Скопје
Жителите на Ѓорче Петров се жалат од кучиња скитници, надлежните не превземаат ништо
„Деновиве бевме сведоци на четиригодишно момче кое беше нападнато од кучиња и подлегна на повредите, а ова е секојдневната слика во станбена зграда на ул. Шидска 26 во населба Ѓорче Петров. Кучињата- скитници станаа „нелегитимни станари“ во оваа зграда, тука живеат, јадат, спијат“, вели револтирана жителка од оваа населба.
„Пред неполна година нападнат и каснат е човек кој со својот точак поминувал низ зградата. Во близина е и детско игралиште во кој си играат деца и нивното движење е доведено во опасност. По ова прашање стапивме во контакт со надлежните од Комунална хигиена на што добивме одговор дека се „заштитени“ од поеднини станари од зградите и ова за нив е еден голем проблем за кој , кога и да сакаат да го решат наидуваат на разни препреки“, велат жителите на општината.
„Со цел да не се повторат овие немили настани и да ги заштитиме своите деца решив да ви ја пренесам атмосферата на „соживот “со овие кучиња ! Повикувам на поголема свесност , бидејќи на кучињата местото не им е тука , ако некој сака да ги чува нека ги присвои во својот дом“, велат револтираните граѓани./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Неколку скопски општини денеска без струја
Од ЕВН Македонија АД известуваат дека денеска без електрична енергија ќе останат:
– од 08:30 до 14:00 часот, корисниците од дел од улиците: Полог и Кочанска, општина Кисела Вода;
– од 08:30 до 16:00 часот, корисниците од населените места и објектите од село Алдинци кон Солунска Глава, општина Студеничани;
– од 09:00 до 14:00 часот, корисниците од дел од ул. Македонско Косовска Бригада, општина Шуто Оризари;
– од 09:00 до 14:00 часот, корисниците од објектите во околината на зграда бр. 17 на бул. Партизански Одреди, општина Центар;
– од 09:30 до 13:00 часот, корисниците од ул. 6 во село Бардовци, општина Карпош.
Македонија
Комунална хигиена мора да се освести ни се спрема катастрофа, вели Герасимовски
Градоначалникот Горан Герасимовски, во изјава за медиуми пред почетокот на средбата со претставниците на ЗЕЛС за хаосот со сметот во Општина Центар, но и на територија на градот Скопје потенцираше дека мора да се најде итно решение за овој проблем кој веќе ги помина сите граници на нормално живеење.

„Изминатите пет дена немаше воопшто ниту еден камион од комуналното претпријатие на територија на Општина Центар. Ние имаме дополнително изнајмена механизација, нашите хигиеничари работат во две смени за отстранување на сметот од улиците. За жал, и тоа не е доволно, искрено не е доволно. Гледаме што секојдневно се случува, немаме ингеренции да го отстрануваме сметот од самите контејнери, немаме ни таква механизација, туку го отстрануваме само сметот покрај самите контејнери. И тоа не е доволно. Дополнително, имаме кучиња скитници кои го разнесуваат целото ѓубре по улиците и ни прави дополнителен проблем на нашите хигиеничари. Но, даваме се од себе да го подигнеме нивото на хигиена на повисоко ниво. Верувам дека јавното претпријатие ќе се свести и дека во наредните денови ќе се појави низ Општина Центар и другите општини за да го тргне сметот од улиците“, рече Герасимовски.

Македонија
Посебен режим на сообраќај утре во центарот на Скопје
Утре во 10:00 часот поради одржување на атлетска трка во централното градско подрачје на Скопје, со траса на движење од паркот „Жена борец“ преку Камени мост, ул. „Иљо Војвода“, тротоарот на мостот „Гоце Делчев“ и по кејот на реката Вардар и обратно, за сообраќај ќе биде затворена ул.„Иљо Војвода“, пешачките површини и делот од кејот по кој ќе се движат учесниците во трката.
Единицата за безбедност на патниот сообраќај при СВР Скопје ќе преземе мерки за посебен режим на сообраќај, при што сообраќајот ќе се пренасочува по околните сообраќајници.
МВР апелира до граѓаните да ги почитуваат наредбите кои ќе ги издаваат полициските службеници по сообраќајниците каде што ќе се одвива настанот.

