Контакт

Здравје

Вдовиците живеат помалку стресно

Објавено пред

Долго се веруваш дека бракот добро влијае врз двата сопружника „и во добро и во зло, во здравје и болест“, но новата студија на италијанските научници покажала дека вдовиците живеат со помалку стрес од жените чиишто сопрузи сé уште се живи, пишува Journal of Women’s Health.

dobivaj vesti na viber

Резултатите од истражувањата на научниците од Универзитетот во Падова делумно се во спротивност со претходните, кои упатуваа на тоа дека бракот има позитивно влијание врз здравјето, дека го намалува ризикот од срцеви удари и депресии, како и дека ги зголемува шансите за преживување на ракот.

Шефицата на истражувањето, др Катерина Тревизан, и членовите на нејзиниот тим велат дека според резултатите од студијата, жените по смртта на сопругот се во помал стрес и дека се со подобро здравје, за разлика од мажите врз коишто смртта на сопругата остава негативни последици, бидејќи се навикнати во текот на бракот повеќе да се потпираат на неа.

Сопругите, потсетува др Тревизан, се грижат за домаќинството, децата и здравјето на целото семејство, поради што често се фрустрирани и поизложени на стрес. Се верува и дека поради споменатите фактори меѓу неомажените жени има помалку заболени од депресија. Истата студија покажала и дека жените коишто живеат сами помалку го имаат чувството на вознемиреност, отколку мажите коишто живеат сами, дека се позадоволни и поактивни на работното место.

Според претходни истражувања, лицата кои живеат во брак живеат подолго од самците, но истражувањето на италијанските научници спроведено на 2.000 лица повозрасни од 65 години покажало дека досега прифатената теорија за позитивниот ефект на брачниот статус не може во иста мера да се примени и на мажите и на жените.

Според студијата на италијанските научници спроведена во четиригодишен период на 733 Италијанци и 1.154 Италијанки, вдовиците за 23 отсто помалку се во помал стрес отколку од омажените жени.

„Утврдивме дека за разлика од големото мнозинство мажи на коишто смртта на сопругата оставила негативни последици, вдовиците по смртта на брачниот другар биле во помал стрес отколку жените кои живеат во брак. Резултатот од оваа студија е делумно во спротивност со резултатите од претходните истражувања според кои бракот има позитивен ефект на здравствениот статус и долговечноста на двајцата сопружника“, вели др Тревизан./крај/мф/сн

Извор: Hina



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Дали е подобро да се биде премногу слаб или премногу дебел: научниците го имаат одговорот

Објавено пред

Неодамнешна данска студија донесе изненадувачки наоди: екстремно слабиот човек може да биде поопасен од благата дебелината или прекумерната тежина. Истражувачите, исто така, истакнаа феномен кој често се опишува како „дебел, но во форма“.

dobivaj vesti na viber

Научниците следеле 85.761 луѓе пет години, во текот на кои 8% од учесниците (7.555 луѓе) починале. Меѓу нив, 81,4% биле жени, а просечната возраст на почетокот на студијата била 66,4 години. Резултатите покажале дека луѓето кои биле со прекумерна тежина (BMI 25–30) или благо дебели (BMI 30–35) немале повисока стапка на смртност од оние со „идеален“ BMI од 22,5–25.

Од друга страна, луѓето во категоријата со недоволна тежина (BMI под 18,5) имале 2,7 пати поголем ризик од смрт. Дури и оние на долната граница од здравиот опсег (BMI 18,5–20,0) имале двојно поголема веројатност да умрат, додека оние со BMI од 20–22,5 имале 27% поголем ризик. Умерено покачените BMI не биле толку опасни – само оние со дебелина од втор степен (BMI 35–40) имале 23% зголемен ризик од смрт.

Авторката на студијата, д-р Сигрид Бјерге Грибсхолт од Универзитетската болница во Архус, предупредила дека резултатите би можеле да бидат под влијание и на обратна причинско-последична врска – односно фактот дека многу луѓе губат тежина поради болест, а не обратно.

