Контакт

Здравје

За кои болести шефовите имаат односно немаат разбирање?

Објавено пред

Вработените коишто патат од мигрена, можеби треба да смислат подобар изговор кога на своите шефови им јавуваат дека нема да дојдат на работа, бидејќи само секој петти раководител смета дека таа состојба е доволно сериозна причина за изостанување од работа.

dobivaj vesti na viber

Болките во грбот, повредите кои се резултат на незгоди, пад дури и оперативните зафати, кои не се итни, како што е на пример отстранување на очната мрежа или вградување на вештачки колк, не предизвикуваат разбирање кај работодавачите, и само 37 отсто од нив ги сметаат за доволни причини за изостанување од работата, покажа истражувањето во врска со боледувањата што го спровела британската осигурителна компанија „AXA PPP Healthcare“ меѓу илјада работодавачи.

Според истражувањето, чии резултати ги пренесува лондонски The Telegraph, грипот е најприфатливото заболување, иако и тоа предизвикува разбирање кај само 41 отсто од работодавачите.

Иако работодавачите на менталните заболувања, како што се стресот или анксиозноста, не гледаат како на подобри или полоши оправдувања, истражувањето покажало дека вработените се понаклонети за нив да лажат и да кријат дека тие се вистинските причини за нивното изостанување од работата.

Според истражувањето, пак, спроведено меѓу илјада вработени, само 7 отсто би го лажела шефот доколку мора да одат на боледување поради некоја физичка болест како што се болки во грбот, грип или случајна повреда, додека дури 40 отсто би му прикриле на работодавачот дека на боледување мора да одат поради стрес, анксиозност или депресија. Резултатите покажуваат и дека 22 отсто од вработените не би откриле дека вистинската причина за земање боледување е настинка, а 12 проценти дека остануваат дома поради мигрена.

„Во многу случаи попродуктивно е вработениот да остане дома еден дена за да закрепне, отколку да дојде да работи со намалени способности поради, на пример,настинка или грип, и ризикот да ја прошири болеста на колегите“, вели Глен Паринскон од „AXA PPP Healthcare“.

Запрашани зошто ја кријат вистинската дијагноза поради кои земаат боледување, 23 отсто од испитаниците одговориле оти сметаат дека нивното здравје е нивна лична работа, други 23 отсто, пак, стравуваат како потоа ќе се гледа на нив, 15 проценти сметаат дека работодавачите нема да им веруваат, а 7 отсто се плашат од реакциите на шефот, додека 3 отсто признаваат дека се срамат поради вистинската причина за боледувањето.

Паркинсон додава дека за работодавачите клучно е да покажат разбирање и флексибилност кога вработените не се чувствуваа добро, поради здравата работна атмосфера./крај/мф/сн

Извор: The Telеgraph



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава

Дали водата пред јадење навистина помага во слабеењето?

Објавено пред

Ако некогаш сте се обиделе да ослабите, веројатно сте го слушнале познатиот совет: „Испијте чаша вода пред оброк, на тој начин ќе јадете помалку“.

dobivaj vesti na viber

На прв поглед звучи логично – водата може делумно да го наполни желудникот, да создаде чувство на ситост и на тој начин да ни помогне да јадеме помалку храна. Но, дали е навистина ефикасна или е уште еден популарен мит?

Според д-р Роберт Х. Шмерлинг, професор на Медицинскиот факултет „Харвард“, иако тврдењето има смисла, научните докази се мешани – и најчесто се ограничени на мали краткорочни студии.

1. „Ако се чувствуваме сити, ќе јадеме помалку“

Да, водата може привремено да го прошири нашиот желудник и да испрати сигнал до нашиот мозок да го забави јадењето. Но, тоа не се претвора автоматски во губење на тежината. Според д-р Шмерлинг, „Водата пред оброк нема да ве натера да ослабите, но може да ви помогне да јадете повнимателно и да не се прејадувате. Можеби ќе седнете на масата веќе делумно сити“.

Дополнително, експертите за долговечност советуваат дека е подобро да се пие вода пред или по оброците, а не за време – за да не се разредат дигестивните ензими.

Забавен факт: Една студија покажа дека постарите испитаници, кои пиеле вода пред оброците, примале помалку калории. Други истражувања покажуваат дека луѓето на нискокалорична диета изгубиле повеќе тежина со вода пред оброците отколку без неа, но овие студии биле краткотрајни.

