Македонија
ЈО отворило истрага за МИТ, сопственичката обвинува дека Андонов има сериозна дијагноза
Основното јавно обвинителство Скопје отворило истрага за работата на МИТ Универзитетот по поднесени претставки на студенти од Турција кои реагирале дека биле измамени и дека се запишале на факултети кои немале добиено акредитација или дозвола за работа од Министерството за образование и наука.
Ова е тврдењето на Обвинителството кое попладнево излезе со соопштение за јавност, но од друга страна, сопственичката на МИТ Универзитет, Билјана Апостолова излезе во јавноста со сериозни обвинувања за дополнителниот заменик министер за внатрешни работи, Оливер Андонов, но и за професорот Тони Науновски кој се појавува како експерт, поддржувач на владините политики.Во изјава за медиумите, Апостолова тврди дека истрагата за овој случај е отворена по нарачка на Андонов, кој претходно беше професор на овој Универзитет и обвини дека тој и претходно и се заканувал и нејзе и на неговите колеги.Апостолова изјави дека Андонов имал сериозна дијагноза со којашто не можел да работи ниту како професор, ниту, пак, како министер. Сопственичката на Универзитетот обелодени и дека професорот Тони Науновски кој се појавува како експерт, поддржувач на владините политики, малтретирал колеги и студенти од понежниот пол. Со Андонов имале проблеми од 2013 година, неколку пати бил опоменуван заради непристојно, недолично и неакадемско однесување. „Приватна високообразовна установа не смее да зазема политички страни. Андонов континуирано не доаѓаше на работа служејќи на други свои дејности, постојано беше на телевизија. Беше казнет 10 или 15 отсто од плата, донесе боледување со дијагноза која не соодветствува за вклучување во научно наставен процес“, рече Апостолова.За Науновски, пак, тврди дека малтретирал колеги и студенти од понежниот пол и дека една вработена си заминала од Универзитетот поради тоа.Апостолова рече дека Андонов и Науноски при оставките кои си ги дале од МИТ, поднеле и сериозни обвинувања за правниот факултет и факултетот за психологија при универзитетот.Полицијата во средата вршеше претреси во МИТ Универзитетот и на други локации за прибирање на релевантна документација, податоци и други предмети, кои ќе се користат како докази во кривична постапка.Како што соопштуваат од ЈО, до Државниот просветен инспекторат биле поднесени 20-тина претставки од студенти на Универзитетот, кои потекнуваат од Турција. Реакции имало и од Амбасадата на Република Турција во Скопје, а во врска со студирањето на одделни факултети за кои Универзитетот нема добиено акредитација или дозвола за работа од Министерството за образование и наука.„Првичните сознанија на Обвинителството упатуваат на тоа дека на Универзитетот биле запишувани поголем број студенти на факултети за дентална медицина, козметологија и физиотерапија. Со проверка е утврдено дека оваа високообразовна институција не поседува дозвола за работа за Факултет за дентална медицина, додека за Факултет за козметологија и физиотерапија нема ниту дозвола, ниту акредитација.За студентите кои биле запишувани да студираат на овие факултети во факултетската документација се водела паралелна евиденција – покрај онаа за коресподенција со студентите, друга за отчет пред државните институции“, тврдат од Обвинителството.Основното јавно обвинителство – Скопје продолжува со преземање на дејствијата со цел расветлување на овој предмет, каде постојат основи на сомневање дека преку злоупотреба на службена положба и измама е вршен финансиски криминал. Со цел да не се попречи работењето на Универзитетот и правото на студирање на студентите запишани на оние факултети за кои Универзитетот поседува акредитација и дозвола за работа, Обвинителството уште денеска, по преземени неопходни дејствија, ќе ја врати компјутерската опрема во оваа високообразовна институција./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски: Силјановска Давкова има повеќе гласови заедно од двајцата кандидати на власта, Пендаровски и Османи
„Треба да се почитува волјата на граѓаните и граѓаните одлучија. Ако го анализирате изборниот резултат, ќе дојдете до следниот заклучок, дека владините кандидати Стево Пендаровски и Бујар Османи освоија вкупно 300,000 гласа. Ако го гледате резултатот кој го одлучија граѓаните а тоа е резултатот на Гордана Силјановска Давкова идниот претседател и градоначалникот на Гостивар Арбен Таравари тоа е близу 450,000 гласа што значи за еден и пол пати повеќе“, истакна претседателот на ВМРО-ДПМНЕ Христијан Мицкоски одговарајќи на новинарско прашање при увидот на градежни активности во Општина Аеродром.
Претседателот Мицкоски истакна дека народот кажал, идна влада ќе ја предводи ВМРО-ДПМНЕ, а во нејзе ќе биде коалицијата која на овие избори настапи под името „Влен“.
