Контакт

Актуелно

Почина рок легендата Чак Бери

Објавено пред

Легендарниот американски музичар Чак Бери почина во саботата на 90-годишна возраст, соопшти Управата на полицијата на округот Сент Чарлс, во сојузната држава Мисури, каде што живееше овој легендарен пејач, гитарист и автор на многу хитови.

dobivaj vesti na viber

Музичарот паднал во бесознание во својот дом, но точната причина за смртта засега е непозната.

„Полицијата на округот Сент Чарлс одговори на повик за помош на адреса на улицата Бакнер роуд во 12,40 часот (18,40 часот по македонско време). Првиот службеник кој дошол на местото затекнал маж кој не давал знаци на живот. За жал, обидите за реанимација биле безуспешни, смртта настапила во 13.26 часот“, прецизираше полицијата.

„Полицијата на дистриктот Сент Чарлс со тага ја потврдува смртта на Чарлс Едвард Андерсон Бери постариот, попознат како легендарниот музичар Чак Бери“, се наведува уште во полициското соопштение и притоа се бара да се почитува правото на приватност на семејството и блиските на музичката легенда.

Чарлс Едвард Андерсон Бери е роден во Сент Луис (Мисури) на 18-ти октомври, 1926 година. Тој почнал да покажува интерес за музиката уште од рана возраст во основното училиште учејќи да свири џез гитара. Во 1940-те години Бери не успеал да се здобие со повисоко образование, бидејќи бил осуден на затворска казна под обвинение за вооружен грабеж. По неговото ослободување, тој се оженил и се вработил во една фабрика за автомобили, свирејќи во вечерните часови во мали клубови.

Пресвртниот момент во неговиот живот и кариера се одиграл во 1955 година, кога заминал во Чикаго, каде што се запознал со значајната личност во светот на блузот Мади Вотерс, кој му предложил да го запознае со Леонард Чес, основачот на сега веќе непостоечката дискографска компанија „Chess Records“. Како резултат на таа соработка снимен е синглот „Maybellene“ продаден во над милион примероци, заземајќи го првото место на топ-листата на магазинот Billboard, во категоријата ритам-и-блуз. Кон крајот на 1950-те години, гитаристот, вокалист и композитор веќе го достигнал статусот на ѕвезда. Автор е на голем број рок класици од тој период, како „Sweet Little Sixteen“, „School Days“ и„Мy Ding a Ling”.

Музичарот кој поради подвижноста и брзото движење на нозете го добива прекарот „Луди нозе“, во овој период ги снима „Thirty Days“, „No money down“ и „Roll Over Beethoven“ (1956.), а потоа ги ниже хитовите „School Days“ и „Rock and Roll Music“ (1957), „Sweet Little Sixteen“, „Carol“ и „Johnny B. Goode“  1958), „Little Queenie“, „Memphis Tennessee“  и „Back in the USA“ (1959). На крајот 1950-те постигнува планетарен успех, а благодарејќи на едноставните и општочовечките теми на своите песни: забавата, љубовта, автомобилите, училиштето, станува херој на белата младина опиена од рокот.

На почетокот од следната деценија, неговата карира тргнала по надолна патека. Во 1961 година Чак Бери добил уште една затворска казна, две години минува во затвор поради врски со проституција, неговите плочи се продавале сé послабо, во 1970-те години веќе го сметале за веќе истрошен музичар. Но истовремено, музичките гиганти од другата страна на океанот како The Beatles, The Rolling Stones, Status Quo и Uriah Heep, кога тој минува тежок период, ги преземаат неговите музички стандарди, и редовно ги снимаат и исполнуваат на концертите своите верзии на делата на мајсторот. А манирите на славниот Американец за движење на сцената ги прифати лидерот на австралискиот бенд AC/DC, Ангус Јанг.

Чак Бери е еден од првите музичари чиешто име е овековеченово со Куќата на славните на рокенролот, отворена во Кливледн, во Охајо, во 1986 година. Покрај тоа, нему му припаѓа и признанието од колегите во „освојувањето на космичкото пространство. Имено во 1977 година САД во Вселената испратија две меѓупланетарни сонди „Voyager“ на кои се позлатени дисови со дијаметар од 30 см, фонографска капсула со игла за репродукција. Тие носачи содржат фото и аудио информации, коишто според замислите, траба да го запознаат потенцијалните вонземни цивилизации со нашата. Покрај различните звуци, како шепот на мајка и плач на бебе, гласови од птици и животни, кратки поздрави на неколку десетици јазици, снимени се и народни музики и најпознатите дела ба светската музичка култура. Меѓу нив е и хитот на Чак Бери од 1950-те „ Johnny B. Goode”.“

Боб Дилан го нарекуваше Чак Бери „Шекспир на рокенролот“, а Џон Ленон еднаш изјавил дека „доколку сакате на рокенролот да му дадете друго име, можете да го викате Чак Бери“. По веста за неговата смрт, Брис Спрингстин, кој добро го познавал, напиша на Twitter: „Чак Бери беше најголемиот рокер, гитарист и најголемиот текстописец на најдобриот рокенрол кој некогаш живеел“.

