Македонија
Пробивањето рокови единствено извесно од политичките договори
Четирите политички партии потписнички на договорите од Пржино за излез од политичката криза, повеќепати пробија рокови, иако, како што вели олеснувачот Питер Ванхауте, деноноќно работат, а во понеделник повторно дојде и еврокомесарот Јоханес Хан, за да притисне да се дојде до „итен напредок во спроведување на политичкиот договор“.
„Работиме секој ден да постигнеме напредок, можам да кажам дека и ноќе работиме. Мора да направиме напредок во оваа земја“, изјави Ванхауте.Одговарајќи на новинарско прашање, дали мора Хан да доаѓа за да се постигне напредок, тој вели дека секогаш е корисно луѓето да дојдат и да ја видат ситуацијата со свои очи и да зборуваат со другите за да формираат сопствено мислење.На 2-ри јуни, по целодневно договарање во резиденцијата на Европската унија во Пржино беше постигнат политички договор во шест точки, за на 15-ти јули истиот да биде проширен, односно да биде напишан протокол за спроведување на договорот, потпишан од четирите политички партии од власта и опозицијата, ВМРО-ДПМНЕ, ДУИ, СДСМ и ДПА.Но, до денеска пробиени беа многу поставени рокови, па така, во договорите се наведува дека откако СДСМ ќе се врати во Собранието, што се случи на први септември, ќе се формира анкетната парламентарна комисија основана за да се расчисти скандалот со прислушувањето со која ќе раководи опозицијата, што сè уште не се случило, иако се предвидува првиот извештај да излезе следниот месец.Рокот на 15-и октомври да се договорат промени за да се подобри ситуацијата со медиумите, каде најмногу промени се очекуваше да се договорат за јавниот радиодифузер, исто така, е пробиен..Во вторник, 20-ти октомври, истекува рокот за избор на нови министри во министерствата за внатрешни работи и труд и социјала, каде СДСМ треба да предложи први луѓе, а нивни заменици во тие министерства се на предлог на ВМРО-ДПМНЕ. Тоа е краен рок и за избор на заменици министри по предлог на опозицијата во министерствата за финансии, за земјоделство и за информатичко општество и администрација.„Овие заменици-министри ќе имаат полно право на преглед и вето во соодветните министерства по сите правни, финансиски и кадровски прашања поврзани со организацијата на изборите“, се наведува во протоколот од 15-ти јули.Иако денеска се споменуваат некои имиња за нови министри, сепак, партиите не излегле со конкретни предлози во јавноста.Виси и законот за ткн „свиркачи“, откако порано овој месец, пратениците од ДУИ и од ВМРО-ДПМНЕ, Талат Џафери и Крсто Мукоски, го поднесоа предлог законот за забрана на објавување на прислушуваните материјали што беше оценет како сериозна закана за воведување цензура, од стана на медиумите. Законот беше повлечен, но со услов до 20 октомври да се договори ново законско решение, а во спротивно истиот без измени ќе бил повторно поднесен во собранието. Овој закон, заедно со тој за ткн свиркачи, треба во вторник заедно со новите министри да се гласаат во Собранието.На сево ова недовршено, остануваат актуелните рокови за обврската актуелната Влада да поднесе официјална оставка до Собранието во догледно време за да овозможи инаугурација на новата влада на 15-ти јануари 2016 година, односно сто дена пред парламентарните избори што ќе се одржат на 24-ти април 2016 година.„На чело на новата влада ќе биде нов премиер номиниран од страна на ВМРО-ДПМНЕ. Програмата на Владата е ограничена на организирање на предвремените парламентарни избори“, се наведува во договорот.Последните денови се договори форматот на Државната изборна комисија, да биде состаена од девет членови, тројца од власта, тројца од опозицијата, и тројца експерти што ќе се изберат во Собранието, но во понеделник и тоа се уште не се случило. Во ДИК нема да се гласа со ткн „правило на Бадинтер“, што беше барање на ДУИ.Исто така, неколку дена пред тоа беше одлучено да се избираат тројца пратеници од дијаспората, со пропорционален модел, од една изборна единица, а не како до сега, од три изборни единици. Притоа, договорен е и цензус, па така, за да биде избран еден пратеник, ќе треба да собере минимум 6.400 гласа.Прочистувањето на избирачкиот список е договорено, и ќе се извршува теренски и со вкрстување на податоците од институциите, а новина е што на списокот ќе се вметнат и фотографии од личните карти на граѓани, за полесна споредба.Беше избрана и специјалната јавна обвинителка, со согласност од сите партии, но таму се запна со тимот кој таа го побара, а Судскиот совет и одобри половина. Денеска, партиите со писмо, преку министерот за правда, од СОветот побараа да се одобри целиот тим. Се очекува утре да се донесе одлука и за комплетирање на тимот на Катица Јанева. /крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Спасовски: Просечна плата од 1.100 евра и минимална плата од 600 евра, грантови за млади и зголемени плати во здравството
Носителот на листа на кандидати за пратеници од ИЕ2 предводена од СДСМ и Коалицијата за европска иднина, Оливер Спасовски, се сретна со граѓаните од Чучер Сандево.
