Политика
Заев: Почнавме незапирлив процес
Започнавме незапирлив процес, го трасираме патот на слободни и еднакви граѓани во европска Македонија, вели меѓу другото челникот на најголемата опозициска партија СДСМ, Зоран Заев, во интервјуто за порталот Скај
„Каква злоупотреба се случувала на министерствата за внатрешни работи, за труд и социјална политика, за финансии, за земјоделство, за администрација, изминативе години, сликата ја имаат сите граѓани на Македонија. И не само сликата, туку граѓаните слушнаа и конкретни снимки, докази за тоа, во проектот ‘Вистината за Македонија’. Овие злоупотреби се предмет на Специјалното јавно обвинителство. Министрите и замениците министри од СДСМ се во министерствата за да спречат понатамошни противзаконски манипулации со полициските надлежности, дрски уцени на граѓаните со нивната социјална помош, со субвенциите што им следуваат по закон, да спечат закани кон администрацијата, по нивните работни места, за партиски цели на Груевски и тесната група на власт“, вели Заев на прашањето дали новите министри и заменици министри веќе „формирале слика за тоа што се случувало“ во тие ресори изминатите години.
Притоа додава дека присуството на претставниците од неговата партија почнало да дава „првите очекувани резултати, релаксирање на граѓаните, кои приоѓаат и сакаат да помогнат во процесот за нормализација на Македонија што го почнавме“. Заев уверува тврди дека неговата партија е насочена „кон ослободување на контролните тела од тесно партиските стеги на ВМРО-ДПМНЕ“. „За нас најважно е да ја обезбедиме слободната волја на граѓаните. За тоа сме во преодната Влада, а не за да владееме со ВМРО-ДПМНЕ, така што единствено кон тоа сме фокусирани“, истакнува лидерот на социјалдемократите.
Во продолжение на разговорот Заев најавува дека, според ветувањето што им го дал на граѓаните, ќе постапува според законот и дополнителните материјали од прислушуваните телефонски разговори ќе бидат доставени до Специјалното јавно обвинителство, за кое вели дека ја има „историската одговорност да ја утврди вистина, да ја изнесе на виделина по институционален пат, а оние кои се огрешиле пред граѓаните и пред законот да ги соочи со сопствената вина и со правдата“.
„СДСМ во однос на овие прашања е целосно на страната на новинарите. Што се однесува до нашите позиции во преговарачкиот процес, ние ги градевме и пред почетокот, низ контакти, консултации, сугестии, мислења со бројни претставници на новинарската заедница и експерти во областа, а и сега сме во редовни контакти со фелата“, 3. Јасно е дека најголем дел од медиумите во Македонија се под контрола на власта на Груевски и јасно е дека се потребни брзи и ефикасни механизми со коишто ќе се гарантира минимум заштита од злоупотребите на медиумите што ги прави власта на Груевски, во овој период до изборите. Не е во ред да зборувам за текот преговарачкиот процес, но ве уверувам дека сега обезбедуваме пат кон слобода на медиумите во Македонија, што СДСМ ќе ја врати по 24-ти април, исклучиво на начин и форма договорени со новинарската заедница“, одговара
Заев смета дека челникот на владејачката партија и премиер Никола Груевски деновиве се правдата пред неговите „разочарани соработници“ со податоци кои, како што оценува биле невистините. „Како велат постарите, нема фајде ако се лажеш себеси. Расположението на граѓаните се гледа и се чувствува. Но секако дека правиме и истражувања на јавното мислење. На 24-ти април доаѓа вистинската анкета којашто носи радост за граѓаните на Република Македонија, промени и победа на европска Македонија“, порачува Заев и додава дека СДСМ во интензивните консултации со граѓаните, експерти и невладиниот сектор СДСМ ќе изгради програма којашто „ќе гарантира темелна обнова на руинираниот државен систем“./крај/мф/скај
Извор: Скај
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски од Чаир: На Македонија ѝ треба обединување и единство, а не поделби, владата на ВМРО-ДПМНЕ ќе вложи 1 милијарда евра за проекти во сите општини
Се чувствува победничка атмосфера и енергија, тоа е важно за сите нас и ни дава мотив да продолжиме посилно да се бориме. Овие денови кои ни преостануваат треба максимално да се мобилизираме, а најновите анкети кои ги добив утрово велат дека ќе биде голема победата и на 24 април и на 8 мај, изјави претседателот на ВМРО-ДПМНЕ, Христијан Мицкоски на митингот во Чаир.
Мицкоски истакна дека сега во Македонија имаме политичка гарнитура која повеќе од две децении е на власт, тоа се ДУИ чија суштина се поделби и грабеж на народот.
– Кога ќе анализирате која е суштината на ДУИ, Али Ахмети и Артан Груби, Бујар Османи, Талат Џафери и останатите, кај нив нема ништо посебно тие само го делат народот по етничка основа и така опстојуваат. Дали некој може да се сети некоја добра работа која Али Ахмети и Артан Груби ја имаат направено, но можам да кажам десетици лоши работи, рече Мицкоски.
Мицкоски нагласи дека сега ДУИ сериозно ќе бидат изненадени на овие избори, а им се познава нервозата затоа што после 8 мај треба да одговараат за сето она што му го направија на народот, за целиот грабеж.
