако доаѓа од сферата на „Тик-ток“, овој тренд има и своја дерматолошка логика бидејќи се базира на задржување на влагата во кожата, што е основа на здрава, избалансирана и сјајна кожа.
Ако сакате тен кој изгледа одморен, сјаен и свеж без шминка или филтри, овој начин на хидратација лесно може да стане ваш нов омилен ритуал за убавина.
Забава
Осум едноставни трика за исхрана, кои го имитираат ефектот на „оземпик“
Малите промени во вашата исхрана може да ги активираат хормоните за контрола на апетитот и губење на тежината, без да трошите пари на лекови.
Ако не можете или не сакате да набавите „оземпик“ или слични лекови за слабеење, но сакате да ослабите, еден доктор споделува осум едноставни совети, кои може да ги имитираат ефектите на лековите GLP-1, и тоа сосема природно и бесплатно.
Д-р Марија Скурбутакос, предавач на Одделот за семејна и општа медицина на Универзитетот во Торонто и доктор по нутриционизам, неодамна напиша статија за The Conversation, во која објаснува како одредени навики во исхраната може да го стимулираат природното лачење на хормонот GLP-1 (кој го регулира шеќерот во крвта и чувството на ситост), а со тоа да го поттикнат губењето на тежината.
Иако природниот начин трае подолго за да се видат резултати, докторката истакнува дека ваквите промени може да го намалат ризикот од срцеви заболувања за дури 10 % повеќе од лековите како „оземпик“. Покрај тоа, ваквите навики може да помогнат во одржувањето здрава телесна тежина на долг рок.
Еве осум начини како можете да го забрзате губењето на тежината – денес:
1. Јадете заситен појадок
Студија од 2009 година покажа дека телото реагира на храна побргу наутро отколку попладне. Појадокот стимулира побрзо лачење на хормонот GLP-1, што ве прави да се чувствувате сити.
Затоа – никогаш не прескокнувајте го појадокот!
2. Ручекот нека биде помал, а вечерата најмала
Распределбата на калориите во текот на денот игра голема улога. Студија од 2013 година покажа дека жените што јаделе 700 калории за појадок, 500 за ручек и 200 за вечера изгубиле повеќе тежина и имале помал обем на половината од оние што вечерата ја правеле свој најголем оброк.
3. Додајте влакна во секој оброк
Влакната се број еден природен засилувач на хормонот GLP-1. Дури и без ограничување на калориите, исхраната богата со растителни влакна може да ви помогне да ослабите.
Храна богата со растителни влакна:
Зеленчук: брокула, моркови, спанаќ, артичоки, слатки компири (со кора);
Овошје: малини, круши и јаболка (со кора), банани, портокали, авокадо;
Цели зрна: овесна каша, киноа, кафеав ориз, јачмен, леб од цело зрно;
Мешунки: леќа, црн грав, наут, зелен грав;
Јаткасти плодови и семки: чиа, лен, бадеми, ф’стаци, сончоглед;
Препорачано дневно внесување растителни влакна: 25 g за жени, 34 g за мажи.
4. Додајте незаситени масти
Покрај растителните влакна, важни се и мононезаситените масти (т.н. MUFA). Тие помагаат во регулирањето на холестеролот, намалувањето на воспалението и зголемувањето на лачењето на хормонот GLP-1.
Одлични извори вклучуваат: маслиново масло, авокадо, бадеми, лешници, семки од тиква, маслинки, путер од кикиритки.
Се препорачува 15-20 % од вашите дневни калории да доаѓаат од MUFA-масти.
5. Ужина со ф’стаци
Ф’стаците се богати со растителни влакна и здрави масти. Студија од 2014 година покажа дека тие природно го зголемуваат нивото на хормонот GLP-1. Покрај тоа, тие може да помогнат во заштитата на вашиот вид од сина светлина како што стареете.
6. Јадете по следниот редослед: првин протеини, потоа зеленчук, па јаглехидрати
Студиите покажуваат дека јадењето протеини пред јаглехидрати ги зголемува нивоата на GLP-1. Значи, следниот пат кога ќе јадете – првин месо, потоа зеленчук, па тестенини или леб.
7. Изберете цврста храна наместо кашеста или течна
Дури и самото џвакање храна стимулира подобар хормонален одговор. Студија од 2024 година откри дека GLP-1 се зголемува кога јадеме цврст зеленчук за разлика од пире.
Значи – помалку смути, повеќе салати.
8. Јадете бавно
Бавното јадење му овозможува на телото да препознае ситост и да го координира лачењето на хормонот GLP-1. Кога јадеме премногу бргу, честопати јадеме повеќе отколку што ни треба бидејќи чувството на ситост доаѓа доцна.
Продолжете го времетраењето на оброците и ќе се чувствувате сити со помалку храна.
