Црна хроника
Еден од именуваните напаѓачи на Гошинце тврди дека нема врска со инцидентот
Едно од лицата за кое македонските медиуми јавија дека учествувал во нападот на караулата Гошинце на северната граница на Македонија, Кадри Бајрами во изјава за косовската агенција Рајони прес негира дека вмешаност во инцидентот.
„Јас сум селски човек и цел ден се занимавам со домашна работа. Бев изненаден кога го слушнав моето име во вестите“, изјавил Бајрами.Бајрами живее во селото Станиќ, Гњилане и вели дека нема време да се занимава со такви работи. „Ова е лага и моето име е искористено бидејќи живеам во граничниот појас и се занимавам со сточарство и домашни работи, и од тоа го издржувам моето семејство“, вели Бајрами.Македонските медиуми во вторникот јавија дека се идентификувани дел од напаѓачите на караулата Гошинце. Според објавените информации, водач на групата бил Командант Џеваир Адеми, од косовското село Гњилане. Уште четворица од напаѓачите се од истото место, логистика на групата бил Фарук, а како дел од униформираните напаѓачи биле и двајца браќа Ерхан и Кадри Бајрами.Вечерта во понеделникот спроти вторникот, според МВР, четириесетина вооружени лица ја нападнале полициската станица во Гошинце, заробиле четворица полицајци, кои подоцна се ослободени. МВР овој чин го оквалификува како терористички напад врз државните институции./крај/ффс
Извор: Rajonipress
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.
Црна хроника
Тело на починат маж извадено од Вардар во Велес
Полициски службеници од СВР Велес, вчера во 8.30 часот, во водите на реката Вардар блиску до местото наречено „Јаниташ“, пронашле тело на починато машко лице.
Телото на починатиот било извадено од реката од полициски службеници од Одделот за специјални полициски операции при МВР, известуваат од СВР Велес.
Увид извршила увидна екипа од СВР Велес. По наредба на јавен обвинител, телото е дадено на обдукција.