Мицкоски се осврна на проектите кои ги планира идната влада од ВМРО-ДПМНЕ и посочи дека се планира да се инвестира 250 милиони евра секоја година во општините, 1 милијарда во 4 годишен мандат.
– Во Чаир ќе има висока сума, еден од проектите е проширување на булеварското решение на влезот од Бит Пазар кон Чаир и тоа мора да се направи и го повикувам градоначалникот да се пријави со повеќе проекти. Тоа ќе додаде вредност во квалитетот на живеење. На Македонија и треба обединување и единство не поделба, потенцираше Мицкоски.
Мицкоски додаде дека идната влада на ВМРО-ДПМНЕ планира да отвори нови 55.000 работни места, да функционира со владеење на правото на целата територија и нема да има територии каде ќе владејат шерифи.
Да обезбедиме пристојни услови за поголем инвестициски бран и од странство и од домашни инвеститори за да може децата да останат тука. Мораме и тие кои си отидоа да ги вратиме назад. Да обезбедиме надеж. Ве повикувам на 24 април сите да се обединиме околу број 2 и да гласаме за Гордана Силјановска Давкова, а потоа да се обединиме и заедно на 8 мај да испишеме историја за коалицијата Твоја Македонија предводена од ВМРО-ДПМНЕ, изјави Мицкоски.
Македонија
Доц. д-р Бобан Карапејовски: Ќе обезбедиме вработување на најдобрите 200 студенти, како и стипендии од 500 евра месечно
Носителот на листата на кандидати за пратеници во ИЕ 1, Бобан Карапејовски на денешната прес конференција рече дека во програмата на Движењето ЗНАМ – За наша Македонија за парламентарните избори, наречена „Проглас за достоинствена Македонија“ еден од приоритетите се образованието и науката, кои се суштински за градењето силна и просперитетна држава.
„Во Прогласот за достоинствена Македонија на Движењето ЗНАМ – За наша Македонија, предвидовме два сегменти: зголемување на достоинството на вработените во образованието и во науката и поставување нов систем, со кој овој сектор ќе се врати во фокусот и ќе помогне во создавањето функционално писмен и високообучен кадар, како и продлабочување на
научните истражувања“, рече Карапејовски и додаде: „Во однос на првиот постулат, достоинството на вработените во образовниот сектор, е предвидено платите на наставниците и на професорите да се зголемат до 100 % од актуелните. И, тоа е најмалку што можеме да направиме за да му го вратиме угледот на учителот и да ги привлечеме најдобрите да бидат
даскали на нашите деца“.
Тој потенцира дека за најдобрите студенти ќе се обезбедат стипендии во износ од 500 евра месечно, а за најдобрите двесте студенти вработување во научните и во институциите на системот.
„Партиските вработувања мора да запрат! Не смее партиската книшка да биде услов за вработување. На универзитетите и во државните институции треба да работат најдобрите за најдоброто за сите нас. Ни треба научен подмладок веднаш, како и
ревизија на условите и зголемување на квалитетот на акредитираните универзитети, кои се множат на секој чекор, а не даваат квалитет“, рече тој.
Карапејовски рече дека наставните програми и планови ќе се усогласат со модерните технологии и достигнувања и појасни дека ќе се изгради систем што ќе поттикнува креативно, аналитичко и логичко размислување кај учениците, но и ќе поттикнува креативност во областа на бизнисот и на финансиската едукација. Учебниците ќе бидат усогласени со новите наставни планови и програми и напишани од најдобрите автори, навреме доставени до учениците.
Тој исто така рече дека издвојувањата од буџетот за науката ќе се зголемат, а ќе има и посебни стимулации за оние што успеваат да објавуваат во најпрестижните списанија и да соработуваат со колегите од најдобрите светски универзитети, како и посебни субвенции за таканаречните национални дисциплини.
Македонија
Пендаровски: Ги знам нивните лажни анкети, ги знам и реалните анкети и реално ви кажувам дека на 8 мај победуваме!
На само неколку дена пред првиот круг на гласање, од Скопје кандидатот за претседател Стево Пендаровски искажа верување дека по повеќе од три децении независност, македонските граѓани многу добро знаат да препознаат чија програма е реална, а која е во расчекор со времето во кое живееме.
„Овој претседател и оваа политичка гарнитура никогаш не давале лажни надежи и ветувања за брза реализација на стратешките цели на државата. И денес пред вас, не велам дека Македонија за само неколку години ќе биде најразвиената држава во Европа, не ветувам дека целиот тој процес ќе трае само неколку месеци, но, говорам и повторувам секаде дека најголемиот ризик е ако на изборите им дадеме шанса на оние за кои претходно веќе видовме како владеат со луѓето цели 11 години“, истакна Пендаровски.
Пендаровски денеска повика на масовна излезност на 24 април и на 8 мај, за како што рече, да не се враќаме во режим.
„Ги знам нивните лажни анкети, ги знам и реалните анкети и реално ви кажувам дека победуваме на 8 мај. Со заокружување на бројот 1 продолжуваме кон Европа и кон развиениот свет и дефинитивно не се враќаме назад во режим и заробена држава“, рече Пендаровски.