2. „Пиењето вода согорува калории“
Идејата е следна: кога пиеме ладна вода, телото мора да ја загрее до телесната температура – ​​и за тоа користи енергија. Овој процес се нарекува термогенеза.

За жал, иако некои истражувања претходно го потврдија ова, поновите студии не пронајдоа силни докази дека водата (дури и ладната вода) значително го зголемува согорувањето калории. Значи, не, нема да ослабите само со пиење вода и лежење на каучот.

3. „Не сте гладни – жедни сте“
Оваа популарна теорија, особено на „Тик-ток“, тврди дека често ја мешаме жедта со глад. Наместо да посегнеме по ужина, можеби првин треба да испиеме чаша вода.

Сепак, како што вели д-р Шмерлинг: „Регулирањето на гладот ​​и жедта е многу сложено и се менува со возраста. Кај постарите луѓе чувството за жед слабее, но нема убедливи докази дека луѓето често ги мешаат гладот ​​и жедта“.

Значи, оваа теорија е повеќе симпатична идеја отколку научно докажан факт.

Заклучок
Да – водата може да помогне во губењето на тежината, но не како чудотворно решение. Ефектите се скромни и неодржливи ако не се комбинираат со здрава исхрана и физичка активност.

Како што заклучува д-р Шмерлинг: „Ако мислите дека пиењето вода пред оброците ви помага – слободно. Нема многу ризик, освен ако не се обидувате да се натерате да пиете кога не сте жедни“.

Нутриционистот д-р Монтсе Прадос додава уште една важна поента: Водата бргу се исфрла од желудникот и не го активира варењето на ист начин како храната, па затоа ефектот на ситост трае помалку отколку што мислат многу луѓе.

Во три реченици:
Водата пред оброците може малку да го намали апетитот, но не е гаранција за губење на тежината.

Не согорува значително калории, ниту ги менува вашите желби за храна.

Сепак, умереното внесување вода е здраво и корисено, само не очекувајте чуда.

Прикажи повеќе...

Забава

Секогаш проверувајте го кремот за сончање пред да го купите: треба да побарате еден симбол

Објавено пред

Секогаш проверувајте го кремот за сончање пред да го купите за подобро да се заштитите од штетните зраци што може да доведат до рак.

dobivaj vesti na viber

Изгореници, сончаница и дехидрација се само дел од ризиците од прекумерна изложеност на сонце без соодветна заштита. Престојот во сенка и пиењето многу вода може да помогне, но кремот за сончање со фактор за заштита од сонце, или СПФ, е сè уште најдобрата заштита, пишува „Мирор“.

Носењето СПФ е важно за заштита на вашата кожа од штетните УВ-зраци. Изложеноста на УВ-зраци без соодветна заштита од сонце може да доведе до изгореници од сонце, осип од топлина, предвремено стареење на кожата и хиперпигментација.

Во некои случаи, изложеноста на УВ-зраци го зголемува ризикот од развој на рак на кожата.

Кога купувате крем за сончање, секогаш треба да купите таков што го има симболот УВА или УВБ. Во кругот треба да има ѕвездички, а бројот на ѕвездички ќе ви го каже нивото на заштита.

Кремовите за сончање се оценуваат од една до пет ѕвездички врз основа на нивото на заштита што го нудат, при што пет, се разбира, се највисока заштита.

Што е СПФ?
СПФ е кратенка за степен на заштита од штетни зраци што предизвикуваат изгореници од сонце. Тој конкретно ја мери ефикасноста на производот во намалувањето на изгорениците од сонце на вашата кожа.

Што се УВА-зраци?
УВА-зраците се штетни и имаат способност да навлезат длабоко во дермисот, слојот на кожата што се наоѓа подлабоко во телото. Овие зраци се постојано присутни во текот на денот и, иако не се веднаш видливи, нивното влијание е значајно – може да продрат низ облаци, па дури и низ стакло.

Познато е дека УВА-зраците продираат подлабоко во кожата од УВБ-зраците, што доведува до долготрајни оштетувања, како што се разни форми на рак на кожата. Тие исто така може значително да придонесат за процесот на стареење, со тоа што предизвикуваат брчки и сончеви дамки.