Според магазинот Rolling Stone, нумерата „Johnny B. Goode е најдобрата гитарска композиција на сите времиња. Чак Бери е лауреат на наградата Греми за особен придонес во развојот на музиката и музичката индрустрија.

На својот 90-ти роденден ја изненади јавноста најавувајќи го излегувањето на новиот албум, првиот по речиси 40 години. Албумот со едноставен наслов „Чак“ е снимен во студијата во близина на Сент Луис и треба да се појави оваа година. /крај/мф/сн



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Актуелно

Со предавање на Нејтан Браун вечерва почнува фестивалот за критичка култура КРИК

Објавено пред

Вечерва (21 јуни), во 20 часот, во просториите на Чифте амам, почнува јавната програма на седмото издание на КРИК – фестивал за критичка култура, во организација на „Контрапукт“.

dobivaj vesti na viber

Фестивалот ќе го отвори професорот Нејтан Браун со предавањето со наслов „За жал, кутриот Јорик! Постоењето на духот е коска“.

Нејтан Браун е вонреден професор по англиски јазик и истражувач од Канада, кој ја води катедрата за поетика на Универзитетот „Конкордија“, Монтреал, каде што раководи со Центарот за проширена поетика. Автор е на три книги „Сенката на Бодлер: Есеј за поетската определба“, „Рационалистички емпиризам: теорија на спекулативна критика“ и „Границите на изработката: наука за материјали, материјалистичка поетика“.

„Шекспировиот ‘Хамлет’ и Хегеловата ‘Феноменологија на духот’ вклучуваат две од најпрепознатливите изреки во западната култура: ‘За жал, кутриот Јорик!’ и ‘Постоењето на духот е коска’. Што е тоа што го препознаваме кога ги слушаме или читаме овие зборови? Во рамките на предавањето ќе се користи спојот на овие фрази како повод за промислување на самиот факт на окупирање на просторот како минимална димензија на егзистенцијалната драма. Работејќи на односот, кој се воспоставува помеѓу сцената на гробиштата во Хамлет со другите елементи на сложената структура на драматуршката предлошка, каде што фигурите на просторното постоење се загрозени, ние ќе ги означиме како срж на физичките и метафизичките грижи, кои се читаат во текстот и на односот помеѓу духот и материјата. Ова ќе ни овозможи да го прецизираме посебниот модалитет на постоењето на драмата и да ги сфатиме историските и уметничките влогови на просудувањето на бескрајот суд кај Хегел“, се вели во најавата за настанот.

Прикажи повеќе...

Актуелно

Фестивал „Нови простори“ на кејот на Вардар во центарот на Скопје

Објавено пред

Фестивалот „Нови простори“ годинава ќе се одржи в сабота на 18 јуни, на кејот на реката Вардар, при што програмата е поделена на два дела и на две локации.

dobivaj vesti na viber

Првиот дел е на шеталиштето до влезот на бродот Синегалија, од страната на ГТЦ и таму ќе бидат сегментите: Отворање, „Нови поетски пространства“, „Танц на кеј“, „Светски поетски момент“ и „Сликаме на кеј“.

Вториот дел – концертот со сегметните „Нов бит“ и „Отворен микрофон” ќе одржи на скалите под Камениот мост, кај сидрото.

Продажната изложба ќе биде поставена утрото и сликарите ќе работат додека трае целата програма. Идејата е целокупниот настан да биде една голема заедничка уметничка инсталација. Согласно програмата, секој учесник ќе биде претставен во време од 6 минути, при што поетите во 2 минути ќе треба да се претстават себеси, а во 4 минути да прочитаат една или две песни. Сликарите ќе имаат можност да ги презентираат своите дела и да раскажат за својот начин на работа, уметничките погледи и ликовната поетика.

Во вториот дел се настапите на музичарите, при што секој бенд пред почетокот на настапот кратко ќе биде претставен, а пред крајот на концертот ќе биде доделена и наградата за публиката, тоа е специјално изненадување што ќе го добие еден гледач.

