Македонија
Груевски: Секој Албанец кој својата иднина ја планира во овaa Македонија, нé има за сојузник и мене и ВМРО-ДПМНЕ
Јас сум Македонец, сакам да им порачам на сите Албанци, секој Албанец кој својата иднина ја планира во оваа држава со овие граници, во унитарна Македонија, ме има за сојузник и мене и ВМРО-ДПМНЕ и оваа коалиција со нас, рече на митингот во скопската општина Карпош во четвртокот вечерта лидерот на ВМРО-ДПМНЕ, Никола Груевски.
„Ние се грижиме за сите подеднакво, градиме водоводи и во македонските средини, градиме водоводи и во албанските средини, градиме канализациони системи и во македонските и во албанските, градиме во турските, градиме во ромските средини. Градиме патишта насекаде. Нека не ги залажува (лидерот на опоизицската СДСМ, Зоран) Заев луѓето, самиот не е свесен што споредува и во каква каша ќе ја донесе Македонија. Сакаме оваа земја да остане цела, заеднички да останеме, заеднички да живееме и заеднички да станеме членки на НАТО и ЕУ, тоа е нашата цел, да ја зајакнеме економијата, да ја намалиме неврабоптеноста, да одиме напред заеднички сите, а не да бидеме полтрони на нечии сценарија“, порача Никола Груевски.
Претходно нисителот на кандидатската листа на коалицијата За подобра Македонија во Изборната единица 4 порача дека оној што си ја почитува својата нација и вера, умее да ги почитува и другите.
„ Тој што не си почитува својата вера и нација, не ја почитува другата. Заев не си ја почитува својата нација, со својата нација игра мајтап, тој се однесува неодговорно. Ако ја лаже својата нација, ќе ги лаже и другите. Човек што лаже, секогаш лаже, човек што не почитува, секогаш не почитува“, рече Груевски
Според него останале уште две седмици до уште една големата победа на ВМРО-ДПМНЕ и коалицијата, до ставањето крај на она што изминатите две ипол години челниците на опозициската СДСМ ѝ го прават на Македонија
„Исклучително е важно кризата да заврши. Кризата ќе заврши само со 63 пратеници за ВМРО-ДПМНЕ и коалицијата, тоа е главната гаранција за завршување на кризата и сигурност дека Зоран Заев и неговата банда нема да продолжат да ја дестабилизираат Македонија со нивните игри, манипулации. Дека нема некој од горе како што пишува Заев порака, дека некој од горе ќе го донел. Ако некогаш биле потребни 63 пратеници за иднината на Македонија, тоа е сега“, порача Груевски.
Потсети на поранешна изјава на Заев околу „виткањето на кичмата“ во однос на спортот околу уставното име на земјата.
„Слушавме како ќе ги отпуштел кога ќе дошол за премиер сите, од чистачка до директор. Па што му згрешиле тие, тој гнев што го носи во себе нему ги носи поразите, нему му носи штета“, рече Груевски.
Деновиве, продолжи Груевски, Заев има нова теза, дека сме биле националисти и дека сме измислувале работи. „Ние не го теравме да зборува во Швајцарија, да пишува памфлети. Сега ВМРО му е виновно, сите му се виновни. Видовме што е планот уште кога кажа дека кичмата треба да се свитка, тоа се планови со кои сакаа да ни го урнат соживотот“,рече.
