Црна хроника
Приведени двајца македонски државјани за поседување 1,3 кг хероин
Министерството за внатрешни работи заедно со Царинската управа уапсија двајца македонски државјани од кои заплениле 1 кг 300 гр хероин, при што е пресечен меѓународен канал.
Министерството за внатрешни работи заедно со Царинската управа уапсија двајца македонски државјани од кои заплениле 1 кг 300 гр хероин, при што е пресечен меѓународен канал.
Имено, околу 20.40 часот, во средата, на ГП „Табановце“ на излез од Македонија по претходно добиено сознание, во автобус кој сообраќал на редовна автобуска линија Струга – Луцерн, Швајцарија од страна на царински службеници од Царинската управа извршен е претрес и преглед на патници и багаж при што во двојно дно на куфер со залепена карта за багаж на рачката во сопственост на А.П.(54) од Кичево патник во автобусот пронајдени се четири црни најлонски пакувања со непозната прашкаста материја за кое што утврдено е дека се работи за наркотична дрога хероин.
Тој, за 1.500 евра бил ангажиран да го изврши транспортот до Швајцарија од страна на лицето М.Ј.(35) од Гостивар кој бил организатор на транспорт кој исто така патувал во автобусот и седел во непосредна близина на лицето транспортер. Одземената прашкаста материја е предадена во Одделот за криминалистичко-технички испитувања и вештачења при МВР, за понатамошно вештачење. По извршено вештачење утврдено е дека се работи за хероин со вкупна маса од 1 кг 258 грама. Од страна на Секторот за недозволена трговија со дрога до ОЈО Куманово, поднесена е кривична пријава против двете лица за сторено кривичното дело „Неовластено производство и пуштање во промет наркотични дроги, психотропни супстанции и прекурсори”./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Претрес во Битола, приведен дилер
Вчера во 11.00 часот во Битола, полициски слушбеници од Одделението за криминалистичка полиција при СВР Битола го лишиле лицето 48-годишниот Г.Н. од Битола, извести МВР.
„При претрс во неговиот дом, извршен со судска наредба, биле пронајдени и одземени прашкаста материја, ампули апаурин и ампули диазепам“, велат од МВР.
Лицето било задржано во полициска станица и целосно документирање на случајот против него ќе биде поднесена соодветна пријава.
Црна хроника
Маж насилно изваден од својот дом и со убодни рани оставен кај Транспортниот центар во Скопје
Вчера во 07.40 часот во Полициската станица Аеродром, 34-годишниот К.Б. од Скопје пријавил дека на 24/25.04.2024 околу 01.30 часот, А.„Н“ со употреба на сила го извадил од неговиот дом и го внел во патничко возило кое го управувал К.„Н“, со уште едно лице совозач, извести МВР.
„Како што е пријавено, во возилото А.„Н“ му нанел неколку убодни рани со остар предмет и го однеле кај Транспортен центар во Скопје, каде што повторно му нанел повреда со остар предмет, по што физички го нападнале и го оставиле. Исто така, според пријавеното, тој не бил на преглед и не пријавил во полициска станица затоа што лицата му се заканиле“, соопшти МВР.
Се преземаат мерки за расчистување на случајот.
Црна хроника
Кривична против двајца штипјани, истепале полицаец
СВР Штип поднесе кривична пријава против 53-годишниот Д.Д. и 54-годишниот П.Д., двајцата од Штип, поради постоење основи на сомнение за сторено кривично дело „напад на службено лице при вршење работи на безбедноста“, извести МВР.
„На 22.02.2024, по претходна расправија околу сообраќајот, пријавените физички нападнале полициски службеник“, соопшти МВР.