Доколку врне дожд, настанот ќе се одржи во холот на Гратскиот трговски Центар – приземје.

Фестивалот се организира со финансиска поддршка на Градот Скопје, во рамките на Програмата за култура за 2022 година.

 

Прикажи повеќе...

Актуелно

Костадиновска-Стојчевска во Вашингтон: Преку фондови ќе обезбедиме средства за заштита на културното наследство

Објавено пред

Во рамките на стратегискиот дијалог со Соединетите Американски Држави, министерката за култура Бисера Костадиновска-Стојчевска е дел од владината делегација којашто денеска отпатува во Вашингтон. Во рамките на престојот, таа ќе ги посети Националниот демократски институт (НДИ) и Меѓународниот републикански институт (ИРИ), а е предвидено еден сегмент од дискусиите да биде посветен на практика што е потребна во Северна Македонија за да се спречи нелегалната трговија на уметнички дела и артефакти.

dobivaj vesti na viber

„Во делот за културата, за стратегискиот дијалог со САД е од особено значење размената на искуства за културното наследство, особено во делот на нелегална трговија со артефакти, така што на средбата со Здружението тука ќе се потпише договор за соработка, што потоа треба да резултира со правни решенија, како и за евентуална размена на кадар за успешно спроведување во целост“, вели Костадиновска-Стојчевска од САД.

Таа истакнува дека според проценките, над 1000 артефакти се водат како украдени од Северна Македонија.

Вториот дел е „Програма Фулбрајт“ (Fulbright Program), програма која не е само за образовна размена туку и за многу грантови од областа на културата.

„Би сакала да ја зголемиме соработката бидејќи сметам дека е време да користиме фондови и практика однадвор, не само од ЕУ. Како земја имаме проект во Хераклеја инвестиран од страна на Амбасадата на САД по долг период. Дефинитивно културните практики за заштита на културно наследство се со цел да се подобрат процесите за спречување нелегална трговија со артефакти така што посетата ќе биде чекор напред за донесување закон за илегална трговија на артефакти и уметнички дела од Северна Македонија“, заклучува Костадиновска-Стојчевска.

Амбасадорскиот фонд за зачувување на културата е една од многуте програми што ги води Бирото за воспитни и културни работи на Стејт департментот на САД како дел од својата мисија за јавна дипломатија преку едукативно и културно програмирање и размена.

Преку 16-те грантови на Амбасадорскиот фонд, САД обезбедија 1,5 милиони американски долари за заштита на културното наследство во Северна Македонија.

Грантови од Амбасадорскиот фонд на САД во изминативе 20 години добија најзначајните локалитети и објекти од областа на културното наследство кај нас, како: Стоби, црквата „Света Богородица Перивлепта“ во Охрид, објектите Даут-пашин амам, Чифте амам и црквата „Свети Спас“ во Скопје, Шарената џамија во Тетово, манастирот во Вељуса кај Струмица, локалитетот Хераклеја Линкестис кај Битола и други.

Амбасадорскиот фонд за заштита на културата е грант-програма основана во 2001 година од Стејт департментот, на барање од Конгресот на САД. Од своето основање, Амбасадорскиот фонд (The Ambassadors Fund for Cultural Preservation) има поддржано над 1000 проекти за заштита на културата во 133 земји низ светот.

Прикажи повеќе...

Најново

Македонија1 час

(Видео) Петрушевски: Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски кого го спасија и држат на функција

Кога СДС повторно лажно ќе прашаат за истрагата за Кочани, нека погледнат накај главниот обвинител Коцевски, кого го спасија и...

Економија2 часа

(Видео) Илиевски: Има ли „Алказар Енерџи“одобрение за градба или не, каков е бизнис интересот на Божиновска и Мицкоски?

Владата на ВМРO-ДПМНЕ прави класична распродажба на националните ресурси од македонската енергетика, кажа денеска на прес-конференција, Методија Илиевски, потпретседател на...

Македонија2 часа

АМСМ: На Табановце се чека 40 минути, на Богородица и Дојран околу еден час

АМСМ информира дека интензитетот на сообраќај на патните правци надвор од градските средини е зголемен. „Поради летните одмори се бележи...

Македонија2 часа

Ангелов: Словенечкиот тим и чешкиот хеликоптер си заминуваат, нема активни пожари

Денеска заминува словенечкиот тим од 61 пожарникар специјализирани за гаснење на шумски пожари, со 18 возила, информира директорот на ДЗС,...