Што се УВБ-зраци?
УВБ-зраците главно се апсорбираат од епидермисот и горните слоеви на дермисот на кожата. Овие зраци се одговорни за изгореници од сонце и црвенило на кожата. Иако не продираат толку длабоко како УВА-зраците, тие се еднакво штетни. УВБ-зраците значително придонесуваат за развој на рак на кожата, вклучувајќи меланом, а исто така го забрзуваат стареењето на кожата.

Важно е да се напомене дека перципираното ниво на заштита што го обезбедува еден производ може да биде погрешно. На пример, крем за сончање со низок СПФ може да има повеќе ѕвездички што укажуваат на високо ниво на УВА-заштита.

Сепак, ова не е толку точно како кремовите за сончање што имаат наведени и УВА и УВБ-фактори за заштита.

Прикажи повеќе...

Забава

Нова летна диета: ги држи килограмите подалеку од вас и го зајакнува имунитетот

Објавено пред

Летото нè потсетува дека претстојат многу топли денови, дека ќе носиме полесна облека и затоа е потребно нашите тела да бидат во добра форма.

dobivaj vesti na viber

Со новата летна диета ќе го изгубите вишокот килограми, ќе го зајакнете имунолошкиот систем и, најважно од сè, ќе заборавите на заморот. Оваа диета може да трае од една до три недели.

Се препорачува да пиете голема чаша вода наутро по станувањето и чаша млеко навечер пред спиење.

Летно диетално мени

Понеделник:

Појадок: сезонска овошна салата, јогурт со ниска масленост, овес и мед

Ужина: 1 интегрален тост со сирење

Ручек: сезонска зеленчукова салата

Ужина: 1 чаша јогурт со ниска масленост, 1 јаболко

Вечера: 1 варено јајце, 100 г сирење, 1 чаша зелен чај

Вторник:

Појадок: 1 чаша билен чај, 1 интегрален тост со сирење

Ужина: 1 чаша јогурт со ниска масленост со лажичка мед

Ручек: салата од сезонски зеленчук, 2 варени компири

Ужина: 1 чаша зелен чај

Вечера: 300 г говедско месо, 200 г варен зеленчук

Среда:

Појадок: 1 чаша билен чај, тост

Ужина: 1 варено јајце

Ручек: 1 чаша крем супа од печурки

Ужина: сезонска овошна салата, јогурт со ниска масленост, овес и мед

Вечера: салата од сезонски зеленчук, 1 чаша сок од портокал

Четврток:

Појадок: сезонска овошна салата, јогурт со ниска масленост, овес и мед

Ужина: 1 чаша јогурт со ниска масленост

Ручек: сезонска зеленчукова салата, 1 варено јајце

Ужина: 1 чаша зелен чај

Вечера: 300 г печена риба, 1 чаша сок од јаболка

Петок:

Појадок: 1 чаша билен чај, интегрален тост со сирење

Ужина: 2 варени компири

Ручек: сезонска зеленчукова салата

Ужина: 30 грама ореви

Вечера: 100 грама варен ориз, 200 грама печено пилешко

Сабота:

Појадок: 50 г сирење, 1 рендан морков

Ужина: 1 шолја зелен чај

Ручек: сезонска овошна салата, јогурт со ниска масленост, овес и мед

Ужина: 1 јаболко

Вечера: 200 г варен зеленчук

Недела:

Појадок: 1 чаша билен чај, 1 интегрален тост со сирење

Ужина: 2 варени компири

Ручек: 300 г говедско месо, варено јајце

Ужина: 1 чаша сок од портокал

Вечера: сезонска овошна салата, јогурт со ниска масленост, овес и мед.

Прикажи повеќе...

Најново

Македонија1 час

Нема повредени лица во запалениот глисер во Охридското Езеро

Денеска во 10,30 часот, во полициската станица за граничен надзор „Охридско езеро“, пријавено е дека на пловен објект глисер кој...

Македонија3 часа

(Видео) Филипче: Македонија заложник на туѓи агенди – ЕУ алармира на влијание од Србија, Унгарија, Русија и Кина

СДСМ од првиот ден предупредуваше дека Владата на ВМРО ДПМНЕ ја става државата во заложништво на други држави – наместо...

Македонија3 часа

Директор и вработени во Општината и во Министерството пустошеле во Националниот парк Маврово, заработиле над 3 милиони денари

Полицијата поднесе кривична пријава за вработен во Општина Маврово Ростуше, директор во ЈУ Национален парк Маврово, раководител на одделение за одржливо...

