Здравје
Подобрете го вашето здравје во 12 чекори
Се чини дека секојдневно нови студии сугерираат нови начини за намалување на изикот од болести. Што јадите, што пиете, како се однесувате со другите, сето тоа влијае врз вашето здрваје. Пробајте ги ови едноставни и ефективни совети на екпертите и подобрете го вашето здравје
Јадете моркови – се намалува ризикот од рак
Студија објавена во журналот на Националниот институт за рак во 2012 година покажува дека каротеноидите (пигментите во морковот што всушност се антиоксиданти) може да го намалат ризикот од рак на дојките кај жените. Истражувачите проучувале податоци од 3.000 случаи и увиделе врска меѓу високото ниво на каротеноиди во крвта и ризикот од рак на дојка. Лаура Кипуло, препорачува јадење портокалова храна, но вели дека кародтени може да се внесат во организмот и со јадење, жолчка и брокула, но и спанаќ.
Исправете се – да ја избегнете болката во вратот
Држете ги рамената назад, а главата исравено, со што нема само да придонесете за своето здравје, туку и ќе изгледате поубаво. Според д-р Дејвид Гиер, ако сте подведнати во горниот дел од телото, предизвикувате притисок во мускулите на рамената, што предизвикува болка. За да знаете дека држењето на телото ви е исправено и кога стоите, проверете го тоа во огледало. Свртете се на страна и погледнете дали замислената линија поминува точно низ средината на вашето уво, рамо, колк и глужд. Ако таа линија е права, тогаш знајте дека држењето ви е правилно.
Одете во кругови за да го намалите стресот
За намалување на стресот се препорачуваат медитации или јога, но активните луѓе не сакаат многу да седат на едно мсето. Затоа експертите препорачуваат прошетки, но не од оние во еден правец, или враќање по друга патека. Препорачуваат одење низ лавиринт, или бавно одење по кружна патека. Тоа доведува до психичко смирување, поради повторувањето на истите слики. Студија објавена во журналот за зависности, покажува дека ваквиот начин на пешачење помага во намалување на крвниот притисок, по само една до шест недели движење во лавиринт.
Избегнувајте ги тв каналите за храна
Ако сакате да намалите килажа не гледајте емисии во кои таа се приготвува, а особено треба да го избегнувате каналот во кој 24 часа се готви. Многумина кои гледаат храна го поттикнуваат организмот и сам да побара храна, иако штотуку станале од маса. Според студија објавена во весникот за прекумерна телесна тежина во јануари 2012 година, научниците покажале дека се зголемува хормонот грелин, кој го регулира чувството на глад, откако на учесниците во истражувањето им покажувале фотографии од храна. Кипуло вели дека треба да се исклучи телевизорот додека јадете, а, пак, доколку гледате омилено шоу за приготвување храна тогаш в рака имајте пенкало и хартија да запишете рецепт, а не грицки.
Пијте зелен чај и намалете го ризикот од рак на дигестивниот систем
Заменувајќи го кафето со шолја зелен чај може да го намали ризикот од рак на системот за варење , според истражувачите кои ја направиле студијата за женско здравје во Шангај. Според нив, пиењето чај најмалку трипати неделно во рок од шест месеци го намалува ризикот од рак за 17 отсто. Жените кои пијат зелен чај два-трипати дневно тој ризик го намалуваат за 21 отсто.
Станете, за помал обем на струкот
Седењето во подолги периоди во текот на денот без пауза доведува до таложење на мастите околу половината, со што се намалува и нивото на добриот холестерол во крвта. Студија објавена во Европскиот весник за срце во јануари 2011 година покажува дека ако станете од столицата барем на една минута неколкупати дневно го чува вашето срце и обемот на струкот. Дури и оние кои долго седат ќе имаат помал обем на струк и ниско ниво холестерол ако често прават куси паузи (колку повеќе паузи, толку подобро). Стоењето од една минута ги намалува негативните ефекти од седењето. Експертите препорачуваат ако имате можност набавете маса што се крева, па одреден дел од денот работете на компјутер станати. Или, сместете го лаптопот врз фајловите на полиците. Секако, место да пратите маил до колегите од другата канцеларија појдете до таму да ги информирате. Пијте вода, многу, за да мора да одите во тоалет почесто.
