Компании
Магазинот Playboy ја враќа насловната со целосно разголени модели
Фотографиите на речиси целосно разголените најпривлечни модели ќе се вратат на насловната страница на култното списание со назнака „за возрасни“ – Playboy, објавија во понеделникот основачот на изданието легендарниот Хју Хефнер и неговиот син Купер, наведувајќи дека одлуката да се откажат од еротската содржина од минатата година „беше грешка“.
„Јас сум првиот кој е подготвен да признае дека начинот на кој магазинот ја претставуваше разголената природа, застарел, но претставуваше грешка сосема да се исфрлат снимите на разголените (модели)“, истакнуваат и таткото и синот Хефнер на својот профил на Twitter.
„Голотијата никогаш не иле проблем и ниту тоа е денес. Денес ние го возобновуваме нашиот индивидуален стил и одново истакнуваме дека ние сме тави какви што сме“, додаваат.
Хју Хефнер, кој го основаше Playboy во 1953 година, ја понуди компанијата на пазарот во 2011 година, заедно со инвестицискиот фонд Rizvi Traverse Management, а во тој бизнис нејзината вредност изнесуваше 207 милиони долари.
Месечникот Playboy беше меѓу првите во светот што објавуваше фотографии со голи жени, но во февруари 2016 година магазинот престана да објавува такви фотографии бидејќи, како што порача, тој концепт е застарен и не е повеќе привлечен заради купиштата бесплатна порнографија на интернет.
Тиражот на Playboy падна од 5,6 милиони примероци во 1975 година на околу 800 илјади последните години, но компанијата повеќе заработува на лиценците на својот бренд и логоа за различни производи ширум светот.
„Нашата мисија е исполнета. Успеавме женското тело да го прикажеме како нормална појава така што жените на светот му ги прикажувавме во нивното природно издание. Сепак, времињата се променија, па сега со еден клик може да се стигне до каква и да е бесплатна еротска содржина, која често не е во склад со она што Playboy го промовира, а тоа се убавината и восхитувањето од женското тело. Одлучивме достоинствено да се повлечеме од тој свет“, рече тогаш сопственикот на Playboy, Хју Хефнер.
Магазинот го изгуби социјалниот статус кој некогаш го имаше. Одамна поминаа времињата кога имаше интервјуа со влијателни светски личности како што се мартин Лутер Кинг, Малколм Икс или Џими Картер.
Фотографиите со голи жени се исфрлени од онлајн изданието на Playboy порано, за содржината да не може да се најде на социјалните мрежи, кои забрануваат еротика. Сепак, фотографии на оскудно облечени жени во провокативни пози и понатаму ќе се објавуваат.
Сепак списанието Playboy, чиј заштитен знак до пред извесно време со децении беа разголените ткн „зајачици“ и „меката“ порнографија, во октомври минатаа 2016 година направи еден значаен чекор и првпат објави фотографија на муслиманка со хиџаб со што предизвика и пофалби и критики.
Станува збор за 22-годишната американска новинарка од либиско потекло Нур Тагури, која работи за видео каналот Newsy и за Playboy беше фотографирана со црна кожна јакна, фармерки, патики и хиџаб, исламска шал кој ја прекрива главата, а претставена како активистка „којашто оди само напред“.
Нејзината приказна во Playboy, кој претходно годинава објави дека се откажува од објавувањето на разголените убавици поради огромната конкуренција во тој сегмент која е лесно достапна на интернет, како и во настојувањата да освои поширока публика преку новиот приод на темите и нивното обработување, многумина го пофалија како добар потег на магазинот во неговиот развој.