Македонија5 часа

Пожар на глисер во Охрид

Утрово се запали глисер во Студенчишкиот Канал во Охрид. Според првичните информации, пламенот се појавил кога сопственикот го стартувал моторот,...

Македонија5 часа

Муртезани: 150 институции и над 800 експерти ќе учествуваат во подготовката на преговарачките позиции со ЕУ

Пред една година започнавме со јасна цел: да ѝ дадеме нов импулс на европската агенда на земјава. Денес, по 12...

Македонија5 часа

Опасен пожар во близина на границата со Грција: се слуша пукање од муниција, постои опасност од неоткопани гранати

Пожар се шири во близина на границата со Грција. Од Центарот за управување со кризи велат дека пожарот се развива на...

Македонија7 часа

Латас го спомена таткото на Костадин Костадинов, па доби закана: „Цела фамилија те чекаме, со наш суд“

Навреди и закани помеѓу Драган Павловиќ-Латас и струмичкиот градоначалник од СДСМ, Костдин Костадинов, откога новинарот во јавно излагање на поткаст...

Македонија8 часа

Десетгодишно девојче од Македонија се удави во Италија

Десетгодишно девојче од Македонија се удави во реката Пјаве, во близина на Тревизо. Како што јавуваат италијанскитее медиуми, девојчето се...

Регион9 часа

Полицијата во Белград ги отстрани блокадите: оштетено полициско возило, повеќе уапсени

Српското Министерство за внатрешни работи објави дека полицијата ги отстранила сите блокади на патиштата во Белград во текот на ноќта....

Свет9 часа

(Видео) Маж намерно запалил пожар во Ајдахо, па убил двајца пожарникари: пронајден мртов

Двајца пожарникари беа застрелани и убиени додека се бореа со шумски пожар во северниот дел на Ајдахо, соопшти канцеларијата на...

Европа10 часа

Кремљ: Брзината на преговорите за завршување на војната во Украина зависи од ставот на Киев

„Брзината на преговорите за завршување на војната во Украина зависи од позицијата на Киев, ефикасноста на американското посредништво и ситуацијата...

Македонија11 часа

Зголемена фреквенција на возила на граничните премини Табановце и Богородица

Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...

Свет11 часа

Трамп: Иранците не знаеја дека доаѓаме

Американскиот претседател Доналд Трамп не верува дека Иран бил во можност да обезбеди или премести дел од својот збогатен ураниум...

Македонија21 час

Мицкоски ја доби тужбата против Славјанка Петровска за клевета

Граѓанскиот суд во Скопје донел правосилна пресуда во корист на премиерот Христијан Мицкоски, утврдувајќи дека пратеничката од СДСМ и поранешна...

Регион23 часа

Приведени 77 лица по протестите, 48 полицајци повредени, Вучиќ вети дека нема помилување за насилство

Претседателот на Србија, Александар Вучиќ, денеска порача дека нема да потпише никакво помилување или аболиција за оние кои учествувале во...

Македонија1 ден

Димитриевски по реизборот: Ќе градиме нови лидери за нова Македонија

На вториот Конгрес на партијата Движење ЗНАМ за наша Македонија, Максим Димитриевски денеска едногласно повторно ја доби довербата од делегатите...

Македонија1 ден

Јаневска: Учебници на 1 септември, повисоки плати, 7 нови училишта и обнова на студентските домови

Во првата година од мандатот на министерката за образование и наука, Весна Јаневска, се испорачани значајни резултати – учебници на...

Топ1 ден

Избоден 15-годишник на Бит Пазар, 13-годишниот напаѓач е негов роднина

15-годишно момче било повредено со остар предмет синоќа во регионот на Бит Пазар, а според пријавата, нападот го извршил негов...

Македонија1 ден

Скандалозен тендер за возачки испити, СДСМ бара истрага и одговорност од Тошковски

СДСМ алармира за нов скандал во Министерството за внатрешни работи, овој пат поврзан со сомнителен тендер вреден милиони денари за...

Топ1 ден

Девојка (27) пронајдена мртва во Дебарско Езеро, Обвинителството истражува

Телото на 27-годишната С.А. од Дебар вчера беше пронајдено во водите на Дебарското Езеро. Како што информираше ОВР Дебар, околу...