Црна хроника
Власта и опозицијата во костец за битолската марихуана
Битолчаните Душко, Томе и Цане Илиевски се приведени во четврток поради основано сомнение дека во околината на Битола одгледувале канабис сатива откаково на нивната нива се пронајдени 207 стебла канабис сатива. По ова повторно во дуел влегоа владејачката ВМРО-ДПМНЕ и опозициската СДСМ
Семејството на Томе, Цане и Душко Илиевски кој е познат пелагониски млекопроизводител, тврди дека овој тип растение вирее низ цело битолско поле и дека се неправедно осомничени.На приведувањето на Душко Илиевски поранешен кооперант на Сведмилк, реагираше СДСМ. Пратеникот Томе Чингоски ја обвини власта за партиско-полициски монтирани постапки. Според него, станува збор за нарушување на граѓанските слободи и права и за брутална пресметка со неистомислениците. На реакцијата на СДСМ се огласи и ВМРО-ДПМНЕ. Партискиот портпарол Александар Бичиклиски изјави дека „не можат да поверуваат оти СДСМ на незавршена постапка реши да се стави во одбрана на луѓе за кои што постои сомнеж дека на нивно земјоделско земјиште одгледувале опојна дрога“. Наместо, како што ја оцени, оваа панична реакција, СДСМ требало да почека институциите да ја завршат својата работа, да се заврши истрагата и да се расветлат вистинските околности и да сфати дека иднината на младите генерации е побитна од ситниот политички интерес.сомневаат во полициската акција.
Инаку претходно во четвртокот полициски службеници од отсекот за недозволена трговија со дрога од СВР-Битола извршија претрес во домот и другите простории на имотот на Илиевски , како и во градинарска нива во местото Гратско поле во околината на Битола, каде што биле откриени 207 стебла од растението „канабис сатива“ од кое се произведува марихуана.„Поради постоење основано сомневање дека се сторители на кривично дело ’недозволено производство и пуштање во промет на наркотични дроги’, психотропни супстанци и прекурзори, во текот на денот од страна на полициски службеници при СВР-Битола се приведени трите лица.“, соопштија од Министерството за внатрешни работи.На средбата со новинарите во СВР-Битола бил презентиран одземениот „канабис сатива“ и потврдија дека целокупниот доказен материјал е предаден на истражен судија кој веќе води истражна постапка, пренесе попладнево битолската телевизија ТВ Тера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.