Чистете ги забите со забен конц за здраво срце
Чистењето заби со конец е поврзано со генералното здравје, но и спречува бактериите од вашата уста да навлезат во крвотокот и да предизвикаат инфекции, дури и ендокардитис (воспаление на кошулката на срцето), што е болест опасна по живот. „Чистењето на забите со конец ја отстранува и бактеријата од празнините, не само храната“, велу Санда Молдован, стоматолог. Таа препорачува еднаш дневно да се чистат забите со конец, не почесто, затоа што може да ја истенчите глеѓта од забите. „Неодамнешна студија покажа дека оние кои ги чистат забите со конец живеат пет до седум години подолго од оние кои не го прават тоа“, додава Молдован.
Сушете ги рацете по и миењето
Не е доволно само да ги измиете рацете откако сте биле во тоалет, треба и квалитетно да ги исушите, за да ги уништите сите бактерии, вели Мајкл Шмит, лекар. „Водата е одличен преносител на најразлични микроорганизми, особено од суви површини во јавните тоалети, на мокри раце“. Ако ја фатите кваката од вратата од тоалетот со влажни раце, имате големи шанси повторно да ги контаминирате. Студиите покажале и дека хартиените бришачи се многу подобри од електричните сушачи. Најдобро е да ги измиете рацете со сапун и вода и ако нема хартиени бришачи, сушете ги со електричен фен колку можете повеќе.
Правете вежби за ментален одмор
Според журналот на Психијатриска пракса, луѓето треба да земат ментален одмор, што доведува до смирување. Бројни извештаи покажуваат дека медитациски терапии, во комбинација со традиционални терапии имаат поголем ефект во ослободување од болката и други психијатриски симптоми. Според една студија објавена во весникот на Американската асоцијација за срце, покажала дека афро-американците имаат 48 отсто помали шанси за срцев удар ако практикувале трансцедентални медитации.
Еден терапевт препорачува да седнете на подот да ги затворите очите да вдишите додека броите до два, а да издишите броејќи до три. Повторете го тоа десет пати, потоа фокусирајте се на стапалата од нозете, на ѕидот спроти вас и на таванот и повторете по десет пати за секое. На крај уште една серија од десет направете фокусирани на стапалата. Потоа полека отворете ги очите.
Една шолја кафе за подолг живот
Вашето утринско кафе може да ви помогне да живеете подолго, споед истражувачите од Националниот институт за рак. Во истражување на 400.000 мажи и жени на возраст од 50 до 71 одина, се покажало дека оние кои пиеле кафе имале помали шанси да умрат од срцеви болести, удар, диабетес или инфекција, без разлика дали пиење кафе со или без кофеин. Споредено со ние кои не пијат кафе, оние кои пијат две до три шолји кафе имаат 10 отсто помали шанси за смрт./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Неверојатно ефикасни – тренинзи што согоруваат до 1.000 калории
Тренингот е секогаш корисен. Точно, но само делумно бидејќи разните тренинзи согоруваат калории на разни начини.
Сè би било едноставно доколку бројот на потрошени калории за време на тренингот би бил секогаш ист, но тоа не е така. Бројот на калории што ги согорувате за време на вежбањето зависи од повеќе фактори, меѓу кои најважни се времетраењето и интензитетот на вашето вежбање.
Ако си поставите одредено темпо, колку подолго тренирате, толку повеќе калории ќе согорите. Исто така, ако си поставите одредено време, колку поинтензивни се вежбите, толку повеќе калории согорувате. А сепак математиката не завршува тука.
Некои тренинзи согоруваат само 150-200 калории, други може да согорат до 800 калории за еден час, а за да изгубите килограм за две недели, треба да согорите најмалку 500 калории. Дали сега е појасно колку е важен изборот на тренинг?
1. Најефикасните тренинзи за слабеење: вежби што согоруваат до 1.000 калории
Интервален тренинг со висок интензитет или HIIT: до 1.000 калории
Овие активности согоруваат многу: до 1.000 калории на час. Ова е тренинг со многу висок интензитет и не е за секого. Тоа е комбинација од џогирање, кардио и тренинзи за сила и не може, а да нема ефект.
Табата: до 900 калории
Табатата е погодна за оние што сакаат активни тренинзи. Ова е одлична техника за интервални тренинзи за зголемување на издржливоста и целокупниот тонус. Теоретски, програмата е дизајнирана да комбинира 20 секунди интензивно согорување проследено со 10 секунди одмор, што ви овозможува да согорите до 900 калории на час.
