Свет
Кремљ и тимот на Трамп негираат средба на челниците на Исланд
Транизицискиот тим на новоизбраниот американскиот претседател Доналд Трамп и Кремљ негираа дека Трамп планира средба со рускиот претседател Владимир Путин на самитот на Исланд за неколку седмици, во текот на своето прво патување во странство по стапувањето на должноста.
Британскиот весник The Sunday Times, кој извести за ваквите планови повикувајќи се на британски извори, истакна дека американскиот претседател Доналд Трамп на тој начин сака да ги подобри односите со Москва.
Средбата со рускиот претседател Владимир Путин, наводно, треба да се одржи на Исланд, земја којашто придонесе своевремено за попуштањето на тензиите меѓу поранешниот Советски сојуз и Соединетите држави со организацијата на самитот во Рејкјавик во 1986 година на кој учествуваа советскиот челник Михаил Горбачов и американскиот претседател Рондал Реган.
На прашањето за наводниот план за самитот во Рејкјавик, една од портпаролките на Трамп само одговорила дека тоа е „сосема погрешно“.
Портпаролот на Кремљ, Дмитриј Песков, во неделата изјави дека засега не се разговарало за средбата./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Белгија издвојува девет милиони евра за украинската енергетска инфраструктура
Белгија ќе додели дополнителна помош од девет милиони евра за да придонесе за поправка на оштетената енергетска инфраструктура во Украина, најави белгиската министерка за развојна соработка, Каролин Генез.
„Преку ОН, Белгија ќе придонесе за поправка на енергетската инфраструктура околу градот Харков, кој сега секојдневно трпи бомбардирање од руската армија. Со воена поддршка, овие средства ќе помогнат да се изгради отпорноста на Украина“, рече министерот, пренесува RTBF.
Според неа, Белгија ќе одвои средства за поддршка на проекти во рамките на Програмата за развој на Обединетите нации, која е специјализирана за економски развој.
Свет
Генералното собрание на ОН го повика Советот за безбедност да ја прими Палестина за членка
Генералното собрание на Обединетите нации ги зајакна правата на Палестина во рамките на организацијата и повика таа да биде прифатена како членка, пренесува Би-Би-Си.
Палестина има статус на земја-набљудувач не-членка од 2012 година, што дозволува некои права помалку од полноправна членка.
За членството може да одлучува само Советот за безбедност на ОН.
САД неодамна ставија вето на кандидатурата за полноправно членство, но гласањето денска може да се смета како гест на поддршка за Палестинците.
Палестинскиот претседател Махмуд Абас ја поздрави резолуцијата, велејќи дека таа ги поддржува палестинските напори за уште едно гласање за ова прашање од страна на Советот за безбедност.
Свет
Шпанија, Ирска и Словенија ќе ја признаат Палестина на 21 мај
Шпанија, Ирска и Словенија планираат симболично да ја признаат Палестинската држава на 21 мај, изјави шефот за надворешна политика на ЕУ, Жозеп Борел.
Тој го потврди датумот во интервју за шпанското јавно радио, откако ирскиот јавен радиодифузен сервис РТЕ објави дека тоа е моментот кога сите три земји планирале да дејствуваат.
Словенечката влада вчера соопшти дека донела декрет за признавање на палестинска држава, што ќе биде внесен во нејзиниот парламент до средината на јуни.
Потоа, најверојатно ќе има повеќе нации што ќе го следат примерот бидејќи и Белгија одлучи да го стори тоа, додаде Борел.