„Имаме соживот низ Македонија, низ секоја мултиетничка средина. Во секоја мултичетничка држава се јавуваат недоразбрана, но тие се решаваат. На овој простор сите сме живееле секогаш заедно, Македонци, Албанци, Турци, Роми…немало проблеми, некој од надвор сакада ни го растури соживотот. Затоа ја измислија тезата дека ние сме националисти. Не знам како сме националисти кога десет години сме во коалиција со албанска партија. Ние ги почитуваме и затоа земавме албанска партија да биде во власта за да ги исполнуваме потребите и на Албанците. И кога имавме мнозинство во парламентот пак земавме албанска партија. Тогаш ли бевме националисти? Националисти бевме кога ги зголемувавме субвенциите и не делевме никој. Сите добиваа исто. Од нашите реформи од наши дела, проекти секој добива, не ги делиме луѓето по ништо, ниту по нација ниту по вера“, истакна Груевски./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Маричиќ: Евроинтеграцијата е премногу важна цел за да се потклекне пред предизвиците
Првиот заменик претседател на Владата за европски прашања Бојан Маричиќ ја пречека Вицепремиерката за европски прашања на Република Молдавија Кристина Герасимов. По остварената средба во Секретаријатот за европски прашања, Вицепремиерите одржаа заедничка прес конференција во Владата на Република Северна Македонија.
На прес конференцијата Вицепремиерот Маричиќ ја пренесе заедничката определба на двете држави што побргу да го завршат процесот за преговори за членство во ЕУ. Во продолжение интегралната изјава на Вицепремиерот Маричиќ.
„Откако на Самитот на ЕУ во Шпанија минатата година беше утврдена целта дека следното проширување на ЕУ е позиционирано до 2030 година, и откако Европскиот Совет донесе одлука да ги отвори пристапните преговори со Молдавија и Украина, Северна Македонија и Молдавија имаат заедничка цел. Со тоа стануваме и стратешки сојузници.
Република Молдавија сега го отпочнува скрининг процесот, додека ние го завршивме успешно во декември минатата година. Успешниот скрининг е резултат на ангажманот на речиси илјада владини претставници и експерти од академскиот и граѓанскиот сектор, за што добивме признанија од страна на Европската Комисија.
На колешката Герасимов ѝ пренесов дека Северна Македонија ќе им го стави на располагање сето знаење и искуство од овој процес на нашите колеги од пријателска Молдавија. Исто како што ние ја добивме поддршката од Хрватска и Словенија, Србија и Црна Гора.
Тоа е европската солидарност. Тоа е израз на пријателство и поддршка како европски вредности.
И двете држави сериозно претендираме на членство при следното проширување до 2030 година. Тоа проширување добива на значење и во забрзување заради геостратешките и безбедносните аспекти, Но, исто толку сме свесни дека за членство во ЕУ мора да ги исполниме и објективните критериуми и стандарди. Секоја земја одделно со своите специфики и перформанси е повикана да ги постигне тие стандарди, но споделувањето на искуствата на тој пат е од огромно значење и секогаш добредојдено.
Исто така, имаме сериозна намера и подготвени сме да ги извлечеме најдобрите придобивки од Планот за раст, кој треба да донесе дополнителна динамика во евроинтегративните процеси на земјите претенденти за членство во ЕУ.
Креиран, како финансиска и политичка инвестиција во регионот, Планот за раст со шесте милијарди евра за Западен Балкан е подадена рака за забрзување на процесот за членство до 2030 година. Тоа е брза лента на патот на евроинтеграцијата. Планот за раст бара реформи од државите и од владите, а придобивките се во системските промени кои ги обезбедуваме низ тие реформи, во финансиските пакети за земјава и во економската интеграција во единствениот европски пазар.
Мораме да останеме силно посветени на европската реформа агенда, зашто само на тој начин, токму преку Планот за раст ќе си обезбедиме слободно движење на стоки, услуги и работници, пристап до Единствената платежна област, олеснување на патниот транспорт, интеграција во индустриските синџири на снабдување, интеграција и де-карбонизација на енергетските пазари, како и во дигиталниот единствен пазар.
На овој пат до членството во ЕУ, сите земји кои се во преговори или се кандидати се соочуваат со предизвици кои бараат одговорни одлуки. Северна Македонија сега е пред таков предизвик. Ние нема да се откажеме од донесувањето на потребните одлуки за да ги продолжиме започнатите преговори.
Со колешката Герасимов се согласивме дека евроинтеграцијата е премногу важна цел за да се потклекне пред предизвиците. За двете земји членството во ЕУ е приоритет во остварувањето на врвните државни интереси.