„СДСМ е рамо до рамо со граѓаните, сите на 8 мај за број 1“, порача тој.
Со СДСМ, како што рече, е можен европски животен стандард, со просечна плата од 1.100 евра и минимална плата од 600 евра”, рече Спасовски, наведувајќи мерки за младите од Програмата за европска иднина.
“Програмата за млади предвидува по 200 евра за прво вработување за млади до 26 години, субвенции и поволни цени за купување сопствен дом за млади до 29 години, како и гарантирана плата за млади, додека грантовите за отпочнување на сопствен бизнис за млади, се зголемува на 8.000 евра”, истакна Спасовски, додавајќи дека платите во здравството ќе продолжат да раснат.
„Платите на медицинскиот персонал значително ќе се зголемат. Специјалистите ќе имаат до 180.000 денари плата, општите доктори, до 120.000 денари. Медицинските сестри, до 90.000 денари.
СДСМ нема да се откаже од унапредување на работничките права, раст на платите, подобро платени работни места” рече Спасовски.
Македонија
Мицкоски од Гостивар: ДУИ ги злоупотребува Албанците, врз митот за права, направија милиони, ќе одат во опозиција и ќе одговараат за криминалот
Македонија се наоѓа пред сериозна одлука а изборите кои следат во себе не го носат изборот која партија ќе победи, туку каква иднина ќе се одбере, за себе и за своите семејства. Главниот проблем, е што државата е одземена од рацете на народот. Контролата е во стотина души кои управуваат со се во земјава, без одговорност, со многу криминал и корупција, изјави претседателот на ВМРО-ДПМНЕ, Христијан Мицкоски од митингот во Гостивар.
Мицкоски додаде дека нема поголем тендер од кој артановци, бујаровци, и зечевци не собираат процент.
– Тука во Гостивар на пола пат од Тетово се сликаа со лопатите, наместија бини, сечеа ленти за нови автопати дел од коридорите 8 и 10д, еве помина година дена, дупка не ископаа, не па автопат да изградат. Повеќе од 300 милиони евра исплатија во ветар. Таму подизведувач е омилената фирма на ДУИ, бидејќи ДУИ управува со државата наместо народот, потенцираше Мицкоски.
Мицкоски нагласи дека Артан, Бујар и Талат си се послужуваат со Македонија, затоа што имаме слаб СДСМ кој дозволувајќи го тоа скапо си ја купува власта, и деновите поминати во фотелја.
„И овие денови ги слушам оние обвинувања кои се редовен декор секогаш кога ДУИ е нападнато, поради криминал и корупција. Нападното е затоа што се фатени како ја ограбуваат Македонија. И не ги ограбуваат само Македонците. Ги ограбуваат сите, и Македонците и Албанците и Турците и Србите и Власите и Бошњаците, ја ограбуваат Македонија. Фатени во грабеж, обвинуваат дека сме имале против Албанците и затоа сме ги напаѓале“, изјави Мицкоски.
Посочи дека има против ДУИ кои ги злоупотребуваат, меѓу другото и Албанците и нивната мака.
– ДУИ која врз митот права за Албанците, и Артан, и Али направија милиони евра за себе, имаат имот како шеици од Саудиска Арабија, додека албанскиот народ гладува и се сели од Македонија. Најголемата злоупотреба овие дваесет години е состојбата со правата на Албанците кои овие криминалци од ДУИ се обидуваат кога се фатени во криминал да ја наметнат како тема. Секогаш кога тие зборат за ова, на своето конто си редат по уште еден милион народни пари, нагласи Мицкоски.
Оценио дека ДУИ тоа го прават затоа што се исплашени и знаат дека им доаѓа крајот на своето владеење.
– Ќе одат во опозиција, а таму ќе мора најпрвин да одговараат за криминалот, а потоа да се реформираат, рече тој.
Мицкоски нагласи дека бранот е создаден, иако работата не е завршена, мора да се излезе на гласање во вториот круг за да се победат сите сценарија на СДСМ и ДУИ заедно и дека таквите сценарија се победуваат само со голема излезност.
Македонија
Европски фронт: Граѓаните сами одлучуваат како ќе го искористат правото на глас на претседателските избори
Лидерите на партиите кои се дел од Европскиот фронт на денешната средба во Струга заклучија дека првиот круг од претседателските избори на 24 април помина во мирна, фер и демократска атмосфера, а победата на Бујар Осман од 40.000 гласа над Арбен Таравари – кандидат на опозицијата, тоа е победа која уште повеќе ќе се продлабочи на 8 мај, на парламентарните избори кога Европскиот фронт ќе ја одбележи својата историска победа.
Во овој случај, бидејќи Европскиот фронт повеќе не е дел од претседателската трка во вториот круг од претседателските избори и бидејќи гласот на граѓаните за нас е свет и нивно право, Европскиот фронт наведува дека тоа е ексклузивна волја на граѓаните како што сакаат да го искористат ова право.