Македонија
Поддршка од Полска за интеграциите во ЕУ и НАТО
Претседателот на Владата на Република Македонија, Зоран Заев, придружуван од министерот за надворешни работи, Никола Димитров, и државниот секретар во МНР, Виктор Димовски, попладнево се сретна со Јацек Чапутович, министер за надворешни работи на Полска, и полска делегација придружувана од амбасадорот на Полска во земјава, Јацек Мултановски.
Чапутович ги поздрави реформите во државава и добрососедските односи и додаде дека лично му честита на премиерот Заев за постигнатите резултати. Министерот Чапутович соопшти дека Полска ја поддржува Република Македонија, како и земјите од Западен Балкан во ЕУ и НАТО-интеграциите.
На средбата беа споделени искуства дека евро-атлантските интеграции значат политичка стабилност, но и шанси за економски развој.
Заев се заблагодари во име на граѓаните на Македонија и на Владата за големиот пријател што го имаат во Полска и нејзините граѓани, од осамостојувањето на нашата држава, за време на политичката криза во земјата, како и во остварувањето на стратешките цели, ЕУ и НАТО.
„Реформските промени што ги правиме во делот на владеење на правото, слобода на медиумите, примена на европските демократски вредности, како и унапредувањето на односите со соседите, низ пријателско и принципиелно ниво, веќе резултира со отворање перспективи и раздвижување на интересот за инвестирање во нашата држава. Првите договори се потпишани, а има многу што се во фаза на договарање и разговори. Посветени сме на привлекување нови инвеститори и отворање нови работни места за младите луѓе во нашата држава. Во таа насока, многу ни значат отворените можности за економска соработка со Полска. Исто така сакаме да примениме искуства од Вишеградската група во евро-атлантските интеграции, поради што сме подготвени да ја подлабочиме соработката со Полска на секое ниво“, рече премиерот Заев.
Министерот за надворешни работи на Полска, Чапутович, се заблагодари за можноста да присуствува на денешната комеморација по повод 75-годишнината од депортацијата на Евреите од Македонија за време на Втората светска војна и да го искаже ставот на Република Полска дека вакви настани никогаш не смеат да се повторат.
На средбата на премиерот Зоран Заев со министерот за надворешни работи на Полска, Јацек Чапутович, беше оценето дека се од големо значење и соработката и дејствувањето на Република Македонија во решавањето на мигрантската криза заедно со европските земји.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
СДСМ: Ја слушнавме пораката од граѓаните и ја прифаќаме, ќе продолжиме да се бориме
„СДСМ ја слушна пораката од граѓаните и ја прифаќа. Ние ќе продолжиме да се бориме за секој граѓанин, за прогресивна и европска иднина на Македонија. Резултатот на изборите на 8 мај сè уште не е одлучен“, велат од СДСМ.
„Со десничарите може да се соочиме со мрачни сценарија од минатото, кои ќе стават крај на европските перспективи и кои водат во нова долга изолација и нови поделби во општеството.
Веќе се гледа дека ВМРО-ДПМНЕ и ДУИ играат опасна игра со мултиетничкото ткиво на нашето општество. Тензиите што се сега се прават меѓу Македонците и Албанците може да нè вратат назад во грдото минато.
Затоа е исклучително важно граѓаните да излезат и да гласаат на 8 мај, за напредна држава, држава во која ќе имаме подобар животен стандард. Нема откажување од иднината!“, соопшти СДСМ.
Македонија
ВМРО-ДПМНЕ: Над 180.000 гласови предност се обврска за ВМРО-ДПМНЕ Македонија повторно да ја врати на народот
180.000 гласа разлика во корист на Силјановска Давкова и ВМРО-ДПМНЕ пред Пендаровски и СДС е порака дека народот сака промени и крај на понижувањата, соопштија од ВМРО-ДПМНЕ.
„Народот не поддржува политика на понижување на Македонија. Граѓаните јасно кажаа дека се против криминалот на СДС и ДУИ. 7 години Македонија тоне на секое поле. На почеток на секоја учебна година немаше учебници за учениците, за болните немаше лекарства, за земјоделците немаше откуп. Народот не се чувствуваше безбеден, криминалот царуваше по улиците“, велат од ВМРО-ДПМНЕ.
Како што истакнуваат, народот не сака да живее повеќе во несигурност.
„Над 180.000 гласови предност се обврска за ВМРО-ДПМНЕ Македонија повторно да ја врати на народот. Победата во вториот круг ќе биде уште поголема, а СДС и Пендаровски, заедно со нивните газди од ДУИ никогаш повеќе нема да бидат во позиција да го понижуваат народот. Македонија повторно твоја“, завршуваат од ВМРО-ДПМНЕ.
Македонија
ЦУК: Коловозите во државата на многу места се влажни и имало ситни одрони на сите патни правци
Во Центарот за управување со кризи, имало вкупно 1 694 повици на единствениот повикувачки број за итни случаи 112.
Од нив „реални“ повици биле 49,82 отсто, а 50,18 отсто биле за други потреби на граѓаните што не биле итни. Кон полиција биле упатени 69,92 отсто и кон итната медицинска помош 28,91 отсто од реалните повици кон 112 во ЦУК.
Во последното деноноќие немало евидентирани пожари на отворено.
Од ЦУК потсетуваат дека коловозите во државата на многу места се влажни и имало ситни одрони на сите патни правци во последното деноноќие.
Екипите ги отстранувале одроните на патот и нема прекин на сообраќајот.