Црна хроника
Грција ги превезува мигрантите од граница во Атина
Грчката полиција утрово на економските мигранти им поделила летоци на неколку јазици со предупредување дека на и околу железничката пруга, каде што е импровизираниот камп на мигрантите кај Идомени, не смее да има ништо.
Економските мигранти од Иран, Пакистан, Мароко, Алжир, Непал со автобуси се пренесувале до Атина, а од таму во земјите од каде што потекнуваат. Дел од мигрантите прифаќаат да бидат вратени назад, а дел велат дека по секоја цена ќе го продолжат патот кон земји членки на ЕУ.
Дел од медиумите јавуваат дека во граничното село Идомени, кое е на петстотини метри од границата со Македонија, се печатат фалсификувани докменти во кои пишува дека земја на потекло е Сирија а се продавале по 300 евра.
Македонија го забрани влезот за економските мигранти и се пропуштаат само беглаците од воените подрачја. Во понеделник на грчката граница се очекува да дојдат силите на ФРОНТЕКС./крај/мф
Извор: mkd.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Ја нападнал на работно место во Карпош, па и се заканувал со нож на поранешната сопруга
Вчера било пријавено дека 33-годишна жена на подрачјето на Карпош била нападната од својот поранешен сопруг кој притоа и се заканил со нож.
„На 17.04.2024 во 19.00 часот во СВР Скопје, 33-годишна жена од Скопје пријавила дека околу 12.00 часот на работното место во фирма на подрачјето на Карпош била физички нападната од нејзиниот поранешен сопруг З.Б.(37) од Скопје, кој ѝ се заканил и со остар предмет. Се преземаат мерки за расчистување на случајот“.
Црна хроника
Ограбиле менувачница во Чаир, украле сеф со пари и избегале со возило без таблички
Вчера во 10.15 часот во СВР Скопје, М.Д.(42) од Скопје пријавил дека околу 04.20 часот неколку лица со употреба на сила и погоден предмет влегле во неговата менувачница на подрачје на Чаир и одзеле сеф со пари, по што заминале со патничко возило „фолксваген џета“ без регистарски ознаки.
По преземени мерки и активности, возилото било пронајдено на паркинг простор на подрачје на Чаир.
Се преземаат мерки за целосно расчистување на случајот.
Црна хроника
Скопјанец нападнал вработена во нотарска канцеларија
Скопјанец нападнал вработена во нотарска канцеларија.
На 16.04.2024 во 11.45 часот во СВР Скопје било пријавено дека во нотарска канцеларија во Скопје, Б.Ј. од Скопје физички нападнал една вработена.
Се преземаат мерки за расчистување на случајот.