Здравје
Отстранување на кожни израстоци
Секој кој има или имал некој кожен израсток си поставувал бројни прашања како на пример: Дали е тоа безбедно да се отстрани? Како можам да бидам сигурен дека не е бемка? Дали да посетам дерматолог или пластичен хирирг? Дали ќе ми остане лузна после отстранувањето?
Повеќето од луѓето во минатото, па и сега, при израстоци на кожата се обраќале кај надрилекари, каде што кожните промените ги гореле или ги премачкувале со некоја течност, по која тие отпаѓале. Ако промената била бемка и не била препознаена во дадениот момент, таа по некое време и со лошо третирање ќе премине во малигнен карцином на кожата, меланом. Всушност тоа е коренот на митот кој владее меѓу луѓето, дека не треба да се отстрануваат израстоците на кожата.
Како е најбезбедно да се отстранат израстоците на кожата? Кога ќе решиме да отстраниме некој израсток на кожата, најважно е прво да посетите дерматолог. Да се направи преглед, да се процени израстокот, да се анализира и фотодокументира со компјутерска дерматоскопија. На крај извадениот материјал се анализира под микроскоп, хистопатолошки. На овој начин се запазени сите критериуми за безбедност и вашето здравје не е загрозено.
Дали да посетам дерматолог или пластичен хирург? Израстоците на кожата нетреба секогаш да се отстрануваат длабоко и потоа да се шијат со хируршки конец, тоа значи дека секогаш не ни е потребен пластичен хирург. Една од водечките технологии за отстранување на кожни израстоци е радиобранова технологија, која во последните неколку години завзема водечко место во корективната дерматологија. Со радиобрановата технологија се отстрануваат промени како: папиломи, себореични кератози, вирусни брадавици, враснати влакна и генитални брадавици.
Како да ги препознаам кожните израстоци? Папиломите или во народот познати како диви мевца, обично растат на петелка, светли се по боја и се наоѓаат под пазуви, гради или препони како и на други делови на трупот.
Себореични кератози, сончеви или старечки кератози наликуваат на брадавици, по боја се кафени, меки се и лесно се ронат. Најчесто се лоцирани на лицето, скалпот кај мажите, вратот, но и на други делови од телото.
Генитални брадавици се меки брадавичасти израстоци околу гениталната регија, и кај машките и кај женските генитални органи. Типично за нив, е дека се шират и размножуваат, а одредени типови даваат ризик на генитален карцином и затоа се препорачува да се третираат.
Вирусните брадавици се најчесто лоцирани околу вратот, деколтето, под градите, но и на рацете и на нозете, односно табаните. Често на табаните не се препознаваат и се сфаќаат како жуљеви. Истите се шират и се спојуваат, а со тоа се отежнува процесот на отстранување. Поради нивното ширење и можноста за пренос на други лица, се препорачува да се отстранат на време.
Кој е процесот на радиобранова технологија? Радиобрановата технологија е постапка со која ткивото се отстранува или уништува со генерирање на топлина, со помош на енергија од радиобранови. Резултат од ова е, во исто време сечење и коагулирање на ткивото, па затоа, при оваа метода не е потребно да се употреби хируршки конец за да се затвори раната. Естетскиот резултат, степенот на болка и брзината на заздравување се многу подобри во однос на постарите методи, односно користење на скалпел или силни хемикалии за уништување на одредени лезии.
Дали ќе остане лузна после отсранувањето? Бидејќи процесот на отстранување не е многу длабок, вообичаено не останува лузна на третираното место. Но, лицата кои се склони кон создавање келоиди или груби лузни имаат поголем ризик да им остане лузна, значи се зависи од природниот ген кој го носиме.
Д-р Анета Петрушевска Кокалевска, спец. Дерматолог во Дерматолошко естетска ординација „Д-р Анчевски“ советува при какви било кожни промени или израстоци на кожата, секогаш прво обратете се кај дерматолог, кој на најпрофесионален начин ќе се погрижи израстокот на кожата со најсодветната техника да биде безбедно отстранет и без никакви последици по вашето здравје.
