Европа
Продолжува потрагата по падот на авионот во француските Алпи
Потрагата прекината ноќеска, по падот на авионот „Airbus А320“, при што загинаа 150 луѓе, продолжи во среда утрото на југот на Франција, каде во текот на денот се очекува да пристигнат францускиот претседател Франсоа Оланд, германската канцеларка Ангела Меркел и шпанскиот премиер Мариано Рахој.
Потрагата прекината ноќеска, по падот на авионот „Airbus А320“, при што загинаа 150 луѓе, продолжи во среда утрото на југот на Франција, каде во текот на денот се очекува да пристигнат францускиот претседател Франсоа Оланд, германската канцеларка Ангела Меркел и шпанскиот премиер Мариано Рахој.
Повеќе десетици полицајци ќе се упатат на непристапното место во провансалските Алпи, на околу 1.500 метри висина, каде се урна леталото на нискотарифната подружница на „Lufthansa“, „Germanwings“ кое полета од Барселона за Диселдорф, со 144 патници и шест членови на екипажот, меѓу кои најбројни се Германци и Шпанци.
Илјадници делови на авионот се расфрлани низ планината, далеку од населената зона и патиштата, на околу 100 километри од Ница.
Во вторник, по надлетувањето на местото на несреќата која се случила од сé уште неутврдена причина, пет министри на француската, германската и шпанската влада зборуваа за драматични глетки.
„Тоа се страшни глетки, се работи за страна драма“, вели Френк Валтер-Штајнмајер, шефот на германската дипломатија.
Едната од двете црни кутии е пронајдена и пренесена во канцеларијата за истрага на несреќи со кои ќе се утврди причината за несреќата, вели обвинител од Марсеј за BFMTV.
Најдената кутија содржи разговори во пилотската кабина. Таа е делумно оштетена, но ќе биде искористена како извор на информации, вели министерот за внатрешни работи на Франција, Бернард Казанов за радио RTL.
Според него, треба да се земат во обзир сите околности, но можноста за терористички напад е исклучена.
Меркел, Рахој и Оланд се очекува да пристигнат на местото на несреќата околу 14 часот.
Во Шпанија е прогласена тридневна национална жалост, бидејќи во авионот загинаа 45 Шпанци.
Покрај нив, меѓу патниците биле и 67 Германци, двајца Австралијци, двајца Колумбијци, еден од Белгија. Според Копенхаген и Буенос Аирес, на авионот имало и еден Данец и двајца Аргентинци, додека Мексико верува дека имало и двајца Мексиканци.
Лондон јави дека најверојатно во авионот имало и Британци, а Токио во средата објави дека имало и двајца Јапонци кои живееле во Диселдорф./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Новиот руски министер за одбрана го претстави својот план за војната во Украина
Новиот руски министер за одбрана Андреј Белоусов, економист без воено искуство, денеска изјави дека сака да ги модернизира вооружените сили и да постигне победа во Украина со минимални жртви. „Целта на специјалната воена операција е секако да се постигне победа… и со минимални човечки загуби“, рече тој, но не појасни кое ниво на загуби би било прифатливо.
Русија не го соопштува бројот на загинати и ранети во редовите на својата армија во Украина. Од почетокот на нападот врз таа земја во февруари 2022 година, многу воени експерти проценуваат дека Русија претрпе големи загуби и зборуваат за десетици илјади мртви.
Новиот руски министер, исто така, рече дека сака да ги „оптимизира“ воените трошоци. „Првата (цел) е да се обезбеди интеграција на воената економија во целата економија на земјата. Ова не е лесно и бара оптимизација на расходите, што не значи нивно опаѓање“, рече тој.
Говорејќи пред Горниот дом на парламентот, тој додаде дека неговата втора цел е максимално да ја отвори воената економија за иновации, особено за „дигиталната технологија“. Рускиот претседател Владимир Путин во неделата навечер направи промена во доменот на одбраната, повеќе од две години од почетокот на војната во Украина.
Тој го смени Сергеј Шојгу, кој беше негов лојален министер за одбрана од 2012 година, и го назначи за секретар на Советот за безбедност, тело кое ги собира највисоките руски функционери, но без никакви реални овластувања.
Во исто време, во тоа министерство започна чистка поради обвинувањата за корупција, со апсење на заменик-министер во април и апсење на генералот Јуриј Кузњецов, службеник за човечки ресурси, објавено денеска.