Со воведување на овие осум навики во вашата дневна исхрана можете природно да активирате хормони што го поддржуваат губењето на тежината – без лекови, без стрес и без трошоци, пишува Best Life.
Германски државјанин протеран од државата: на натпреварот Шкендија-Карабаг во Скопје веел знаме „Голема Албанија“
По извршена идентификација и поднесена кривична пријава, Основното јавно обвинителство Скопје по итна постапка процесуираше државјанин на Германија за кривично...
Одложени активности на отворено: Министерството за здравство со препораки поради најавите за високи температури
Министерството за здравство информира дека во согласност со најновата прогноза од Управата за хидрометеоролошки работи (УХМР) во периодот од 8...
Забрана за движење во шумите до крајот на август, за прекршителите казна до 2.000 евра: Владата ја продолжи кризната состојба од 30 дена
На владината седница е донесена одлука за продолжување на кризната состојба во рок од 30 дена. Со ова продолжување, како...
Трговците да ги намалат цените на училишниот прибор пред почетокот на школската година, одлучи Владата
Владата на 100. седница донесе одлука и ги задолжи трговците да ги намалат цените на училишниот прибор од најмалку 10...
Две лица загинаа во сообраќајна несреќа кај Градско: со возилото излетале од патот
Вчера околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски...
„Борис Трајковски“ под лупа на ревизорите: аквапаркот под клуч, паркингот не заработува, а поддршката за самитот на ОБСЕ недокументирана
Државниот завод за ревизија го објави извештајот за работењето на салата „Борис Трајковски“ за 2023 година. Во извештајот е наведено...
Злато во багаж и ботокс во торба запленети на граница
Царинската управа информира дека при контроли на неколку гранични премини се спречени обиди за криумчарење различни производи, меѓу кои златен...
Синдикатот на новинарите бара зголемување на минималната плата: социјалниот статус на медиумските работници во земјата е на многу ниско ниво
Самостојниот синдикат на новинарите и медиумските работници во време на општата дебата за висината на минималната плата недвосмислено е за...
ВМРО-ДПМНЕ и натаму бара оставка од обвинителот Коцевски
ВМРО-ДПМНЕ и денеска упати јавен повик до обвинителот, Љупчо Коцевски, да си поднесе оставка поради, како што велат, компромитирање на...
Царините на Трамп стапија во сила, стапката за Македонија 15 отсто, како и за земјите од ЕУ
Царините на американскиот претседател Доналд Трамп за увоз од десетици земји, кои се движат од 10 до 50 проценти, стапија...
Зеленски ги објави петте приоритети за украинската одбрана – 50 отсто домашно оружје на фронтот
Претседателот на Украина, Володимир Зеленски, ги претстави петте клучни приоритети на Министерството за одбрана, меѓу кои се зголемување на учеството...
Рубио: САД имаат појасна слика за условите на Русија за крај на војната во Украина
САД имаат подобро разбирање за условите под кои Русија би била спремна да ја заврши војната во Украина откако претставникот...
Трамп: 100 проценти царина за чипови, освен за оние што сакаат да го префрлат производството во САД
Соединетите Американски Држави ќе воведат царина од околу 100 проценти за чипови и полупроводници увезени од земји кои не произведуваат...
Се појави писмо од Вуди Ален до Џефри Епштајн: Откриени детали за тајните вечери
Познатиот режисер Вуди Ален му испратил роденденско писмо на Џефри Епштајн додека тој сè уште беше жив, во кое детално...
Сиљановска-Давкова по новиот инцидент на трибините: Селективната осуда е лицемерие
По новите националистички скандирања на спортските трибини, претседателката Гордана Сиљановска-Давкова со јавна реакција на социјалните мрежи. Таа порача дека сцените...
(Видео) Спасен параглајдеристот кој висеше закачен на дрво високо над 30 метри
Во лоши услови со силен ветар и во ноќ, тимот за спасување на планина на Дирекцијата за заштита и спасување...
Лихварска шема во Гостивар: Заем од 35.000 евра со камата од 15.000 за една година, па по 3.000 евра месечно
Против две лица, меѓу кои еден нотар од Гостивар и една фирма, тетовската полиција поднесе кривични пријави поради сомнение за...
Свадба во струмичкиот затвор – осуденик го кажа судбоносното „да“
Во струмичкиот затвор денес се одржа невообичаен, но длабоко хуман чин – законска регистрација на брак на осудено лице кое...
Тешко злосторство во Кавадарци – го убил својот брат, па го закопал во дворот
Четириесет и тригодишен маж е осомничен дека по расправија го убил својот една година помлад брат, а потоа неколку дена...
Децата на подолго болничко лекување нема да губат настава, на Детската клиника се воведува формално образование
За да нема прекин на воспитно-образовниот процес на учениците што имаат посериозни здравствени предизвици и се на болничко лекување повеќе...
