Политика
Анкетните комисии само причина за препукување
Меѓусебни обвинувања и клеветења за тоа кој повеќе фалсификувал и предлог за формирање трета анкетна комисија во Собранието ја одбележа расправата за формирањето на Анкетната комисија за фалсификуваните лични карти, предложена од владејачката ВМРО-ДПМНЕ.
Анкетната комисија за прислушувањето е целосно блокирана, а владејачкото мнозинство сака да се формира уште една ваква комисија која ќе биде надлежна да го испита случајот со фалсификуваните лични карти и прислушуваните разговори, што беа пронајдени кај лица за кои ВМРО-ДПМНЕ тврди дека се блиски до СДСМ. На собраниската седница во вторник требаше пратениците од владејачкото мнозинство да дадат поддршка за персоналниот состав на ова тело, кое го бојкотира СДСМ, но собраниската расправа се одвиваше во меѓусебни обвинувања за тоа кој повеќе фалсификувал, а од НСДП предложија и нова анкетна комисија за да се утврди улогата на пратеникот од ВМРО-ДПМНЕ, Илија Димовски во случајот „Шпион“, бидејќи во пресудата се споменувало и неговото име.„ВМРО-ДПМНЕ го користи мнозинството што го има во Собранието и сака да формира контра анкетна комисија наспроти Анкетната комисија што е дел од пржинскиот договор. Ова е обид да се дефокусира јавноста од вистината, ВМРО-ДПМНЕ и нејзините функционери да се исперат за фалсификатите што ги правеле со години“, обвини Васко Ковачевски од СДСМ. Зоран Илиовски од ВМРО-ДПМНЕ праша дали не е факт дека е откриена фабрика за нелегално печатење документи, дали не е факт дека се украдени 120 илјади идентитети, дека се откриени прислушувани разговори.Координаторот на пратеничката група на СДСМ, Горан Сугарески, оцени дека Собранието нема надлежност да ја формира оваа комисија, бидејќи според член 123 од Деловникот, работните тела на Собранието не можат да имаат истражна функција. На ваквиот став реагираше претседателот на Собранието Трајко Вељаноски, кој рече дека СДСМ не може сега да ја оспорува надлежноста на Анкетната комисија за личните карти, туку тоа требало да го стори на седницата на која била донесена одлуката за нејзино формирање, а сега се одлучувало за персоналниот состав. Пратеникот од НСДП, Горан Мисовски, оцени дека има потреба да се формира уште една анкетна комисија, која ќе ја утврди улогата на пратеникот од ВМРО-ДПМНЕ Илија Димовски во случајот „Шпион“, бидејќи во пресудата се споменувало и неговото име. На ваквиот говор бурно реагираа пратениците од ВМРО-ДПМНЕ, кои обвинија дека Мисовски е еден од пратениците кој го оневозможи функционирањето на претходната Анкетна комисија. „Човекот кој се уплаши од вистината и не собра храброст како потпретседател на оваа комисија да се држи до Деловникот и да закаже седница на која би ги сослушале оние сведоци што тој бомбастично ги најавуваше“, рече пратеникот Димитар Стевананџија од ВМРО-ДПМНЕ. Според него, сите пратенички групи, како и независни пратеници, освен пратеничката група на СДСМ, ја поддржале иницијативата за формирање на оваа комисија и предложиле членови за неа, а не му е јасно зошто и како некоја политичка партија би била против откривање на вистината и расчистување на овој скандал./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.