Една студија на универзитетот Вестминистер тврдеше дека гледањето хорор-филмови помага да се намали телесната тежина, бидејќи го забрзува отчукувањата на срцето. Но, студија на либанско-американскиот универзитет во Њујорк тврди дека гледањето застрашувачки филмови ги тера луѓето да побараат утеха во масна храна и да се здебелат.

Кога гледаат напнати или насилни филмови, луѓето се чувствуваат нервозни, исцрпени и спод трес, па затоа се обидуваат да најдат утеха во грицките. Спротивно на тоа, романтичните комедии и наративните филмови не предизвикуваат такви емоции и додека ги гледале, учесниците во истражувањето не јаделе толку чипс и чоколадо, велат научниците.

Ова е прва студија што го испитува влијанието на филмовите врз апетитот и изборот на храна. Претходните истражувања ги поврзуваа насилните видеоигри со зголемен апетит.

Резултатите укажуваат дека не само што седењето е фактор што доведува до зголемување на телесната тежина, туку и она што се гледа на екраните. Во студијата учествувале 84 учесници на возраст меѓу 20 и 30 години, кои биле по случаен пат избрани да гледаат насилен филм или романтична комедија. Пред студијата, биле извршени различни мерења, вклучувајќи ритам на срцето, крвен притисок, а биле проценети и нивоата на стрес и апетит.

На гледачите им бил даден подавалник со низа закуски како пуканки, чипс, бисквити, чоколадо, јаболка, сок од портокал и кока-кола. На учесниците им било дозволено да јадат се што сакаат и биле оставени сами за време на филмот за да можат да се опуштат.

Луѓето кои го гледале насилниот филм биле повеќе нервозни, тажни и исцрпени, а оние коишто ја гледале романтичната комедија не покажале никакви промени.

Лилија Коновалова од Уралск, Казахстан, имала предвремено породување и донела на свет ќерка на 24 мај, а нејзиниот близнак брат се родил дури на 9 август.

Кога 29-годишната мајка го родила првото дете во 25. недела од бременоста, бебето тежело околу 800 грама и било сместено на одделението за интензивна нега еден месец. Нејзиниот брат стигнал дури два и пол месеци подоцна и бил тежок неполни 3 килограми.

Исклучително невообичаеното двојно породување било можно само поради тоа што Лилија има двојна матка и секој од близнаците се развил во својата матка.

Сега радосната мајка се подготвува да излезе од болница со своите две деца бидејќи сите се здрави, а девојчето ја достигнало очекуваната тежина.

Иако ваквите породувања се многу ретки, а уште поретки се со големо временско растојание, по раѓањето на девојчето, лекарите откриле за каков случај станува збор, па поради тоа внимателно и трпеливо ја следеле состојбата на мајката и го чекале второто дете.

Казахстанското Министерство за здравство поставило квота за такви породувања на 50 милиони наспроти еден.

Швајцарски научници развиле вакцина која на лицата со алергија од мачки ќе им овозможи да се дружат со овие миленичиња. Истражувањата покажале дека најчестата причина за алергија е гликопротеин Фел д1, кој се наоѓа во плунката на мачката, дланките и кожата.

Кога протеинот ќе навлезе во организамот на лицата со алергија на мачки, се активира реактивен налет на хистамин, што доведува до јадеж, отежнато дишење и други симптоми.

Научниците во Цирих откриле вакцина која, како што се наведува, кога се вбризгува во мачката, го активира имуниот систем да произведе антитела, кои го уништуваат протеинот Фел д1.

Дури четири студии го потврдиле успешното неутрализирање на алергенот, а животните добро ја поднесуваат вакцината, која би можела да биде достапна за три години. Од неа корист ќе имаат и луѓето и мачките.

Инаку, дури 10 отсто од луѓето страдаат од алергија на мачки, но моментално нема сигурна или ефикасна терапија. Во американските прифатилишта секоја година се наоѓаат 3,4 милиони мачки, кои биле напуштени токму поради алергијата што ја предизвикуваат.