Европа
Захарченко: Жените чии тела се најдени во Красноармијск се силувани и застрелани во тилот
Премиерот на самопрогласената ткн Народна Република Донецк, Александр Захарченко, откако претходно во петокот претпладнето објави дека од 400 жени на возраст меѓу 18 и 25 години кои се водат како исчезнати од градот Красноармијск во близина на најголемото упориште на проруските бунтовници во источна Украина, пронајдени се телата на 286 жени, попладнето дополни дека на нив се видливи траги на злосторства, а Киев соопшти дека нема информации за исчезнувања, додека претставници на Human Rights Watch (HRW) соопштија дека ќе ги проверат информациите.
Премиерот на самопрогласената ткн Народна Република Донецк, Александр Захарченко, откако претходно во петокот претпладнето објави дека од 400 жени на возраст меѓу 18 и 25 години кои се водат како исчезнати од градот Красноармијск во близина на најголемото упориште на проруските бунтовници во источна Украина, пронајдени се телата на 286 жени, попладнето дополни дека на нив се видливи траги на злосторства, а Киев соопшти дека нема информации за исчезнувања, додека претставници на Human Rights Watch (HRW) соопштија дека ќе ги проверат информациите.
Во градот Красноармијск во источната украинска Донецка област, која е центар на бунтот на рускојазичното население, како исчезнати се водат речиси 400 жени на возраст меѓу 18 и 25 години, а последните денови биле откриени 286 женски тела, објави Захарченко. Според него, во градот бил распореден баталјонот ’Дњепар-1’ на украинските сили лојални на прозападните власти во Киев.
„Што е баталјонот ’Дњепар-1’? 381 девојки на возраст од 18 до 25 години според ситуацијата од 14-ти октомври годинава се исчезнати. 286 тела на жени застрелани во тил, во глава, се најдени во насадите, во шумите крај Красноармијск со факти дека се силувани – тоа е баталјонот ’Дњепар-1…“, изјави Захарченко, откако од Киев беше негирано дека припадници на оваа единица биле распоредени во споменатиот град со околу 80 илјади жители од кои мнозинството се Украинци кои како мајчин јазик го наведуваат рускиот, а има регионално значење во Донецката област како железнички јазол.
Во Красноармијск (Красноармејск, на руски) според тврдењата на проруските бунтовници бил распореден баталјонот „Дњепар-1“ составен од доброволци од западните делови на Украина кои медиумите ги нарекуваат „платеници“, од самиот почетокот воената операција од април со којашто новите власти во Киев сакаат да ја преземат контролата врз југоисточните области кои ги контролираат проруските бунтовнички милиции.
Од своја страна, Советот за национална безбедност на Украина, по овие обвинувања соопшти дека не е запознаен за наводните исчезнувања и егзекуции на стотици жени во источна Украина.
„Нам ништо не ние познато за такви бројки. Човекот (Захарченко – з.р.) шири некои застрашувачки приказни“, изјави за медиумите портпаролот на Советот, Андриј Лисенко.
Од своја страна, пак, украинскиот министер за внатрешни работи Арсен Аваков ги демантираше овие обвинувања. „Ниеден факт не беше потврден, кога тие (бунтовниците) изминативе месеци тврдеа за пронаоѓање такви масовни гробници“, изјави во петокот во Киев Аваков, пренесуваат украинските медиуми.
Истовремено претставничката на меѓународната невладина организација за човекови права Human Rights Watch (HRW) во Москва, Татјана Локшина, за РИА Новости изјави дека ќе се обиде да ги испита споменатите наводи за време на престојот во источна Украина, вклучително и информации за откриените гробници со телата на жените.
„Планираме уште една посета. Тоа е едно од прашањата (за масовните гробници) за коишто сме заинтересирани и ќе се обидеме да дознаеме“ за веродостојноста на таквите тврдења, додала Локшина.
