Македонија
Рекордни 101 литар дожд наврнаа во Гевгелија

Рекордни 101 литар дожд наврнаа во Гевгелија во текот на изминатите 24 часа, соопшти во среда Управата за хидрометеоролошки (УХРМ) работи.
Вчерашното невреме проследено со поројни врнежи од дожд најмногу ја погоди Гевгелија каде што наврнаа 101 литар дожд на метар квадратен. Според податоците на УХРМ, во Демир Капија наврнале 87 литри дожд на метар квадратен, Битола 86 литри, Куманово 63 и Скопје 60 литри.
Најмалку дожд во изминатите 24 часа наврнал во Тетово, Лазарополе, Охрид и Берово.
За денеска УХРМ најави претежно облачно време со повремен слаб до умерен дожд, попладне проследен со ретки грмежи. Ќе дува слаб источен ветер, а кон крајот на денот врнежите насекаде ќе престануваат.
Максималната температура ќе се движи од 19 до 25 степени.
И во текот на следните денови ќе продолж периодот на променливо облачно време со повремени врнежи од дожд кои ќе имаат променлив интензитет проследени со локална појава на грмежи. Поинтензивна нестабилност ќе има во петок попладне.крај/ухрм
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Собранието ќе формира комисија за избор на нов претседател на антикорупциската

Собраниската Комисија за прашања на изборите и именувањата во 12 часот ќе одржи седница на која се очекува да ја формира Комисијата за селекција на кандидати за нов претседател на Државната комисија за спречување на корупцијата (ДКСК).
Процесот следи откако на 5 август беше распишан јавен оглас, со рок за пријавување од 10 дена. Оваа постапка се спроведува по оставката на претходната претседателка Татјана Димитровска, која е обвинета за оддавање службена тајна и компјутерски фалсификат.
Според Законот за спречување на корупцијата и судирот на интереси, до изборот на нов претседател, функцијата ја врши заменик-претседателот на ДКСК. Новиот претседател мора да има најмалку десет години работно искуство, од кои осум во областа на борбата против корупцијата, владеењето на правото или добро управување.
Македонија
Свечена седница по повод 24 години од потпишувањето на Охридскиот рамковен договор

Во Владата ќе се одржи одбележување на 24 години од потпишувањето на Охридскиот рамковен договор.
По тој повод со почеток во 10:00 часот во Свечената сала во Владата на Република Северна Македонија ќе се одржи свечена седница на која ќе се обрати премиерот Христијан Мицкоски.
Настанот ќе биде пренесуван во живо на „Фејсбук“ и „Јутуб“ каналот на Владата.
Охридскиот рамковен договор беше потпишан на 13 август 2001 година помеѓу претставниците на тогашните најголеми политички партии и специјални претставници на ЕУ и на САД.
Македонија
Сончево и многу топло со мала локална облачност: максималната температура до 39 степени

Времето денеска ќе биде сончево и многу топло со мала локална облачност. Ќе дува слаб до умерен ветер од југоисточен правец. Минималната температура ќе биде во интервал од 13 до 21, а максималната ќе достигне од 32 до 39 степени.
Во Скопје сончево и многу топло со слаб до умерен ветер од југоисточен правец. Минималната температура ќе се спушти до 19, а максималната ќе достигне до 38 степени.
Времето во наредните денови
Ќе се задржи сончево и топло време со умерена облачност преку денот. Ќе дува слаб до умерен ветер претежно од југоисточен правец.