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Три причини зошто не забележувате резултати од тренингот: ова е единствениот начин да се реши проблемот
Повеќето луѓе кои редовно тренираат порано или подоцна достигнуваат фаза на стагнација. Иако може да биде фрустрирачко, оваа фаза е всушност знак дека е време да направите промена во вашата фитнес рутина.
Еве три од најчестите причини зошто не гледате резултати од вашиот тренинг и што можете да направите во врска со тоа.
Вашата програма за тренинг повеќе не е на ваше ниво
Првата причина за стагнацијата обично е во самиот ваш тренинг. Повеќето луѓе ја прават истата програма и ист број серии со години, не забележувајќи дека нивните тела повеќе не реагираат како кога првпат почнале.
Ако напредувате со месеци со 10-12 серии за одредена мускулна група, можно е тоа повеќе да не ви е доволно. Како што напредувате, треба постепено да го зголемувате обемот на вашиот тренинг.
Исто така е важно да обрнете внимание на интензитетот на тренингот. Ако продолжувате да правите серии сè додека повеќе не можете да ги правите, особено со тешки вежби како чучњеви и мртво кревање, ќе се насобере замор што ќе ве спречи да напредувате.
Исхраната не е усогласена со целта
Без разлика како тренирате, тешко е да се постигне напредок ако вашата исхрана не ја следи вашата цел. Луѓето кои тренираат со години обично имаат потреба од мал вишок калории за да изградат нова мускулна маса.
Ако имате помалку искуство во тренингот, правилно распределените макронутриенти и доволно протеини можат да бидат сосема доволни, дури и со одржување на калории или мал дефицит.
Фокусот е на основите: разновидна храна, доволно хранливи материи и влакна. Сите други мали нешта, како што е точното време на оброците, не се клучни за резултатите.
Начин на живот, стрес и недостаток на сон
Ова е фактор што многумина го игнорираат, но честопати прави најголема разлика. Нема еднакво да напредува лице кое спие 8 часа и има лесен ден и лице кое работи напорно, спие малку и се обидува да издржи напорен тренинг.
Недостатокот на сон и високиот стрес директно влијаат на закрепнувањето, енергијата и мотивацијата. Понекогаш лошиот сон е главната причина зошто напредокот запира, дури и кога сè друго функционира добро.
Забава
Што се случува со вашата психа кога долго време немате партнер?
Без романтичен партнер подолг временски период остава подлабок белег на психата отколку што изгледа на прв поглед. Иако сингл-животот може да отвори простор за личен раст, слобода и јасност на целта, тој често носи емоционални предизвици кои постепено се вовлекуваат во секојдневниот живот.
По долг период без партнер, многумина развиваат страв од отфрлање, што го отежнува емоционалното отворање и влегувањето во нови врски.
Ранливоста станува нешто што треба да се крие, а не да се споделува. Во исто време, тишината на секојдневниот живот и недостатокот на интимна врска можат да поттикнат чувство на осаменост и емоционална изолација, што го зголемува ризикот од анксиозност и депресија.
Со текот на времето, самодовербата може да ослабне, особено ако лицето се соочува со социјални притисоци, стереотипи или споредби со оние кои се во врски.
Во оваа состојба, луѓето често избегнуваат подлабоки емоционални врски, се навикнуваат на безбедноста на рутината и развиваат ригидни модели на однесување во кои компромисот повеќе не е можен. Социјалните ситуации, како што се дружењето со парови или одењето на состаноци, можат да бидат непријатни и да го зголемат чувството на неприпадност.
Сепак, осаменоста не носи само негативност. Во неа, многумина наоѓаат јасен фокус на сопствените цели, кариери и хобија, учат да живеат според сопствените правила и градат силно чувство за личен идентитет.
Некои развиваат богати социјални мрежи и пријателства кои стануваат силни како семејните врски со текот на годините. Овој процес често вклучува подлабоко самопознавање и емоционална независност, квалитети кои остануваат важни во идните врски.
Сепак, важно е да се препознае дека хроничната осаменост може да има сериозни здравствени последици.
Научните истражувања потврдуваат дека продолжената социјална изолација го зголемува ризикот од висок крвен притисок, срцеви заболувања, ослабен имунитет и когнитивен пад.