Таа потсетува дека активистите и експертите на организацијата работат во Украина повремено, со ротации а не постојано. „Во моментов таму нема наши луѓе… Следниот пат, се надевам, и самата ќе можам да отпатувам кон средината на ноември. Кога се појавуваат информации од овој вид, ние ги регистрираме и по можност се обидуваме да дознаеме за што се работи и да ги утврдиме фактите“, додала заменичката на директорот на HRW во московската канцеларија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) 19-годишна девојка во Украина се обидела да го продаде синот, барала 23.500 евра
Во украинскиот град Днипро, 19-годишна девојка се обидела да го продаде сопствениот двегодишен син, соопшти локалната полиција, пренесоа украинските медиуми.
Девојката наводно побарала еден милион гривни, што е околу 23.500 евра за своето дете. 19-годишната девојка наводно му го понудила детето на својот познаник и договорила средба со него. Во вторникот полицијата приведе маж додека носел пари на договорена локација.
Девојката наводно рекла дека не сака да се грижи за својот син, па решила да го продаде. Со парите што ги добила планирала да отвори сопствен бизнис.
Детето е земено во полиција и предадено на надлежните органи. Против неговата мајка е подигнато обвинение за трговија со луѓе.
Европа
Уапсени тројца мажи во истрагата за бруталното убиство на Хрват во Даблин
Уапсени се тројца мажи осомничени за убиството на 31-годишен Хрват, Јосип Штрок во Даблин минатиот месец, пишуваат ирските медиуми.
Тие се осомничени дека ги претепале Штрок, кој живеел и работел во Даблин, и неговиот пријател. Штрок почина од повредите на 3 април.
Неговиот пријател за хрватските медиуми изјавил дека биле во продавница и планирале да се дружат, кога група луѓе им кажала да почнат да зборуваат англиски.
„Немате почит кон нашата земја, ова е Ирска…“, изјави тој за Јутарњи. Тие влегле во автобусот и не забележале дека напаѓачите ги следат и биле нападнати одзади.
„Прво ме удрија со нешто, не знам дали беше шипка или палка. Ги прашав полицајците за деталите што ги виделе на видеото, а кои наводно ги имаат“, рече тој, додавајќи дека следното нешто се сеќава е кога се разбудил во болница.
Европа
Шпанскиот државен обвинител бара прекин на истрагата против сопругата на Санчез
Шпанскиот државен обвинител, назначен од кралот по препорака на владата, денеска побара од судот во Мадрид да ја затвори истрагата за корупција против сопругата на премиерот Педро Санчез бидејќи „нема индиции за кривично дело“.
Судијата во Мадрид вчера пријавил дека отворил прелиминарна истрага за 59-годишната Бегоња Гомез. Сопругата на премиерот беше пријавена кај судијата од синдикатот Манос Лимпиос (Чисти раце) врз основа на медиумските извештаи дека давала препораки со нејзин потпис на претприемачи кои се пријавиле на јавни тендери. На овој начин, било наведено во пријавата, таа ја искористила својата позиција и влијание за да можат блиските луѓе да добијат јавни пари и работа.
Организацијата Манос Лимпијас претходно изјави дека својата тужба ја заснова на медиумски извештаи и дека не може да гарантира за нивната вистинитост, а шефот на организацијата, Мигел Бернад, рече дека извештаите биле проследени до судијата од „граѓанска должност“ и негираше дека акцијата била политички мотивирани.
Во 1980-тите, Бернад се натпреваруваше на два европски избори како кандидат на екстремно десничарскиот Национален фронт во 1980-тите.
Манос Лимпијас одлучи да побара од судот да отвори истрага за бизнисот на Гомез откако обвинителите не постапија самоиницијативно, а истражниот судија ќе одлучи дали медиумските извештаи се точни или не, рече тој.
Консултантската компанија на претприемачот Карлос Барабес, според пријавата, добила 10 милиони евра од јавно претпријатие во надлежност на Министерството за економија. Тој претприемач подоцна основал постдипломски курс кој го водела Гомез на Универзитетот Комплутенсе во Мадрид.
Во извештајот се споменува поврзаноста на сопругата на премиерот со туристичката компанија Globalia, која беше спонзор на едукативниот центар „Africa Centre del Instituto de Empresa“ управуван од Гомез. Шпанската влада со 600 милиони евра народни пари ја спаси „Air Europa“, во сопственост на Globalia.
Државното правобранителство испрати жалба до судот во Мадрид, во која се наведува дека нема „индиции дека сторила кривично дело“, објави радиото Ла Секста.