„Одлучија граѓаните, јас жалам што Али Ахмети во јавноста сака да се претстави како идеолог и многу силен, а во позадина ни праќа емисари и би рекол безусловно сака да влезе во идна коалиција со ВМРО-ДПМНЕ и со „Твоја Македонија“ коалицијата, жалам што Али Ахмети се опкружи со луѓе кои и него го злоупотребуваат, за да прават условно кажано криминал и да ја ограбуваат Македонија и жалам што Али Ахмети опкружувајќи се со овие луѓе наместо да заврши како политички пензионер и да биде идеолог тој ќе заврши како соучесник во криминалот на неговите блиски соработници кои набргу од денеска, македонската јавност, сите граѓани во Македонија без разлика на етничката припадност ќе бидат сведоци, а за што имаме голем број докази“, вели Мицкоски и додаде:
Народот кажа, идна коалиција во Македонија ќе ја предводи ВМРО-ДПМНЕ, а во нејзе ќе биде коалицијата која на овие избори настапи под името „Влен“.
Македонија
Мицкоски: На 8 мај масовно граѓаните да излезат и да гласаат за иднината на Македонија, да не дозволат анахрони сили како Ковачевски да не влечат во минатото
„Димитар Ковачевски беше тој кој според него во времето на режимот шлапкаше со рацете на тој исти режим и сега кој е тој Димитар Ковачевски кога шлапкаше во првите редови со рацете апладирувајќи му според него на режимот или овој денеска Димитар Ковачевски кој е жестоко поразен од страна на народот на овие избори поради погрешните политики кои ги водеше изминативе според него 2 години откако е премиер, но во поширока смисла коалиција СДСМ и ДУИ 6 и половина години“, истакна претседателот на ВМРО-ДПМНЕ Христијан Мицкоски одговарајќи на новинарско прашање при увидот на градежни активности во Општина Аеродром.
Претседателот Мицкоски продолжи и додаде дека набргу од денеска Македонија ќе е и дефакто слободна држава каде народот ќе си ја врати државата во свои раце.
„Навистина немам што да кажам. Македонија е слободна, Македонија набргу од денеска ќе биде и дефакто формална слободна, народот ќе си ја врати државата во свои раце. Ќе работиме отчетно, транспарентно, во интересот на граѓаните, немаме друг мотив, инспирација ни е овој резултат, историски резултат“, кажа Мицкоски.
Претседателот Мицкоски упати порака до граѓаните да не дозволуваат вакви анахрони сили да не влечат во минатото.
„Мојата порака до граѓаните во Македонија е да не дозволиме вакви анахрони сили да не влечат во минатото и да тонеме во политичко мочуриште додека сите одат напред. Излезете гласајте на 8 мај, да не дозволиме политичка криза. Масовно излезете и гласајте за иднината на вашата семејства и иднината на Македонија. Да не дозволиме овие луѓе да не повлечат заедно со нив во политичкото мочуриште што го подготвуваат Ковачевски и Али Ахмети“, дециден е Мицкоски.
Македонија
Ахмети: Народот одлучува дали ДУИ ќе се уништи или не
Денес пред стружани се обрати претседателот на ДУИ, Али Ахмети со своите соработници, кој им се заблагодари на сите за поддршката, барајќи на 8 мај да биде запечатена големата победа за да се придвижи државата напред.
“Денеска дојдов со една цел, да ви се заблагодарам за големата поддршка овде во Струга, за тековната мисија. Механизмот што ги распостранува содржајните зраци на платформите се челниците на штабовите, мобилизирачката гарда за да се продре до целта. Платформата “Да за Европа, Не за Русија” беше наша, опозицијата сакаше само уништување на ДУИ, ги разбирам и двете затоа што им удри сонцето, но народот одлучува дали ДУИ ќе се уништи или не, 24 април го докажа тоа и потврди дека ДУИ не се распаѓа, но сега оваа ДУИ работи и делува, и со неа има уште 8 субјекти и овој Фронт на 24 април се соочи со опозицијата “ВРЕДИ”, а на 8 мај се соочуваме и со ВМРО. Нашата мисија продолжува, сакаме земјата да биде полноправна членка на ЕУ, бидејќи немаме друга алтернатива, на земјата и треба повеќе мир, безбедност, стабилност бидејќи недалеку од нас има големи војни и Европа е загрижена и покрена мобилизација на воената технологија. На 8 мај мора да победи субјектот чија мисија е членството на земјата во ЕУ, бидејќи успешно го завршивме членството во НАТО, од кое корист имаат сите граѓани”, рече Ахмети.
Ние не сме себични како политичка партија, ние сме за општиот интерес заедно со другите етникуми, бидејќи од нас се бара да бидеме заедно за да направиме некои промени кои државата ги бара за да оди напред, вака истакна кандидатот за пратеник, Муса Џафери кој додаде: Во 2014 година ветивме дека земјата ќе стане членка на НАТО, сега е членка, а денес ветуваме дека во следниот мандат земјата ќе стане полноправна членка на ЕУ.
Јетон Шаќири како координатор на зоната им се заблагодари на претседателите на штабовите и на сите активисти и соработници кои беа активни на денот на изборите и пред претседателот на ДУИ Али Ахмети гарантираше дека на 8 мај ќе бидат поуспешни отколку на 24 април.
Во меѓувреме, кандидатите за пратеници Арјета Ала, Атиџе Ајро и Мухамед Халили истакнаа дека Европскиот фронт пред се претставува предизвик, посветеност и обврска и дека изборната единица број 5 заслужува повеќе за достоинствено претставување, а 8 мај ќе ја запечати големата победа.