Здравје
СЗО: Отпорноста на бактериите на антибиотиците сите нé загрозува
Сé поголемата отпорност на антибиотиците претставува „извонредно голема опасност за глобалното здравје во светот“, предупреди извршната директорка на Светската здравствена организација (СЗО – WHO), Маргарет Чан, која изнесувајќи ги резултатите од првата анкета спроведена меѓу населението во 12 земји за овој проблем.
Отпорноста на антибиотиците достигнала „извонредно опасно ниво во сите делови на светот“, предупреди директорката на СЗО, додавајќи дека секој во одреден момент во некој дел од светот може да биде заразен со бактерија отпорна на познатите лекови.
Резистентноста на антибиотиците или антибиорезистенцијата се развива кога одредена бактерија мутира и станува во толкава мерка тврдокорна, односно отпорна на сите антибиотици кои се користат во лекувањето на некоја зараза, што ниеден од нив не успева ефикасно да ја реши, се наведува во појаснувањето на СЗО.
Таквиот тренд е поврзан со премногу честото земање антибиотици или нивното погрешно употребување. Но речиси половината од испитаниците во анкетата спроведена во 12 земји, поточно 44 отсто од нив, погрешно верува дека отпорноста на антибиотиците се развиваат само кај лица кои ги злоупотребуваат земањата тие видови лекови. Две третини од испитаниците сметаат дека пациентите кои антибиотиците ги земаат исклучиво која им ги препишува лекар, не се во никаква опасност од споменатите видови зараза.
„Кој и да е, во кој и да е момент во која и да е земја може да се зарази со бактерија отпорна на антибиотици“, се истакнува во соопштението на СЗО кој од 16-ти до 22-ри ноември ја одржува првата „Светска недела на правилно користење на антибиотиците“.
Во април годинава СЗО изрази жалење поради тоа што здравствените служби во светото не прават доволно кога станува збор за употребата на антибиотиците, што оди во прилог на сé поголемата отпорноста на нив, па дури резултира и со смртни исходи дури и во случаи кога станува збор за блести кои вообичаено релативно лесно се лекуваат.
„Еден од најголемите здравствени предизвици на XXI век ќе има глобални промени во однесувањето и ставовите на поединците и општествата“, кога станува збор за овој проблем, вели др Кеиџи Фукуда, специјалната претставничка на главната директорка на СЗО за антимикробска отпорност.
За да биде постигнато тоа, СЗО има намера да ги едуцира поединците и општеството, да им претстави точни информации и да ги поттикнува на промена на размислувањата за ова прашање.
Анкетата на СЗО покажала и дека три четвртини од испитаниците веруваат дека отпорноста на антибиотиците се развива кога на нив отпорен ќе стане организмот, но организацијата предупредува дека на антибиотиците стануваат отпорни бактериите, а не човековите суштества или животни. Нивното ширење, коешто сé почесто бега од контрола, причина за инфекции коишто тешко се лекуваат.
За да се стави крај на оваа појава, СЗО препорачува земање антибиотици исклучиво кога ќе ги препише лекар, сугерира пропишаната терапија лекови да се потроши до крајот, без разлика на тоа дали настапило здравствено подобрување во лекувањето, пациентите никога да не ги земаат антибиотиците преостанати од претходните лекувања, како и дека овој вид лекови никогаш самоиницијативно да се споделува со други лица./крај/мф/сн
Извор: WHO
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Како да се вратите во форма по породувањето: три совети за слабеење
Враќањето во форма по породувањето често е предизвик за многу мајки. Затоа е важно да му дадете на вашето тело доволно време да се опорави пред да почнете да барате вежби и промени во исхраната.
Многу жени би сакале да се вратат на првобитната фигура и тежина, но прво треба да се фокусираат на усвојување здрави навики во исхраната.
Редовните оброци, особено појадокот, се клучни за одржување на енергијата и правилното функционирање на телото, особено кога станува збор за грижа за новороденче.
Се препорачува да јадете пет мали оброци дневно, богати со овошје, зеленчук, житарки и протеини, но со умерена количина храна бидејќи потребите на телото се промениле.
Кога ќе почувствувате дека можете да го движите вашето тело, се препорачуваат лесни вежби – како што се вежби за зајакнување на карличните мускули или одење со вашето бебе во количка.
Одењето е одличен начин постепено да се вратите на физичката активност, а исто така дава можност за дружење со други мајки.
Треба да започнете да правите понапорни вежби по 6 недели, а ако породувањето било комплицирано, задолжително консултирајте се со вашиот матичен лекар.
Не брзајте со губење на тежината. Вашиот прв преглед кај вашиот гинеколог, обично шест до осум недели по породувањето, е идеално време да разговарате за следните чекори.
Поставете реални и долгорочни цели – на пример, постепено губење на вишокот килограми до првиот роденден на вашето дете.
Важно е да му дадете на вашето тело доволно време да се опорави и да се фокусира на вашето здравје, а не само на бројката на вагата.