Македонија
„Не е законски да не е осигурана Клиниката, за тоа треба да преземе одговорност менаџментот“, кажа Демири
Министерот за здравство Илир Демири кажа дека штетата на Токсикологија е покриена, откако имаше хаварија со цевката за парно.
„Клиничкиот центар има заеднички служби кои се наменети за тоа, тоа им е примамрна обврска да се грижат за Клинички центар и за сите хаварии што можат да се случат. Хаваријата со цевката за парно е санирана уште вчера од страна на заеднички служби“, рече Демири.
Дали е потпишан договор или не, тоа се интерни договори на Клиниките кои морам да ги проверам, додаде министерот.
Во однос на болничарот кој требаше да биде суспендиран, Демири кажа дека има една голема неправда направена на Токсикологија, а тоа е необезбедување на согласност од страна на менаџментот на таа институција за обезбедување договори за 18 вработени кои се дел од медицинските процедури, кои веќе 4 месеци служат на таа институција, а не добиваат никаква економска надокнада.
„Во тек е изборна кампања, не сакам да се прекрши ниту една законска процедура, чекам да дојде извештајот на Инспекцискиот надзор кој ги има обврзано во тек на 5 дена менаџментот да најде решание за 18 луѓе кои работат, а не добиваат надокнада. Не е законски да не е осигурана Клиниката, за тоа треба да преземе одговорност менаџментот“, кажа Демири.
На новинарско прашање, министерот одговори дека економската директорка оди на работа и не се паркира на влезот на Клиниката.
„Не се точни наводите дека доаѓала на работа по четири саати, според моите сознанија“, додаде Демири
Македонија
„Не е точно дека со ДУИ подготвуваме сценарио за бојкот на вториот круг на претседателските избори“, кажа Ковачевски
Претседателот на СДСМ, Димитар Ковачевски кажа дека не е точно дека подготвуваат со ДУИ сценарио за бојкот на вториот круг на претседателските избори на 8 мај.
„Тоа не е точно, јас вчера имав многу јасна порака на митинзите во Сарај и Чучер Сандево. Ги повикувам сите гласачи масовно да излезат на 8 мај и да ги поддржат претседателскиот кандидат Стево Пендаровски и коалицијата За европска иднина на парламентарните избори. Да избереме и претседател и парламентарен состав, Македонија да продолжи на својот пат на европските инетеграции“, рече Ковачесвки.
Тој кажа дека никој не ги има гласачите под своја контрола за да ги наведува како да гласаат.
„Ја примивме пораката во првиот круг за сите грешки кои ги направивме минатите седум години. Очекуваме да ја добиеме поддршката во вториот круг. Нормално е дека нашето членство го повикавме на изборите. Свесни сме дека граѓаните испратија јасна порака до СДСМ, дека граѓаните укажаа на грешките. Работевме во услови на голема пандемија, енергетска и економска криза предизвикани од војната во Украина. Свесен сум за нивото на инфлација и цените. Се обидовме да ги зголемиме и платите и пензиите секој да се справи на најдобар начин со оваа криза. Знам дека тоа не беше доволно, знам дека треба повеќе. Во новата програма имаме и зголемување на платите и на пензиите и секако многу јасни мерки во однос на владеење на правото и борбата против корупцијата“, кажа Ковачевски.
Тој очекува во вториот круг поддршка од сите граѓани во Македонија.
Ковачевски кажа дека Пендаровски е граѓански кандидат и ја бара поддршката од граѓаните, а не од претседателските кандидат коишто не се пласирале во вториот круг.
„Имаме разговори со политичките партии на различни нивоа и ги повикувам сите да имаме масовна излезност на 8 мај. Да избереме претседател на државата со којшто ќе имаме сигурна европска иднина и да избереме парламент што ќе носи храбри одлуки за државата, за да го дадеме на граѓаните она што го заслужуваат и очекуваат“, рече лидерот на СДСМ.
Тој додаде дека со крената глава продолжуваат во вториот круг и знае од што се незадоволни граѓните.