Назначувањето на Белоусов дојде во време кога воената индустрија е двигател на целата руска индустрија. Покрај тоа, Кремљ во вторникот објави дека поранешниот секретар на рускиот Совет за безбедност и поранешен шеф на ФСБ, Николај Патрушев, е назначен за советник на Владимир Путин и ќе биде задолжен за бродоградба.
Портпаролот на Кремљ, Дмитриј Песков, не ги објасни причините за трансферот на Патрушев, само рече дека неговото „огромно искуство“ ќе игра голема улога кога се занимава со бродоградилиштето. Што се однесува до Шојгу, тој рече дека разговорот за „деградација не е соодветен“ бидејќи генералниот секретар на Советот за безбедност е во „директен контакт со шефот на државата и има голема одговорност“.
Европа
(Видео) Русија ја пушти во употреба интерконтиненталната ракета Булава
Русија ја пушти во употреба интерконтиненталната балистичка ракета Булава, која се лансира од подморница, објавија државните медиуми, што е нов елемент во модернизацијата на нејзиниот нуклеарен арсенал.
Новинската агенција Тасс го цитираше главниот дизајнер на Булава, Јуриј Соломонов, кој рече дека одлуката е објавена со декрет од 7 мај, истиот ден кога претседателот Владимир Путин го започна новиот шестгодишен мандат во Кремљ.
Путин уште од почетокот на војната во Украина го предупредува Западот дека директната интервенција на силите на НАТО може да предизвика нуклеарен конфликт. Во март тој рече дека не верува оти Вашингтон „брза“ кон тоа, но нагласи и дека руските нуклеарни сили се технички подготвени.
Во ноември, Министерството за одбрана соопшти дека една од подморниците успешно ја тестирала Булава, пукајќи ја од подводна позиција во Белото Море и погодувајќи ја целта илјадници километри оддалечена на полуостровот Камчатка на исток.
Тасс соопшти дека руската Северна и Пацифичка флота сега вклучуваат седум подморници Бореј, од кои секоја има по 16 ракети Булава. Соломонов е главен конструктор на Московскиот институт за топлинско инженерство, а ги развил и руските интерконтинентални балистички ракети Топол-М и Јарс.
Според Вашингтонскиот центар за стратешки и меѓународни студии, Булава има досег од 8.300 километри.
Европа
(Видео) Три украински хеликоптери слетале во близина на фронтот, ги забележал дрон, за кратко време биле уништени
Украински воени хеликоптери по втор пат за два месеци слетале во близина на линијата на фронтот во источна Украина за да се снабдат со гориво и муниција, а од воздух биле забележани од руски дрон, пишува Форбс. Неколку моменти подоцна, руската артилерија со долг дострел – веројатно балистичка ракета Искандер – разнесе три хеликоптери во близина на Павлохрад, 112 километри западно од контактната линија околу населбата Бердичи.
Оваа загуба е катастрофална за малите воздухопловни сили на украинската армија, но и уште еден знак дека Украинците сè уште не можат лесно да одржат соодветна воздушна одбрана по целата линија на фронтот, која е подолга од 960 километри.
Yes, it happened again, this time worse if you want to say so.
Russian Forces hit and destroyed 2x Ukrainian Mi-24 Attack Helicopters standing at a Resupply and Refuel Point in an Open Field(along with a MI-8 in the back, unlikely it was affected) using a D-30SM UMPB bomb (IMO) pic.twitter.com/Do1o8kZTXw
— WarVehicleTracker (@WarVehicle) May 11, 2024
Два нападни хеликоптери Мил Ми-24 и еден Мил Ми-17 беа во мисија во саботата и слетаа на таканаречената „точка за оружје и полнење гориво“, односно ФАРП.
ФАРП е поле во близина на фронтот каде што хеликоптерите можат безбедно да слетаат за да можат помошните трупи брзо да надополнат гориво и муниција. Идејата е екипажот на хеликоптер многу брзо да подигне сè што им треба – идеално за само неколку минути – и повторно да полета пред непријателот да ја таргетира локацијата.
Украинците ги извршуваат овие операции секој ден, бидејќи нивните хеликоптери летаат ниско на мисиите долж линијата на фронтот, пренесувајќи опрема и ранети војници и гаѓајќи ракети без насоки кон руските сили.