Македонија
Јанева: Се надевам дека еднаш засекогаш ќе завладее правото во Македонија
Специјалната обвинителка, Катица Јанева, збунето и емотивно ја дочека одлуката Советот на јавни обвинители да го преполови тимот кој го предложи за да ги истражуваат предметите поврзани со прислушуваните материјали.
Таа дозна за одлуката на Советот кога заедно со претседателот на Советот, Петар Аневски, излегоа да дадат изјава за медиумите и додека Аневски им ја соопштуваше одлуката на новинарите. Јанева не присуствувала на седницата за избор, ги образложила своите планови и излегла.Јанева не се откажува од нејзиниот тим и најавува дека постојано ќе бара Советот да свика нова седница на којашто ќе ги избере сите нејзини предложени кандидати. Во нејзината, по малку, емотивна изјава, таа побара помош од новинарите да го формира нејзиниот тим и да ја истера правдата до крај. Но, најави дека нема да се откаже и дека ќе работи и со тимот кој ѝ е избран со надеж дека во Македонија еднаш засекогаш ќе завладее правото.Нејзината прва реакција на одлуката на Советот беше дека се крши законот и се узурпира договорот во Пржино. „Јас мислам дека Советот ќе донесе одлука и за останатите од тимот, јас останувам на мојот тим и се надевам дека ќе закаже нова седница во законскиот рок до 15 за да ги избере и другите обвинители. Јас сметам дека треба да се почитува законот и затоа сум оптимист, Законот е донесен врз основа на договорот во Пржино и е поддржан од политичките партии. Собранието го донесе законот, леташе и авионот за да се потпише указот тоа го знаете и затоа ја прифатив оваа одговорна задача која имам капацитет да ја извршам“, рече Јанева. Јанева од своја страна најави само одлуки и никаков обид за пропаѓање на политичкиот договор, а според неа, останатите „не знаат да читаат закони“.„Овој дел, финансискиот план и организациониот е само рамка тој треба да се доработи. Треба да се направи систематизација, обвинителите треба да си го формираат својот тим на истражители. Но ова нема да ме запре, туку ќе ме охрабри само законски да си ја вршам работата. А Советот треба да го почитува исто така законот“, рече Јанева.Не ѝ е јасно како обвинителите се жалат за намалените капацитети, а Советот избрал обвинител од гостиварското обвинителство каде има малку обвинители, а нема ниеден обвинител од скопското обвинителство.„Предложените обвинители се мои колеги кои ги почитувам ,јас сметав дека тоа е тимот кој треба да работи и на прислушуваните материјали иако сите колеги ги поздравувам и секој можеше да биде дел од овој тим“, рече Јаневска. По написите во дел од медиумите дека „работи за Американците“, таа вели дека секој има право да пишува што сака за неа и дека не чувствува притисок. Но првите реакции и револт за нејзината работа стигнаа од нејзините колеги. Првпат јавно, иако обвинителите тврдат дека досега неколку пати реагирале и до Владата и Министерството за правда, јавно се пожалија дека немаат доволно кадар и побараа зголемување и на платите. Откако претседателот на Советот на јавни обвинители, Петар Аневски ја соопшти одлуката на Советот, пред новинарите ставот на обвинителите излезе да го одбрани и републичкиот јавен обвинител, Марко Зврлевски. Главните аргументи поради кои го намалиле тимот на Јаневска се бројот предмети кои пресметале дека ќе ги има Специјалната обвинителка. Иако Јанева пред новинарите рече дека не знае колку предмети ќе имаат за работа, Зврлевски изјави дека до овој момент новата обвинителка има 25 предмети, онолку колку што имаат отворено скопското јавно обвинителство и обвинителството за организиран криминал за прислушувањето. „Никој не презентираше никаква претпоставка колку предмети би можело да има. Ова и не е конечна одлука на Советот, доколку се појави потреба ќе бидат определени нови обвинители, согласно систематизацијата. На пример, јавното обвинителство за организиран криминал почна да работи со пет обвинители, а работеше најтешки предмети со екс премиер, со гувернери“, појасни Зврлевски.По формирањето на специјалното обвинителство, во обвинителствата постоел голем револт и разочараност што било избрано обвинителството што било навреда за целото обвинителство. За Зврлевски новото обвинителство е политичко , а јавното обвинителство институција која работи според закон.Советот нема надлежност да решава за финансискиот и другите планови на Јанева, тоа е под надлежност на Владата и Собранието, но затоа обвинителите се повикаа на член од Законот за совет на јавни обвинители и ѝ го преполовија тимот на Јанева. Од предложени 14 избраа седум обвинители.Официјално обвинители кои треба да дадат заклетва за работа во Специјалното јавно обвинителство се Бурим Ристеми, Елизабета Јосифовска, Лејла Кадриу, Љубомир Лапе, Марија Ѓорѓева, Стефчо Донев и Фатиме Фетаи./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски сфати каде е тежината на албанскиот глас, вели Таравари
Ккандидатот за претседател од коалицијата „Вреди“, Арбен Таравари, вели дека е добро што ВМРО-ДПМНЕ ја сфатила, како што посочува, тежината на гласот и на пратениците Албанци.