2. Најефикасни тренинзи за слабеење: од 500 до 800 калории на час
CrossFit: околу 800 калории за 1 час
Тоа е многу интензивна активност, па не е изненадување што ќе согорите огромна количина калории додека трчате, кревате тегови и скокате со јаже. Ова е ефикасен тренинг за слабеење, градење сила, агилност и флексибилност.
Бокс: од 500 до 800 калории на час
Овој популарен спорт не само што ќе ви даде затегнати раце, туку и ќе ви овозможи да согорите од 500 до 800 калории на час. Дополнително, боксот може да помогне да се подобрат рамнотежата и издржливоста, па дури и држењето на телото. Освен тоа, вие ќе бидете последната личност со која некој сака да се бори.
Body By Simone: околу 600 калории
Кардио-рутината на фитнес-гуруто Симон дела Ру ѝ донесе следбеници, дури и меѓу познатите личности. Основата на овој час е танц-кардио со висок интензитет во комбинација со вежби за сила и тонирање.
3. Најефикасни тренинзи за слабеење: од 350 до 500 калории на час
Пливање: околу 450 калории
Постојат разни стилови на пливање што го менуваат вкупниот број потрошени калории. Но во просек пливањето ви овозможува да согорите од 180 до 300 калории за половина час. Доколку планирате интензивно да вежбате, вашата потрошувачка се зголемува на околу 450 калории.
Зумба: од 400 до 600 калории
Ако танцувате со сета сила, можете да согорите од 400 до 600 калории за време на овој латиноамерикански танц. Веројатно, ќе се забавувате толку многу што нема ни да забележите. Зумбата влијае на неколку мускулни групи одеднаш за целокупно тонирање на телото.
Бикрам јога: 350 калории за 90 минути
Не е ни чудо што се нарекува и жешка јога. Можете да согорите околу 350 калории во сесија од 90 минути.
Качување по скали: околу 300 калории за 30 минути
Не мора ни да одите во сала за вежбање за активно да согорувате калории. Заборавете на лифтот, најдете ги скалите. Качувањето е одличен тренинг за долниот дел од телото, кој вклучува и кардиоваскуларна работа. Качувањето по скали со умерен интензитет согорува од 180 до 300 калории на секои 30 минути. Забрзувањето на темпото може да го зголеми овој број.
Забава
Главната грешка што ја прават жените во 40-тите: диетите и ригорозните тренинзи го забрзуваат процесот на стареење
Веројатно сте свесни за многуте придобивки од вежбањето и постојано ви кажуваат „повеќе да се движите“ низ различни платформи. Значи, тоа значи дека секој тренинг што го правите е добар, нели? Па, да, но, всушност, зависи. Таа формула е малку поизнијансирана, особено за жените над 40 години.
Истражувањата покажуваат дека не сите вежби се еднакви. Всушност, одредени видови на вежбање всушност може да предизвикаат хормонална нерамнотежа, зголемување на телесната тежина, воспаление и губење на мускулите – рецепт за забрзано стареење.
Почнувајќи од перименопаузата (обично на почетокот до средината на 40-тите), нашите хормони остро флуктуираат, а потоа опаѓаат. Кога се намалуваат анаболните хормони потребни за градење мускули, естрогенот, тестостеронот и хормонот за раст – го губиме мускулното ткиво. Помалку мускули значи помалку сила, енергија и побавен метаболизам, што го олеснува складирањето на маснотиите, особено маснотиите на стомакот.
Посебно е важно градењето мускули по 40 години. Мускулите се метаболички активно ткиво, што значи дека согорува повеќе калории – дури и во мирување. Мускулите ги одржуваат нашите коски силни. Тоа е исто така она што ни дава тон и дефиниција. Нашите активности за зачувување на мускулната маса директно влијаат на тоа колку добро старееме.
Многу жени се обидуваат да се спротивстават на ова со јадење помалку и повеќе вежбање (особено кардио). Овој пристап всушност може да ги влоши работите. Прекумерното вежбање и следењето на рестриктивна диета е рецепт за катастрофа.
Што можеме да направиме?
Многу жени мислат дека кардио е светиот грал за губење на тежината – но не е. Неодамнешните студии покажуваат дека долгите сесии на кардио тренинг за издржливост (60-75+ минути) го зголемуваат нивото на кортизол. Зголемениот кортизол го префрла телото од режим на согорување маснотии во режим на складирање маснотии. Исто така е катаболичен (ги разградува слабите мускули) и го зголемува воспалението. Сето ова придонесува за забрзано стареење.