Свет4 часа

„Среќни се ако јадат сув леб“ – трогателно сведоштво за брат и сестра во Газа кои гладуваат со недели

Мохамед Алмадун, од хуманитарна организација во Газа, рече дека во оваа палестинска енклава лекувал две малолетни деца – брат и...

Свет5 часа

Техеран се соочува со историска водна криза: „нултиот ден“ сè поблиску

Иранскиот главен град Техеран најверојатно е само на неколку недели од таканаречениот „нулти ден“, предупредуваат експертите – денот кога чешмите...

Свет6 часа

(Видео) МААЕ: Експлозии и чад во близина на нуклеарната централа Запорожје

Меѓународната агенција за атомска енергија (МААЕ) денес објави дека нејзиниот тим во нуклеарната централа Запорожје во Украина слушнал експлозии и...

Македонија23 часа

(Фото) Сиљановска-Давкова: Мора да го искорениме плевелот на корупцијата и криминалот, време е за нова пролет на нашата македонска република

Претседателката Гордана Сиљановска-Давкова, денеска се обрати на чествувањето на 2 Август – Илинден, Денот на Републиката на Мечкин Камен во...

Македонија1 ден

(Видео) Мицкоски: Илинден е симбол на жртвата која генерации пред нас ја дале за слободна Македонија

Премиерот на Македонија, Христијан Мицкоски, денеска од Скопје го честиташе големиот празник 2 Август – Ден на Републиката, Илинден. „Овој...

Македонија1 ден

(Видео) Филипче од Крушево: Илинден е нашиот темел – заедно да ја продолжиме борбата за Македонија

Претседателот на СДСМ, Венко Филипче денеска од Крушево го честита 2 Август, Денот на Републиката – Илинден. „Го честитам празникот...

Македонија1 ден

Kостадиновски: Нашето современо илинденско наследство е вистинската посветеност на владеењето на правото и правната држава

Претседателот на Уставниот суд, Дарко Костадиновски, упати честитка по повод Денот на Републиката, 2 август – Илинден. „Денес, 122 години...

Македонија1 ден

ВМРО-ДПМНЕ: Илинден е ден на обединување, ден кога сите треба да се поклониме пред минатото и да се заветиме за иднината

ВМРО-ДПМНЕ упати честитка по повод Илинден. „Илинден е симбол на нашата непокорност, заветот на Крушево и борбата на партизаните за...

Македонија1 ден

Гаши: Овој ден е симбол на историската борба за слободно, еднакво и демократско општество

Претседателот на Собранието, Африм Гаши, упати честитка по повод 2 Август – Денот на Републиката. „Во име на пратениците и...

Македонија1 ден

Честитка од претседателката Сиљановска-Давкова по повод 2 Август, Илинден – Денот на Републиката

Претседателката на Македонија, Гордана Сиљановска-Давкова упати честитка по повод 2 Август, Илинден – Денот на Републиката. „Илинден е сржта на...

Македонија2 дена

Меџити во Чаир, Касами во Тетово, Бакиу во Скопје – ВЛЕН ги објави кандидатите за градоначалници

Централното претседателство на ВЛЕН ги избра кандидатите за претстојните локални избори. Во Тетово за нов мандат ќе се бори актуелниот...

Топ2 дена

Браќа од Струшко нападнале семејство во возило во кое имало и деца, ја удирале жената со боксови и клоци

Основното јавно обвинителство Струга поведе постапка против две лица за кривично дело – Насилство. Двајцата браќа, по потекло од струшко,...

Македонија2 дена

Арсовска до Ганиу: Сакаше да ги видиш сите 150 небезбедни згради, нема проблем, ќе ги видиш и ти и цела Македонија

Висар Ганиу лаже, фалсификува, злоупотребува и им овозможува на трети лица да се богатат преку градење згради сега, а кои...

Македонија2 дена

Разрешувањето на Коцевски ќе продолжи од ноември поради изборите, и да даде оставка, Владата е во лавиринт, вели Мицкоски

Од ноември Владата ќе продолжи со процесот за разрешување на државниот обвинител онаму каде што застана, рече денес премиерот Христијан...

Македонија2 дена

Мицкоски: Им благодарам на САД што ја коригираа тарифата од 33 на 15 проценти, оптимист сум дека ќе одиме уште подолу

Премиерот Христијан Мицкоски е задоволен од новите тарифи на САД кон Македонија од 15 проценти. Одговарајќи на новинарско прашање поврзано...

Економија2 дена

Маркетите да не прават трикови оти ограничувањата може да бидат годишни, не неделни или месечни, порача Мицкоски

Можни се годишни место неделни или месечни ограничувања на маржите за да се заузда растот на цените во маркетите. Премиерот...