Сепак, таа нагласува дека наодите јасно покажуваат дека недостатокот на тежина носи сериозни ризици за долговечноста.

„Болеста, а не самата мала тежина, често го зголемува ризикот од смрт, што може да даде впечаток дека повисокиот BMI е заштитен фактор. Но, во согласност со претходните истражувања, гледаме дека неухранетоста останува сериозен фактор на ризик“, објаснува д-р Грибсхолт.

Оваа студија се темели на неодамнешните откритија дека дури и слабите луѓе можат да бидат изложени на ризик од срцеви заболувања поради висцерална маст – маснотиите што се акумулираат длабоко во телото, околу црниот дроб, желудникот и цревата. За разлика од „видливите“ маснотии под кожата, оваа опасна маст не е лесно забележлива, но значително го зголемува ризикот од забрзано стареење на срцето и крвните садови.

Научниците откриле дека обликот на телото игра важна улога. Мажите со маснотии во абдоминалната област („форма на јаболко“) имаат побрзо стареечко срце, додека жените со маснотии распоредени околу колковите и бутовите („форма на круша“) имаат поздраво и помладо срце.

Затоа, ниту прекумерната слабост ниту тешката дебелина не се добар пат кон долговечност. Иако благата дебелина не мора да значи пократок живот, клучот за здравјето останува рамнотежата, правилната исхрана, физичката активност и редовните медицински прегледи.

фото: принтскрин

Прикажи повеќе...

Забава

Диетата ice hack го полуде светот: луѓето тврдат дека топат килограми со мраз

Објавено пред

Идејата е едноставна – телото согорува повеќе калории кога се обидува да се загрее, па студот треба да го забрза топењето на масните наслојки. Но, дали е навистина така?

dobivaj vesti na viber

Нова чудотворна диета го освои интернетот – диетата леден хак (ice hack). Клиповите на „Тик-ток“ и на „Инстаграм“ покажуваат луѓе што тврдат дека ослабеле пиејќи ледена вода грицкајќи коцки мраз или туширајќи се со ладна вода.

Идејата е едноставна – телото согорува повеќе калории кога се загрева, па студот треба да го забрза топењето на масните наслојки. Но, дали е навистина така? Или е само уште еден интернет-мит, кој ветува брзи резултати без напор?

Како треба да функционира?

Идејата се потпира на концептот на термогенеза предизвикана од студ: изложеноста на студ може да го активира кафеаво масно ткиво (BAT) и да го поттикне телото да согорува дополнителни калории за да се загрее.

Во лабораториски услови, ова може да доведе до зголемување на потрошувачката на енергија. Сепак, колку оваа разлика придонесува за долгорочно и мерливо губење на маснотии во секојдневниот живот е прашање на кое науката сè уште нема солиден, практичен одговор.

Консумирањето ладна вода или мраз може малку да го зголеми трошењето калории, но ефектот е обично премногу мал за да предизвика значително губење на тежината сам по себе.

Постојат и неочекувани несакани ефекти, студиите и малите експерименти покажуваат дека изложеноста на студ понекогаш може да го зголеми апетитот или да предизвика луѓето да јадат повеќе по третманот, што може да ги поништи малите добивки на калории од топењето на мразот.

Исто така, преголемото потпирање на вакви „трикови“ ги одложува вистинските промени – диета и вежбање – кои се клучни и се покажаа како ефикасни.

Не е без ризик
Екстремниот студ, несоодветната примена на мраз на кожата или ладните пијалоци за луѓе со кардио проблеми може да бидат ризични. Ако имате здравствени проблеми, прво консултирајте се со лекар.

Како инфлуенсерите нè лажат?