Значи, ако сте се забавувале на лента за трчање – разберете дека кардиото е одлично за здравјето на срцето и дефинитивно треба да биде дел од вашата фитнес рутина, но честите долги тренинзи за издржливост може да предизвикаат хормонална нерамнотежа, воспаление и губење на мускулите.
Обидете се да додадете само неколку кратки HIIT (интервални тренинзи со висок интензитет) неделно, максимум 45 минути неделно (20-25 минути двапати неделно или 15 минути три пати). Целта е да се постигне недостаток на здив, проследено со целосно закрепнување помеѓу интервали. Пократко, попаметно, поефикасно.
На жените над 40 години им треба повеќе време за опоравување. Значи, ако се форсирате 5-6 дена во неделата, всушност ги разградувате мускулите побрзо отколку што можат да се обноват.
Ако сте исцрпени и страдате од несоница, сè уште се чувствувате болно за време на следниот тренинг, имате зголемен апетит и намалена сила – претерувате со тренингот.
Закажете ги вашите сесии за тренирање на сила со разлика од 72 часа. Задолжително земете 1-2 дена одмор секоја недела – бидете активни, но без формално вежбање.
Доволно сон (или квалитетен сон) е чест предизвик за средовечните жени.
Шеесет проценти од жените во пери/менопауза пријавуваат проблеми со спиењето. Кога сте лишени од сон, нивото на кортизол се зголемува, а хормоните за глад и ситост се исфрлаат од рамнотежа. Кога имаме помалку енергија по лошиот сон, имаме тенденција да се движиме помалку во текот на денот и да посегнуваме по брза храна за „удобност“ (обично јаглехидрати и шеќер).
Обидете се да го подобрите вашиот сон со креирање на ноќна рутина која ќе ви помогне да се смирите и да се подготвите за спиење. Ограничете ја изложеноста на синиот екран најмалку еден час пред спиење, одржувајте ја вашата спална соба ладна и темна, читајте, практикувајте лесно истегнување или јога или опуштете се со некој билен чај или топла бања.
Стресот – од животот, работата, семејството, дури и исхраната и вежбањето – го зголемува нивото на кортизол. Кога кортизолот е хронично покачен, дури и најдобрите обиди за вежбање и диета нема да ве доведат до вашите цели. Управувањето со нивото на стрес (и квалитетен сон) треба да го направите приоритет.
Ако се чувствувате како да сте под голем стрес, интензивниот тренинг не е вистинскиот начин да го регулирате. Бидете доволно флексибилни за да го прилагодите распоредот за вежбање врз основа на повратните информации на вашето тело. Одете на брзо одење, правете лесни вежби за истегнување, јога или вежби за подвижност. Вашето тело и вашите хормони ќе ви се заблагодарат.
Забава
Тренингот на Иванка Трамп: првата ќерка се занимава со спорт што жените го избегнуваат, но најдобро го затегнува телото
Најстарата ќерка на американскиот претседател Доналд Трамп, Иванка Трамп, во неделата на интернет сподели фотографија од сала за вежбање покажувајќи ги својот затегнат стомак и посветеноста на здрав начин на живеење.
„Држете се до новогодишните одлуки, не е лесно – само 23 % од луѓето успеваат да ги задржат во текот на првата недела“ (ги скршив многупати!)“, признала таа во описот на објавата.
„Но, секој ден е нова можност да се посветиме на целите и да останеме доследни. Се чувствувам посилно и помотивирано како што почнува февруари – да продолжиме! Силно тело, силен ум!“
Sticking to New Year’s resolutions isn’t easy—only 23% of people make it past the first week. [I’ve fallen into that category many, many times!]
But every day is a new opportunity to show up and stay committed.
Feeling stronger and more motivated as February begins—let’s keep… pic.twitter.com/QNRT1yzeb1
— Ivanka Trump (@IvankaTrump) February 2, 2025
Таа на сликата изгледаше природно, без шминка, со врзана коса во опавче, а позираше насмеана за време на паузата помеѓу кревањето тегови од 30 килограми.
