Свет
(Видео) Ким Џонг-ун е во официјална посета на Кина, потврдија Пекинг и Пјонгјанг
По неколкудневните шпекулации, потврдено е дека севернокорејскиот лидер, Ким Џонг-ун, е во посета на Кина, објави Би-би-си. Посетата, потврдена од Кина и од Северна Кореја, е прва официјална посета на странска држава од Ким откако ја презеде функцијата во 2011 година.
Според информациите, Ким имал успешни разговори со кинескиот лидер Си Џинпинг во Пекинг, пренесе кинеската новинска агенција „Синхуа“. За време на средбата Ким го убедил својот кинески колега дека е посветен на откажување од нуклеарното оружје, но под одредени услови, пренесе кинеската агенција „Сихуа“.
„Прашањето за денуклеаризација на Корејскиот Полуостров може да се реши ако Јужна Кореја и САД реагираат на нашите напори со добра волја, да се создаде атмосфера на мир и стабилност додека се преземаат прогресивни и синхронизирани мерки за остварување на мирот”, рекол Ким.
Севернокорејската новинска агенција КЦНА ја нарече посетата пресвртница во подобрувањето на билатералните односи со Кина.
Кинеските медиуми ја оценуваат посетата на Пекинг како успешен чекор за севернокорејската подготовка за предложените разговори. Кина е главен економски сојузник на Северна Кореја и се претпоставуваше дека ќе има консултации со Пекинг пред планираниот самит со Јужна Кореја и САД. Предвидено е следниот месец Ким да се сретне со јужнокорејскиот претседател, Мун Жае-ин, и со американскиот претседател, Доналд Трамп, во мај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Свет
Хамас планира да предаде 33 заложници, некои од нив се мртви
Хамас планира да ги предаде останките на неколку заложници кои се меѓу 33-те за кои се наведува дека ќе бидат ослободени во првата фаза од предложениот договор за прекин на огнот, пишува Њујорк Тајмс.
Во извештајот, во кој се цитирани две лица блиски до преговорите за договорот, се вели дека Хамас ги информирал посредниците дека веќе не се живи сите оние што требаше да бидат ослободени. Се очекуваше во првата фаза да бидат ослободени жени, деца, стари и болни лица, потсетуваат израелските медиуми.
Израел претходно инсистираше да се ослободат само живите заложници во таа фаза и се согласи со помалку од 40-те луѓе што првично ги бараше, со разбирање дека сите што требаше да бидат ослободени се живи. Хамас синоќа соопшти дека го прифатил договорот предложен од посредниците. Израел, пак, оцени дека договорот е многу поинаков од она на што се согласила земјата.
Официјални лица на Хамас рекоа дека првата фаза од договорот ќе вклучи 42-дневно примирје и ќе ослободи 33 израелски заложници во замена за голем број палестински безбедносни затвореници кои се чуваат во израелските затвори.
Кабинетот на израелскиот премиер Бенјамин Нетанјаху оцени дека понудата на Хамас не ги исполнува основните израелски барања, но најави дека ќе испрати преговарачи да продолжат со преговорите со американските, египетските и катарските посредници.
Се верува дека уште 128 заложници се држат во Газа, од околу 250 киднапирани во нападите на палестинските екстремисти предводени од Хамас на 7 октомври минатата година, но не се знае дека сите се живи. За време на еднонеделниот прекин на огнот на крајот на ноември минатата година беа ослободени сто и пет цивили, а пред тоа четворица.
Тројца живи заложници беа ослободени од војниците, а телата на 12 од нив беа пронајдени, вклучувајќи и тројца убиени по грешка од војниците.
Израелската војска ја потврди смртта на 35 заложници кои сè уште ги држи Хамас, повикувајќи се на нови разузнавачки информации од војниците кои дејствуваат во Газа.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.