„Тик-ток“ и „Инстаграм“ често прикажуваат драматични тврдења и лични сведоштва: „Пиев ладна вода и брзо го изгубив салото на стомакот“ и слично. Овие клипови обично не го вклучуваат вкупниот внес на калории на корисникот, исхраната или другите промени во животниот стил и затоа не се споредливи со контролирани студии. Многу креатори на трендови, исто така, промовираат производи (додатоци во исхраната, „програми за мраз“), па затоа постои комерцијален интерес.

Ако сте еден од оние кои сакаат сами да се уверат и да експериментираат со „хакот за мраз“, направете го тоа внимателно:

Не очекувајте чуда – третманите со ладна вода нема да го заменат намалувањето на калориите и физичката активност.

Не претерувајте – држете ладни облоги над пешкир за да избегнете оштетување на кожата, избегнувајте екстремни ледени бањи без надзор.

Ако користите ладни пијалоци наместо зашеќерени сокови, тоа може да помогне во намалувањето на внесот на калории – начинот на дејствување е индиректен (со замена на калориските пијалоци), а не поради мразот.

Ако имате срцево заболување или други сериозни здравствени проблеми, задолжително консултирајте се со вашиот лекар.

„Ледениот хак“ е интересна идеја, но во реалниот живот не е магичен рецепт за слабеење. Ефектите врз потрошувачката на енергија постојат, но тие обично се премногу мали и лесно се поништуваат со зголемен внес на храна или други фактори.

Ако сакате трајно слабеење, потпрете се на докажан пристап: балансирана исхрана, контрола на калориите и редовна физичка активност – и третирајте го „ледениот хак“ како интригантен додаток, а не како примарен план.

фото: принтскрин

Прикажи повеќе...

Забава

Дали ја миете косата секој ден: оваа навика може да направи повеќе штета отколку корист

Објавено пред

Многу жени ја мијат косата секој ден, што експертите не го препорачуваат. Оваа навика всушност може да направи повеќе штета отколку корист, па затоа треба да престанете да ја практикувате.

dobivaj vesti na viber

Емили Робертсон од „Мира Шоверс“ вели дека многу луѓе веруваат дека миењето на косата секој ден е единствениот начин да ја одржите косата чиста.

„Шампонот ги отстранува природните масла од скалпот, а како одговор на тоа, скалпот произведува повеќе масло, создавајќи ‘маснен циклус’ кој е тешко да се прекине“, рече таа.

Таа препорачува миење два до три пати неделно и користење сув шампон помеѓу миењата. Исто така, треба да користите шампон без сулфати.

„Пречестото миење или користењето шампони кои се премногу јаки може да ги иритираат фоликулите и да придонесат за проретчување на косата“, рече таа.

Таа, исто така, потсети дека треба редовно да ги менувате крпите. Во спротивно, крпите стануваат плодна почва за бактерии и габи.

фото: принтскрин

Прикажи повеќе...

Најново

Македонија4 часа

Судот оваа недела ја завршува оценката на обвинението за „Пулс“

Скопскиот Кривичен суд најави дека до петок ќе ја донесе одлуката дали обвинението за пожарот во кочанската дискотека ќе биде...

Македонија7 часа

Само 42 отсто од институциите доставија податоци за службени возила пред локалните избори

Само 42 % од институциите доставија податоци за службени возила пред локалните избори, соопшти Државната комисија за спречување на корупцијата....

Македонија9 часа

Мицкоски: Секој што на каков било начин има поврзаност со случајот во Кочани да биде изведен пред лицето на правдата

Премиерот Христијан Мицкоски, денес, одговарајќи на новинарско прашање во однос на најновата сторија на ИРЛ, која споменува вмешаност на даночни...

Македонија9 часа

Уапсени 60 лица за подметнување пожари во Македонија

Од 01 април до 29 септември регистрирани се вкупно 2.080 пожари на отворен простор, при што приведени се вкупно 60...

Македонија10 часа

Католичката црква со реакција за муралот на Мајка Тереза: Ова е навредлив чин за сите верници

Католичката црква во Македонија изразува жалење за, како што велат, недостојниот и навредлив чин со кој на муралот на света...

