Македонија
(Видео) Мицкоски: Ќе поднесеме кривична пријава против Џафери, ќе го оспориме Законот и пред Уставен суд
ВМРО-ДПМНЕ ќе поднесе кривична пријава против претседателот на Собранието, Талат Џафери, поради флагрантно кршење на Уставот и законите, најави вечерва на прес-конференција лидерот на ВМРО-ДПМНЕ, Христијан Мицкоски, реагирајќи на усвојувањето на Законот за употреба на јазиците во Собранието.
Тој рече дека партијата ќе поднесе и иницијатива до Уставниот суд, кој има обврска да ја заштити уставноста во државата. „Ако некој мисли дека ова безредие ќе заврши вака, се излажал. Денеска имавме флагрантно кршење на законите. Зоран Заев и мнозинството ја поништија волјата на граѓаните. Тоа е патување кон дното во кое сакаат да нè повлечат и сите нас. Од оваа одлука никој утре нема да живее подобро. Двете партии изгласаа договор кој е неуставен, неприменлив и штетен“, рече Мицкоски.
Според него, Законот е удар врз соживотот, некој нè втурнува во непосакувано сценарио во кое влогот е Македонија. „Ова е разнишана држава. Власта остана нема на нашите барања да не се донесе овој закон, а ги одби и нашите иницијативи да се разговара за поднесените амандмани на ВМРО-ДПМНЕ. ВМРО-ДПМНЕ ќе поднесе кривична пријава поради флагрантно кршење на Уставот. Ќе поднесеме и до Уставен суд, овој закон да не се објави во Службен весник“, вели Мицкоски. Тој тврди дека овие, како што вели, неправди ќе завршат, а тогаш сè ќе биде поинаку.
„Скандалозна е изјавата на пратеникот Џафери дека не го интересираат реформите, туку само Законот за јазици. Колку побрзо и порано сфатат дека сите сме во иста држава, толку ќе биде полесно“, додава Мицкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска се заблагодари за честитката од ЕУ: Со нетпрение очекувам да ја продолжиме соработката
Силјановска Давкова се заблагодари за честитката од ЕУ и порачува дека со нетпрение очекува да ја продолжам соработка со Европската Унија за конечно заокружување на европската интеграција на целиот регион.
„Денеска, како избрана претседателка, добив официјално соопштение од Европската Унија со кое ми се честита победата на изборите. Темелот на мојата на кампања беше градењето на консензус помеѓу сите политички партии во Собранието, како од власта, така и од опозицијата, граѓанското општество и македонските граѓани, независно од нивните разлики. Нашиот клучен стратешки проект е европската интеграција и истата останува да биде темел за градењето на консензус помеѓу различните чинители во општеството. Потенцирам дека под мое водство нашата надворешна политика ќе продолжи да биде целосно усогласена со заедничката надворешна и безбедносна политика на Европската Унија. Со нетпрение очекувам да ја продолжам соработка со Европската Унија за конечно заокружување на европската интеграција на целиот регион“, се наведува во соопштенеито испратено од тимот на Гордана Силјановска Давкова.
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархеи.
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
Македонија
(Видео) Стоилковски го поздрави лидерот на ДУИ јадејќи бисквита: „Поздрав, Али“
Портпаролот на ВМРО-ДПМНЕ, Наум Стоилковски, на социјалните мрежи објави видео во кое, јадејќи бисквита го поздрави лидерот на ДУИ, Али Ахмети.
Стоилковски вели дека оди на состанок со коалициските партнери на ВМРО-ДПМНЕ, а потоа зема бисквита и почнува да ја јаде.
„Поздрав, Али“ , вели Стоилковски.
Стоилковски алудира на изјавата на Ахмети која тој ја даде од митингот на „Европскиот фронт“ во Скопје пред одржувањето на првиот круг од претседателските избори кога рече оти лидерот на ВМРО-ДПМНЕ е израснат со бисквити и гурабии.
Македонија
ЕУ: Очекуваме соработка со претседателката на Македонија, парламентот и владата за да работиме на европскиот пат
Европската унија и честита на Гордана Силјановска Давкова за нејзината победа на претседателските избори во Македонија и со нетрпение очекува да работи со првата жена лидер во земјата, изјавија високиот претставник на ЕУ за надворешни работи и безбедност Жозеп Борел и европскиот комесар за проширување и соседска политика Оливер Вархељи
Борел и Вархеи, во заедничката изјава објавена по повод вториот круг од претседателските и редовните парламентарни избори во Северна Македонија, ги охрабрија „релевантните политички актери да работат на формирање парламент и стабилна влада“.
„Двете институции треба да работат заедно на подобрување на европскиот пат на Северна Македонија, кој вклучува имплементација на клучните реформи, особено во областа на владеењето на правото и борбата против корупцијата, во интерес на сите нејзини граѓани“, се вели во заедничката изјава на Борел и Вархеи.