Во напишаното на социјалните мрежи Таравари истакнува дека сега ќе се фокусираат на изборите, а после 8 мај при формирање на новата влада ќе се водат од националниот интерес на Албанците, од итната потреба да се исчисти власта од корупција и од нивната непреговарачка прозападна ориентација.
„Предлогот на Мицкоски покажува дека и ВМРО сфати каде е тежината на гласот и на пратениците Албанци.
Но, нашиот фокус како коалиција и како партија е работата за изборите на 8 мај, за најголем број мандати.
По изборите ќе се водиме од националниот интерес на Албанците, од итната потреба да се исчисти власта од корупција и од нашата непреговарачка прозападна ориентација“, порачува Таравари.
Ние како „ВЛЕН“, додава тој, сме пообединети од кога било. „Нашиот глас е мнозинство од гласовите на Албанците. Нашите мандати одат кај пратениците Албанци. Бидејќи ние го штитиме напредокот на Албанците, не ги продаваме и не ги купуваме“’, дециден е Таравари.
Македонија
(Видео) Пендаровски: За бојкот тие нека му ја мислат, во Крушево дојдов за да ви кажам дека и тука и во цела Македонија ќе победиме
Кандидатот за претседател Стево Пендаровски денеска ја продолжи кампањата со средба со жителите на Крушево.
„Борбата почнува од нула, како да немало прв круг“, рече Пендаровски пред крушевчани негирајќи ги обвинувањата на опозицијата дека ќе го бојкотира вториот круг од претседателските избори.
„Дали е логично да дојдам јас во Крушево, ако мислам да бојкотирам? Јас мислам со сите вас да победам! Кој сака нека бојкотира, ниту сум бојкотирал 2014-та, ниту 2019-та, ниту 2016-та, ниту оваа 2024-та нема да бојкотирам. Тие нека му ја мислат за крајниот резултат. Ние сите го знаеме и наместо бојкот ние ќе прославуваме’, истакна Пендаровски денеска во Крушево.
Македонија
Ковачки: СДС не е противник само на ВМРО-ДПМНЕ, туку противник на народот и Македонија, затоа на 8 мај да се обединиме за бројот 2 и да ги срозиме
Оваа победа не е само на ВМРО-ДПМНЕ, туку победа на целиот македонски народ кој се обедини за промени, за да си ја врати државата назад. Ве сте силата на Македонија, вие сте гласот на промените и надежта на оваа парче земја, вели Драган Ковачки носител на изборната единица 3 на денешниот митинг во Градско во рамки на претседателската и парламентарната кампања.
Ковачки истакна дека народот им го зададе ударот на СДС и ДУИ на 24 април, а веднаш потоа ќе им го зададе на 8 мај, посочувајќи дека по победата следува трет удар а тоа е одговорност за сите криминали и штети кои власта ги нанела на народот и Македонија.
„Но, една добиена битка не значи опуштање. Туку значи уште поголемо обединување, заедништво, сплотеност и работа. Првиот удар го зададовме на 24 април, следува вториот удар со победа на 8 мај, а потоа следува трет удар. Третиот удар значи одговорност. Одговорност за сите криминали. Одговорност за целокупното предавство кое што го направија на Република Македонија“, рече тој.
Ковачки посочи дека граѓаните на 24 април покажале дека никој не може да си игра со народот, укажувајќи дека СДС не е само противник на ВМРО-ДПМНЕ, туку и противник на македонскиот народ за кои што рече дека е достоинствен, работлив и чесен.
„Вие покажавте дека со народот никој не смее да си игра. Покажавте дека овој македонски народ е достоинствен, работлив и чесен. Покажавте дека ја сакате Македонија повторно горда и во вашите раце, затоа што вие сте суверенот на неа. Само вие, а не оние неколкумина од ДУИ и измеќарот СДС“, рече тој и додаде.
„СДС не е противник само на ВМРО-ДПМНЕ, туку и ваш противник, противник на Македонија, затоа што изминатите 7 години од политичка партија се претвори во обичен измеќар на ДУИ. Ковачевски прифаќаше секаква наредба на Али, Стево пак не го видовме воопшто да се спротивстави на криминалот и корупцијата на СДС и ДУИ, напротив со неговото молчење ги охрабруваше што повеќе да грабаат, што повеќе да украдат и што повеќе да ја понижат Македонија“.