Меѓутоа, многумина и ја нападнаа младата Тагури затоа што се согласила да даде интервју за списанието. Playboy, кој е синоним за порнографијата, со децении беше на првата линија на кампањата за сексуализирање на жените, претворањето на жената во објект“, напиша лани порталот The Muslim Vibe./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
SEAT S.A. постигна историски рекордни финансиски резултати благодарение на двоцифрениот раст и ефикасноста на SEAT и успехот на CUPRA
“Кога станува збор за SEAT, ви ветувам дека најдоброто допрва доаѓа“
SEAT S.A. постигна историски рекордни финансиски резултати, благодарение на двоцифрениот раст и ефикасноста на SEAT и успехот на CUPRA
· Оперативната добивка на SEAT S.A. достигна рекордни 625 милиони евра, повратот од продажба достигна 4,4%, а прометот за минатата година се зголеми на 14,3 милијарди евра
· Нова инвестиција во брендот SEAT се новите освежувања на Ibiza и Arona, како и подобрувањето на Leon и Ateca
· Во 2024 година е планирано лансирањето на CUPRA Tavascan и CUPRA Terramar
SEAT S.A. ги претстави своите резултати за 2023 година заедно со својата стратегија за претстојните години. Минатата година, според Меѓународните сметководствени правила (МСФИ), оперативната добивка достигна рекордни 625 милиони евра, зголемувајќи се за 592 милиони евра (2022: 33 милиони евра). Ова претставува подобрување на повратот на продажбата од 4,1 процентен поен, од 0,3% на позитивни 4,4%. Годишниот промет исто така достигна историски 14,333 милијарди евра, 31,0% повеќе од 2022 година (10,941 милијарди). Овие резултати ја потврдуваат силата на компанијата и успехот на нејзината постојана стратегија за трансформација.
„Зад себе оставаме година во која SEAT S.A. ги објави најдобрите финансиски резултати во својата 73-годишна историја, осигурувајќи се дека нашата компанија продолжува на својот пат кон попрофитабилна иднина“, рече Вејн Грифитс, извршен директор на SEAT и CUPRA. „2023 година беше година на огромни контрасти за автомобилската индустрија, како и за нашата компанија, бидејќи продолживме да се движиме низ морето на несигурност додека ја претрпевме најголемата трансформација во нашата историја“.
„Во 2023 година, SEAT S.A. направи голем чекор на своето патување на трансформација: имавме за цел да направиме значително подобрување и тоа е она што успеавме да го направиме. Постигнавме рекорди на сите времиња во промет, оперативна добивка и оперативен готовински тек. Ова совршено ги одразува позитивните ефекти од растот на обемот на марката CUPRA и обновувањето на обемот на марката SEAT, како и важноста на напредокот што го постигнавме со нашата програма за подобрување на перформансите“, рече Дејвид Пауелс, потпретседател за финансии и ИТ во SEAT. С.А.
ИНВЕСТИЦИИ ВО БРЕНДОТ НА SEAT
Гледајќи во иднината, SEAT S.A. ја има поставено вистинската стратегија за да го одржи профитабилниот раст на компанијата. Брендот SEAT ќе игра клучна улога во ова и компанијата ќе лансира подобрени plug-in хибридни и штедливи автомобили на SEAT.
Arona и Ibiza ќе добијат подобрување во 2025 година, а во следните месеци, марката ќе лансира нова и подобрена верзија на SEAT Leon, со технички и технолошки надградби. Понатаму, Ateca ќе биде подобрен и неговиот животен циклус ќе се продолжи.
„Го враќаме брендот SEAT таму каде што припаѓа, продолжувајќи го двоцифрениот раст од минатата година со нови инвестиции во брендот и неговите модели. Исто така, разгледуваме што можеме да испорачаме во електричниот свет под брендот SEAT. Кога станува збор за SEAT, ви ветувам дека најдоброто допрва доаѓа“, додаде Вејн Грифитс.
(ПР)
Економија
„Зегин онлајн“ е најпопуларна е-продавница за здравје, нега и убавина за 2023 година
Во организација на Асоцијацијата за е-трговија на Македонија вчеравечер се одржа Ecommerce Awards, избор на најдобрите во македонската е-трговија.
Компанијата Зегин со е-продавницата www.zegin.com.mk беше номинирана во неколку категории, а го освои првото место во категоријата „Најпопуларна е-продавница за здравје, нега и убавина“, што претставува уште една потврда дека квалитетот, професионалноста, вложениот труд и љубов секогаш резултираат со успех.