Соодветната исхрана, умерената физичка активност и трпението ќе ви помогнат постепено да се вратите во форма, а воедно да го зачувате вашето ментално и физичко здравје.
фото: принтскрин
Забава
Додека спиете, еден трик ја подмладува вашата кожа: заборавете на безброј чекори во вашата рутина за убавина
Негата на кожата на лицето е исклучително важна, а ако сте еден од оние луѓе кои мразат да нанесуваат повеќе производи секој ден, постои еден трик што може да ви помогне.
Се будите со сива, уморна или дехидрирана кожа дури и откако сте спиеле како бебе? Во ред, време е да научите за единствениот трик за убавина што навистина прави разлика без да додадете уште пет серуми во вашата рутина.
Затоа што ако има магичен момент кога вашата кожа се регенерира и се полни, тоа е додека спиете. И не, не зборуваме за цела рутина од десет чекори – само еден чекор што менува сè:
Overnight маска (или како што сакаме да ја наречеме – филтер за лице, но во форма на нега на кожа).
Овие маски се буквално „ноќните работници“ на вашата кожа – тие делуваат додека спиете, токму во моментот кога вашата кожа се обновува. Тие се со густа текстура, полни со активни состојки и делуваат како заштитен слој што ја заклучува целата влага и хранливи материи од серумите што сте ги нанеле претходно.
Резултатот? Разбудете се со лице кое изгледа како штотуку да сте имале спа третман. Свеж тен, еластична и сјајна кожа — дури и ако сте спиеле само пет часа (или сте гледале ТВ емисии до 3 часот наутро, ние не судиме).
Како да се користи:
– Исчистете го лицето како и обично (чиста кожа = подобра апсорпција)
– Нанесете серум со хијалуронска киселина или ниацинамид
– Наместо ноќен крем, нанесете тенок слој од sleeping маската на целото лице и врат
– И тоа е тоа — без плакнење, само спијте додека магијата делува
Што да барате во состојките:
Хијалуронска киселина за хидратација, пептиди за еластичност, витамин Ц за сјај и церамиди за заштитна бариера. Користете го неколку пати неделно за да ја забележите разликата.
Најдобриот дел? Ова е најлесното подобрување на убавината што можете да го додадете во вашата рутина вечерва.
фото: принтскрин
Забава
Како да се изборите во недостатокот од енергија кога денот станува пократок
Со доаѓањето на есента и пократките денови, многумина чувствуваат пад на енергијата и мотивацијата. Пократките периоди на светлина влијаат на нашиот внатрешен часовник и можат да предизвикаат чувство на замор, раздразливост, па дури и блага депресија. За среќа, постојат едноставни навики кои можат да ни помогнат да останеме енергични и продуктивни, пишува „Стил“.
1. Користете ја дневната светлина
Дури и ако времето не е сончево, престојот на дневна светлина му помага на телото да го регулира својот ритам. Обидете се да поминете барем 20-30 минути надвор, без разлика дали станува збор за прошетка или утринско кафе на терасата.
2. Редовна физичка активност
Вежбањето го зголемува нивото на енергија и ослободува ендорфини, хормони на среќата. Кратка утринска прошетка, јога или лесни вежби дома можат значително да го подобрат расположението и концентрацијата во текот на денот.
3. Правилна исхрана
Комбинацијата од протеини, здрави масти и сложени јаглехидрати помага да се одржат нивоата на енергија стабилни. Есенските намирници како тиква, јаткасти плодови, јаболка и интегрални житарки се одличен избор. Избегнувајте премногу слатки и брза храна, бидејќи тие предизвикуваат ненадејни падови на енергијата.
4. Хидратација
Често забораваме да пиеме доволно вода кога времето станува постудено. Дехидратацијата може да предизвика замор и главоболки, затоа држете шише вода при рака и пијте редовно.
5. Паузи и одмор
Кратките паузи за време на работата му помагаат на мозокот да се ресетира и да ја зголеми продуктивноста. Медитацијата, длабокото дишење или неколку минути со затворени очи можат значително да го освежат телото и умот.
6. Одржувајте рутина за спиење
Пократките денови можат да го нарушат сонот. Одете во кревет и будете се во исто време секој ден, намалете ја употребата на екрани пред спиење и создадете мирна средина. Квалитетниот сон директно влијае на нивоата на енергија и расположението.
7. Внесете топлина и светлина во просторот
Дополнителната светлина во станот или канцеларијата, топлите бои и пријатната атмосфера можат да имаат позитивен ефект врз енергијата и расположението. Малите промени во околината го прават денот попријатен и помотивирачки.
Заклучок
Падот на енергијата во текот на пократките денови е нормален, но со едноставни стратегии како што се престој на светлина, физичка активност, правилна исхрана и квалитетен сон, можно е да се одржи енергијата и доброто расположение. Есента може да биде продуктивно и инспиративно време од годината – доволно е да се усогласи телото и умот со промените во природата.