Ковачки порача дека 8 мај е историски ден.
„Работата не е завршена и нема опуштање, пред самото финале сме. Не смееме да се предадеме, затоа што сме на само еден чекор до историска промена и до конечно враќање на Македонија во вашите раце. 8 мај е историскиот ден“.
Ковачки објасни дека СДС се разлутени и гневни на граѓаните поради поразот и во следниот период нема да бираат средства и методи за да ги заплашат, но им порача на граѓаните да не се плашат, нагласувајќи дека македонскиот народ никогаш не се плашел.
„Прво се обидуваа да ве убедат дека ги сфатиле грешките и дека овие избори им се поправен испит. Но, ви кажав и тогаш, ви кажувам и сега, лажат. ЛАЖАТ!!! Не им верувајте. Не ја сакаат победата за да се поправат, туку за повеќе да украдат, за своите семејства да живеат во луксуз и да се обезбедат за идните генерации, додека вие осиромашувате, додека економијата крахира и додека Македонија тоне во криминал и корупција. А сега после нивниот пораз, се повеќе се гневни, полни со бес кон сопствениот народ, во вас гледаат разлутено затоа што ги казнивте, и затоа можно е следниот период да не бираат ниту средства, ниту пак методи со кои ќе се обидат да ве заплашат и да ве предомислат. Но, нема веќе заплашување. Овој македонски народ никогаш не се плашел, нема ниту сега. ВМРО-ДПМНЕ е партијата на народот, која секогаш застанува против секој еден кој се соочил со неправда од страна на власта“, изјави тој.
Во однос на проектите Ковачки додаде дека визијата на ВМРО-ДПМНЕ е да ја трансформира Македонија напред преку реализација на проектите од Платформата 1198.
„Нашата визија е Македонија повторно ваша. Во вашите раце. Затоа што вие сте сила на една држава. Промените се во вашите раце и вие одлучувате во каква Македонија ќе живеете. Вие ја давате и одземате довербата. Затоа ве замолувам за огромна поддршка и доверба од ваша страна, ве замолувам за сплотување, за обединување, за масовна излезност. Разговарајте со секој еден и подадете рака на сите. Силата на ВМРО-ДПМНЕ во вас, народот. Ние сме партија која помага, работи и која покажала како треба да се води Македонија. Сме покажале што значат нови проекти, реформи и визија. Имаме план за секоја општина, се обврзуваме на целосна трансформација на Македонија“, објасни тој.
За општина Градско, Ковачки рече дека Платформа 1198 предвидува:
„Завршување на изградба на експресниот пат од Градско до Прилеп, во должина од околу 33 километри. Проектот ќе се реализира во три фази, Градско – клучка Дреново (15.5 километри). Потоа втора фаза од Фаришка до Дреновска Клусура (10 километри) и трета фаза проширување на патната делница од Прилеп до мостот на Ленишка река и изградба на трета лента на патната делница од село Беловодица – Каменолом Маврово околу 7.5 километри. Реконструкција на мостот на река Вардар кај село Уланци, реконструкција на 8ми Септември во Градско, подобрување на квалитетот на услугите за водоснабдување во Градско и многу други проекти кои значително ќе го подобрат вашиот живо“т.
Ковачки ја побара поддршката од граѓаните и масовна излезност со заокружување на бројот 2 за Силјановска Давкова за претседател на Македонија, и нова влада предводена на ВМРО-ДПМНЕ.
„Ние се што ветуваме пред вас, се обврзуваме да го исполниме. Платформата 1198 значи решавање на проблемите, затоа што во неа има проекти за сите граѓани. Мораме да ја трансформираме Македонија напред кон нови победи и кон нови успеси. Но ни треба вашата поддршка и масовна излезност на 8 мај за бројот 2, за двојна победа. 2 за ВМРО-ДПМНЕ за идна влада, и 2 Силјановска Давкова за претседател на Македонија. Ние ја сакаме Македонија повторно твоја. Македонија на земјоделците, на здравствените работници. Македонија повторно твоја на просветните работници, Македонија на пензионерите. Македонија на младите. Македонија на успешни компании и странски инвестиции. Македонија земја на горди граѓани, кажа Ковачки и порача дека на 24 април народот го делегитимира СДС и ДУИ, а на 8 мај ќе го срози.
На 24 април го делегитимиравме Ковачевски, Пендаровски, Маричиќ, Спасовски, Зечевиќ, Битиќи, Али, Груби, Османи, Бектеши и баграта околу нив. А на 8 мај да ги срозиме. И да го победиме ова зло поради кое Македонија и вие граѓаните тонете“, потенцира тој.