Нејзините следбеници не го криеја задоволството што таа остана доследна на својот режим на вежбање по јануари. „Одличен начин да ја почнете годината! Продолжи!“, ѝ напиша еден обожавател, а друг додаде: „Дисциплината и постојаноста секогаш се исплатат!“
Во средината на јануари Иванка се појави на поткастот Skinny Confidential и зборуваше за својот режим на вежбање. Покрај сурфањето, таа откри дека се занимава и со џиу-џицу, спорт кој во семејството го вовела нејзината 13-годишна ќерка Арабела.
„Тоа е одлично за сите. „Движењата се толку прецизни што изгледаат како подвижна медитација – како тридимензионален шах“, објасни гордата мајка на три деца.
Бидејќи никогаш не сакала класични сали за вежбање, Иванка откри дека повеќе ја привлекуваат спортот и функционалните тренинзи. Нејзиниот тренер Сенди Брокман во октомври 2024 година за „Дејли мејл“ ги откри петте основни вежби клучни за програмата на Иванка.
View this post on Instagram
Посебен предизвик и инспирација Иванка најде во џиу-џицу, кое почна да го тренира благодарение на ќерка си Арабела. Оваа борачка вештина, која таа ја опишува како движечка медитација и тридимензионален шах, стана суштински дел од нејзината рутина помагајќи ѝ да развие сила, флексибилност и ментална острина.
Покрај тоа, Иванка се посвети и на тренинзите на сила, кои сега се столбот на нејзиниот фитнес-режим. Наместо на кардио и пилатес, таа се фокусира на основни и ефективни движења.
Овие вежби, според нејзиниот тренер Сенди Брокман, ѝ овозможуваат да ги зајакне мускулите и да ја одржи функционалната сила на телото.
Покрај борачките вештини и тренинзите на сила, Иванка ужива во спортови како сурфање и спортови со рекет, кои ѝ помагаат да остане активна на забавен и динамичен начин.
View this post on Instagram
Иванка внимателно ги избира своите оброци и се потпира на диета богата со протеини за да ги поддржи растот и издржливоста на мускулите.
Дополнително, Иванка го почнува денот со утрински прошетки и пливање во океанот, што ѝ помага да остане енергизирана и во склад со телото и умот.
Она што ја издвојува Иванка не е само нејзиниот фитнес-режим, туку и нејзината посветеност на континуитетот. Нејзината филозофија се заснова на идејата дека секој ден дава нова можност да се биде подобар, а клучот за успехот се дисциплината и доследноста.
View this post on Instagram
Без разлика дали крева тегови, вежба џиу-џицу или го гледа изгрејсонцето додека сурфа, Иванка Трамп покажува како балансираниот пристап кон тренинзите и исхраната може да доведе до долгорочни резултати и здрав начин на живеење.
Трамп: Kонфликтот во Украина може да заврши во следните неколку недели
Конфликтот во Украина може да заврши во следните неколку недели, изјави американскиот претседател Доналд Трамп за новинарите на прес-конференција со...
Со лажни финансиски совети, измамници ги празнат кртичките на граѓаните – полицијата вели, вакви измами има сѐ повеќе
Забележан е зголемен број на пријави од граѓани за измама сторена преку социјалните мрежи и телефонски повици од лица кои...
Мицкоски ја повика ДУИ да достави докази за наводната корупција: Апсолутно имам доверба во работењето на господинот Меџити
Премиерот Христијан Мицкоски вели дека има исклучително блиска и непосредна соработка со министерот за животна средина, Изет Меџити, кого ДУИ...
Македонија е коспонзор на резолуцијата на САД за Украина
Македонија е една од земјите што се коспонзор на предлог-резолуцијата на САД за Украина, а истовремено Европската Унија, предводена од...
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги...
Ако маркетите ги објавуваат цените на сите производи на интернет, купувачите ќе бидат заштитени oд скриени трошоци, рече Стојаноски
Mаркетите да ги објвуваат сите цени на веб-страниците со цел подобра информираност на потрошувачот и олеснување на споредливоста на цените,...
Ја удирал по главата и телото со боксови и тупаници, па ја силувал: предложен притвор за 37-годишен скопјанец
Поради основано сомнение за сторено кривично дело – Полов напад и силување од член 186 став 3 во врска со...
Зеленски објави видео за годишнината од војната: „Три години апсолутно херојство“
Украинскиот претседател Володимир Зеленски ја одбележа третата годишнина од руската инвазија на Украина со објавување видео во кое се прикажани...
(Видео) Погодена рафинерија во Русија; Гувернерот: Остатоците од дрон го предизвикаа пожарот
Остатоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на...
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат до грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