За време на празници, семејни собири или социјални промени, осаменоста може да стане уште поизразена, интензивирајќи ги чувствата на загуба или недостаток.
На крајот на краиштата, долгорочната осаменост не е ниту нужно добра ниту лоша – тоа е состојба која бара свест, грижа за менталното здравје и подготвеност за поврзување со другите, без разлика дали е преку пријателство, љубов или едноставен разговор.
Важно е да се негувате себеси, да одржувате врски, да бидете отворени за нови искуства и, кога е потребно, да побарате поддршка.
Забава
(Фото) Нова опсесија за убавина: лепенки кои веднаш го враќаат свежиот изглед на кожата
Иако рутините за нега на кожата сè повеќе се свртуваат кон минимализам и одбрани производи, еден „нов“ чекор неодамна стана многу важен. Станува збор за нанесување фластери под очите кои за кратко време влијаат кожата под очите да биде посветла и помазна.
Се чини дека фластерите под очите добија нов импулс во индустријата за убавина по лансирањето на новата маска за очи Rhode, зад која, секако, стои Хејли Бибер. Всушност, овој тип на производ постои долго време и долго време е во постојаните линии на бројни брендови, но маркетингот што оди со виралниот потпис Rhode ги врати во центарот на вниманието.
Иако имаат бројни вистински придобивки за нега на кожата, овие фластери се совршени и за социјалните мрежи. Елементот „пријателски на Инстаграм“ е многу важен елемент при маркетинг на производи на денешниот пазар за убавина, а фотогеничните фластери под очите дефинитивно го исполнуваат тој услов.
Како да ги вклучите во вашата рутина за нега на кожата?
Зошто овие фластери се сè попопуларни? За почеток, тие даваат брзи и видливи резултати. Индустријата за убавина, исто така, го следи забрзаното темпо на пласирање соодветни производи на пазарот. Фластерите под очите, всушност, делуваат многу брзо и главно се насочени кон отоци и темни кругови, што резултира со свежа и мазна кожа.
Поради оваа причина, познатите ѕвезди често ги користат пред да се појават на црвениот тепих. Исто така, овие фластери се удобни, лесни за употреба и даваат чувство на луксуз дури и во најзафатениот ден.
Тие се достапни во различни формулации, но постојат одредени состојки кои се попосакувани од другите. На пример, хијалуронска киселина, која интензивно хидрира и ги пополнува фините линии, или пептиди кои го стимулираат производството на колаген и обезбедуваат ефект на лифтинг. Исто така, постои ниацинамид за рамномерна кожа, витамин Ц за свежина и кофеин за намалување на отокот и зголемување на циркулацијата.
Оние кои сè уште сакаат да ја смират оваа чувствителна област треба да бараат формули што содржат алое вера, зелен чај или камилица.
Иако се во фаза на развој, фластерите под очите не треба да бидат само минлив тренд. Зошто? Тие се брз, практичен и ефикасен начин за освежување на пределот околу очите. Можат да бидат моментално решение пред важен настан или траен додаток на вашата редовна рутина за нега на кожата.
фото: принтскрин
(Видео) Филипче: Посебна Анкетна комисија за трагедијата во Кочани, тоа е барање на родителите
Нашиот став е дека ние ќе ги поддржиме двете анкетни комисии. Едната којашто ја предлага владеачкото мнозинство каде сакаат да...
(Фото) Поставени дигитални уреди за мерење бучава кај кафеаните во Дебар Маало
Општина Центар започна со имплементација на паметен систем за следење на бучавата, преку поставување на дигитални индикативни уреди на местата...
Осигурителни компании склучиле картел и се договориле да ја зголемат цената за автомобилското осигурување
Десет осигурителни компании се казнети со 17.266.930 денари затоа што се договориле да ја зголемат цената за автомобилската одговорност што секој...
„РКЕ да ја преземе во целост надлежноста во формирањето конечна цена на водата“, порака од тркалезната маса
РКЕ да ја преземе во целост надлежноста во формирањето конечна цена на водата – е пораката од тркалезната маса „Иницијатива...