Изборот на најдобрите е-трговци има за цел да ги препознае и награди најдобрите со што ќе придонесе за мотивација и охрабрување за уште подобра работа, да ја крене свеста за потенцијалот и да ја промовира е-трговијата, како и да ја зајакне конкурентноста и да охрабри унапредување на работењето кај постојните и идни е-трговци.
„Оваа награда, трета по ред претстаува уште еден доказ за успешноста на работењето на онлајн продавницата на Зегин- www.zegin.com.mk и е одлична мотивација за уште попосветена работа, поквалитетна понуда, како и позадоволни купувачи во иднина. Ви благодариме за лојалноста и довербата!“, велат од компанијата за наградата.
Манифестација за доделување на македонските Награди за е-трговија за 2023 година – E-commerce Awards, се одржа во присуство на членките на АЕТМ, поддржувачите и партнерите, жири комисијата и наградените е-трговци.
(ПР)
Економија
Тековните предизвици и можности на винските пазари и значењето на географските ознаки за македонското вино – теми во фокусот на регионалната конференција за вино
Како да се искористат актуелните трендови на глобалните вински пазари за подобро позиционирање на македонското вино, како да се зголеми препознатливоста на нашите вина, зошто е исклучително важно воведувањето географски ознаки на виното и какви придобивки ќе донесе овој процес. Ова се само некои од прашањата за кои се имаше дискусија на регионалната конференција за вино, што ја организираа здружението „Вина од Македонија“ и винарската визба „Тиквеш“, во соработка со Германското друштво за меѓународна соработка (GIZ).
„За да се зголемат продуктивноста и додадената вредност на домашната винска индустрија, нејзината конкурентност и вредноста на извозот, како и нејзината отпорност на тековните предизвици, вклучувајќи ги и ризиците од климатските промени, неопходни се големи вложувања во знаење, во нови технологии и дигитализација, во организација, окрупнување на лозјата и создавање ефикасни кооперантски односи, како и во воведување нови правила, стандарди и механизам за државна поддршка и поголема регионална соработка. Сето ова мора да се заснова на научен пристап користејќи ги искуствата на развиените земји, кои поминале низ оваа трансформација и може да ни помогнат да го оствариме она што е нашата главна задача – зголемување на извозот на квалитетно вино, кое ќе биде препознатливо и ценето од потрошувачите во светот“, порача во своето воведно обраќање на конференцијата претседателот на здружението „Вина од Македонија“, Светозар Јаневски.
Во рамките на конференцијата се одржаа три работни сесии на кои реномирани експерти од Универзитетот „Гајзенхајм“ во Германија, професорите Јон Ханф и Силвија Димер говореа за состојбите на глобалниот пазар на вино, за спецификите на посебните пазарни нишки во Европа и за значењето на правните и техничките услови за извоз на вино. Една од поважните пораки што ја потенцираа експертите се однесуваа на важноста на заедничкиот настап на компаниите на пазарот истакнувајќи дека ваквиот пристап може да креира ефективни резултати доколку секоја компанија настапи одговорно и самостојно покрај заедничките активности како кластер.
Поздравувајќи ја организацијата на оваа конференција, регионалниот советник за земјоделство во германската амбасада во Скопје, Франк Мулер, го нагласи значењето на соработката помеѓу здружението „Вина од Македонија“ и ГИЗ акцентирајќи дека за долгорочен одржлив развој на винската индустрија неопходна е соработка и со универзитетите бидејќи научниот пристап во воведувањето и примената на унифицирани стандарди за производство и пласман на висококвалитетно вино од регионот е повеќе од неопходен.
За најновите движења во интрарегионалната трговија со грозје и вино во рамките на Западен Балкан говореше и извршната директорка на здружението „Вина од Македонија“, Елена Младеновска-Јеленковиќ, која ја нагласи неопходноста од воспоставување заеднички вински бренд со загарантирано географски потекло како еден од клучните предуслови за зголемување на препознатливоста на овдешните вина од страна на потрошувачите на пазарите во ЕУ и пошироко.