Свет
Американските конзервативци се собраа за поддршка на Трамп и да ги надминат разликите
Американските конзервативци од Републиканската партија го славеа новиот претседател Доналд Трамп кој им донесе победа на изборите на 8-ми ноември, но медиумите забележуваат дека под површината на седмичната конвенција во Вашингтон се кријат тензии околу тоа како републиканците ќе владеат.
На четиридневната Конвенција на конзервативната политика на акција (CPAC) ќе присуствува и претседателот Доналд Трамп и потпретседателот Мајк Пенс, за да бидат поздравени од околу 10.000 партиски активисти.
Познат како CPAC, овој собир годинава се одржува во Мериленд, близу Вашингтон ДиСи во времето кога републиканците кои владеат и со Белата куќа и со Конгресот меѓусебно се конфронтираат околу прашањата како што се трговијата, даноците и како да се демонтира здравствениот систем воведен од претходниот демократски претседател Барак Обама.
Советничката во Белата куќа и од претходно блиска соработничка на претседателот, Келиен Конвеј, обраќајќи им се на собраните му се заблагодари на Трамп затоа што го обновил десното крило на партијата.
„Секое движење на крајот станува помалку склеротична и правлива и мислам дека на нив (републиканците) им е потребна свежа крв“, рече Конвеј додавајќи дека Трамп се „вратил на корените и повторно ве собра“.
По само еден месец на должноста, некои конзервативците Трамп го споредуваат со својата икона Роналд Реган. Тој на власт дојде во 1981 година ветувајќи помала влада, слободна трговија и намалување на даноците, давајќи поттик на десното републиканско крило и обликувајќи ги политичките ставови на бројните членови на CPAC.
Сепак, некои конзервативци, вклучително и оние кои се членови на CPAC, со нервоза и скепса гледаат на Трамп.
Новиот претседател на САД предложи значително јакнење на овластувањата на владата во сферата на миграциите, веќе го откажа договорот за слободна трговија со соседите во Азија и на Пацификот (TTP) и остро го критикуваше сличниот договор со Канада и со Мексико (NAFTA). Најави и намалување на даноците, но не е јасен неговиот став за републиканскиот даночен пакет за кој дебатира Конгресот.
За тоа дали Трамп и републиканците ќе најдат заеднички јазик околу споменатите прашања, зависи колку навистина ќе бидат ефикасни во Вашингтон и како гласачите ќе ги оценат по две години на половината на мандатот, кога на владејачките партии досега редовно им се намалувала популарноста.
Некои републиканци се разочарани од тоа што Трамп не тргнал пожестоко во даночната реформа и повлекувањето на здравствениот систем наречен Обамакер. Претседателот уште јавно не престави ниедна законска иницијатива, за разлика од некои претходни претседатели во нивниот прв мандат, забележува Reuters.
Конзервативците се задоволи од тоа што Трамп ја именуваше најконзервативната влада во последните половина век и за судија на Врховниот суд го предложи Нил Горсач, млад конзервативец, кој го доби нивниот „благослов“. Ги одушевува и што заедно со републиканските конгресмени работи на поништувањето на бројните прописи до ерата на Обама, вклучително и оној кој на рударските компании им забранува да ги испуштаат отпадите во реките и потоците./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Полјачка на миса за Меди МекКан: „Јас сум Меди. Не сум лажга. Направете ДНК тест“
Родителите на Медлин МекКен вчера вечерта не беа на бдеењето одржано по повод 17-годишнината од исчезнувањето на девојчето. Меѓутоа, на богослужбата се појавила една млада Полјачка која тврди дека таа е киднапираната Меди.
Кејт и Гери МекКен испратија порака до присутните, која ја прочита пречесниот Роберт Гладстон: „Жал ни е што не можеме да бидеме со вас вечерва. Ви благодариме што се здруживте. Поминаа 17 години откако беше киднапирана. тешко е да се поверува дека помина толку долго време“.
На бдеењето присуствувала Џулија Вендел (22), која тврди дека таа е ккиднапираната Медлин. Во рацете држела писмо кое имала намера да им го предаде на родителите на киднапираното девојче. „Јас сум Медлин МекКен. Никогаш не престанав да верувам во тоа. Дојдов овде да ги замолам Кејт и Гери да направат ДНК тест”, рекла таа по мисата, а пренесува Дејли Мејл.
„Тие не направија ништо за да докажат дека не сум нивна ќерка. Не, не сум луда. Не сум лажгоа“, додала таа. Во селото Ротли се одржа бдение. Семејството МекКен и понатаму се надева дека нивната ќерка, која сега би имала 20 години, е сè уште жива.
Германската полиција, од друга страна, смета дека Меди е убиена и има намера да го обвини Кристијан Брукнер за злосторството. На осудениот педофил моментално му се суди за пет неповрзани силувања и сексуални престапи.
Во февруари минатата година, Џулија на социјалните мрежи објави под нејзиното корисничко име „@IamMadeleineMcCann“ дека таа е исчезнатото девојче. По ДНК анализата било утврдено дека таа на никаков начин не е поврзана со Медлин. Но, Џулија вчера инсистираше дека таа е Медлин МекКен и дека тоа ќе го докаже.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.
Свет
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.
Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.
НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.
„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.
„Мора да признаеме дека НАТО сериозно се подготвува за потенцијален конфликт со нас“, рече Захарова.
Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.
Вежбите ќе траат до мај, пишува Ројтерс.