Европа
Тела на околу 300 млади жени откриени во источна Украина
Во градот Красноармијск во источната украинска Донецка област, која е центар на бунтот на рускојазичното население, како исчезнати се водат речиси 400 жени на возраст меѓу 18 и 25 години, а последните денови биле откриени 286 женски тела, објави премиерот на самопрогласената ткн Народна република Донецк, Александр Захарченко.
Во градот Красноармијск во источната украинска Донецка област, која е центар на бунтот на рускојазичното население, како исчезнати се водат речиси 400 жени на возраст меѓу 18 и 25 години, а последните денови биле откриени 286 женски тела, објави премиерот на самопрогласената ткн Народна република Донецк, Александр Захарченко.
„Речиси 400 жени на возраст од 18 до 25 години исчезнаа во Красноармијск“, каде што беше распореден баталјонот ’Дњепар-1’. Во близината на Красноармијск се пронајдени 286 тела на силувани жени“, изјави Захарченко, кој инаку е етнички русофон Украинец, кого го цитира РИА Новости.
Красноармијск (Красноармејск, на руски), со околу 80 илјади жители од кои мнозинството се Украинци кои како мајчин јазик го наведуваат рускиот, има регионално значење во Донецката област како железнички јазол. Таму прозападните власти го распоредија баталјонот „Дњепар-1“ составен од доброволци до западните делови на земјата кои медиумите ги нарекуваат „платеници“, од самиот почетокот воената операција од април со којашто новите власти во Киев сакаат да ја преземат контролата врз југоисточните области кои ги контролираат проруските бунтовнички милиции,
Според Обединетите нации во овие судири досега загинале 3.700 луѓе, а околу 9.000 биле ранети. Од 5-ти септември, по контраофанзивата на бунтовниците кои ги потиснаа владините сили до брегот на Азовското Море, на сила е прекин на огнот постигнат во Минск, кој со спорадичните нарушувања за кои меѓусебно се обвинуваат двете страни, главно се почитува. Со истиот договор, на побунетите региони Донецк и Луганск со закон им е одреден „специјален статус“ во траење од три години./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Повредени двајца полицајци во Париз кога маж им го украл пиштолот и пукал во нив
Двајца полицајци се повредени во престрелка во полициската станица во Париз, кога на еден од нив му бил одземен пиштолот од маж кој претходно бил приведен поради напад со нож врз жена.
„Полицијата интервенираше и го донесе овде, во полициската станица, и тој потоа му го грабна пиштолот на полицаецот“, изјави началникот на полицијата Лорен Нунес.
Обвинителството соопшти дека еден од полицајците е во тешка состојба, пренесува „Монд“.
Полицијата возвратила, а напаѓачот се здобил со повреди во пределот на градниот кош, по што бил пренесен во болница.
Како што информираат од болницата, животот на напаѓачот не е во опасност.
Европа
Путин го избра премиерот
Рускиот претседател Владимир Путин предложи повторно именување на Михаил Мишустин за премиер во неговиот нов претседателски мандат, изјави утрово претседателот на Државната дума, долниот дом на рускиот парламент.
Откако Путин во вторникот положи заклетва за нов шестгодишен претседателски мандат, тамошната влада, според одредбите на рускиот Устав, поднесе оставка.
И додека во последните денови се шпекулираше дека може да има промени на некои важни и суштински позиции, а руските независни медиуми споменуваа евентуално заминување на Михаил Мишустин од премиерската позиција, Путин повторно го предложи за таа функција.
„Претседателот Владимир Владимирович Путин достави до Државната дума предлог за кандидатурата на Михаил Владимирович Мишустин за функцијата премиер. Денеска претставниците ќе донесат одговорна одлука за ова прашање во име на нивните гласачи“, изјави претседателот на Думата, Вјачеслав Володин на апликацијата Телеграм.
Ова е петти мандат на Путин на власт, а тој го номинираше Мишустин за премиер за прв пат во јануари 2020 година, кога Владата предводена од Дмитриј Медведев поднесе оставка по најавените важни уставни промени во политичкиот систем на земјата од страна на претседателот.
Мишустин, кој ќе зборува во Думата пред гласањето, мора да одговори како ќе реши низа задачи што Путин и ги постави на владата, вклучително и „зголемување на одбранбената способност на нашата земја“, рече Володин.
Европа
Продолжување на вонредната состојба и општа мобилизација во Украина
Претседателот на Украина, Володимир Зеленски денеска го потпиша законот за продолжување на вонредната состојба и општа мобилизација од 14 мај до 11 август.
Зеленски на 6 мај достави до парламентот предлог за продолжување на вонредната состојба и општа мобилизација за уште 90 дена, објави „Киев индепендент“.
Украинскиот парламент гласаше да го одобри продолжувањето два дена подоцна.
Тој претходно ја продолжи вонредната состојба и мобилизацијата од 14 февруари до 14 мај.
Зеленски првпат прогласи вонредна состојба и општа мобилизација на 24 февруари 2022 година, кога Русија започна напад врз Украина.
Оттогаш, мерката беше продолжена неколку пати.
Оваа мерка значи дека Украинците на возраст меѓу 18 и 60 години, со некои исклучоци, не можат да ја напуштат земјата бидејќи може да бидат повикани на воена служба.
Во април, парламентот усвои закон за ажурирање на правилата за мобилизација додека земјата се обидува да ги надополни редовите на своите вооружени сили.