Засилени контроли на градилиштата во општина Аеродром: изречена глоба од 1.300 евра за непочитување на законот
Општина Аеродром изрече парична глоба од 1 000 евра за правно лице и 300 евра за управителот на истата фирма...
(Видео) Турканици и викање: уапсени три лица во Трново, не им дозволиле на полицајците да влезат на имотот
Полицијата уапси три лица од кривопаланечко кои попречувале полициски службеници и вработени во Агенцијата за храна и ветеринарство при извршување...
Висок функционер на НАТО: Путин блефира, не верувам дека е подготвен за војна со Европа
Висок функционер на НАТО верува дека рускиот претседател Владимир Путин блефира за својата подготвеност за војна против Европа. Зборувајќи со...
ВМРО-ДПМНЕ: Колку криминални шеми имаат издејствувано Заев, Филипче и Николовски, Обвинителството да отвори постапка
„Заев му помогнал со отпишување на жито за 800.000 евра, Љупчо Николовски возвратил со грант за „Мамас“ од 1,4 милиони...
НАТО ја зголемува поддршката за Украина: пристигнува нова резерва оружје и муниција
Министрите за надворешни работи на НАТО ќе се состанат денес во Брисел за да разговараат за понатамошна поддршка за Украина,...
(Видео) Трамп заспа на состанок на кабинетот откога се пофали со својата острина
На почетокот на состанокот на кабинетот во вторник, американскиот претседател Доналд Трамп не ја пропушти можноста повторно да го спомене...
Трамп: САД ќе тргнат по погрешен пат ако продолжиме да примаме ѓубре во нашата земја
Американскиот претседател Доналд Трамп изјави дека не сака сомалиски имигранти во САД, велејќи им да „се вратат од каде што...
„Ербас“ ги проверува авионите „А320“ поради проблеми со металните панели
Авионскиот гигант Ербас најави инспекција на неодреден број свои авиони откако беше откриен „проблем со квалитетот на добавувачот“ кај металните...
Трамп: Документите, наредбите или договорите потпишани од Бајден со „автопен“ се ништовни
Американскиот претседател Доналд Трамп ги прогласи за ништовни сите документи потпишани од администрацијата на Џо Бајден со помош на автоматски...
Трамп ги паузира сите апликации за имиграција од 19 земји
Американскиот претседател Доналд Трамп даде низа исклучително остри коментари за Сомалија и сомалиските мигранти, откако неговата администрација објави дека ги...
(Видео) Путин разговараше со човекот на Трамп пет часа: неговиот помошник даде значајна изјава
Разговорот меѓу рускиот претседател Владимир Путин и Стивен Виткоф, специјален пратеник на американскиот претседател Доналд Трамп, траеше речиси пет часа,...
По пет часа заврши средбата меѓу Путин и Американците – продуктивно, но без компромис за мировниот план, според првичните реакции
Разговорот на рускиот претседател Владимир Путин со специјалниот претставник на САД, Стив Виткоф и зетот на американскиот претседател Доналд Трамп,...
На предлог на Филипче, оставки поднесе раководството и сите членови на Извршниот одбор во СДСМ
На денешната седница на Извршниот одбор на СДСМ, на предлог на претседателот Венко Филипче, заменик претседателката, потпретседателите, генералниот секретар, организациските...
Советот расправаше за труењето во „Димо Хаџи Димов“, Лукровски најави засилени хигиенски мерки во училиштата и инспекции
Советот на Општина Карпош заседаваше по четврти пат, при што советниците расправаа и полноправно одлучуваа по 10 точки кои се...
„Сите што ме познаваат добро знаат колку и како се грижев за безбедноста на сите гости во клубот“ рече Јованов, сопственикот на дискотеката „Пулс“, за кобната ноќ
До ден-денес се чудам и не можам да поверувам што се случи таа вечер, изјави првообвинетиот и сопственик на дискотеката...
(Видео) Тошковски: За 24 часа, регистрирани 110.000 прекршоци во сообраќајот
Камерите во Скопје забележале речиси 110.000 прекршоци во сообраќајот за 24 часа. Министерот за внатрешни работи Панче Тошковски рече дека...