Македонија11 часа

(Фото) Сиљановска-Давкова во црквата на македонската заедница во Стерлинг Хајтс, Мичиген: Татковината не може да се менува

Со посетата на македонската православна црква „Раѓањето на Пресвета Богородица“ во Стерлинг Хајтс, Мичиген, и средбата со македонската заедница, претседателката...

Македонија11 часа

„Визер“ отвори уште една нова авиолинија од скопскиот аеродром – Штутгарт

Со првиот лет денеска, понеделник, 29 септември, во 6.25 часот наутро, од Меѓународниот аеродром „Скопјe“ до Штутгарт, „Визер“ отвори уште...

Европа13 часа

Данска ги забрани сите цивилни летови со дронови

Данска ги забрани сите цивилни летови на дронови до 3 октомври пред самитот на Европската унија во Копенхаген, објави данскиот...

Европа13 часа

Поранешната шефица на МИ5: Можеби веќе сме во војна со Русија

Велика Британија можеби веќе е во војна со Русија, предупреди поранешната шефица на британската безбедносна служба МИ5. Таа ги наведува...

Европа14 часа

Поранешен руски тајкун: Санкциите се илузија, само воена сила може да го запре Путин

Ако му ја земеш чашата на пијан човек нема да го отрезниш. Иако ова е очигледна вистина за човечката природа,...

Свет15 часа

(Фото) Најголемиот американски носач на авиони во Норвешка; НАТО: Не го гледате ова секој ден

Втора ноќ по ред, неидентификувани дронови летаа над данското небо, потврди данското Министерство за одбрана. Ова е најновиот во низата...

Свет1 ден

Повеќе од 40 повредени во масовниот руски напад врз Киев, меѓу оние кои починаа има и дете

Украина соопшти дека најмалку четири лица се убиени, а 13 други се ранети во главниот град Киев за време на...

Македонија1 ден

Петмина добија труење од храна откако јаделе во сендвичарница во Штип

Пет лица пријавиле симптоми на труење со храна по јадење сендвичи со пилешки стек во сендвичарница–киоск во Штип, информираат од...

Топ1 ден

Се заканувал дека ќе ја убие неа, братот и мајка ѝ ако не му даде 15.000 евра

Јавен обвинител од Основното јавно обвинителство Скопје донесе Наредба за спроведување истражна постапка против едно лице за кое постои основано...

Свет2 дена

Русија изврши масовен ракетен и беспилотен напад врз Киев и други украински градови, има многу жртви

Ноќеска Русија изврши масовен ракетен и беспилотен напад врз Киев и други украински градови, користејќи тешки бомбардери. Воздушна тревога беше...

Македонија2 дена

Сиљановска Давкова: Не сум се фотографирала со восочни фигури на Доналд и Меланија Трамп

Фотографијата објавена на моите официјални профили на социјалните мрежи, на којашто сум заедно со претседателот на САД, Доналд Трамп, е...

Македонија2 дена

Сиљановска Давкова објави дека се фотографираше со Доналд и Меланија Трамп

Претседателката Гордана Сиљановска Давкова на својот Фејсбук-профил објави дека ѝ претставувало чест да присуствува на приемот што го приредија претседателот...

Македонија2 дена

Пожарите стивнаа, остана само еден активен

На територијата на државата денеска до 18:00 часот има два пожари на отворен простор, од кои еден пожар е активен...

Свет2 дена

Зеленски ќе возврати ако Москва предизвика прекин на електричната енергија во Украина

Претставници на украинската Влада ќе ги посетат Соединетите Американски Држави кон крајот на септември или октомври за разговори за прашања,...

Топ2 дена

Превезувал мигранти и удрил полициски службеник во обид да избега

На автопатот Граничен премин Табановце – Куманово, вчера околу 16:30 часот полициски службеници го лишиле од слобода М.Б. (25) од...